Jɑ̂ŋ 16:20 - Kɑɑ Fí

²⁰ Lɑ́ ɛ sẅíi wʉ́ʉ, kwɑꞋ nɛ́nẅín, pʉʉ ɡʉ ŋ́ɡɛ ńdɑɑ, ńtswɑ́ɑ mbʉʉ yʉʉ, pʉɔ-ndǔmbí pɔ́ ńtsɑ́ɑtɛ yɔ́p tsɑ́ɑtɛ́nɛ. Pʉʉ nɑ́ŋ tsɛt nɛmʉk; lɑ́ nɛmʉk wʉʉ ɛ̂wɑ́ ɡɛ ɛ́shɔtnɛ ńtsʉ́Ꞌ pɔ tsɑ́ɑtɛ.»

Jɑ̂ŋ 16:20 Referans Kwoze

Jɑ̂k 1:2

Pɔ́ɔpɛ́mɑ́ pɑ́ɑ, ŋɡʉ̈ɔ́Ꞌ mɛntɛ́ mɛntɛ́ lɑɑ ḿbɔ́ ŋ́kúu wʉ́ʉ, pʉʉ lɔk pɔ kwɑꞋ tsɑ́ɑtɛ ńcẅɛ́ɛ.

Mɑtʉ̈ɔ 5:4

Pɛpɔ́ttú pʉɔ pinɛ pɔ́p sɛ́ ŋ́kíi, mbíꞋŋɡɔ Sɛ́ ɡʉ ŋ́ɡɛ ńjíi ŋki-mík mɔ́p

2 Kɔlɛ̂ŋtɛ 6:10

Pɛ́ kwɑŋɛ ŋɡɔ pɛk sɛ́ ḿmʉk yɛcɔ́ nu, lɑ́ pɛk ńnɑ́ŋ ŋkɑ́ tsʉʉ pɔ nɛ́ tsɑ́ɑtɛ. Pɛ́ sɛ́ ńdɔk wɛ́k ɛ́fúŋ pɛpúŋ, lɑ́ pɛk pɔ́ ńdɔk pʉɔ tɛ ńzɑ́ɑ ŋ́ɡɛ ɡɑŋyúu. Pɛ́ sɛ́ ńdíŋɛ wɛ́k pɑ́Ꞌ ŋkɑ́ yi yúu yɛ́k kɑ́ pɔ́ ɡú pɔ́ lɑ́, lɑ́ pɛk kɛ́ ŋ́ɡẅɛɛ yúu tsʉʉ.

Mɑ́lɛ́kúshi 16:10

A ɡɔ́ɔ ŋ́kɛ́ ŋ́ɡʉ ḿbɛ́ɛtɛ ɛ́sẅíi ɡɑŋku-Yɛ́su. Pɔ́p ḿbɔ́ tsɛt nɛmʉk, ḿbɔ́ ŋ́kíi.

Jẅidɛ 1:24

Gúꞌlɛ pɔ́ mbɔ̌ ŋu ẅí ɑ kuꞋ nɛtʉ̈ɔ́Ꞌlɛ wʉ́ʉ tɛ pʉʉ pɔɔ vu, jʉ́ ẅi ɑ kuꞋ nɛɡɛ pʉʉ cẅɛt ńtʉ́ʉ nǔu zʉꞋ-nɛɡúꞋ yi kwɑꞋ jʉ́ ɑ zúꞋu tɛ lɔ́Ꞌ pɔɔ nǔu pʉʉ pɔ́, ḿbɔ́ ńtsɑ́ɑtɛ tsɑ́ɑtɛ́nɛ,

Lúkɑ́shi 24:21

Lɑ́ mbɔ pɛk m̄bɔ́ ŋ́kwɑŋɛ ŋɡɔ jʉ́ ɡɛnɛ ńdɑ́Ꞌ ńzɑ́Ꞌ ŋkʉ-ŋɡʉ̈ɔ́Ꞌ, lɔ́ŋ-Islɑɛ̂l. Mɔ mɛnu ɡɛ, ɛ́ ŋkɔ̂ɔnɛ ḿbɔ́ lɛ́Ꞌlɑ́Ꞌ yɛ́tɑ́t.

Ŋɡɑlɑ̂t 5:22

Lɑ́, mɛnu sʉ́Ꞌnɛ mi Zẅikŋɛ Lɛ́ɛnɛ́nɛ ɡɛnɛ ŋu ɡɛ ɛ́ mɔnɛ: Ḿbɔ́ nɛɡẅɛɛ ŋkɔŋɛ, ḿbɔ́ nɛnɑ́ŋ nɛ́ tsɑ́ɑtɛ, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛɡẅɛɛ kɔkmbʉʉ, ḿbɔ́ nɛtʉ́ʉ nɛcẅɛ́lɛ pʉɔ, ḿbɔ́ nɛɡẅɛɛ pɔŋtʉ́m, ḿbɔ́ nɛnɑ́ŋ kɛ́ pɔ́ ŋɡɑŋ mɛfúklɛ,

Pʉɔ-Lɔ́mɑ 5:11

Pɛkŋɛ kɛ́ ḿbɔɔ ńdɔk pɔ ndɑꞋ yîyɑ́ nu tsɑ́ɑtɛ pɔ́, pɛkŋɛ pɛn ńtsɑ́ɑtɛ ntɛ́ pɑ́Ꞌ Sɛ́ lɛɛnɛ nǔu nu-Tsɑpʉɔ wɛkŋɛ Yɛ́su Kɛlístɔ ŋ́ɡɛ mbuu yi ɛ́ kɑ pɔ́nɛ tsɛtsɛt pɛkŋɛ pɛ Sɛ́ mɛ.

Lúkɑ́shi 24:17

Yɛ́su píkŋɛ wɔ́p ŋɡɔ: «Pʉʉ nɛn ńzɔŋ pɔ kʉ̈ɔ́ pɛꞋnɛ?» Pɔ́p zúꞋ ńtʉ́ʉ, ḿmɑꞋ mɛjʉ́ŋ, ɛ́sɑ́ŋɛ tú.

Lúkɑ́shi 23:27

Lɑ́Ꞌ ḿbɔ́ nzʉʉ tɛ ńzɑ́ɑ, pɑŋɡɛ́ pɔ́ tsɛtsɛt pɔ́p ŋ́kíi ńtʉŋ ŋɡʉ̈ɔ́Ꞌ-Yɛ́su.

Mɛnu ɛ́ ńdɑ́Ꞌ ńcẅɛt 18:7

Ɛ́ lɑɑ ḿbɔ́ yi ɑ kɑ ɡúꞋ ŋɡɔ́ku lɑ́, ḿbɔ́ tsɛt yúu-mɛsuu ŋɡɔ́ku lɑ́, pʉʉ ɡɑ́ yɛ́ ŋɡʉ̈ɔ́Ꞌ pɔ ndɛnnú, ḿbɛn ŋ́ɡɛ ɑ lɑɑ nɛvú pɔ ndɛnnú. MbíꞋŋɡɔ ɑ kɑ pɔ́ ńcú tsɛt tʉ́m yɛ́ ŋɡɔ: A nɑ́ŋ ndǔ kɔꞋ-pɛmɑ́ɑ, ŋɡɔ ɑ kɑ́ pɔ́ mpfúk pɔ́, ŋɡɔ ɑ kɛ́ lɑ́Ꞌ yɛcɔ́ lɛ́Ꞌ lɑ ńdɑɑ nɛvú pɔ́,

Mɛnu ɛ́ ńdɑ́Ꞌ ńcẅɛt 11:10

Pʉɔ-ndǔ tsɛ́tsɑ́Ꞌ ɡʉ ŋ́ɡɛ ńtsɑ́ɑtɛ mbíꞋ pɑ́Ꞌ pʉɔ pɔnɛ pɛ́pɑ́ pfúnɛ. Nu pɔŋ wɔ́p. Ŋu túu nɛpúꞋ ŋ́ɡɑ́ mbɔ̌ súu nɛ, ɑ pɛn ŋ́ɡɑ́ nɛ́. Pɔ́pmɛ́ lɔk pɔ́Ꞌɔ, ńtsɑ́ɑtɛ. MbíꞋŋɡɔ pɑcẅiŋkʉʉ ɛ̂pɑ́ pɛ́pɑ́ kɑ ɡɑ́ pʉɔ nɛ́ ŋɡʉ̈ɔ́Ꞌ ndǔ tsɛ́tsɑ́Ꞌ tɛꞋ.

ŊwɑꞋnɛ-Gɑŋntúu Yɛ́su Kɛlístɔ 5:41

Pɔ́p ɡɔ́ ɛ́fú tsɛt cúꞋlɛ-pɑsɑ́Ꞌ lɑ́Ꞌ ńcẅɛt, ńnɛn ńtsɑ́ɑtɛ tsɑ́ɑtɛ́nɛ. MbíꞋŋɡɔ Sɛ́ jʉ́ɔ ŋɡɔ pɔ́p kuꞋ nɛjʉ́ɔ ŋɡʉ̈ɔ́Ꞌ ntɛ́ nu-lík-Yɛ́su.

Jɑ̂ŋ 16:33

N zɑ́Ꞌ njí ɛ́sẅíi wʉ́ʉ nɛ́ mɔnɛ mɛnu ɛ́ lɛɛ pɔ́Ꞌɔ, mbɔ́tnɛ pɔ́ tʉ́m pʉʉ. Pʉʉ ɡʉ ŋ́ɡɛ ńjʉ́ɔ ŋɡʉ̈ɔ́Ꞌ ndǔmbí, lɑ́ kɔɔ pʉʉ cʉɔꞌ. Ŋ kɑ tsɑ píimbí.

Jɑ̂ŋ 16:6

Pʉʉ kɛ́ ḿbɔ́ ḿmʉk mʉknɛ, mbíꞋŋɡɔ ɛ sẅíi wʉ́ʉ ŋɡɔ ŋ ɡʉ ŋ́ɡʉ.

Lúkɑ́shi 22:62

Pyɛ̂ fú tɛtɑ́ɑ ńcẅɛt, ḿbuu ŋ́kíi tɛꞋ.

Lúkɑ́shi 22:45

ŃcɛꞋlɛ Sɛ́ tɛ ḿbɔ́tnɛ ńnɑ́ŋ, ḿbʉꞋ mbʉʉ yɛ, ḿbɛn nɛ nɛjɔ́ŋ ɡɑŋku pɛ́, ŋ́ɡɔ ńtɔ́, mbɔ pɔ́p mʉk mɔ́ tɛ ŋ́kɑ́ɑ ńdɛ́tɛ.

Lúkɑ́shi 6:21

Pʉʉ pɛpɔ́ttú pʉʉ pi pʉʉ sɛ́ ḿpfú nji ŋkɔ̂ɔnɛ, mbíꞋŋɡɔ pʉʉ ŋ́ɡɛ ńzwɛ́t. Pʉʉ pɛpɔ́ttú pʉʉ pi pʉʉ ŋkɔ̂ɔnɛ ḿbɔ́ ŋ́kíi, mbíꞋŋɡɔ pʉʉ ŋ́ɡɛ ŋ́ɡwɛ.

Mɑ́lɛ́kúshi 14:72

Lɑ́ mɔ̂ŋkʉ̈ɔ́Ꞌ ɡɔ́ɔ ḿbɛn ńtɔ́ŋ, ɛ́ lɔk ḿbɔ́ ŋkɑ́ yɛ́pɑ́. Pyɛ̂ ɡɔ́ɔ ŋ́kẅíitɛ pɑꞋ Yɛ́su lɑ́Ꞌnɛ ńcú mbɔ̌ wɛ́ ŋɡɔ: «Mɔ̂ŋkʉ̈ɔ́Ꞌ ɡʉ ŋ́ɡɛ ŋ́ɡɔ ɑ tɔ́ŋ tɔ́ŋnɛ ŋkɑ́ yɛ́pɑ́, mbɔ ɔ muŋɛ wɑ́ɑ ŋkɑ́ yɛ́tɑ́t.» Pyɛ̂ ɡɔ́ɔ ɛ́fú tɛtɑ́ɑ ńcẅɛt, ńdɑɑ.

1 Tɛsɑlɔník 1:6

Pʉʉ kɑ pɛ́ɛ fʉꞋ nǔu pɛk, mbɑ nǔu Tsɑpʉɔ. Pɛ́ zɛɛ ḿbɔ́ ńnyɛt wʉ́ʉ nɛ́ ŋɡʉ̈ɔ́Ꞌ tɛꞋ lɑ́, pʉʉ lɔk tsɑ́ɑtɛ yí ɛ́ fúnɛ mbɔ̌ Zẅikŋɛ Lɛ́ɛnɛ́nɛ, ḿbɛ́m sẅiŋɛ-tsɑpʉɔ.

Jɑ̂ŋ 20:20

A cú pɔ́Ꞌɔ, ńnyɛt wɔ́p nɛ mbɔ́ mɛ́, mbɑ ɡúŋ mbʉʉ yɛ́. Gɑŋku pɛ́ jʉ́ɔ wɛ́, ńtsɑ́ɑtɛ tɛꞋ pɑ́Ꞌ pɔ́p jʉ́ɔnɛ Tsɑpʉɔ.

Mɑtʉ̈ɔ 21:38

Lɑ́ pʉɔ pɑ́ jʉ́ɔ mɔ́ɔ-ndʉ́m wɑ́, ńcú tsɛtsɛt pɔ́p ŋɡɔ: «Njʉ́ndɑ́ wɛ pʉɔlɑ́ ɑ tɔ́nɛ lɑɑ. Pʉʉ tɔ́ pɛkŋɛ jẅí wɛ́ ńjʉ́ ŋkɑ́Ꞌ,»