Jɑ̂ŋ 16:10 - Kɑɑ Fí

¹⁰ Pʉɔ-ndǔmbi jʉ́ɔ ŋɡɔ pɔ́p sɛ́ ɛ́fɑɑnɛ nǔu nu ndʉ́ŋndʉŋ, mbíꞋŋɡɔ mɔ sɛ́ ḿbɛn nɛ́ nɛjɔ́ŋ Tɑ̌ɑ mɔ, pʉʉ pɔɔ pɛn ńjʉ́ɔ wɑ́ɑ pɔ́.

Jɑ̂ŋ 16:10 Referans Kwoze

1 Pyɛ̂ 3:18

Kɛlístɔ kɑ zɛɛ ńjʉ́ɔ yɛ́ ŋɡʉ̈ɔ́Ꞌ tɛ ḿpfú nɛlɔk ńjɛ́p mɛnu kɛpɔŋ-pʉɔmɛsɔŋ, ŋ́kɛ́ ḿpfú ndɑꞋ tɑ́Ꞌ ŋkɑ́, ɛ́ kuꞋ. Jʉ́ kɛ́ fɑɑnɛ ḿpfú ntɛ́ ɡɑŋ-mɛfɑɑnɛ, pɔ́Ꞌɔ, nɛlɔk wʉ́ʉ ńtɔ́ mbi Sɛ́. Pɛ́ kɑ jẅí mbɑp-mbʉʉ yɛ, lɑ Zẅikŋɛ Lɛ́ɛnɛ́nɛ ɡɛ ɑ pɛn ḿbɔ́ ɡú.

2 Kɔlɛ̂ŋtɛ 5:21

Pɑ́Ꞌ ndɔɔ kɑ pɔ́ tú pɛkŋɛ lɑ́, Sɛ́ kɑ tíi mɛnu kɛpɔŋ mɛkŋɛ, ńzɑ́p tú-Kɛlístɔ, mbɔ ɑ ŋkɑɑ yɛcɔ́ nu kɛpɔŋ ɡẅɛɛ. A kɑ ɡɛ pɔ́Ꞌɔ, pɑ́Ꞌ pɛkŋɛ ɡʉ ńdɔk nɛlɑt mbʉʉ nǔu Kɛlístɔ, ḿbɔ́ pʉɔ pi pɔ́p mbɔ̌ Sɛ́ ḿbɔ́ ndʉ́ŋndʉŋ.

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

1 Kɔlɛ̂ŋtɛ 1:30

Jʉ́ Sɛ́ kɑ lɔk wɛ́ ŋ́ɡɛ yɛkŋɛ jínu. Sɛ́ fú nǔu wɛ́ ńjʉ́ɔ wɛkŋɛ pɑ́Ꞌ pɑkɛfɑɑnɛ, ńdɔk wɛkŋɛ ŋ́ɡɛ pʉɔ pɛ́, ńzɑ́Ꞌ ŋkʉ-puꞋ-nu kɛpɔŋ nǔu pɛkŋɛ.

ŊwɑꞋnɛ-Gɑŋntúu Yɛ́su Kɛlístɔ 3:14

Pʉʉ kɑ muŋɛ ŋu ẅí Sɛ́ kɑ tsɔ́Ꞌnɛ, ɑ pɔ́ ndɑꞋ ŋu ẅí ɑ ndʉ́ŋndʉŋ, ḿbɛn ḿbúꞋ mbɔ́ mbɔ̌ pilɑ́tu ŋɡɔ ɑ nɑ́ njẅíŋu mbɔ̌ pʉʉ.

Ŋɡɑlɑ̂t 5:5

Ɛ́ ɡʉ nǔu pɛk pi pɛk zɑ́pnɛ tʉ́m nǔu Kɛlístɔ, pɛk sɛ́ ńzúꞋ nu pɔ mbɔ̌ Zẅikŋɛ Lɛ́ɛnɛ́nɛ, ɛ́ sɛ́ ŋ́ɡɛ pɛk pɔ́ ńzẅíꞋlɛ ŋɡɔ Sɛ́ ŋ́ɡɛ ŋ́ɡɛ pɛk pɔ́ pʉɔ pi pɔ́p mbi yɛ́ ḿbɔ́ ndʉ́ŋndʉŋ.

Pʉɔ-Lɔ́mɑ 1:17

Ɛ́ zɛɛ ŋ́ɡɔ ḿbɔ́, Ŋkʉʉ Sʉ́Ꞌnɛ pɔ́ ŋ́ɡɛ pɛ́ jí pɑ́Ꞌ ɛ́ lɛɛnɛ pɔ́Ꞌɔ, lɑ Sɛ́ lɔk pʉɔmɛsɔŋ ɛ́fúŋ pʉɔ pi pɔ́p ndʉ́ŋndʉŋ mbi yɛ́. Ɛ́ lɛɛ pɔ ndɑꞋ nǔu pɑ́Ꞌ pɔ́p zɑ́pnɛ tʉ́m nǔu wɛ́. Wɛcɔ́ ndúŋ ndɛꞋ kɑ pɔ́ ɡú pɔ́. Ɛ́ yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-Sɛ́ ŋɡɔ: «Ŋu ẅí ɑ mbi Sɛ́ ḿbɔ́ ndʉ́ŋndʉŋ mbíꞋŋɡɔ ɑ zɑ́p tʉ́m nǔu wɛ́ ɡʉ ndɑ́Ꞌ ḿbɔ́ ɡú.»

ŊwɑꞋnɛ-Gɑŋntúu Yɛ́su Kɛlístɔ 17:31

Ɛ́ zɛɛ ŋ́ɡɔ ḿbɔ́ pɔ́Ꞌɔ, mbɔ Sɛ́ zɑ́p lɛ́Ꞌ yi ɑ ɡʉ ńdɑ́Ꞌ ńdɔk ŋu ẅí ɑ kɑ tsɔ́Ꞌnɛ wɛ́, ŋ́ŋɑk mbí, ŋ́kɛ́ ŋ́ŋɑk pɔ nǔu ntɛ́ yi ɛ́ ndʉ́ŋndʉŋ. A kɑ zẅíimɛ ŋɡɑŋ nǔu nɛvú nɛlɔk ńnyɛt mbɔ̌ pʉɔtsʉʉ ŋɡɔ ɑ ɡʉ ńdɑ́Ꞌ ŋ́ɡɛ pɔ́Ꞌɔ.»

ŊwɑꞋnɛ-Gɑŋntúu Yɛ́su Kɛlístɔ 7:52

Sẅíinɛ wɑ́ɑ nɛ lík-Ŋɡɛ́mndʉ̈ɔ́Ꞌ-Sɛ́ ẅi pɛtɑ̌ɑ ŋkɑɑ wɛ́ kʉʉnɛ. Pɔ́p kɑ jẅítɛ pʉɔ pi pɔ́p kɑ zɑ́Ꞌnɛ njí ḿbɔ́ ḿbʉ́ ŋɡɔ ŋu ẅí ɑ ndʉ́ŋndʉŋ zɛ́nɛjʉ́ ɡʉnɛ ŋ́ɡɛ ńtɔ́. Ŋu ndʉ́ŋndʉŋ ɛ̂wɑ́ ɑ Yɛ́su, ɑ kɑ kɛ́ mɔ́ ńtɔ́, pʉʉ wɔ jẅí wɛ́.

ŊwɑꞋnɛ-Gɑŋntúu Yɛ́su Kɛlístɔ 2:32

Nzɑ́Ꞌŋkʉ ɑ Yɛ́su. Sɛ́ kɑ zẅíimɛ wɛ́ nǔu nɛvú, pɛk wɔ pɛtsʉʉ sɛ́ ɛ́sẅíi yɔ nu, ɛ́ pɔ́ nu yí pɛk kɑ jʉ́ɔnɛ.

Jɑ̂ŋ 5:32

Ŋu ndɛꞋ cúnɛ nu yí ɑ jínɛ nǔu mɔ, m bɛn ḿbɔ́ ńjí ŋɡɔ nu yí ɑ cúnɛ nǔu mɔ ɛ́ nɛ́nẅín.

Jɑ̂ŋ 3:14

Ndʉ́ŋndʉŋ pɑ́Ꞌ Mɔ̌sɛ̂ɛ kɑ kútnɛ nɔ́ nǔu tɑ́Ꞌ tʉ́, ŋ́kɑꞋ ŋ́ɡɑ́ tʉ́, kɔ̂ŋtɛt lɑ́, ɛ́ sɛ́ ḿbíkŋɛ ŋɡɔ pɛ́ ɡɛ ŋ́kɑꞋ Mɔ́ɔ-Ŋu pɔ pɔ́Ꞌɔ.

Jɑ̂ŋ 7:33

Ɛ́ ɡɔ́ ḿbɔ́ Yɛ́su pɔ́ ńcú mbɔ̌ lɑ́Ꞌ ŋɡɔ ŋ ɡʉ ḿbɛn ńnɑ́Ꞌ ńnɑ́ŋ, lɑ ŋ ɡʉ ńtsɛ́t Tɑ̌ɑ ẅí ɑ kɑ túunɛ wɑ́ɑ.

Jɑ̂ŋ 16:5

Mɔ ŋkɔ̂ɔnɛ pɑ́Ꞌnɛ, ŋ́ɡʉ nɛ́ nɛjɔ́ŋ Tɑ̌ɑ ẅí ɑ kɑ túunɛ wɑ́ɑ. Mɔ sɛ́ ŋ́ɡʉ, wɛcɔ́ ŋu wʉʉ kɛ́ mbɔɔ píkŋɛ wɑ́ɑ ŋɡɔ: «Ɔ ɡʉ pɔ nɛ́ ɡɔ́ pɔ́ pɔ́ ɔɔ?»

Jɑ̂ŋ 16:28

Ŋ kɑ fú mbɔ̌ Tɑ̌ɑ mɔ, ńtɔ́ ndǔmbí, m bɛn ḿbɔ́ ŋkɔ̂ɔnɛ ḿbɔ́ ɛ́fú ndǔmbí ŋ́ɡʉ nɛtsɛ́t wɛ́.