Jɑ̂ŋ 15:20 - Kɑɑ Fí

²⁰ Pʉʉ kẅíitɛ nu yí ŋ kɑ cúnɛ mbɔ̌ pʉʉ ŋɡɔ: «mɔ́ɔ-fɑꞋ kɑ́ ɡúꞋ ńdɛɛ tɑ́fɑꞋ wɛ pɔ́, ɛ́ lɑɑ ḿbɔ́ yi pɔ́p kɑ pɑɑ wɑ́ɑ, mbɔ pɔ́p ɡʉ ḿbɛn ḿbɑɑ wʉ́ʉ ɡúu pɔ pɔ́Ꞌɔ, ḿbɔ́ yi pɔ́p kɑ ɡẅɛɛ sẅiŋɛ yɑ́ɑ, mbɔ pɔ́p ɡʉ ḿbɛn ŋ́ɡẅɛɛ yʉ́ʉ pɔ pɔ́Ꞌɔ.»

Jɑ̂ŋ 15:20 Referans Kwoze

2 Timɔtɛ́ɛ 3:12

ḿbɔ́ ŋu zɛɛ ḿbɔɔ lɑt mbʉʉ yɛ nǔu Yɛ́su Kɛlístɔ, ḿbɔ́ ŋ́kɔŋ nɛnɑ́ŋ pɑ́Ꞌ Sɛ́ kɔŋnɛ, pɛ́ nɑ́ kɛ́ tsɔ́Ꞌ ku yɛ́ kɛpɔŋ pɔ́.

Jɑ̂ŋ 13:16

Lɑ́ ɛ sẅíi wʉ́ʉ, kwɑꞋ nɛ́nẅín, nzíꞋfɑꞋ kɑ́ ɡúꞋ ńdɛɛ tɑ́fɑꞋ wɛ pɔ́, ŋɡɑŋntúu kɛ́ mbɔɔ ɡúꞋ ńdɛɛ ŋu ẅí ɑ lɑ́Ꞌnɛ ńtúu wɛ́ pɔ́.

Mɑtʉ̈ɔ 10:24

NzíꞋyúu kɑ́ tsɑ cícɑ wɛ pɔ́, ŋkwɑɑ pɛn ŋ́kɛ́ mbɔɔ tɑ́t wɛ tsɑ.

2 Kɔlɛ̂ŋtɛ 4:9

Pɛ́ kʉʉnɛ wɛ́k Sɛ́ kɛ́ mbɔɔ wɛ́k mɛꞋ. Ɛ́ ɡʉ yɛcɔ́ ŋkɑ́ yi pɛ́ tɛ́mnɛ wɛ́k sɛ́ lɑ́, pɛk kɛ́ mbɔɔ pfú.

1 Kɔlɛ̂ŋtɛ 4:12

KwɑꞋ pɛk lɔk mbɔ́ mɛ́k ɛ́fɑꞋ fɑꞋ tɛ ńziꞋnɛ lɑ ŋ́ɡẅɛɛ yɛ́k yúu. Pɛ́ zɔɔtɛ wɛ́k lɑ́ pɛk tsɑ́ɑ pɔ nu sʉ́Ꞌnɛ nǔu pʉɔ. Pɛ́ kʉʉnɛ wɛ́k pɛk pɔɔ zɔŋ.

Jɑ̂ŋ 8:51

Tsʉ́Ꞌnɛ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńnɛn nǔu sẅiŋɛ yí n cúnɛ, mbɔ ŋɡɑŋ kɛ́ lɑ́Ꞌ ḿpfú pɔ́.»

Lúkɑ́shi 6:40

Ḿbɛn ŋ́ɡɔ: NzíꞋfɑꞋ kɑ́ tsɑ tɑ̌ɑfɑꞋwɛ pɔ́. Lɑ́, nzíꞋfɑꞋ ẅí ɑ zíꞋ fɑꞋ tɛ ḿmɛk, ɡɛ yɛ́ pɑ́Ꞌ tɑ̌ɑfɑꞋ wɛ lɑ́.

1 Tɛsɑlɔník 2:15

Pɑyúdɑ ɛ̂pɑ́ kɑ jẅí pɑcẅiŋkʉʉ-Sɛ́ pɛ́ ŋkɑ́mbi, pɔ́p kɑ pɛn ńjẅí Tsɑpʉɔ Yɛ́su. Pɔ́p pɛn ḿbɔ́ ŋ́kʉ́ʉnɛ wɛ́k. Pɔ́p kɑ́ pɔ́ ŋ́ɡɛ yúu mi ɛ́ pɔŋnɛ Sɛ́ pɔ́, pɔ́p pɑɑ pʉɔ tsʉʉ.

Jɑ̂ŋ 10:31

Pɑyúdɑ pɛn ńdɑk mɛŋɡɔꞋ, nɛlɔk ńtɛ́mtɛ Yɛ́su ńjẅí.

Jɑ̂ŋ 11:57

Ɛ́ kɑ ɡɔ́ ḿbɔ́, mbɔ pɛtɑ́tndɑ́-pɑnɔŋpɔꞋ, pɔ́p pɑfɑlísɑy kɑ cú ŋɡɔ, ŋu lɑɑ ḿbɔ́ ńjí zʉꞋ yí Yɛ́su zúꞋu, ɑ kíɛꞋ, pɛ́ ɡʉ ŋ́ɡẅɛɛ wɛ́.

Jɑ̂ŋ 8:59

Pɔ́p zúꞋ pɔ́Ꞌɔ, ńdɑk mɛŋɡɔꞋ nɛlɔk ńtɛ́mtɛ Yɛ́su ńjẅí. A sɔ́ ḿbɛ́, ɛ́sɔ́ ɛ́fú tsɛt ndɑ́-nɔŋpɔꞋ ńcẅɛt.

Jɑ̂ŋ 7:32

Pɑfɑlísɑy zúꞋ pɑ́Ꞌ lɑ́Ꞌ sɛ́ ɛ́sɔ́klɛ ntsu sɛ́ ŋ́kẅíi lík-Yɛ́su, pɔ́p ɡʉ ńjʉ́ɔ pɛtɑ́tndɑ́-pɑnɔŋpɔꞋ pɔ́p pɛpɔ́p túu pɑpyɛ́p ndɑ́-nɔŋpɔꞋ ŋɡɔ pɔ́p ɡʉ ŋ́ɡẅɛɛ Yɛ́su.

Jɑ̂ŋ 5:16

Pɔ́p zúꞋ pɔ́Ꞌɔ, ńzɛ nɛpɑɑ Yɛ́su, mbíꞋŋɡɔ ɑ lɑ́Ꞌ ŋ́ɡɛ yɔ nu, lɛ́Ꞌnji yɔ́p.

Lúkɑ́shi 2:34

Símɔ̂ŋ níꞋ mbɔ́tnɛ nǔu pɔ́p ḿbɛn ńcú mbɔ̌ Mɑlíyɑ ŋɡɔ: «Mɔ́ɔ nu wɔ pɑ́Ꞌɑ ḿbɔ́ ẅi Sɛ́ ɡʉ ńdɛɛ nzʉʉ yɛ ŋ́ɡɛ sʉ́ʉ kɔ́ pʉɔ tɛ ńzɑ́ɑ Íslɑɛ̂l wɔ, ḿbɛn ŋ́ɡɛ pɛ́ ɡɑ́ mɛkuꞋ nɛlʉ́m-pʉɔ, mbíꞋŋɡɔ ɑ ŋu ẅi Sɛ́ lɔk pɔ wɛ́ ńnyɛt yúu mi ɛ́ ɡɛnɛ, lɑ pʉɔmɛsɔŋ kɛ́ ŋ́ɡwɑ́k wɛ́ ɡwɑ́knɛ.

Jɑ̂ŋ 8:52

Pɑyúdɑ cú mbɔ̌ Yɛ́su ŋɡɔ: Ɛ́ nǔu ŋkɔ̂ɔnɛ, mbɔ pɛk jí ŋɡɔ zẅikŋɛ kɛpɔŋ nǔu ɡu. Ábɛlɛhɑ̂m kɑ pfú, pɛŋɡɛ́mndʉ̈ɔ́Ꞌ-Sɛ́ pɛn ḿpfú yɔ́p, ɔ pɛn ḿbɔ́ ńcú ŋɡɔ: Ŋu lɑɑ ńnɛn nǔu sẅiŋɛ yú, mbɔ ɑ kɛ́ lɑ́Ꞌ ḿpfú pɔ́.

ŊwɑꞋnɛ-Gɑŋntúu Yɛ́su Kɛlístɔ 14:22

ńnɛn ńtɔ́ɔtɛ tʉ́m-pʉɔ-Kɛlístɔ ŋɡɔ kɔɔ pɔ́p kɑ́ɑ nǔu nɛzɑ́p tʉ́m nǔu Yɛ́su, ḿbɔ́ ńcú mbɔ̌ pɔ́p ŋɡɔ: «Ɛ́ sɛ́ ḿbíkŋɛ ŋɡɔ pɛkŋɛ lɛɛ tsɛt ŋɡʉ̈ɔ́Ꞌ tɛ ńzɑ́ɑ lɑ ńjʉ́ pii-nɛfɔɔ-Sɛ́.»

Mɑ́lɛ́kúshi 10:39

Pɔ́p pʉ̈ɔt ŋɡɔ: «Pɛk kuꞋ.» Yɛ́su cú mbɔ̌ pɔ́p ŋɡɔ: «Ɛ́ nɛ́nẅín ŋɡɔ pʉʉ ɡʉ ńnɔ́ ntúꞋ yi ŋ ɡʉnɛ nɛnɔ́, pɛ́ ɡʉ ḿbɛn nuꞋ wʉ́ʉ ɡúu tsɛt ŋɡʉ̈ɔ́Ꞌ yi ŋ ɡʉnɛ nɛjʉ́ɔ.