Jɑ̂ŋ 15:2 - Kɑɑ Fí

² «A njʉ́ɔ pɔ́tʉ́ ẅi ɛ́ lɑtnɛ́nɛ nǔu mɔ ḿbɔɔ ńzɛ́m ntɑ́ɑ pɔ́, ŋ́kʉ́ɔꞋ, ńtɔ́ nǔu yi ɛ́ sɛ́ ńzɛ́m mɛntɑ́ɑ, ńniitɛ ŋ́kwɑk yîyɑ́, ɛ́ tsuŋ ńzɛ́m mɛntɑ́ɑ sʉ́Ꞌnɛ.»

Jɑ̂ŋ 15:2 Referans Kwoze

Mɑtʉ̈ɔ 3:10

Pɛ́ zɛɛ mɔ́ ńdɑ́Ꞌ ńtíi nzɑɑ nɛlɔk ŋ́kʉ́ɔꞋ mbɑ yɛ́tɛ́ tʉ́ lɑ́ yi ɛ́ kɑ́ pɔ́ ńzɛ́m ntɑ́ɑ sʉ́Ꞌnɛ pɔ́, ɛ́fú sɛ́ kʉ́ɔꞋ wɛ́, ŋ́kɛ́ ḿmɑꞋ pɔ múk.

Mɑtʉ̈ɔ 15:13

Yɛ́su pʉ̈ɔt mbɔ̌ pɔ́p ŋɡɔ: «Pɛ́ ɡʉ ŋ́ɡɛ ńtsɔ́Ꞌ mbɑ kʉ̈ɔ́ lɑ́ yi Tɑ̌ɑ mɔ ẅí ɑ tʉ́nɛ́pú ŋkɑɑnɛ pi.»

Mɛnu ɛ́ ńdɑ́Ꞌ ńcẅɛt 3:19

Ŋ ɡʉ nǔu pʉɔ pí ŋ kɔŋnɛ wɔ́p, ŋ́kɑkŋɛ wɔ́p pɛ́tsʉʉ, ńtsɑ mbɑ nɛtswɑ́ɑ. Pɔ́Ꞌɔ lɑ́, zɑŋɛ mbʉʉ yu ɛ́fɑꞋ fɑꞋ, ḿbɛn ŋ́kúpmɛ mɑt wu.

Jɑ̂ŋ 15:8

«Yúu mi ɛ́ lɑɑ ḿbɔ́ ɛ́ ɡɛ pɛ́ ɡúꞋlɛ Tɑ̌ɑ mɔ, ɛ́ pɑ́Ꞌ ɛ́ lɑɑ ḿbɔ́ pʉʉ ɡɛ yúu sʉ́Ꞌnɛ tɛꞋ, ḿbɛn ḿbɔ́ ɡɑŋku pɑ́ɑ.»

Mɑtʉ̈ɔ 13:12

Ŋu ɡẅɛɛ yúu, mbɔ pɛ́ ɡʉ ŋ́kẅiꞋ yɛcɔ́ mbɔ̌ wɛ́ ɑ lɔk ŋ́ɡẅɛɛ tɛ ɛ́ zɑ́ɑ. Lɑ́ ŋ́kɛ́ ŋ́ɡʉ nǔu ŋu ẅí ɑ kɑ́ ɡẅɛɛ yúu pɔ́, mbɔ pɛ́ ɡʉ ńcẅɛ́ɛ mɔ́zʉꞋ ẅí ɑ zɛɛnɛ ŋ́ɡẅɛɛ.

Mɑtʉ̈ɔ 3:12

A ɡʉ ńtɔ́ ńtíitɛ yúu pinɛ pɛ́ lɑknɛ ŋkɑ́Ꞌ. ŃníꞋ yɛ sʉ́Ꞌnɛ tsɛt ŋkɛn. Ńtsʉ́Ꞌ kyɑŋɛ ḿbʉ̈ɔt tsɛt múk ẅi ɛ́ kɛ́ lɑ́Ꞌ ḿbɛ́ pɔ́.»

Mɑtʉ̈ɔ 21:19

A jʉ́ɔ tʉ́-ŋɡɛ̌m mbʉʉ-sɛ̂ndúŋ, ŋ́ɡʉ nɛtsɛ́n nú, ńjʉ́ɔ pɔ ndɑꞋ mɛfu nǔu, ńcú mbɔ̌ tʉ́ ɛ̂yɑ́ ŋɡɔ: «Ɔ kɛ́ lɑ́Ꞌ ḿbɛn ńzɛ́m ntɑ́ɑ pɔ́!» Tʉ́ ɛ̂yɑ́ ɡɔ́ɔ ńzúu.

Ɛ́bɛlʉʉ 12:15

Pʉʉ pɑ́ɑ pɑ́Ꞌ ḿbɔ́ ŋu tɛ́m ŋkwɛn mbɔ̌ Sɛ́ ẅí ɑ sɛ́ ńdɔk nɛkɔŋ wɛkŋɛ ŋ́ɡɑ́ fuꞋ níinɛ yɛkŋɛ, ḿbɑ́ɑ ŋu wʉ́ʉ nɛshɔtnɛ, tɛ ŋ́ɡɛ mɛnu mɛ́, ńtsʉ́Ꞌ ŋɡẅɛnɛlɑŋ kɛpɔŋ, mbɔ ɑ ɡʉ ńnɔ́k pɛcɔ́ pʉɔ tsɛt cúꞋlɛ yʉ́ʉ, pʉɔ tɛ ńzɑ́ɑ ɡɛ pɑ́Ꞌ jʉ́.

Jɑ̂ŋ 15:16

«Pʉʉ ŋkɑɑ nɛ́ tsɔ́Ꞌ wɑ́ɑ pɔ́, mɔ kɑ tsɔ́Ꞌnɛ wʉ́ʉ, ńtúu wʉ́ʉ ŋɡɔ pʉʉ ɡʉ ɛ́fɑꞋ fɑꞋ yɑ́ɑ. Yúu mi pʉʉ ɡɛnɛ ńdɑ́Ꞌ ḿbɔ́ pɔ ɡú, mbɔɔ lɑ́Ꞌ ḿbɛ́ pɔ́. Ɛ́ lɛɛ pɔ́Ꞌɔ, ḿbɔ́ yi pʉʉ lɑɑ ńdɔk lík yɑ́ɑ ńdɔ́ɔ pɔ ku mbɔ̌ Tɑ̌ɑ lɑ́, mbɔ ɑ ɡʉ ŋ́ɡɑ́ mbɔ̌ pʉʉ.»

Lúkɑ́shi 8:13

Mbiyúu mi ɛ́ vunɛ zʉꞋ-mɛŋɡɔꞋ pɔ́ pʉɔ pinɛ pɔ́p zúꞋ sẅíŋɛ-Sɛ́, ɛ́fɛ́Ꞌnɛ ḿbɛ́m nɛ́ tsɑ́ɑtɛ lɑ́ ɛ́ pɔɔ lɑt mɛŋɑŋ pɔ́, ḿbɔ́ pʉɔ lɛ́Ꞌ lɑ́Ꞌ, ŋɡʉ̈ɔ́Ꞌ pɔ́ tɛ ńtɔ́, pɔ́p ɡɔ́ɔ mɛꞋ.

1 Jɑ̂ŋ 2:19

Gɑŋmbuu fú pɔ tsɛt cúꞋlɛ yɛkŋɛ ńcẅɛt ŋ́ɡʉ. Pɔ́p kɑ zɛɛ mbɔɔ pʉɔ pɛkŋɛ pɔ́. Pɔ́p kɑ pɔ́ pɛ́Ꞌnɛ ḿbɔ́ pʉɔ pɛkŋɛ, mbɔ pɔ́p kɑ ɡɔ́ŋ tsɛtsɛt pɛkŋɛ. Lɑ́, ɛ́ kɑ kɛ́ ḿbɔŋ ŋɡɔ ɛ́ cẅɛt pɔ pɔ́Ꞌɔ nǔu pɔ́p, mbɑ wɔ̌ lɑ́ jʉ́ɔ ŋɡɔ pɔ́p ŋ́kɑɑ pɔ́ pʉɔ pɛkŋɛ pɔ́,

Tîtɛ 2:14

KwɑꞋ jʉ́ kɑ ɡɑ́ tú yɛ́ ńdɔk ńzúu tú yɛkŋɛ, nɛlɔk ńtsúꞋ wɛkŋɛ nǔu mɛnu kɛpɔŋ mɛkŋɛ tsʉʉ. A kɑ niitɛ wɛkŋɛ, pɛkŋɛ tsʉ́Ꞌ pʉɔ pɛ́, ḿbɔ́ pʉɔ kɛ́ lɔ́Ꞌ, ńtsʉ́Ꞌ ńníꞋ tú ŋ́ɡɛ pɔ yúu mi ɛ́ pɔŋnɛ.

1 Kɔlɛ̂ŋtɛ 13:1

N dɑɑ ńjí nɛsẅíŋɛ mɛsẅíŋɛ mi pɛ́ sẅíŋɛ́nɛ tsɛt mɛŋɡɔŋ tsʉʉ tɛ mbɑ mi pɛcʉ̈ɔ́Ꞌ-Sɛ́ sẅíŋɛ́nɛ, lɑ́ ḿbɛn mbɔɔ kɔŋ ŋumɛsɔŋ pɔ́, mbɔ m bɑ́klɛ pɔ zʉꞋ pɑ́Ꞌ yúu tʉ́n yi pɛ́ púꞋnɛ, mbɑ pɑ́Ꞌ kẅǐꞌfɔɔ ẅí ɑ zɔtnɛ́nɛ lɑ́.

Pʉɔ-Lɔ́mɑ 8:28

Pɛkŋɛ pɛn ḿbɔ́ ńjí ŋɡɔ mɛnu mi ɛ́ ɡɛnɛ pʉɔ pi pɔ́p sɛ́ ŋ́kɔŋ Sɛ́, Sɛ́ ɡɛ mîmɑ́ mɛnu, ŋ́ɡɛ pɔ nu sʉ́Ꞌnɛ nǔu pɔ́p, pɔ́p ẅi ɑ kɑ tsɔ́Ꞌnɛ nǔu ntɛ́ yi ɑ kɑ zɑ́Ꞌnɛ njí ŋ́kwɑŋɛ.

Jɑ̂ŋ 17:12

Ɛ́ m̄bɔ́ ŋkɑ́ yi pɛk pɛ́ pɔ́p kɑ pɔ́nɛ, m bɔ́ ńdɔk mɛtʉʉ mú, mɛtʉʉ mí ɔ kɑ ɡɑ́nɛ mbɔ̌ mɔ lɑ́, ḿbyɛ́p wɔ́p. Ŋ kɑ tʉ̈ɔ́Ꞌlɛ wɔ́p tɛ wɛcɔ́ tɑ́Ꞌ ŋu nǔu pɔ́p pɔɔ pɛ́. Ŋu ẅí ɛ́ kɑ pɔ́ ḿbíkŋɛ ŋɡɔ ɑ pɛ́ kɑ pɛ́nɛ. Ɛ́ lɔk ḿbuutɛ nǔu nu yí pɛ́ kɑ ŋwɑꞋnɛ́nɛ tsɛt ŋwɑꞋnɛ-ndɛn kɑɑ.

Mɑtʉ̈ɔ 13:33

Yɛ́su pɛn ńcú yɔ sɑknɛkɛt ŋɡɔ: «Nu-nɛfɔɔ-Sɛ́ pɔ́ pɑ́Ꞌ mɔ́zʉꞋ fɛntɛ yi mɑŋɡɛ́ lɔknɛ ɛ́fɛntɛ fɑlîn yi ɑ fʉꞋnɛ túkɑ́ŋ yɛ́tɑ́t ńtsɛp, ḿbúꞋ púꞋnɛ tɛ mɔ́zʉꞋ fɛntɛ ɛ̂yɑ́ ɡɛ, fɑlîn yi tsɛpnɛ ɛ̂yɑ́ kɔ́Ꞌ tsʉʉ.»

Mɑtʉ̈ɔ 7:19

Tʉ́ tsʉʉ yi ɛ́ kɑ́ pɔ́ ńzɛ́m ntɑ́ɑ sʉ́Ꞌnɛ pɔ́, pɛ́ kʉ́ɔꞋ ńtɔɔ múk.

Mɑtʉ̈ɔ 25:29

mbíꞋŋɡɔ ŋu lɑɑ ɛ́sɑ́Ꞌ tʉʉ lɑ́ ŋ́ɡẅɛɛ yúu, mbɔ pɛ́ ɡʉ ŋ́kẅiꞋ, ɑ ɡẅɛɛ ɛ́ zɑ́ɑ, lɑ́ ŋu kɛ́ mbɔɔ sɑ́Ꞌ tʉʉ pɔ́, mbɔ pɛ́ ɡʉ ɛ́fú mbɔ̌ wɛ́ cẅɛ́ɛ mbɑ mɔ́zʉꞋ yí ɑ ɡẅɛɛnɛ.

Mɑ́lɛ́kúshi 4:20

Mbiyúu mi ɛ́ vunɛ nǔu tsɛ́tsɑ́ꞌ sʉ́Ꞌnɛ, lɔk ḿbɔ́ pʉɔ pi pɔ́p zúꞋ sẅíŋɛ-Sɛ́, ḿbɛ́m, ḿbɛn ḿbɔ́ ŋ́ɡɛ pɑꞋ nu-Sɛ́ píkŋɛnɛ, ńdɔk ŋ́ɡʉ mbi, pɔ́p lɔk ḿbɔ́ pɑꞋ mbiyúu mi yɛcɔ́ mbɑŋ pɔ́ ɛ́sɑ́Ꞌ ńtɔ́ ŋ́ɡɑ́ mɛmbɑŋ mɛɡɛ́mɛ́ntɑ́t, yɛcɔ́ ɡɑ́ mɛɡɛ́mɛ́nɛ́ntúkú, yɛcɔ́ ɡɑ́ ŋkʉ.»

Jɑ̂ŋ 15:1

Yɛ́su pɛn ḿbɛ́ɛ yɔ fʉꞋ ńcú ŋɡɔ: «Mɔ kwɑꞋ nɛtsɛ́n-tʉ́ ni pɛ́ kíɛ mɛntɑ́ɑ mɛ́ ńdɔk ńniitɛ mɛluꞋ. Tɑ̌ɑ mɔ pɔ́ ŋu ẅí ɑ fɑꞋnɛ nǔu.»

Jɑ̂ŋ 15:3

«Yúu mi ŋ kɑ zíꞋnɛ wʉ́ʉ kɑ lɑ́Ꞌ mɔ ŋ́ɡɛ pʉʉ pɔ́ sʉ́Ꞌnɛ.»

Jɑ̂ŋ 15:6

«Ŋu lɑɑ mbɔɔ lɑtnɛ mbʉʉ yɛ nǔu mɔ pɔ́, ɑ pɔ́ pɑ́Ꞌ pɔ́tʉ́ ẅi pɛ́ kʉ́ɔꞋnɛ, ḿmɑꞋ nzʉʉ ŋkɑ́Ꞌ ɛ́ zúu. Pɛ́ lɑk ńtɔɔ múk.»

Pʉɔ-Lɔ́mɑ 11:17

Lɑ́ pɑíslɑyɛ̂l pɑ́Ꞌ tʉ́-mɛɡwɛ́t-ɔliivɛ-ŋu, mbɔ ŋɡɑŋ kɑ kʉ́ɔꞋ mɛcɔ́ mbɔ́ nǔu ḿmɛꞋ. Gu ẅí ɔ kɑ́ pɔ́ ŋu-Yúdɑ pɔ́, ɔ pɑ́Ꞌ pɛpɔ́tʉ́ mɛɡwɛ́t-ɔliivɛ yi ɛ́ pɔ́ pɔ mbɛ́n, mbɔ pɛ́ kɑ lɔk wú ńtɔ́ ńdɑt tsɛtsɛt mbɔ́ mi ɛ́ kɑ pɛ́tnɛ ḿbɔ́ nǔu tʉ́ ɛ̂yɑ́. Ɔ nǔu ŋkɔ̂ɔnɛ ḿbɔ́ ńdúꞋnɛ mɛci-tʉ́ mi ɛ́ fúnɛ nǔu mɛŋɑŋ ŋ́kúu nǔu pʉʉ pɛpɔ́p pɛtsʉʉ.

Pʉɔ-Lɔ́mɑ 11:22

Jí ŋɡɔ Sɛ́ lɑɑ ḿbɔ́ yi ɑ ɡẅɛɛ pɔŋtʉ́m, mbɔ ɑ pɛn cʉ́ɔk. A kɑ cʉ́ɔk pʉɔ pi pɔ́p kɑ vunɛ sɛ́. M bɛn ḿbɔ́ ŋ́ɡẅɛɛ pɔŋtʉ́m nǔu ɡu. Lɑ́ ɛ́ sɛ́ ḿbíkŋɛ ŋɡɔ ɔ kɛ́ ḿbɔ́ ŋ́kẅiꞋ ŋ́ɡɛ pɔ yúu mi ɛ́ pɔŋnɛ wɛ́, tɛ ɛ́ pɔɔ pɔ́Ꞌɔ pɔ́, mbɔ ɑ ɡʉ ńzɑ́Ꞌ wú mɛꞋ pɑ́Ꞌ pɔ́tʉ́ lɑ́.