Jɑ̂ŋ 15:18 - Kɑɑ Fí

¹⁸ «Pʉɔ-ndǔmbí lɑɑ ḿbɔ́ ḿbɑɑ wʉ́ʉ, pʉʉ jí ŋɡɔ pɔ́p kɑ piitɛ ḿbɑɑ wɑ́ɑ ɡúu.»

Jɑ̂ŋ 15:18 Referans Kwoze

1 Jɑ̂ŋ 3:13

Pɔ́ɔpɛ́mɑ́ pɑ́ɑ, pʉɔ-ndǔmbí lɑɑ ḿbɑɑ wʉ́ʉ, Kɔɔ pʉʉ mɑ̌ɑmɑɑnɛ.

Jɑ̂ŋ 7:7

Mbɔ pʉɔ-ndǔmbí pɔɔ wʉ́ʉ pɑɑ. Lɑ́ ŋ́ɡʉ nǔu mɔ, mbɔ pɔ́p pɑɑ wɑ́ɑ, mbíꞋŋɡɔ ŋ kɑ pɔ́ ɛ́sẅíi wɔ́p nɛ́ sẅíiŋɛ ŋɡɔ ŋɡɛnɛ nu yɔ́p kɑ́ pɔŋ.

Jɑ̂ŋ 3:20

Ŋu lɑɑ ŋ́ɡɛ nu kɛpɔŋ, mbɔ ŋɡɑŋ ḿbɑɑ kyɛꞌ pɑɑnɛ, mbɔɔ kɔŋ nɛnɛn zʉꞋ yí kyɛꞌ zúꞋu pɔ́, ḿbɔ́k ŋɡɔ mɛnu mɛ́ ńcẅɛt mɑ́ntɑ́ɑ.

Mɑ́lɛ́kúshi 13:13

Pʉɔ tsʉʉ ɡʉ ńdɑ́Ꞌ ḿbɑɑ wʉ́ʉ mɛlɑ́Ꞌ wɑ́ɑ, lɑ́ ŋu ẅí ɑ ńdɑ́Ꞌ sʉk kɛ́ kɑ́ɑ ɡʉnɛ ŋ́ɡɛ ńduk.»

Lúkɑ́shi 6:22

Pʉʉ pɛpɔ́ttú, nǔu ŋkɑ́ yi pʉʉ cʉ́ɔ nzʉʉ mɔ́ɔ-ŋu, pɛ́ pɛn ḿbɔ́ ḿbɑɑ wʉʉ, ḿbɔ́ ŋ́kʉ́ʉnɛ wʉ́ʉ, ḿbɔ́ ńzɔɔtɛ wʉ́ʉ, ḿbɔ́ ḿbʉ́ʉpɛ lík yʉ́ʉ.

Mɑtʉ̈ɔ 10:22

Pʉɔ tsʉʉ ɡʉ ńdɑ́Ꞌ ḿbɑɑ wʉ́ʉ mɛlɑ́Ꞌ wɑ́ɑ, lɑ́ ŋu ẅí ɑ sʉknɛ kɛ́ kɑ́ɑ ɡʉ ŋ́ɡɛ ńduk.

1 Jɑ̂ŋ 3:1

Pʉʉ jʉ́ɔ pɑ́Ꞌ Tɑ́t wɛkŋɛ kɔŋnɛ wɛkŋɛ kɔŋnɛ tɛ ɛ́fúŋ wɛkŋɛ ŋɡɔ pɔ́ɔ pɛ́, ɛ́ sẅíi nu pɛkŋɛ pɛ́tɛ́. Lɑ́ pʉɔ-ndǔmbí pɔɔ wɛkŋɛ jí, mbíꞋŋɡɔ pɔ́p ŋ́kɑɑ kɛ́ ńjí ŋu ẅi Sɛ́ jʉ́ pɔ́.

Mɑtʉ̈ɔ 5:11

Pʉʉ pɛpɔ́ttú nǔu ŋkɑ́ yi pɛ́ ɡʉ ḿbɔ́ ńzɔɔtɛ wʉ́ʉ, ḿbɔ́ ńzɑ́Ꞌ ku yʉ́ʉ, ńtík sɔ́ɔ ntɛ́ nɛ́ ntɛ́ tú pʉʉ mɛlɑ́Ꞌ wɑ́ɑ.

Jɑ̂k 4:4

Pʉʉ pɑlɑŋ nzʉʉ-pʉɔ. Pʉʉ kɑ́ pɔ́ ńjí ŋɡɔ ŋu ẅí ɑ súu-yúu-ndǔmbí, tsʉ́Ꞌ ḿbɔ́ pɔ ŋɡɑŋmbuu-Sɛ́ pɔ́ kɛ? Ŋu ẅí ɑ kɔŋnɛ yúu-ndǔmbí tsʉ́Ꞌ ḿbɔ́ pɔ ŋɡɑŋmbuu-Sɛ́.

Ɛ́bɛlʉʉ 12:2

Pɛkŋɛ pɔ́ ńtík mík pɔ nǔu Yɛ́su ẅi ɑ kɑ zíꞋnɛ wɛkŋɛ nɛzɑ́p tʉ́m nǔu Sɛ́, jʉ́ pɔ́nɛ ŋu ẅi ɑ ɡʉ ńdɑ́Ꞌ ńníꞋ wɛkŋɛ nǔu mbɔ́ Sɛ́ pɔ tɑ́Ꞌ ŋkɑ́. A kɑ nɑ́ tsɑ́ɑtɛ yi ɛ́ kɑ pɔ́nɛ yɛ́, pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ ɑ sʉk sʉknɛ, ɑ pɔɔ lɔk sʉ́ʉ ẅi ɛ́ nǔu nɛpfú pɔ́Ꞌɔ ɛ́fúŋ yɛcɔ́ nu pɔ́. A ŋkɔ̂ɔnɛ ńnɑ́ŋ mbʉʉ kɔꞋ-nɛfɔɔ-Sɛ́, nǔu ɡúŋ pɔ́ yɛ́ yi tʉʉ.

1 Jɑ̂ŋ 3:3

Mbɑ wɔ̌ lɑ́ ẅi ɑ nɑŋnɛ ḿbɔ́ ńzẅíꞋlɛ ŋɡɔ Kɛlístɔ ɡɛ yɔ nu, ɑ nɑ́ŋ ḿbɑ́ɑ pɑ́Ꞌ mbɔ lɔ́Ꞌ pɔ́ nǔu wɛ́, mbíꞋŋɡɔ Kɛlístɔ kɛ́ lɔ́Ꞌ.

Mɑtʉ̈ɔ 24:9

Pɛ́ ɡẅɛɛ wʉ́ʉ ŋ́ɡɑ́ pɛ́ nyɛt wʉ́ʉ nɛ́ ŋɡʉ̈ɔ́Ꞌ, ŋ́ɡɛ pɛ́ jẅí wʉ́ʉ. Mɛlɑ́Ꞌ tsʉʉ ɡʉ ńdɑ́Ꞌ ḿbuu ḿbɑɑ wʉ́ʉ mɛlɑ́Ꞌ wɑ́ɑ.

Jɑ̂ŋ 16:1

Ɛ sẅíi wʉ́ʉ nɛ́ mɔnɛ mɛnu nɛpɔ́ yi pʉʉ kɛ́ tsʉꞋ nzʉʉ ḿmɛꞋ nɛzɑ́p tʉ́m nǔu mɔ pɔ́.

Jɑ̂ŋ 16:33

N zɑ́Ꞌ njí ɛ́sẅíi wʉ́ʉ nɛ́ mɔnɛ mɛnu ɛ́ lɛɛ pɔ́Ꞌɔ, mbɔ́tnɛ pɔ́ tʉ́m pʉʉ. Pʉʉ ɡʉ ŋ́ɡɛ ńjʉ́ɔ ŋɡʉ̈ɔ́Ꞌ ndǔmbí, lɑ́ kɔɔ pʉʉ cʉɔꞌ. Ŋ kɑ tsɑ píimbí.

ŊwɑꞋnɛ-Gɑŋntúu Yɛ́su Kɛlístɔ 14:22

ńnɛn ńtɔ́ɔtɛ tʉ́m-pʉɔ-Kɛlístɔ ŋɡɔ kɔɔ pɔ́p kɑ́ɑ nǔu nɛzɑ́p tʉ́m nǔu Yɛ́su, ḿbɔ́ ńcú mbɔ̌ pɔ́p ŋɡɔ: «Ɛ́ sɛ́ ḿbíkŋɛ ŋɡɔ pɛkŋɛ lɛɛ tsɛt ŋɡʉ̈ɔ́Ꞌ tɛ ńzɑ́ɑ lɑ ńjʉ́ pii-nɛfɔɔ-Sɛ́.»