Jɑ̂ŋ 14:28 - Kɑɑ Fí

²⁸ Pʉʉ zúꞋ pɑ́Ꞌ n cúnɛ ŋɡɔ: «Mɔ ŋ́ɡʉ lɑ ḿbɛn ḿbɛn nzʉʉ ńjʉ́ɔ wʉ́ʉ. Pʉʉ kɛ́ ḿbɔ́ pɛ́Ꞌnɛ ḿbɔ́ ŋ́kɔŋ wɑ́ɑ, mbɔ pʉʉ ńtsɑ́ɑtɛ tsɑ́ɑtɛ́nɛ pɑ́Ꞌ ŋ ɡʉnɛ nɛ́ nɛjɔ́ŋ Tɑ̌ɑ, mbíꞋŋɡɔ Tɑ̌ɑ ɡúꞋ ńtsɑ wɑ́ɑ.»

Jɑ̂ŋ 14:28 Referans Kwoze

Jɑ̂ŋ 14:18

Mɔ ŋ́ɡʉ ńnɑ́ wʉ́ʉ pʉʉ tsʉ́Ꞌ pɔ́ɔpɛcí pɔ́. Mɔ sɛ́ ńtɔ́ nɛ́ nɛjɔ́ŋ pʉʉ.

Jɑ̂ŋ 20:21

Yɛ́su pɛn ńcú mbɔ̌ pɔ́p ŋɡɔ: «Mbɔ́tnɛ pɔ́ nɛ́ pʉʉ. Pɑ́Ꞌ Tɑ̌ɑ kɑ túunɛ wɑ́ɑ lɑ́, mɔ ńtúu wʉ́ʉ ɡúu.»

Jɑ̂ŋ 20:17

Yɛ́su cú mbɔ̌ wɛ́ ŋɡɔ: «Kɔɔ lɑ́ɑtɛ wɑ́ɑ, mbíꞋŋɡɔ n zɛɛ ḿbɛ́t kɛ́ kɔ́Ꞌ tɛ ŋ́kúu nɛjɔ́ŋ Tɑ̌ɑ. Kɛ́ ŋ́ɡʉ ńjʉ́ɔ pɔ́ɔpɛmɑ́ pɑ́ɑ, ńcú mbɔ̌ pɔ́p ŋɡɔ: Mɔ kɔ́Ꞌ nɛ́ nɛjɔ́ŋ Tɑ̌ɑ ẅi ɑ pɛn ḿbɔ́ Tɑ̌ɑ wʉʉ. Nɛjɔ́ŋ Sɛ́ wɑɑ ẅi ɑ pɛn ḿbɔ́ Sɛ́ wʉʉ.»

Jɑ̂ŋ 13:16

Lɑ́ ɛ sẅíi wʉ́ʉ, kwɑꞋ nɛ́nẅín, nzíꞋfɑꞋ kɑ́ ɡúꞋ ńdɛɛ tɑ́fɑꞋ wɛ pɔ́, ŋɡɑŋntúu kɛ́ mbɔɔ ɡúꞋ ńdɛɛ ŋu ẅí ɑ lɑ́Ꞌnɛ ńtúu wɛ́ pɔ́.

1 Pyɛ̂ 1:8

Pʉʉ ŋ́kɑɑ mɔ́ Yɛ́su jʉ́ɔ, lɑ́ ŋ́kɛ́ ḿbɔ́ ŋ́kɔŋ wɛ́. Pʉʉ sɛ́ ńzɑ́p tʉ́m nǔu wɛ́, tɛ mbɑ pɑ́Ꞌ pʉʉ pɛ́t kɛ́ ɡɔ́ɔ ńjʉ́ɔ wɛ́. Mɑ́mɑ́ tsɑ́ɑtɛ pɔ́ tʉ́m pʉʉ tɛ ɛ́ lɑɑ ḿbɔ́ pʉʉ pɔɔ jí nɛsẅíi ŋu pɔ́.

1 Kɔlɛ̂ŋtɛ 11:3

Ɛ́ pɔŋ lɑ́ yúu kɛ́ ḿbɛ́t ɡú yi mɔ sɛ́ ŋ́kɔŋ ŋɡɔ pʉʉ jí sʉ́Ꞌnɛ. Ŋu ẅí ɑ ɡẅɛɛnɛ ŋu mbɛ́ɛnɛ tsʉʉ ɑ Kɛlístɔ, ŋu ẅí ɑ pɛnnɛ ŋ́ɡẅɛɛ mɑŋɡɛ́ ɑ pɔ́ ŋu mbɛ́ɛnɛ, ŋu ẅí ɑ ɡẅɛɛnɛ Kɛlístɔ ɑ pɔ́ Sɛ́.

Jɑ̂ŋ 16:7

Lɑ́ ŋ kɛ́ ḿbɔ́ ɛ́sẅíi wʉ́ʉ pɑ́Ꞌnɛ pɔ nɛ́ nu nɛ́nẅín, ŋɡɔ ɛ́ nu sʉ́Ꞌnɛ mbɔ̌ pʉʉ ŋɡɔ ŋ ɡʉ. Ɛ́ mbíꞋŋɡɔ n dɑɑ mbɔɔ ɡʉ, mbɔ Ncẅɛ́ɛntɑ́ŋ wʉʉ kɛ́ tɔ́ ńtsɛ́t wʉ́ʉ pɔ́. Lɑ́ ŋ kɛ ḿbɔ́ tɛ ŋ́ɡʉ, mbɔ ŋ ɡʉ ńtɔ́ ńtúu wɛ́ ŋ́ɡɑ́ mbɔ̌ pʉʉ.

Jɑ̂ŋ 14:12

Lɑ́ ɛ sẅíi wʉ́ʉ, kwɑꞋ nɛ́nẅín, ŋu lɑɑ ńzɑ́p tʉ́m yɛ́ nǔu mɔ, mbɔ ɑ ɡʉ ɛ́fɑꞋ yɛ́ mɛfɑꞋ mí mɔ sɛ́ ɛ́fɑꞋ, tɛ mɛ́ ɡúꞋ ńtsɑ mɑ́ɑ, mbíꞋŋɡɔ ŋ ɡʉ nɛ́ nɛjɔ́ŋ Tɑ̌ɑ mɔ.

Jɑ̂ŋ 10:38

Lɑ́ ḿbɔ́ yi n dɑɑ fɑꞋ, ɛ́ zɛɛ ḿbɔ́ ŋɡɔ pʉʉ kɛ́ zɑ́p tʉ́m nǔu mɔ pɔ́, pʉʉ pɛ́m mɛfɑꞋ ɛ̂mɑ́. Ɛ́ lɛɛ pɔ́Ꞌɔ, pʉʉ jí sʉ́Ꞌnɛ ŋɡɔ Tɑ̌ɑ mɔ nɛ́ mɔ, m bɔ́ nɛ́ jʉ́.

Jɑ̂ŋ 5:18

Ɛ́ fú ŋkɑ́ ɛ̂yɑ́, pɑyúdɑ mɛkŋɛ ŋ́ɡɑ́Ꞌ nɛlɔɔ yúu mi pɔ́p ɡʉ ɛ́fú nǔu ńjẅí Yɛ́su, mbíꞌŋɡɔ ɑ ŋkɑɑ fɑɑnɛ pɔ nɛpʉ́ʉ lɛ́Ꞌnji yɔ́p ndɑꞋ pɔ́, ɑ kɑ pɛn ḿbɔ́ ńcú ŋɡɔ Sɛ́ kwɑꞋ Tɑ́t wɛ, ńdɔk pɔ́Ꞌɔ, ńcú ŋɡɔ pɔ́p Sɛ́ pɔ́ pɔ ndʉ́ŋndʉŋ.

Mɑtʉ̈ɔ 12:18

A kɑ cú ŋɡɔ: «Yɔ ŋɡɑŋfɑꞋ wɑɑ ẅí ŋ kɑ tsɔ́Ꞌnɛ. Ŋ kɔŋ wɛ́ tɛꞋ, jʉ́ ɡɛnɛ tʉ́m yɑ́ɑ tsɑ́ɑtɛ. Mɔ ŋ́ɡɛ ńníꞋ Zẅikŋɛ yɑ́ɑ nǔu wɛ́, ɑ ɡʉ ńnyɛt ntɛ́ nɛsɑ́Ꞌ lɑ́Ꞌ yi ɛ́ ndʉ́ŋndʉŋ mbɔ̌ mɛlɑ́Ꞌ mi ɛ́ kɑ́ pɔ́ pɑíslɑyɛ̂l pɔ́.

Mɛnu ɛ́ ńdɑ́Ꞌ ńcẅɛt 1:11

ḿbɔ́ ńcú ŋɡɔ: «CúꞋlɛ kʉ̈ɔ́ lɑ́ yi ɔ sɛ́ ńjʉ́ɔ, ŋ́ŋwɑꞋnɛ tsɛt nɛpúꞋ-ŋwɑꞋnɛ, ńtúu ŋ́ɡɑ́ mbɔ̌ mɛcúꞋlɛ-pʉɔ-Kɛlístɔ mi ɛ́ sɑɑmbɑ́, ḿbɔ́ tsɛt mɛtʉ́sɔŋ mɔnɛ: Ɛ́fɛ̂zɛ, Sɛmilnɛ, Pɛlŋɡɑmɛ, Tyɑtîi, Sɑldɛs, Filɑdɛlfîi, Lɑɔdisɛ́.»

Jɑ̂ŋ 7:33

Ɛ́ ɡɔ́ ḿbɔ́ Yɛ́su pɔ́ ńcú mbɔ̌ lɑ́Ꞌ ŋɡɔ ŋ ɡʉ ḿbɛn ńnɑ́Ꞌ ńnɑ́ŋ, lɑ ŋ ɡʉ ńtsɛ́t Tɑ̌ɑ ẅí ɑ kɑ túunɛ wɑ́ɑ.