Jɑ̂ŋ 14:21 - Kɑɑ Fí

²¹ Ŋu lɑɑ ŋ́ɡẅɛɛ nɛpʉ́ʉ nɑ́ɑ, ḿbɔ́ ńnɛn nǔu, mbɔ ŋɡɑŋ ŋu ẅí ɑ sɛ́ ŋ́kɔŋ wɑ́ɑ. Tɑ̌ɑ mɔ ɡʉ ŋ́kɔŋ ŋu ẅí ɑ kɔŋnɛ wɑ́ɑ, mbɑ mɔ yɑ́ɑ m bɛn ŋ́kɔŋ ẅîwɑ́ ŋu, ŋ́ɡɛ ɑ jí wɑ́ɑ.

Jɑ̂ŋ 14:21 Referans Kwoze

Jɑ̂ŋ 14:15

Pʉʉ lɑɑ ŋ́kɔŋ wɑ́ɑ, mbɔ pʉʉ ɡʉ ŋ́ɡɛ ŋ́ɡẅɛɛ nɛpʉ́ʉ nɑ́ɑ.

1 Jɑ̂ŋ 5:3

MbíꞋŋɡɔ nɛkɔŋ Sɛ́ ɛ́ píkŋɛ nɛtík ku nǔu mbʉ́ʉ mɛ́, nɛpʉ́ʉ nɛ́ pɛn ŋ́kɛ́ mbɔɔ tɛn ńdɛɛ wɛkŋɛ pɔ́.

1 Jɑ̂ŋ 2:5

Lɑ́ ŋu ẅí ɑ kúꞋlɛ́nɛ sẅiŋɛ-Sɛ́, ɑ ŋu ẅí ɑ tsuŋ ŋ́kɔŋ Sɛ́ tɛ ɛ́sẅíi nu. Yɔ pɑ́Ꞌ pɛkŋɛ lɔknɛ ńjí ŋɡɔ pɛkŋɛ pɛ Sɛ́ kɑ tɛmtɛ.

2 Jɑ̂ŋ 1:6

Nɛɡẅɛɛ ŋkɔŋɛ ɛ́ pɔ́ pɔ nɛkúꞋlɛ mbʉ́ʉ-Sɛ́. Nɛpʉ́ʉ ni pʉʉ kɑ zúꞋnɛ tɛ ɛ́fú nzɛnɛ ɛ́ pɔ́ pɔ ŋɡɔ pʉʉ nɑ́ŋ nɛ́ ŋkɔŋɛ.

Jɑ̂ŋ 16:27

Ɛ́ mbíꞋŋɡɔ kwɑꞋ jʉ́ Tɑ̌ɑ mɔ kɔŋ wʉ́ʉ. A kɔŋ wʉ́ʉ, mbíꞋŋɡɔ pʉʉ kɑ kɔŋ wɑ́ɑ, ḿbɛn ḿbɔ́ ḿbɛ́m ŋɡɔ ɛ fú mbɔ̌ Sɛ́.

Lúkɑ́shi 11:28

Yɛ́su pɑ́Ꞌ ńcú mbɔ̌ wɛ́ ŋɡɔ: «Ɔ ḿbɔ́ ŋ́ɡʉ ńcú pɔ ŋɡɔ: “Pɛpɔ́ttú ɛ́ pʉɔ pinɛ pɔ́p zúꞋ sẅíŋɛ-Sɛ́, ḿbɛn ŋ́ɡɛ pɑ́Ꞌ ɑ sɛ́ ḿbíkŋɛ.”»

Jɑ̂ŋ 15:14

«Pʉʉ lɑɑ ŋ́ɡɛ yúu mi m bíkŋɛ́nɛ wʉ́ʉ, mbɔ pʉʉ tsʉ́Ꞌ ḿbɔ́ pɔ pɛsúu pɑ́ɑ.»

Mɛnu ɛ́ ńdɑ́Ꞌ ńcẅɛt 3:20

M bʉ́ɔ, mbɔ n tɔ́ ńtʉ́ʉ ḿbɔ́ ḿbúꞋtɛ ntsundɑ́, ḿbɔ́ yi ŋu lɑɑ ńzúꞋ ŋɡi yɑɑ, ńtsɔ́Ꞌ ntsundɑ́, mbɔ mɔ ŋ́kúu ndɑ́-ŋɡɑŋ, ńnɑ́ŋ sɛ́ pɛk ŋɡɑŋ tɛmtɛ nɛ́ tɑ́Ꞌ tʉ́m ŋ́kwɛ́t yúu.

Mɛnu ɛ́ ńdɑ́Ꞌ ńcẅɛt 22:14

Pɛpɔ́ttú ɛ́ pʉɔ pí pɔ́p suknɛ mɛndẅí mɔ́p tɛ ɛ́ lɛ́ɛnɛ, nɛpɔ́ yi pɔ́p ɡʉ ŋ́kuꞋ nɛfú nǔu mɛntsu-ŋkɑ́Ꞌ, ŋ́kúu tʉ́sɔŋ, ńjʉ́ ntɑ́ɑ-tʉ́ yɑ́ yi ɛ́ ɡɛnɛ pɛ́ tsuŋ ḿbɔ́ ɡú lɑ́.

2 Kɔlɛ̂ŋtɛ 4:6

mbíꞋŋɡɔ Sɛ́ ẅi ɑ kɑ cúnɛ ŋɡɔ: «Ɛ́ pɔŋ ŋɡɔ kyɛꞌ, ɛ́ kyɛꞌ zʉꞋ tsɛt nzɛ́nzʉ́ʉ», jʉ́ nɛ́ tú yɛ́ kɑ kɛ́ ńtɔ́ ŋ́kyɛꞋ mɛtʉ́m mɛ́k, nɛɡɛ pɛk jí pɑ́Ꞌ nɛŋwɑ́ŋɛ wɛ pɔ́nɛ, ɛ́ nɛŋwɑ́ŋɛ ẅi pɛ́ sɛ́ ńjʉ́ɔ nǔu shʉ́-Kɛlístɔ.

Mɛnu ɛ́ ńdɑ́Ꞌ ńcẅɛt 2:17

Ŋu lɑɑ ŋ́ɡẅɛɛ mɛtúutɛ, nɛlɔk ńzúꞋ nu, ɑ zúꞋ nu yi Zẅikŋɛ-Sɛ́ sɛ́ ńcú mbɔ̌ mɛcúꞋlɛ-pʉɔ-Kɛlístɔ lɑɑ. Ŋ ɡʉ ńdɑ́Ꞌ ŋ́ɡɑ́ mɑ̂ɑnɛ ẅí ɛ́ lʉɔmɛ́nɛ, mbɑ fúfú ŋɡɔꞋ, mbɔ̌ ŋu ẅí ɑ lʉ̈ɔ́Ꞌnɛ ntsɔ tɛ ńdɛɛ nu kɛpɔŋ, mbɔ pɛ́ ŋwɑꞋnɛ lík fí nǔu ŋ́ɡɔꞋ ɛ̂yɑ́, ɛ́ pɔ́ yi wɛcɔ́ ŋu kɑ́ jí tɛ ndíꞋ ndɑꞋ ŋu ẅí pɛ́ ɡɑ́nɛ ŋ́ɡɔꞋ ɛ̂yɑ́ mbɔ̌ wɛ́.

Jɑ̂ŋ 17:23

M bɔ́ nɛ́ pɔ́p, ɔ pɔ́ nɛ́ mɔ. Pɔ́p ɡẅɛɛ tɑ́Ꞌ ntsu. Pʉɔ ndǔmbí ɡɔ́ɔ ŋ́kɛ́ ńjí ŋɡɔ ɔ kɑ túu wɑ́ɑ, ḿbɛn ńjí ŋɡɔ ɔ kɔŋ pʉɔ pɔ pɑ́Ꞌ ɔ kɔŋnɛ wɑ́ɑ.

1 Jɑ̂ŋ 3:1

Pʉʉ jʉ́ɔ pɑ́Ꞌ Tɑ́t wɛkŋɛ kɔŋnɛ wɛkŋɛ kɔŋnɛ tɛ ɛ́fúŋ wɛkŋɛ ŋɡɔ pɔ́ɔ pɛ́, ɛ́ sẅíi nu pɛkŋɛ pɛ́tɛ́. Lɑ́ pʉɔ-ndǔmbí pɔɔ wɛkŋɛ jí, mbíꞋŋɡɔ pɔ́p ŋ́kɑɑ kɛ́ ńjí ŋu ẅi Sɛ́ jʉ́ pɔ́.

2 Tɛsɑlɔník 2:16

Tɑ̌ɑ wɛkŋɛ Sɛ́ kɑ kɔŋ wɛkŋɛ, ńdɔk ŋ́ɡɑ́ fuꞋ fɛ̌ɛ yɛkŋɛ, ńní mɛtʉʉ mʉ́kŋɛ nǔu ntɛ́ yi ɛ́ ŋ́ɡʉ ńdɑ́Ꞌ ḿmɛ pɔ́, ḿbɛn ŋ́ɡɛ pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi ɑ kɑ kɑꞋnɛ mbɔ̌ pʉɔ pɛ́. Pɔ́Ꞌɔ, pɛk sɛ́ ńdɔ́ɔ mbɔ̌ wɛ́ mbɑ mbɔ̌ Tsɑpʉɔ wɛkŋɛ Yɛ́su Kɛlístɔ ŋɡɔ:

Jɑ̂ŋ 16:14

Ɛ́ ɡʉ ŋ́ɡɛ nyɛt wɑɑ nɛɡúꞋ, mbíꞋŋɡɔ ɛ́ ɡʉ cẅɛ́ɛ mbɔ̌ mɔ lɑ́ ńzíꞋ wʉ́ʉ.

Jɑ̂ŋ 14:18

Mɔ ŋ́ɡʉ ńnɑ́ wʉ́ʉ pʉʉ tsʉ́Ꞌ pɔ́ɔpɛcí pɔ́. Mɔ sɛ́ ńtɔ́ nɛ́ nɛjɔ́ŋ pʉʉ.

2 Timɔtɛ́ɛ 4:22

Tsɑpʉɔ pɔ́ nɛ́ ɡu! Ḿbɔ́ ńníꞋ mbɔ́tnɛ yɛ́ tʉ́m pʉʉ pɛtsʉʉ.

2 Kɔlɛ̂ŋtɛ 3:18

Pɛkŋɛ pɛtsʉʉ kɑ́ pɛn ŋ́ɡẅɛɛ yɛcɔ́ ŋkwɑ́ nǔu shʉ́ wɛkŋɛ pɔ́, nɛŋwɑ́ŋɛ Tsɑpʉɔ sɛ́ ńtɛ́mɛ nǔu pɛkŋɛ ḿbɛn nzʉʉ pɑ́Ꞌ kyɛꞌ yi ɛ́ tɛ́mɛ́nɛ nǔu jʉ́ɔ shʉ́ lɑ́. Tsɑpʉɔ ẅi ɑ pɔ́ pɔ Zẅikŋɛ, ɑ sɛ́ ŋ́ɡɛ pɛkŋɛ kúpmɛ ntɛ́, ŋ́ɡɛ pɛkŋɛ fí wɛ́, nɛŋwɑ́ŋɛ ẅi ɛ́ nǔu pɛkŋɛ, pɛn ḿbɔ́ ŋ́kẅiꞋ kẅiꞋnɛ.

ŊwɑꞋnɛ-Gɑŋntúu Yɛ́su Kɛlístɔ 22:18

N jʉ́ɔ wɛ́, ɑ cú mbɔ̌ mɔ ŋɡɔ: “Fɛ́Ꞌnɛ ɛ́fú Yɛlúsɑlɛm wɔ ŋ́ɡʉ, mbíꞋŋɡɔ pʉɔ pi pɔ́p tswɛ́nɛ zúꞋu kɛ́ ɡɛ ḿbɛ́m nu yi ɔ ɡʉ ɛ́sẅíi wɔ́p ntɛ́ wɑ́ɑ pɔ́.”

2 Kɔlɛ̂ŋtɛ 12:8

ɛ́ ŋkɑ́ yɛ́tɑ́t pɑ́Ꞌ m búꞋnɛ mbɔ́ mbɔ̌ Tsɑpʉɔ ŋɡɔ ɑ fú nǔu mɔ ńcẅɛɛtɛ yîyɑ́ ŋɡʉ̈ɔ́Ꞌ,