Jɑ̂ŋ 14:20 - Kɑɑ Fí

²⁰ Ɛ́ pɔ́ lɛ́Ꞌ ɛ̂yɑ́, pʉʉ jí ŋɡɔ pɛk Tɑ̌ɑ mɔ tɛmtɛ ḿbɔ́ pɔ tɑ́Ꞌ yúu, ḿbɛn ńjí ŋɡɔ pʉʉ nɛ́ mɔ, m bɔ́ tʉ́m pʉʉ.

Jɑ̂ŋ 14:20 Referans Kwoze

Jɑ̂ŋ 17:26

Ŋ kɑ zíꞋ wɔ́p nɛjí ŋu ẅí ɔ jʉ́, mɔ ŋ́kɛ́ ḿbɔ́ ŋ́ɡɛ pɔ́p pɔ́ ńjí wú jínɛ, ŋ́kɔŋɛ pɔ́p nɛ́ pɔ́p pɑ́Ꞌ ɔ kɔŋnɛ wɑ́ɑ, m bɛn ḿbɔ́ tʉ́m pɔ́p.

Ŋɡɑlɑ̂t 2:20

Mɔ kɑ́nɛ pɛn ḿbɔ́ ɛ́sɑ́Ꞌ túmbʉʉ yɑ́ɑ pɔ́, Kɛlístɔ tsʉ́Ꞌnɛ ḿbɔ́ sɔŋ-mbʉʉ mɔ ɛ́sɑ́Ꞌ wɑ́ɑ. N dɑɑ ŋ́ɡɛ pɔ kʉ̈ɔ́ lɑ́, mbɔ ɛ́ pɔ́ pɔ ŋɡɔ ńzɑ́p tʉ́m yɑ́ɑ nǔu mɔ́ɔ-Sɛ́. A ŋu ẅí ɑ kɑ kɔŋnɛ wɑ́ɑ kɔŋnɛ tɛ ḿpfú nǔu tú yɑ́ɑ.

1 Jɑ̂ŋ 4:12

Wɛcɔ́ ŋu ẅí ɑ kɑ zɑ́p mɔ́ lík nǔu Sɛ́ kɑ́ pɔ́ ɡú pɔ́. Lɑ́ ḿbɔ́ yi pɛkŋɛ lɑɑ ŋ́ɡẅɛɛ ŋkɔŋɛ tsɛtsɛt pɛkŋɛ, mbɔ pɛkŋɛ pɛ Sɛ́ pɔ́nɛ, ŋkɔŋɛ yɛ́ lɔk ńtsuŋ ḿbɔ́ nǔu pɛkŋɛ tɛ yúu pɔɔ jɑ́k nǔu pɔ́.

Jɑ̂ŋ 14:10

Ɔ kɑ́ pɔ́ ḿbɛ́m ŋɡɔ mɔ nɛ́ Tɑ̌ɑ mɔ, pɛkŋɛ tɛmtɛ ḿbɔ́ pɔ tɑ́Ꞌ yúu pɔ́ Kɛ? Nu yí ɛ sẅíinɛ wʉ́ʉ kɑ́ pɔ́ ɛ́fú mbɔ̌ mɔ pɔ́. Tɑ̌ɑ mɔ ẅí ɑ nɛ́ mɔ jʉ́ lɔknɛ wɑ́ɑ ɛ́fɑꞋ mɛfɑꞋ mɛ́.

Pʉɔ-Lɔ́mɑ 8:1

Ɛ́ lɔk ḿbɔ́ ŋɡɔ pʉɔ pi pɔ́p lɑtnɛ mbʉʉ yɔp nǔu Yɛ́su Kɛlístɔ, kɛ́ ɡʉ ńdɑ́Ꞌ ḿbɛn ḿvu ntsɑŋ pɔ́,

Jɑ̂ŋ 10:38

Lɑ́ ḿbɔ́ yi n dɑɑ fɑꞋ, ɛ́ zɛɛ ḿbɔ́ ŋɡɔ pʉʉ kɛ́ zɑ́p tʉ́m nǔu mɔ pɔ́, pʉʉ pɛ́m mɛfɑꞋ ɛ̂mɑ́. Ɛ́ lɛɛ pɔ́Ꞌɔ, pʉʉ jí sʉ́Ꞌnɛ ŋɡɔ Tɑ̌ɑ mɔ nɛ́ mɔ, m bɔ́ nɛ́ jʉ́.

2 Kɔlɛ̂ŋtɛ 13:5

Pʉʉ nɛ́ tú yʉ́ʉ pʉʉ líŋɛ́nɛ mbʉʉ yʉ́ʉ ńjʉ́ɔ. Kɛ pʉʉ sɛ́ ńnɛn ndʉ́ŋndʉŋ nǔu nu-Kɛlístɔ yi pʉʉ kɑ pɛ́mnɛ ɔɔ. Pʉʉ niitɛ ńtsɑꞋ. Pʉʉ kɑ́ pɔ́ ńjʉ́ɔ ŋɡɔ Kɛlístɔ tsɛt tʉ́m pʉʉ pɔ́ ɔɔ? Ɛ́ pɔ́ pɛ́Ꞌnɛ ḿbɔɔ pɔ́Ꞌɔ pɔ́, mbɔ ɛ́ lɔk ḿbɔ́ ŋɡɔ pʉʉ kɑ́ pɔ́ pʉɔ-Kɛlístɔ pɔ́.

Kɔlɔsíyɛ̂ŋ 1:27

MbíꞋŋɡɔ Sɛ́ kɑ jʉ́ɔ ŋɡɔ ɑ ɡʉ ŋ́ɡɛ pʉɔ pɛ́ jí yúu mi ɛ́ kɑ zɛɛ ńdʉ̈ɔmɛ mík-pʉɔ lʉɔmɛ́nɛ, ḿbɔ́ yi ɑ kɑ kɑꞋnɛ nɛɡɛ nǔu mɛtúu mɛtúu, yîyɑ́ yúu ɡẅɛɛ fuꞋ, ḿbɛn ḿbɔŋ tɛꞋ. Yîyɑ́ ntsɛm pɔ́ ŋɡɔ pʉʉ jí ŋɡɔ Kɛlístɔ ɑ tsɛt tʉ́m pʉʉ, ḿbɔ́ ŋ́ɡɛ pʉʉ zẅíꞋlɛ ŋkɑ́ yi pʉʉ ɡʉ ńdɑ́Ꞌ kúu tsɛt nɛɡúꞋ-Sɛ́.

Jɑ̂ŋ 16:26

Lɛ́Ꞌ ɛ̂yɑ́, pʉʉ lɔk lík yɑ́ɑ ńdɔ́ɔ yúu mbɔ̌ Sɛ́. Ŋ kɑ́ pɔ́ ɛ́sẅíi wʉ́ʉ ŋɡɔ ŋ ɡʉ ŋ́ɡɛ ḿbúꞋ mbɔ́ mbɔ̌ Tɑ̌ɑ mɔ ŋ́ɡɑ́ mbɔ̌ pʉʉ pɔ́.

Kɔlɔsíyɛ̂ŋ 2:9

MbíꞋŋɡɔ kʉ̈ɔ́ lɑ́ yi ɛ́ nǔu Sɛ́ ɔɔ, pɛ́ jʉ́ɔ nǔu Kɛlístɔ.

Kɔlɔsíyɛ̂ŋ 1:19

Ɛ́ nɛ́nẅín, mbɔ Sɛ́ kɑ kɔŋnɛ ŋɡɔ kɔɔ yɛcɔ́ yúu mi ɛ́ nǔu wɛ́ jɑ́k nǔu Mɔ́ɔ nɛ,

Jɑ̂ŋ 6:56

Ŋu lɑɑ kwɛ́t mbɑp-mbʉʉ yɑɑ, ńnɔ́ mɛci mɑ́ɑ, mbɔ ɑ tɛmtɛ nǔu mɔ, n tɛmtɛ yɑ́ɑ ɡúu nǔu wɛ́.

2 Kɔlɛ̂ŋtɛ 5:17

Ŋu pɔ́ tɛ ńdɑt mbʉʉ yɛ nǔu Kɛlístɔ, ńtsʉ́Ꞌ ḿbɔ́ pɔ ŋu fí, ḿbɔ́ tsɛt tʉ́m yɛ́ mbɔɔ pɛn ḿbɔ́ pɑ́Ꞌ ɑ kɑ zɛɛnɛ ḿbɔ́ pɔ́, mbɔ ɑ zɛ nɛnɑ́ŋ wɛ fí.

Jɑ̂ŋ 17:11

Ɛ́ nǔu ŋkɔ̂ɔnɛ, ɛ́ tsʉ́Ꞌ mɔ́zʉꞋ, m bɔɔ pɛn ḿbɔ́ ndǔmbí pɔ́, mbíꞋŋɡɔ ŋ ɡʉ ḿbɛn nɛ́ nɛjɔ́ŋ ɡu. Lɑ́ ŋ́ɡʉ nǔu pɔ́p, mbɔ pɔ́p kɛ́ ḿbɛ́t ḿbɔ́ pɔ ndǔmbí. Tɑ̌ɑ mɔ ɑ ndɑꞋ ɡu ḿbɔ́ Sɛ́-mɛkuꞋ, lɔk mɛtʉʉ mú, mɛtʉʉ mí ɔ kɑ ɡɑ́nɛ mbɔ̌ mɔ lɑ́, ḿbyɛ́p wɔ́p, ńjí ŋɡɔ pɔ́p ɡʉ ḿbɔ́ tɑ́Ꞌ ŋu, ndʉ́ŋndʉŋ pɑ́Ꞌ pûu tɑ́Ꞌ ŋu lɑ́.

Jɑ̂ŋ 16:23

Ɛ́ ɡɛ ḿbɔ́ lɛ́Ꞌ ɛ̂yɑ́, pʉʉ pɔɔ pɛn ŋ́ɡẅɛɛ yɛcɔ́ nu yí pʉʉ ɡʉ ḿbíkŋɛ wɑ́ɑ pɔ́. Lɑ́ ɛ sẅíi wʉ́ʉ, kwɑꞋ nɛ́nẅín, pʉʉ lɑɑ ńdɔk lík yɑ́ɑ ńdɔ́ɔ yúu mbɔ̌ Tɑ̌ɑ mɔ, mbɔ ɑ ɡʉ ŋ́ɡɑ́.

Ɛ́fɛ̂zɛ 2:10

Pɛkŋɛ lɑɑ ḿbɔ́ kʉ̈ɔ́ ɔɔ, mbɔ pɛkŋɛ lúꞋnɛ pɔ Sɛ́. Sɛ́ kɑ lɛɛ nǔu Yɛ́su Kɛlístɔ ḿbɔ́ɔ wɛkŋɛ, nɛpɔ́ yi pɛkŋɛ ɡʉ ɛ́fɑꞋ mɛfɑꞋ sʉ́Ꞌnɛ mi jʉ́ Sɛ́ kɑ lɑ́Ꞌnɛ ńniitɛ ńzɑ́p pɑ́Ꞌ pɛkŋɛ ɡʉ ɛ́fɑꞋ.

1 Kɔlɛ̂ŋtɛ 1:30

Jʉ́ Sɛ́ kɑ lɔk wɛ́ ŋ́ɡɛ yɛkŋɛ jínu. Sɛ́ fú nǔu wɛ́ ńjʉ́ɔ wɛkŋɛ pɑ́Ꞌ pɑkɛfɑɑnɛ, ńdɔk wɛkŋɛ ŋ́ɡɛ pʉɔ pɛ́, ńzɑ́Ꞌ ŋkʉ-puꞋ-nu kɛpɔŋ nǔu pɛkŋɛ.

Jɑ̂ŋ 17:7

Pɔ́p ŋkɔ̂ɔnɛ ḿbɔ́ ńjí ŋɡɔ, kʉ̈ɔ́ lɑ́ yi ɔ kɑ ɡɑ́nɛ mbɔ̌ mɔ lɑ́, fú mbɔ̌ ɡu.

2 Kɔlɛ̂ŋtɛ 12:2

Mɔ sɛ́ ńjí wɛcɔ́ ŋu ẅí ɑ kɑ lɑtnɛ mbʉʉ nǔu Kɛlístɔ, ɛ́ ŋkɔ̂ɔnɛ ḿbɔ́ ŋɡuꞋ ntsɔ̌pɛ́nɛ́kwɑ nɛ́ nɛɡɛ́m pɑ́Ꞌ Sɛ́ kɑ tíinɛ wɛ́ ńdɔk ŋ́kɔ́Ꞌ kɔ́Ꞌnɛ tɛ ŋ́kúu tɛ tʉ́nɛ́pú kɛ ɛ́ kɑ pɔ́ pɔ́Ꞌɔ, kwɑꞋ jʉ́ ɡʉnɛ zúꞋu ɔɔ, mbɔ ŋ kɑ́ jí, kɛ ɑ kɑ lɛ́ pɔ njʉɔ ɔɔ, mbɔ ŋ kɑ́ jí. Sɛ́ jínɛ.

2 Kɔlɛ̂ŋtɛ 5:19

Sɛ́ kɑ zɛɛ ḿbɔ́ ŋ́ɡɑ́ Kɛlístɔ, ḿbɔ́ ḿmik mbuu yí pɔ́p pʉɔmɛsɔŋ ndǔmbí ɡẅɛɛnɛ, pɔ́Ꞌɔ, kɛ́ pɛn sɑ́ŋ mɛnu kɛpɔŋ mɔ́p, ŋ́ɡɛ ńdẅiklɛ sẅiŋɛ lɔk ḿmik mbuu mbɔ̌ pɛk.

Pʉɔ-Lɔ́mɑ 16:7

Pʉʉ cɛꞋlɛ Andɛlɔnikus pɔ́p Juníyɑs. Pɛk pɛpɔ́p pɛtsʉʉ pɑyúdɑ, mbɔ pɛk pɛpɔ́p kɑ pɔ́ ndɑ́tsɑ́ŋ. Pɔ́p tsɛtsɛt ɡɑŋntúu pɛ́ ŋ́kɔŋ nu yɔ́p tɛꞋ. Pɔ́p kɑ zɛɛ ḿbiitɛ ḿbɔ́ pʉɔ-Kɛlístɔ lɑ ŋ ɡɛ ḿbɔ́ pɑ́ɑ.

Jɑ̂ŋ 14:11

Ɛ sẅíi wʉ́ʉ ŋɡɔ mɔ nɛ́ Tɑ̌ɑ mɔ, pɛkŋɛ tɛmtɛ ḿbɔ́ pɔ tɑ́Ꞌ yúu, pʉʉ pɛ́m ŋɡɔ ɛ́ pɔ́Ꞌɔ, ńzɛɛ ḿbɔ́ yi pʉʉ kɛ́ pɛ́m nu yí n cúnɛ pɔ́, pʉʉ zɛɛ ńdíŋɛ pɔ mɛfɑꞋ mí pʉʉ jʉ́ɔnɛ ɛ fɑꞋ, ḿbɛ́m.»