Jɑ̂ŋ 14:19 - Kɑɑ Fí

¹⁹ Ɛ́ tsʉꞋ pɔ mɔ́zʉꞋ, pʉɔ-ndǔmbí pɔɔ pɛn ńjʉ́ɔ wɑ́ɑ pɔ́, lɑ́ ŋ́ɡʉ nǔu pʉʉ, pʉʉ pɔ́ ńjʉ́ɔ wɑ́ɑ jʉ́ɔnɛ, mbíꞋŋɡɔ mɔ pɔ ntʉʉ. Pʉʉ ɡʉ ḿbɛn ḿbɔ́ yʉ́ʉ ntʉʉ.

Jɑ̂ŋ 14:19 Referans Kwoze

Jɑ̂ŋ 16:16

Ɛ́ ńtsʉ́Ꞌ mɔ́zʉꞋ pʉʉ pɔɔ pɛn ńjʉ́ɔ wɑ́ɑ pɔ́, ɛ́ pɛn ŋ́kɛ́ ŋ́ɡɔ́ ńdɑ́ɑtɛ pʉʉ pɛn ńjʉ́ɔ wɑ́ɑ.

Ɛ́bɛlʉʉ 7:25

Yúu mi ɛ́ pɛn ŋ́ɡɛ ɑ kuꞋ nɛɡɛ pʉɔ pi pɔ́p sɛ́ ńdɔk wɛ́ ŋ́kẅɛ́Ꞌlɛ ńtɔ́ nɛ́ nɛjɔ́ŋ-Sɛ́, pɔ́p luk pɔ tɑ́Ꞌ ŋkɑ́. Pɔ́Ꞌɔ mbíꞋŋɡɔ jʉ́ Yɛ́su pɔ́ pɔ ɡú, pɑ́Ꞌ ɑ ɡʉ ńcɛꞋlɛ Sɛ́ nǔu tú yɔ́p.

Jɑ̂ŋ 7:33

Ɛ́ ɡɔ́ ḿbɔ́ Yɛ́su pɔ́ ńcú mbɔ̌ lɑ́Ꞌ ŋɡɔ ŋ ɡʉ ḿbɛn ńnɑ́Ꞌ ńnɑ́ŋ, lɑ ŋ ɡʉ ńtsɛ́t Tɑ̌ɑ ẅí ɑ kɑ túunɛ wɑ́ɑ.

Jɑ̂ŋ 11:25

Yɛ́su pʉ̈ɔt mbɔ̌ wɛ́ ŋɡɔ: «Mɔ ŋu ẅí ɑ ɡɛnɛ pɛ́ zẅíimɛ nǔu nɛvú, ḿbɔ́ ŋu ẅí ɑ ɡɛnɛ pɛ́ pɔ́ ɡú. Ŋu lɑɑ ńzɑ́p tʉ́m nǔu mɔ ḿpfú mbɑ pfúnɛ, mbɔ ɑ ɡʉ ŋ́ɡɛ ḿbɔ́ ɡú.

1 Kɔlɛ̂ŋtɛ 15:45

Ɛ́ yúu mi ɛ́ kɑ ɡɛnɛ pɛ́ ŋwɑꞋnɛ ŋɡɔ Ádɑm ẅí ɑ kɑ pɔ́nɛ nduŋmbi ŋumɛsɔŋ, Sɛ́ kɑ ɡɛ lɑ ɑ pɔ́ ɡú, lɑ́ ndẅiknzʉʉ Ádɑm tɔ́ ḿbɔ́ pɔ Zẅikŋɛ yi ɛ́ ŋ́ɡɛ pɛ́ pɔ́ ɡú.

Jɑ̂ŋ 16:22

Ɛ́ ndʉ́ŋndʉŋ pɑ́Ꞌ pʉʉ ŋkɔ̂ɔnɛ ḿbɔ́ ḿmʉk mʉknɛ, lɑ́ ŋ ɡʉ ŋ́ɡɛ ḿbɛn ńjʉ́ɔ wʉ́ʉ, pʉʉ ɡɔ́ɔ ŋ́kɛ́ ńtsʉ́Ꞌ ńtsɑ́ɑtɛ tsɑ́ɑtɛ́nɛ. Wɛcɔ́ ŋu pɔɔ kuꞋ nɛsɑꞋ yʉ́ʉ tsɑ́ɑtɛ pɔ́.

Pʉɔ-Lɔ́mɑ 8:34

mbɔ wɔ̌ kuꞋ nɛcú ŋɡɔ ntsɑŋ jʉ́nɛ wɔ́p? Ŋɡɑŋ kɑ pɔ́ ɡú pɔ́, mbíꞋŋɡɔ Yɛ́su Kɛlístɔ kɑ pfú nǔu tú yɔ́p, mbɔɔ ɡɔ́ŋ pɔ́Ꞌɔ pɔ́, ɑ kɑ zẅíimɛ nǔu nɛvú. A nɑ́ŋ nǔu ɡúŋ-pɔ́-Sɛ́ yi tʉʉ, ḿbɔ́ ḿbúꞋ mbɔ́ mbɔ̌ wɛ́ nǔu tú yɛkŋɛ.

Pʉɔ-Lɔ́mɑ 5:10

Pɛkŋɛ pɛ Sɛ́ kɑ zɛɛ ḿbɔ́ pɔ ɡɑŋmbuu, lɑ Sɛ́ lɔk pɑ́Ꞌ Mɔ́ɔ nɛ pfúnɛ, ḿmɛk mbuu yɛkŋɛ pɛpɔ́p. Ɛ́ ɡʉ ḿbɛn ḿbɔ́ nǔu ŋkɔ̂ɔnɛ, ɑ lɔk pɑ́Ꞌ Mɔ́ɔ nɛ pɔ́ pɔ ɡú, ŋ́ɡɛ pɛkŋɛ luk ŋɡʉ̈ɔ́Ꞌ luknɛ.

1 Kɔlɛ̂ŋtɛ 15:20

Lɑ́ ɛ́ kɛ́ mbɔɔ pɔ́Ꞌɔ pɔ́, Kɛlístɔ kɑ tsuŋ ńzẅíimɛ nǔu nɛvú ḿbɔ́ nduŋmbi, ńdɔk ńnyɛt ŋɡɔ pʉɔ pi pɔ́p kɑ pfúnɛ ɡʉ ńdɑ́Ꞌ ḿbɛn ńzẅíimɛ yɔ́p nǔu nɛvú.

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Jɑ̂ŋ 13:33

Mbɔ́ŋkʉ̈ɔ́ pɑ́ɑ, pɛkŋɛ kɛ́ pɛn ńnɑ́ŋ tɛ ntí sɑk pɔ́. Pʉʉ ɡʉ ŋ́ɡɛ ḿbɔ́ kɑ́t ńdɔɔ wɑ́ɑ pɑ́Ꞌ ŋ kɑ cúnɛ mbɔ̌ Pɑyúdɑ ŋɡɔ: «ZʉꞋ yí ŋ ɡʉnɛ nɛ́ zúꞋu, pʉʉ kɛ́ kuꞋ nɛtɔ́ zúꞋu pɔ́. Mɔ ḿbɛn ńcú yîyɑ́ nu mbɔ̌ pʉʉ ŋkɔ̂ɔnɛ.»

Jɑ̂ŋ 12:35

Yɛ́su tsɔ́Ꞌ mbɔ̌ pɔ́p ŋɡɔ: «Kyɛꞌ kɛ́ ɡɛ ḿbɛn ḿbɔ́ tsɛtsɛt pʉʉ tɛ ntí sɑk pɔ́. Kyɛꞌ pɛ́t sɛ́, pʉʉ nɛn, ḿbɔ́k nzɛ́nzʉ́ʉ nɛkẅɛ́ɛtɛ wʉ́ʉ. Ɛ́ mbíꞋŋɡɔ ŋu sɛ́ ńnɛn tsɛt nzɛ́nzʉ́ʉ, ḿbɔɔ ńjí zʉꞋ yi ɑ ɡʉ nɛ́ zúꞋu pɔ́.

Jɑ̂ŋ 8:21

Yɛ́su pɛn ńcú mbɔ̌ lɑ́Ꞌ ŋɡɔ: «Ŋ ɡʉ ŋ́ɡʉ, pʉʉ tsʉ́Ꞌ ḿbɔ́ ŋ́kɑ́t ńdɔɔ wɑ́ɑ. Lɑ́, pʉʉ ḿpfú nǔu nu kɛpɔŋ yʉ́ʉ. Pʉʉ kɑ́ kuꞋ nɛɡʉ zʉꞋ yi ŋ ɡʉnɛ nɛ́ zúꞋu pɔ́.»

Jɑ̂ŋ 6:40

Yúu mi Tɑ̌ɑ mɔ sɛ́ ŋ́kɔŋ ɛ́ pʉ̈ɔ́lɑɑ: «Ŋu lɑɑ ńjʉ́ɔ mɔ́ɔ nɛ, ńzɑ́p tʉ́m yɛ́ nǔu wɛ́, mbɔ ŋɡɑŋ ŋ́ɡẅɛɛ luk kɛ́mɛ. N dɑ́Ꞌ ndẅiknzʉʉ lɛ́Ꞌlɑ́Ꞌ ńzẅíimɛ wɛ́ nǔu nɛvú.»

ŊwɑꞋnɛ-Gɑŋntúu Yɛ́su Kɛlístɔ 10:41

A ŋkɑɑ nyɛt mbɔ̌ lɑ́Ꞌ tsʉʉ pɔ́, ɑ kɑ nyɛt pɔ mbɔ̌ pɛk pɑjʉ́njʉ́ɔ pi Sɛ́ kɑ piitɛ́nɛ ńtsɔ́Ꞌ. A kɑ zẅíimɛ nǔu nɛvú pɔ́Ꞌɔ, pɛk pɛ́pɔ́p jʉ́ yúu ḿbɛn ńnɔ́.

Mɛnu ɛ́ ńdɑ́Ꞌ ńcẅɛt 20:4

M bɛn ńjʉ́ɔ mɛkɔꞋ-nɛfɔɔ tʉ́ʉtɛ. Pʉɔ tɔ́ ńnɑ́ŋtɛ ndǔ. Ḿbɔ́ pʉɔ pɛ́ ɡɑ́nɛ mɛtʉʉ mbɔ̌ pɔ́p nɛlɔk ńzɑ́Ꞌ ntsɑŋ. N jʉ́ɔ mbɑ mɛtʉ́m-pʉɔ pí pɛ́ kɑ ɡẅɛɛnɛ wɔ́p ńzɑ́Ꞌ mɛtú mɔ́p, ntɛ́ pɑ́Ꞌ pɔ́p jí yɔ́p pɔ ndɑꞋ nu yí Yɛ́su kɑ ɡɛnɛ pɛ́ jí, mbɑ nu-Sɛ́. Mbɔ pɔ́p ŋkɑɑ ɡúꞋlɛ ŋkʉꞋnɛ nɑɑ pɔ́, ŋ́kɛ́ mbɔɔ tɛ́tɔ́k wɛ ɡúꞋlɛ, lii-nɑɑ ɛ̂wɑ́ pɛn mbɔɔ nǔu nɛzíi nɔ́p kɛ nǔu pɔ́ yɔ́p pɔ́. Pɔ́p fú lɑ́Ꞌ-pɛpfú ḿbɛn nzʉʉ, ḿbɛn ḿbɔ́ zúꞋu, pɔ́p pɛ́ Kɛlístɔ tɛmtɛ ɛ́sɑ́Ꞌ mbí nǔu ŋɡuꞋ ntsɑ́Ꞌ.