Jɑ̂ŋ 14:16 - Kɑɑ Fí

¹⁶ Ŋ ɡɔ́ɔ ŋ́kɛ́ ḿbúꞋ mbɔ́ mbɔ̌ Tɑ̌ɑ mɔ, ɑ ɡɑ́ wɛcɔ́ Ncẅɛ́ɛntɑ́ŋ mbɔ̌ pʉʉ, ẅi pʉʉ pɛ́ pɔ́p ɡʉnɛ ńtsʉ́Ꞌ ḿbɔ́ ŋkɑ́ tsʉʉ.

Jɑ̂ŋ 14:16 Referans Kwoze

Jɑ̂ŋ 14:26

«Pʉʉ ɡʉ ńtsʉ́ꞌ nzʉʉ, Tɑ̌ɑ mɔ lɔk lík yɑ́ɑ, ńtúu Ncẅɛ́ɛntɑ́ŋ wʉʉ, ɛ́ pɔ́ zẅikŋɛ Lɛ́ɛnɛ́nɛ. Ɛ́ tɔ́ ńzíꞋ wʉ́ʉ nɛ́ yúu tsʉʉ, ŋ́ɡɛ pʉʉ kẅíitɛ kʉ̈ɔ́ lɑ́ yi ŋ kɑ pɔ́ ɛ́sẅíi wʉ́ʉ.»

Jɑ̂ŋ 15:26

«Ncẅɛ́ɛntɑ́ŋ ẅi ŋ ɡʉ ŋ́ɡɛ ɛ́fú nɛjɔ́ŋ Tɑ̌ɑ mɔ túu mbɔ̌ pʉʉ, ɛ́ zẅikŋɛ yí ɛ́ fúnɛ mbɔ̌ Tɑ̌ɑ mɔ, ɛ́ lɛꞋlɛ nu nɛ́nẅín nǔu Sɛ́. Jʉ́ ɡʉnɛ ŋ́ɡɛ ɛ́sẅíi nu yí ɑ jínɛ nǔu mɔ.»

Pʉɔ-Lɔ́mɑ 15:13

Pɔ́Ꞌɔ, mɔ sɛ́ ńtsɑ́ɑ ŋɡɔ Sɛ́ ẅí jʉ́ ɡɛnɛ lɑ pɛ́ nɑ́ŋ ḿbɔ́ ńzẅíꞋlɛ yúu, ɑ lɛɛ nǔu pɑ́Ꞌ pʉʉ zɑ́pnɛ tʉ́m nǔu wɛ́, ŋ́ɡɛ tsɑ́ɑtɛ pɔ́p mɔ́fíitɛ jʉ́ tʉ́m yʉ́ʉ, ńjí ŋɡɔ Zẅikŋɛ Lɛ́ɛnɛ́nɛ ɡʉ ńdɔk mɛtʉʉ mɛ́ ŋ́ɡɛ pʉʉ pɔ́ kwɑꞋ pɑnɑ́ŋ ńzẅíꞋlɛ yúu mi Sɛ́ kɑ kɑ́Ꞌnɛ.

Ŋɡɑlɑ̂t 5:22

Lɑ́, mɛnu sʉ́Ꞌnɛ mi Zẅikŋɛ Lɛ́ɛnɛ́nɛ ɡɛnɛ ŋu ɡɛ ɛ́ mɔnɛ: Ḿbɔ́ nɛɡẅɛɛ ŋkɔŋɛ, ḿbɔ́ nɛnɑ́ŋ nɛ́ tsɑ́ɑtɛ, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛɡẅɛɛ kɔkmbʉʉ, ḿbɔ́ nɛtʉ́ʉ nɛcẅɛ́lɛ pʉɔ, ḿbɔ́ nɛɡẅɛɛ pɔŋtʉ́m, ḿbɔ́ nɛnɑ́ŋ kɛ́ pɔ́ ŋɡɑŋ mɛfúklɛ,

Pʉɔ-Lɔ́mɑ 14:17

Ɛ́ zɛɛ ŋ́ɡɔ ḿbɔ́, nu-nɛfɔɔ-Sɛ́ kɑ́ pɔ́ nu-yúupɛjʉ́ kɛ pɔ nu-mɛluꞋ pɔ́. Nu-nɛfɔɔ-Sɛ́ pɔ́ pɔ nɛɡɛ mɛnu mi ɛ́ fúnɛ mbɔ̌ Zẅikŋɛ Lɛ́ɛnɛ́nɛ. Ɛ́ pɔ́ pɔ nɛɡɛ mɛnu mi ɛ́ ndʉ́ŋndʉŋ mbi Sɛ́, ḿbɔ́ nɛnɑ́ŋ nɛ́ mɔ́fíitɛ, ḿbɔ́ nɛnɑ́ŋ nɛ́ tsɑ́ɑtɛ.

ŊwɑꞋnɛ-Gɑŋntúu Yɛ́su Kɛlístɔ 9:31

Ɛ́ pɔ́ ŋkɑ́ yîyɑ́, ŋɡɔŋ pɑpɛ́m Yɛ́su tsʉʉ nɑ́ŋ tsɛt mɔ́fíitɛ. Pɛ́ pɔɔ pɛn ŋ́ɡɑ́ɑnɛ wɔ́p nǔu pɑk-ŋɡɔŋ-Judɛ̂ pɔ́. Tɛ mbɑ tsɛt pɑk-ŋɡɔŋ-Ŋɡɑlilɛɛ tɛ mbɑ Sɑmɑlîi. Pɔ́p pɛtsʉʉ pɔ́ ńtɔ́ɔtɛ mɛmbʉʉ mɔ́p, ŋ́kẅiꞋ ńtɛntɛ, ḿbɔ́ ńzúꞋ ntsu-Tsɑpʉɔ. Zẅikŋɛ-Sɛ́ pɛn ḿbɔ́ ńtɔ́ɔtɛ wɔ́p, ḿbɛn ŋ́ɡɛ ndɛn wɔ́p kẅiꞋ ńzɑ́ɑ.

1 Jɑ̂ŋ 2:1

Mbɔ́ŋkʉ̈ɔ́ pɑ́ɑ, ŋ ŋwɑꞋnɛ mɔnɛ mɛnu nɛpɔ́ yi pʉʉ ɡʉ ŋ́ɡẅɛɛ shʉ́ tɛ mbɔɔ ɡɛ nu kɛpɔŋ pɔ́. Lɑ́ ḿbɔ́ yi ŋu lɑɑ ŋ́ɡɛ nu kɛpɔŋ, mbɔ pɛkŋɛ ɡẅɛɛ wɛkŋɛ ŋu nɛjɔ́ŋ Tɑ̌ɑ, ɑ pɔ́ Yɛ́su Kɛlístɔ, jʉ́ ẅi ɑ ndʉ́ŋndʉŋ mbi Sɛ́.

Jɑ̂ŋ 4:14

Lɑ́ ŋu lɑɑ nɔ́ ŋki ẅí mɔ ɡɑ́nɛ mbɔ̌ wɛ́, mbɔ ɡɑ́k yɛ́ kɛ́ lɑ́Ꞌ ḿbɛn ɛ́shí pɔ́. Mbɔ ŋki ɛ̂wɑ́ ɡʉ ŋ́kúu mbʉʉ yɛ́, ńtsʉ́Ꞌ pɔ nɛsɑ́Ꞌ ŋki, zʉꞋ yí ŋki ɡʉ ḿbɔ́ ɛ́fú zúꞋu ńcúŋ, ŋ́ɡɑ́ wɛ́ nɛ́ luk kɛ́mɛ.»

Mɑtʉ̈ɔ 28:20

ńzíꞋ wɔ́p nɛtík ku nǔu mɛnu tsʉʉ mi mɔ ńzíꞋnɛ wʉ́ʉ. Pʉʉ jí ŋɡɔ, kwɑꞋ mɔ, ŋ ɡʉ ńdɑ́Ꞌ ḿbɔ́ pɔ tsɛtsɛt pʉʉ tɛ ntsɛ́llɛ́ lɑ́Ꞌ mɛ.

Filipɛ 2:1

Tɛ nɛpɔ́ ẅi pʉʉ pɛ Kɛlístɔ kɑ tɛmtɛ mɔ́ kɑ́ nɛ́ pɔ́ ŋ́ɡɛ pʉʉ kẅiꞋ ɛ́sʉk pɔ́ ɔɔ? Tɛ ntɛ́ yi Kɛlístɔ lɔknɛ ŋ́kɔŋ wʉ́ʉ kɑ́ pɔ́nɛ ńníꞋ mɛtʉʉ mʉ́ʉ pɔ́ ɔɔ? Tɛ pʉʉ pɛ́ Zẅikŋɛ Lɛ́ɛnɛ́nɛ kɑ́ pɔ́nɛ pɔ́ ɔɔ? Tɛ pʉʉ kɑ́ ɡẅɛɛ ŋkɔŋɛ nɛ́ tsɑ́ɑ mɛjʉ́ŋ tsɛtsɛt pʉʉ pɔ́ ɔɔ?

Pʉɔ-Lɔ́mɑ 5:5

Pɛkŋɛ kɛ́ ḿbɔɔ ńzẅíꞋlɛ pɔ́Ꞌɔ pɔ zʉꞋ níinɛ pɔ́, mbíꞋŋɡɔ Sɛ́ ɛ́fú nǔu Zẅikŋɛ yɛ́ yi ɑ kɑ ɡɑ́nɛ mbɔ̌ pɛkŋɛ, ńnyɛt wɛkŋɛ pɑ́ꞋtɛꞋ ŋɡɔ ɑ kɔŋ wɛkŋɛ.

ŊwɑꞋnɛ-Gɑŋntúu Yɛ́su Kɛlístɔ 13:52

Ɛ́ kɛ ŋ́ɡʉ nǔu pʉɔ-Kɛlístɔ pɛ́ Antíyɔshɛ, pɔ́p tsʉ́Ꞌ tʉ́sɔŋ ɛ̂wɑ́, Zẅikŋɛ Lɛ́ɛnɛ́nɛ jʉ́ wɔ́p, pɔ́p nɑ́ŋ tsɛt tsɑ́ɑtɛ.

Jɑ̂ŋ 17:15

Ŋ kɑ́ pɔ́ ḿbúꞋ mbɔ́ mbɔ̌ ɡu ŋɡɔ ɔ fú ndǔmbí ńcẅɛɛtɛ wɔ́p pɔ́, m búꞋ mbɔ́ mbɔ̌ ɡu pɔ ŋɡɔ ɔ pɑ́ɑ wɔ́p nǔu Sɑ́ttɑ ŋɡɛnu kɛpɔŋ.

Jɑ̂ŋ 14:18

Mɔ ŋ́ɡʉ ńnɑ́ wʉ́ʉ pʉʉ tsʉ́Ꞌ pɔ́ɔpɛcí pɔ́. Mɔ sɛ́ ńtɔ́ nɛ́ nɛjɔ́ŋ pʉʉ.

Ɛ́bɛlʉʉ 7:25

Yúu mi ɛ́ pɛn ŋ́ɡɛ ɑ kuꞋ nɛɡɛ pʉɔ pi pɔ́p sɛ́ ńdɔk wɛ́ ŋ́kẅɛ́Ꞌlɛ ńtɔ́ nɛ́ nɛjɔ́ŋ-Sɛ́, pɔ́p luk pɔ tɑ́Ꞌ ŋkɑ́. Pɔ́Ꞌɔ mbíꞋŋɡɔ jʉ́ Yɛ́su pɔ́ pɔ ɡú, pɑ́Ꞌ ɑ ɡʉ ńcɛꞋlɛ Sɛ́ nǔu tú yɔ́p.

Pʉɔ-Lɔ́mɑ 8:34

mbɔ wɔ̌ kuꞋ nɛcú ŋɡɔ ntsɑŋ jʉ́nɛ wɔ́p? Ŋɡɑŋ kɑ pɔ́ ɡú pɔ́, mbíꞋŋɡɔ Yɛ́su Kɛlístɔ kɑ pfú nǔu tú yɔ́p, mbɔɔ ɡɔ́ŋ pɔ́Ꞌɔ pɔ́, ɑ kɑ zẅíimɛ nǔu nɛvú. A nɑ́ŋ nǔu ɡúŋ-pɔ́-Sɛ́ yi tʉʉ, ḿbɔ́ ḿbúꞋ mbɔ́ mbɔ̌ wɛ́ nǔu tú yɛkŋɛ.

Jɑ̂ŋ 14:14

Pʉʉ lɑɑ ńdɔk lík yɑ́ɑ ńdɔ́ɔ yúu mbɔ̌ Sɛ́, mbɔ ŋ ɡʉ ŋ́ɡɛ yîyɑ́ yúu.

Jɑ̂ŋ 17:20

Ŋ kɑ́ púꞋ mbɔ́ mbɔ̌ ɡu pɔ ndɑꞋ nǔu tú yɔ́p pɔ́, m búꞋ mbɔ́ mbɔ̌ ɡu mbɑ nǔu tú-pʉɔ pí pɔ́p ɡʉ ŋ́ɡɛ ńdɛɛ nǔu sẅiŋɛ yɔ́p, ńzɑ́p tʉ́m nǔu mɔ.

Jɑ̂ŋ 16:22

Ɛ́ ndʉ́ŋndʉŋ pɑ́Ꞌ pʉʉ ŋkɔ̂ɔnɛ ḿbɔ́ ḿmʉk mʉknɛ, lɑ́ ŋ ɡʉ ŋ́ɡɛ ḿbɛn ńjʉ́ɔ wʉ́ʉ, pʉʉ ɡɔ́ɔ ŋ́kɛ́ ńtsʉ́Ꞌ ńtsɑ́ɑtɛ tsɑ́ɑtɛ́nɛ. Wɛcɔ́ ŋu pɔɔ kuꞋ nɛsɑꞋ yʉ́ʉ tsɑ́ɑtɛ pɔ́.

2 Tɛsɑlɔník 2:16

Tɑ̌ɑ wɛkŋɛ Sɛ́ kɑ kɔŋ wɛkŋɛ, ńdɔk ŋ́ɡɑ́ fuꞋ fɛ̌ɛ yɛkŋɛ, ńní mɛtʉʉ mʉ́kŋɛ nǔu ntɛ́ yi ɛ́ ŋ́ɡʉ ńdɑ́Ꞌ ḿmɛ pɔ́, ḿbɛn ŋ́ɡɛ pɛkŋɛ nɑ́ŋ ḿbɔ́ ńzẅíꞋlɛ yúu sʉ́Ꞌnɛ yi ɑ kɑ kɑꞋnɛ mbɔ̌ pʉɔ pɛ́. Pɔ́Ꞌɔ, pɛk sɛ́ ńdɔ́ɔ mbɔ̌ wɛ́ mbɑ mbɔ̌ Tsɑpʉɔ wɛkŋɛ Yɛ́su Kɛlístɔ ŋɡɔ:

Jɑ̂ŋ 7:39

A kɑ pɔ́ ńcú pɔ́Ꞌɔ, ńdɑ́Ꞌ Zẅikŋɛ-Sɛ́ yi pʉɔ pinɛ pɔ́p zɑ́pnɛ tʉ́m nǔu wɛ́ kɑ pɔ́ ŋ́ɡʉ ńcẅɛ́ɛ. Ɛ́ ɡɔ́ ḿbɔ́, Zẅikŋɛ Lɛ́ɛnɛ́nɛ ɛ̂yɑ́ pɛ́t kɛ́ tɔ́, mbíꞋŋɡɔ Yɛ́su kɑ pɛ́t kɛ́ kúu tsɛt nɛɡúꞋ wɛ.

ŊwɑꞋnɛ-Gɑŋntúu Yɛ́su Kɛlístɔ 1:4

Pɔ́p pɛ́pɔ́p ɡɛ ḿbɔ́ yɛcɔ́ lɛ́Ꞌ ɑ sɑ́Ꞌ mbɔ̌ pɔ́p ŋɡɔ: «Pʉʉ kɛ ńnɑ́ŋ pɔ Yɛlúsɑlɛm! Pʉʉ kɛ́ ńnɑ́ŋ pɔ zúꞋu, ńzẅíꞋlɛ yúu mi Tɑ̌ɑ kɑ kɑꞋnɛ nɛɡɑ́ mbɔ̌ pʉʉ.» Ɛ́ pɔ́ pɑ́Ꞌ ŋ kɑ sẅíinɛ wʉ́ʉ ŋɡɔ:

1 Jɑ̂ŋ 2:27

ŋ́ɡʉ nǔu pʉʉ, mbɔ Kɛlístɔ kɑ ɡɑ́ Zẅikŋɛ yɛ́ mbɔ̌ pʉʉ. Yîyɑ́ Zẅikŋɛ pɛn ŋ́kɛ́ ḿbɔ́ pɔ nǔu pʉʉ, ɛ́ yúu mi ɛ́ ɡɛnɛ, ɛ́ kɑ́ pɔ́ ḿbíkŋɛ ŋɡɔ ŋumɛsɔŋ zíꞋ wʉ́ʉ nɛ́ yúu pɔ́, mbíꞋŋɡɔ Zẅikŋɛ Lɛ́ɛnɛ́nɛ sɛ́ ńzíꞋ wʉ́ʉ nɛ́ mbɑ kʉ̈ɔ́ lɑ́, yúu mi ɛ́ lɛ́Ꞌlɛ́nɛ pɛn ḿbɔ́ nɛ́nẅín, ɛ́ kɑ́ pɔ́ cɔtnu pɔ́. Pɔ́Ꞌɔ lɑ́, pʉʉ kɛ́ ńdɑt pɔ mbʉʉ yʉʉ nǔu Kɛlístɔ pɑ́Ꞌ Zẅikŋɛ Lɛ́ɛnɛ́nɛ kɑ zíꞋnɛ wʉ́ʉ lɑ́.

2 Jɑ̂ŋ 1:2

Pɛk kɔŋ wʉ́ʉ, ɛ́ fú nǔu pɑ́Ꞌ nu nɛ́nẅín ɛ́ tsɛt tʉ́m yɛkŋɛ, ɛ́ ŋ́kɛ́ ńdɑ́Ꞌ ńtsẅɛ́ ḿbɔ́ pɔ tsɛtú.