Jɑ̂ŋ 13:33 - Kɑɑ Fí

³³ Mbɔ́ŋkʉ̈ɔ́ pɑ́ɑ, pɛkŋɛ kɛ́ pɛn ńnɑ́ŋ tɛ ntí sɑk pɔ́. Pʉʉ ɡʉ ŋ́ɡɛ ḿbɔ́ kɑ́t ńdɔɔ wɑ́ɑ pɑ́Ꞌ ŋ kɑ cúnɛ mbɔ̌ Pɑyúdɑ ŋɡɔ: «ZʉꞋ yí ŋ ɡʉnɛ nɛ́ zúꞋu, pʉʉ kɛ́ kuꞋ nɛtɔ́ zúꞋu pɔ́. Mɔ ḿbɛn ńcú yîyɑ́ nu mbɔ̌ pʉʉ ŋkɔ̂ɔnɛ.»

Jɑ̂ŋ 13:33 Referans Kwoze

1 Jɑ̂ŋ 2:1

Mbɔ́ŋkʉ̈ɔ́ pɑ́ɑ, ŋ ŋwɑꞋnɛ mɔnɛ mɛnu nɛpɔ́ yi pʉʉ ɡʉ ŋ́ɡẅɛɛ shʉ́ tɛ mbɔɔ ɡɛ nu kɛpɔŋ pɔ́. Lɑ́ ḿbɔ́ yi ŋu lɑɑ ŋ́ɡɛ nu kɛpɔŋ, mbɔ pɛkŋɛ ɡẅɛɛ wɛkŋɛ ŋu nɛjɔ́ŋ Tɑ̌ɑ, ɑ pɔ́ Yɛ́su Kɛlístɔ, jʉ́ ẅi ɑ ndʉ́ŋndʉŋ mbi Sɛ́.

Jɑ̂ŋ 14:19

Ɛ́ tsʉꞋ pɔ mɔ́zʉꞋ, pʉɔ-ndǔmbí pɔɔ pɛn ńjʉ́ɔ wɑ́ɑ pɔ́, lɑ́ ŋ́ɡʉ nǔu pʉʉ, pʉʉ pɔ́ ńjʉ́ɔ wɑ́ɑ jʉ́ɔnɛ, mbíꞋŋɡɔ mɔ pɔ ntʉʉ. Pʉʉ ɡʉ ḿbɛn ḿbɔ́ yʉ́ʉ ntʉʉ.

1 Jɑ̂ŋ 5:21

Mbɔ́ŋkʉ̈ɔ́ pɑ́ɑ, pʉʉ lɑk tú yʉ́ʉ nǔu yúu mi pʉɔ ɡúꞋlɛ́nɛ ŋɡɔ ɛ́ sɛ́.

1 Jɑ̂ŋ 4:4

Pʉʉ mbɔ́ŋkʉ̈ɔ́ pɑ́ɑ, pʉʉ nǔu ɡúŋ yɛ́ Sɛ́. Pʉʉ kɑ kɛ́mɔ́ ńdʉɔ́Ꞌ tɛ ńdɛɛ pɑcẅiŋkʉʉ-Sɛ́ pɛ́ cɔtnu, mbíꞋŋɡɔ Zẅikŋɛ-Sɛ́ yi ɛ́ nǔu pʉʉ ɛ́ tɛn ńdɛɛ ŋɡɑŋmbuu-Kɛlístɔ ẅí ɑ ndǔmbí.

Ŋɡɑlɑ̂t 4:19

Mbɔ́ŋkʉ̈ɔ́ pɑ́ɑ, m bɛn ḿbɔ́ ńjʉ́ɔ ŋɡʉ̈ɔ́Ꞌ fí nɛfí nǔu pʉʉ pɔ pɑ́Ꞌ mɑŋɡɛ́ ẅí ɑ sɛ́ ńnɛ́mɛ ḿbɔ́ ŋ́ɡʉ ḿbí lɑ́. Mɔ ŋ́kɛ́ ńjʉ́ɔ ŋɡʉ̈ɔ́Ꞌ pɔ pɔ́Ꞌɔ, tɛ ŋ́kúu ŋkɑ́ yi pʉʉ tsʉ́Ꞌ kwɑꞋ pʉɔ-Kɛlístɔ.

Jɑ̂ŋ 7:36

Yɔ ntɛ́ sẅiŋɛ pɑ́Ꞌɑ ńdɔk ńcú ŋɡɔ kʉ̈ɔ́, pɑ́Ꞌ ɑ cúnɛ ŋɡɔ pʉʉ ɡʉ ńdɔɔ wɑ́ɑ ḿbɛn ŋ́kɛ́ mbɔɔ wɑ́ɑ jʉ́ɔ, ḿbɛn mbɔɔ kuꞋ nɛtɔ́ zʉꞋ yí mɔ zúꞋu pɔ́ ɔɔ?»

Jɑ̂ŋ 13:36

Símɔ̂ŋ Pyɛ̂ píkŋɛ wɛ́ ŋɡɔ: «Tsɑpʉɔ, ɔ ɡʉ pɔ nɛ́ ɡɔ́.» Yɛ́su tsɔ́Ꞌ mbɔ̌ wɛ́ ŋɡɔ: «ZʉꞋ yí ŋ ɡʉnɛ nɛ́ zúꞋu, ɔ kɑ́ kuꞋ nɛcʉ́ɔ nzʉʉ mɔ ŋkɔ̂ɔnɛ pɔ́. Ɔ ɡʉ ńtɑ́ɑ lɑ ńcʉ́ɔ nzʉʉ mɔ.»

Jɑ̂ŋ 14:2

MɛzʉꞋ nɛnɑ́ŋ ndɑ́-Tɑ̌ɑ mɔ tɛ ńzɑ́ɑ. Mɔ ŋ́ɡʉ ńniitɛ zʉꞋ yʉ́ʉ. Ɛ́ lɑ́Ꞌ mbɔɔ pɔ́Ꞌɔ pɔ́, mbɔ ŋ kɑ́ sẅíi wʉ́ʉ ŋɡɔ mɔ ŋ́ɡʉ ńniitɛ zʉꞋ yʉ́ʉ pɔ́.