Jɑ̂ŋ 13:18 - Kɑɑ Fí

¹⁸ Ŋ kɑ́ kɛ́ ńcú yɔ nu mbɔ̌ pʉʉ pɛtsʉʉ pɔ́, mɔ sɛ́ ńjí pʉɔ pí ŋ kɑ tsɔ́Ꞌnɛ wɔ́p. Lɑ́ ɛ́ pɔŋ ŋɡɔ yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-ndɛn kɑɑ puutɛ. Pɛ́ kɑ ŋwɑꞋnɛ ŋɡɔ ŋu ẅí pɛkŋɛ sɛ́ ńtɛmtɛ yúu pɛjʉ́ ńjʉ́ kɑ tsʉ́Ꞌnɛ ŋɡɑŋmbuu wɑɑ.

Jɑ̂ŋ 13:18 Referans Kwoze

Mɑtʉ̈ɔ 26:23

Yɛ́su pʉ̈ɔt mbɔ̌ pɔ́p ŋɡɔ: «Ŋu ẅí pɔ́ yɛ́kŋɛ ɡʉ ḿbuutɛ tsɛt kɑ́ŋ, ɑ ŋu ẅí ɑ ɡʉ ɛ́fɛn wɑ́ɑ.»

Jɑ̂ŋ 17:12

Ɛ́ m̄bɔ́ ŋkɑ́ yi pɛk pɛ́ pɔ́p kɑ pɔ́nɛ, m bɔ́ ńdɔk mɛtʉʉ mú, mɛtʉʉ mí ɔ kɑ ɡɑ́nɛ mbɔ̌ mɔ lɑ́, ḿbyɛ́p wɔ́p. Ŋ kɑ tʉ̈ɔ́Ꞌlɛ wɔ́p tɛ wɛcɔ́ tɑ́Ꞌ ŋu nǔu pɔ́p pɔɔ pɛ́. Ŋu ẅí ɛ́ kɑ pɔ́ ḿbíkŋɛ ŋɡɔ ɑ pɛ́ kɑ pɛ́nɛ. Ɛ́ lɔk ḿbuutɛ nǔu nu yí pɛ́ kɑ ŋwɑꞋnɛ́nɛ tsɛt ŋwɑꞋnɛ-ndɛn kɑɑ.

Mɑ́lɛ́kúshi 14:20

Yɛ́su cú mbɔ̌ pɔ́p ŋɡɔ: «Ɛ sẅíi wʉ́ʉ ŋɡɔ ɑ wɛcɔ́ tɑꞋ ŋu tsɛtsɛt pʉʉ ntsɔ̌ppɑ́ nɛ́ nɛɡɛ́m, tɛ pɛkŋɛ tɛmtɛnɛ kɑ́ŋ.

Jɑ̂ŋ 13:26

Yɛ́su tsɔ́Ꞌ ŋɡɔ: «A ŋu ẅí ŋ ɡʉ ńcʉ̈ɔꞋ mbʉ̈ɔꞋ-yúu pɛjʉ́, ŋ́ɡɑ́ mbɔ̌ wɛ́.» Ńcú pɔ́Ꞌɔ, ḿbɛ́ɛ mbʉ̈ɔꞋ-yúu, ńcʉ̈ɔꞋ. Ŋ́ɡɑ́ mbɔ̌ Jẅidɑ Iskɑlyɔt, mɔ́ɔ-Símɔ.

Jɑ̂ŋ 6:70

Yɛ́su pʉ̈ɔt mbɔ̌ pɔ́p ŋɡɔ: «Pʉʉ wɔ ntsɔ̌ppɑ́ nɛ́ nɛɡɛ́m, mɔ ŋkɑɑ nɛ tsɔ́Ꞌ wʉ́ʉ pɔ́ ɔɔ? Wɛcɔ́ ŋu kɛ́ ḿbɔ́ tsɛtsɛt pʉʉ, ḿbɔ́ ŋu-Sɑ́ttɑ.»

Jɑ̂ŋ 15:19

«Pʉʉ kɑ pɔ́ pɛ́Ꞌnɛ ḿbɔ́ pʉɔ-ndǔmbí, mbɔ ndǔmbí kɔŋ wʉ́ʉ tɛꞋ, mbíꞋŋɡɔ ndǔmbí kɔŋ yúu mi ɛ́ yɛ́. Lɑ́ pʉʉ kɛ́ mbɔɔ pʉɔ-ndǔmbí pɔ́, mɔ kɑ tsɔ́Ꞌnɛ wʉ́ʉ, ɛ́fyɑk wʉ́ʉ nǔu pʉɔ-ndǔmbí. Ɛ́ yúu mi ɛ́ ɡɛnɛ ndǔmbí pɑɑ wʉ́ʉ.»

Ɛ́bɛlʉʉ 4:13

Ɛ́ mbi Sɛ́ yɛcɔ́ yúu pɔɔ yi lʉɔmɛ́nɛ pɔ́, tsɛt yɔ ndǔmbí yi ɑ kɑ niitɛ́nɛ. A jʉ́ɔ yúu tsʉʉ, ɑ mɑꞋ mík ńjʉ́ɔ mbɑ kʉ̈ɔ́lɑ́ pɑ́Ꞌ ɛ́ pɔ́nɛ. Pɛkŋɛ ɡʉ ŋ́ɡɛ ńtɛmtɛ tʉ́ʉ mbi yɛ́ ḿbɛ́ɛtɛ ntsu wɛkŋɛ.

Jɑ̂ŋ 15:16

«Pʉʉ ŋkɑɑ nɛ́ tsɔ́Ꞌ wɑ́ɑ pɔ́, mɔ kɑ tsɔ́Ꞌnɛ wʉ́ʉ, ńtúu wʉ́ʉ ŋɡɔ pʉʉ ɡʉ ɛ́fɑꞋ fɑꞋ yɑ́ɑ. Yúu mi pʉʉ ɡɛnɛ ńdɑ́Ꞌ ḿbɔ́ pɔ ɡú, mbɔɔ lɑ́Ꞌ ḿbɛ́ pɔ́. Ɛ́ lɛɛ pɔ́Ꞌɔ, ḿbɔ́ yi pʉʉ lɑɑ ńdɔk lík yɑ́ɑ ńdɔ́ɔ pɔ ku mbɔ̌ Tɑ̌ɑ lɑ́, mbɔ ɑ ɡʉ ŋ́ɡɑ́ mbɔ̌ pʉʉ.»

Mɑtʉ̈ɔ 10:36

Gɑŋmbuu-ŋu ɡʉ ńcẅɛt pɔ tsɛt tsɛnndɑ́ yɔ́p.

Mɛnu ɛ́ ńdɑ́Ꞌ ńcẅɛt 2:23

Ŋ ɡʉ ńjẅítɛ mbɔ́ŋkʉ̈ɔ́ pɛ́. Ɛ́ lɛɛ pɔ́Ꞌɔ, mɛcúꞋlɛ-pʉɔ-Kɛlístɔ tsʉʉ jí ŋɡɔ mɔ ŋu ẅí ɑ jínɛ kwɑŋɛ-pʉɔmɛsɔŋ, ḿbɛn ńjí mbɑ yúu mi pɔ́p sɛ́ ńtsɑ́ɑ. Ŋ ɡʉ ŋ́ɡɛ ɛ́fú pɔ nǔu yúu mi mbɑ wɔ̌ lɑ́ ɡɛnɛ, lɑ ńjí pɑ́Ꞌ ŋ ɡʉ ŋ́ɡɛ nǔu ŋɡɑŋ.

Jɑ̂ŋ 21:17

Ḿbɛn ḿbíkŋɛ wɛ́ nǔu ḿbɑ́ɑtɛ yɛ́tɑ́t ŋɡɔ: «Símɔ̂ŋ mɔ́ɔ-Jɑ̂ŋ tɛ ɔ kɔŋ wɑ́ɑ?» Shʉ́ pyɛ̂ kɔkŋɛ, mbíꞋŋɡɔ Yɛ́su píkŋɛ wɛ́ tɛ ŋkɑ́ yɛ́tɑ́t ŋɡɔ tɛ ɑ kɔŋ wɛ́ ɔɔ. A tsɔ́Ꞌ ŋɡɔ: «Tsɑpʉɔ, ɔ jí ŋɡɔŋ nu tsʉʉ, ɔ jí ŋɡɔ ŋ kɔŋ wú.» Yɛ́su cú mbɔ̌ wɛ́ ŋɡɔ: «Tsiinɛ njinjɔ yɑ́ɑ.»

2 Kɔlɛ̂ŋtɛ 4:5

Pɛk kɑ pɔ́ ŋ́ɡɔ ńcẅi Ŋkʉʉ Sʉ́Ꞌnɛ, mbɔɔ fɑꞋ pɔ pɑ́Ꞌ pɛ́ ɡʉ ńjí wɛ́k pɔ́, pɛk fɑꞋ pɔ pɑ́Ꞌ pɛ́ ɡʉ ńjí ŋɡɔ Yɛ́su Kɛlístɔ Tsɑpʉɔ. Pɛk tʉ́ʉ ḿbɔ́ pɔ pɑfɑꞋ fɑꞋ pi pɔ́p fɑꞋnɛ mbɔ̌ pʉʉ mbíꞋ Yɛ́su,

Mɑtʉ̈ɔ 26:21

Pɔ́p pɔ́ ŋ́kwɛ́t yúu, Yɛ́su cú ŋɡɔ: «Ɛ sẅíi wʉ́ʉ, kwɑꞋ nɛ́nẅín, wɛcɔ́ tɑ́Ꞌ ŋu tsɛtsɛt pʉʉ ɡʉ ɛ́fɛn wɑ́ɑ.»

Mɑ́lɛ́kúshi 14:17

Ɛ́ ɡɛ ḿbɔ́ ntsuŋkẅɛ́Ꞌ, Yɛ́su pɔ́p pʉɔ pɛ́ ntsɔ̌ppɑ́ nɛ́ nɛɡɛ́m cúꞋlɛ zúꞋu.

Mɑ́lɛ́kúshi 14:18

Ńnɑ́ŋ sɛ́, ńzɛ nɛjʉ́ yúu. Yɛ́su cú ŋɡɔ: «Ɛ sẅíi wʉ́ʉ, kwɑꞋ nɛ́nẅín, wɛcɔ́ tɑꞋ ŋu tsɛtsɛt pʉʉ ɡʉ fɛn wɑ́ɑ, tɛ ḿbɔ́ pɔ ŋu ẅí pɛknɛ tɛmtɛ kɑ́ŋ.»

Lúkɑ́shi 22:21

Ŋ kɛ ńcú pɑꞋnɛ ŋu ẅí ɑ ɡɛ ɛ́fɛn wɑ́ɑ pɔ́ pɔ zɑꞋnɛ tɛ pɛkŋɛ pɔ́ tɛmtɛ ńjʉ́ yúu.

Jɑ̂ŋ 13:21

Yɛ́su cú pɔ́Ꞌɔ, lɛ́m yɛ́ sɑ́ɑnɛ tɛꞋ, ɑ sɑ́ɑnɛ sɑ́ɑnɛ́nɛ ńcú ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, wɛcɔ́ tɑ́Ꞌ ŋu nǔu pʉʉ ɡʉ ɛ́fɛn wɑ́ɑ.»

Jɑ̂ŋ 13:22

Gɑŋku-Yɛ́su zúꞋ, mbɑ wɔ̌ lɑ́ shɔtnɛ ńdíŋɛ mɔ́ɔmɑ́ wɛ, pɔ́p pɔɔ jí ŋu ẅí ɑ lɑ́Ꞌ jʉ́ pɔ́.

Jɑ̂ŋ 15:25

«Ɛ́ pɔ́Ꞌɔ, ńdɔk ḿbuutɛ nǔu nu yí pɛ́ kɑ cúnɛ tsɛt ŋwɑꞋnɛ-nɛpʉ́ʉ nɔ́p ŋɡɔ pɔ́p kɑ pɑɑ wɑ́ɑ pɔ nɛ sɔ́ɔ.»

Jɑ̂ŋ 18:32

Ɛ́ lɔk ḿbuutɛ nǔu nu yí Yɛ́su kɑ tsʉ́Ꞌ nɛcú ntɛ́ yí ɑ ɡʉ ŋ́ɡɛ ḿpfú ńcú.

Jɑ̂ŋ 19:24

Pɑlʉ̈ɔ́Ꞌntsɔ cú tsɛtsɛt pɔ́p ŋɡɔ: «Kɔɔ pɛkŋɛ sɑ yɔ. Pɛkŋɛ mɑꞋ ńtíitɛ, ŋu ẅí ɑ ńjʉ́, pɛkŋɛ ɡɑ́ mbɔ̌ wɛ́.» Ɛ́ lɔk ḿbuutɛ nǔu nu yí pɛ́ kɑ ŋwɑꞋnɛ́nɛ tsɛt ŋwɑꞋnɛ-ndɛn kɑɑ ŋɡɔ: «pɔ́p sɛ́ ŋ́ɡɑptɛ mɛndẅí mɑ́ɑ tsɛtsɛt pɔ́p, ḿmɑꞋ ńtíitɛ nǔu ndẅí yɑɑ yi ɡwɛ́.» Yɔ yúu mi pɑlʉ̈ɔ́Ꞌntsɔ kɑ ɡɛnɛ.

Jɑ̂ŋ 19:36

Mɔnɛ mɛnu m̄bɔ́ ńdɛɛtɛ pɑ́Ꞌnɛ pɑ́Ꞌ yúu mi pɛ́ kɑ ŋwɑꞋnɛ́nɛ tsɛt ŋwɑꞋnɛ-ndɛn kɑɑ ɡʉ ḿbuutɛ. Pɛ́ kɑ ŋwɑꞋnɛ ŋɡɔ: «Pɛ́ ŋkɑɑ kɛ́ ḿbʉ̈ɔ́Ꞌ yɛcɔ́ tsẅíi-mbʉʉ yɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 1:2

ŋ́ɡʉ ŋ́kúu nǔu lɛ́Ꞌ yi Sɛ́ ɡɛnɛ ɑ kɔ́Ꞌ nɛ́ tʉ́nɛ́pú. A kɑ ɡɔ́ ŋ́kɔ́Ꞌ, ńdɛɛ nǔu Zẅikŋɛ Lɛ́ɛnɛ́nɛ, ńdɛꞋlɛ yúu mi ɡɑŋntúu pi ɑ kɑ tsɔ́Ꞌnɛ ɡʉ ńtsʉ́Ꞌ ḿbɔ́ ŋ́ɡɛ.

ŊwɑꞋnɛ-Gɑŋntúu Yɛ́su Kɛlístɔ 1:16

«Pɔ́ɔpɛ́mɑ́, ɛ́ ḿbɔ́ ḿbíkŋɛ ŋɡɔ yúu minɛ Zẅikŋɛ Lɛ́ɛnɛ́nɛ kɑ lɔknɛ ntsu-fɔɔ Ndɑvît ḿbʉ́, pɛ́ ŋwɑꞋnɛ tsɛt ŋwɑꞋnɛ-Sɛ́ puutɛ. Ɛ́ nu yí ɑ kɑ zɑ́Ꞌnɛ njí ńcú ntɛ́ Jẅidɑ ẅí jʉ́ kɛ́nɛ ńcẅɛt ńnyɛt ndúŋ lɑ pɛ́ ɡẅɛɛ Yɛ́su.»