Jɑ̂ŋ 13:15 - Kɑɑ Fí

¹⁵ Mbíꞌŋɡɔ, n nyɛt wʉ́ʉ nɛ́ fʉꞋ nɛpɔ́ yi pʉʉ yʉ́ʉ pʉʉ ɡʉ ŋ́ɡɛ pɑ́Ꞌ pʉʉ jʉ́ɔnɛ ŋ ɡɛ lɑɑ.

Jɑ̂ŋ 13:15 Referans Kwoze

Mɑtʉ̈ɔ 11:29

Pʉʉ tíi mbɑɑndyɔŋ-piꞋ yɑ́ɑ ńzɑ́p mbʉ̈ɔꞋ pʉʉ, ḿbɛn ḿbɛ́m ŋɡɔ n zíꞋ wʉ́ʉ pɑ́Ꞌ pʉʉ ɡʉ ŋ́ɡɛ, mbíꞌŋɡɔ m bɔ́tnɛ, tʉ́m yɑ́ɑ pɛn ŋ́kɛ́ mbɔɔ cʉ́ɔk. Ŋ ɡʉ ŋ́ɡɑ́ zʉꞋ yí pʉʉ ɡʉ fíitɛ tʉ́m yʉ́ʉ zúꞋu.

1 Jɑ̂ŋ 2:6

Ŋu lɑɑ ńcú ŋɡɔ: Pɛk Sɛ́ kɑ tɛmtɛ, ɛ́ píkŋɛ ŋɡɔ ŋɡɛnɛ mɛnu mɛ́ pɔ́ pɑ́Ꞌ mɛ́ Yɛ́su Kɛlístɔ kɑ pɔ́nɛ pɔ́Ꞌɔ.

1 Pyɛ̂ 2:21

Sɛ́ kɑ ɡɔ́ ɛ́fúŋ wʉ́ʉ, ḿbɔ́ ńdɔɔ ŋɡɔ pʉʉ ɡɛ pɔ pɔ́Ꞌɔ. Kɛlístɔ kɑ jʉ́ɔ yɛ́ ŋɡʉ̈ɔ́Ꞌ mbíꞋ wʉ́ʉ, ńdɔk ŋ́ɡɑ́ wʉ́ʉ nɛ́ fʉꞋ, ŋɡɔ pʉʉ nɛn pɑ́Ꞌ jʉ́.

Ɛ́fɛ̂zɛ 5:2

Pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ńdɔk pɔ ŋkɔŋɛ ndʉ́ŋndʉŋ pɑ́Ꞌ Kɛlístɔ kɑ kɔŋnɛ wɛkŋɛ tɛ ŋ́ɡɑ́ tú yɛ́ ńdɔk ńnɔŋ pɔꞋ mbi Sɛ́ ntɛ́ wɛkŋɛ lɑ́. PɔꞋ ɛ̂wɑ́ ẅí jɑ́k yɛ́ pɔŋnɛ mbɔ̌ Sɛ́.

Pʉɔ-Lɔ́mɑ 15:5

Mɔ sɛ́ ńdɔ́ɔ mbɔ̌ Sɛ́ ŋɡɔ jʉ́ ẅí ɑ níꞋnɛ mɛtʉʉ mɛkŋɛ, ɡɛ ŋɡɔ kɔɔ pɛkŋɛ kɑ́ɑ, ɑ ɡɛ pʉʉ ɡẅɛɛ tɑ́Ꞌ kwɑŋɛ tsɛtsɛt pʉʉ, ɛ́ lɔk pɔ́Ꞌɔ, ḿbɔ́ yúu mi Yɛ́su Kɛlístɔ kɑ zíꞋnɛ wʉ́ʉ.

1 Pyɛ̂ 5:3

Kɔɔ pʉʉ lɔk mɛtʉʉ ɛ́sɑ́Ꞌ pʉɔ pi Sɛ́ kɑ ɡɑ́nɛ mbɔ̌ pʉʉ, pʉʉ nɛn pɔ nǔu ntɛ́ yi pɔ́p ɡʉ ḿbɛ́ɛ fʉꞋ nǔu pʉʉ.