Jɑ̂ŋ 13:13 - Kɑɑ Fí

¹³ Pʉʉ fúŋnɛ wɑ́ɑ ŋɡɔ Cícɑ, ɛ́fúŋ wɑ́ɑ ŋɡɔ Tsɑpʉɔ, ńcú sẅíinu mbíꞋŋɡɔ mɔ jʉ́.

Jɑ̂ŋ 13:13 Referans Kwoze

Lúkɑ́shi 6:46

Yɛ́su pɛn ńcú ŋɡɔ: «Mɛlɑ́Ꞌkʉ̈ɔ́ pʉʉ sɛ́ ɛ́fúŋ wɑ́ɑ nɛ́ “Tsɑpʉɔ! Tsɑpʉɔ!” Ḿbɛn ḿbɔɔ kɛ́ ŋ́ɡɛ yúu mi n cúnɛ pɔ́ ɔɔ?»

Filipɛ 2:11

Ɛ́ pɛn ḿbɔ́ ḿbíkŋɛ ŋɡɔ mbɑ wɔ̌ lɑ́ ɛ́sɑ́Ꞌ ŋɡɔ Yɛ́su Kɛlístɔ Tsɑpʉɔ. Pɛ́ ɡʉ ńcú pɔ́Ꞌɔ, ɛ́ lɔk ŋ́ɡɑ́ mɛkuꞋ mbɔ̌ Sɛ́ Tɑ́t.

1 Kɔlɛ̂ŋtɛ 12:3

Ɛ́ pɔ́Ꞌɔ lɑ m bɔ́ ŋ́kɔŋ ŋɡɔ pʉʉ jí ŋɡɔ Zẅikŋɛ-Sɛ́ lɑɑ mbɔɔ ńtsʉ́ʉnɛ ŋu nɛcú nu pɔ́, mbɔ ḿbɔ́ ŋɡɑŋ pɔɔ níꞋ ndɔɔ tú-Yɛ́su pɔ́. Zẅikŋɛ Lɛ́ɛnɛ́nɛ lɑɑ ḿbɛn mbɔɔnɛ tsʉ́ʉnɛ ŋu nɛcú nu pɔ́, mbɔ ŋɡɑŋ kɑ́ kuꞋ nɛcú ŋɡɔ Yɛ́su Tsɑpʉɔ pɔ́.

Jɑ̂ŋ 11:28

Mɑ́ktɑ cú pɑ́Ꞌɑ, ŋ́ɡʉ ɛ́fúŋ mɔ́ɔmɑ́ wɛ Mɑlíyɑ, tsɔ́Ꞌnɛ ntsɛm mbɔ̌ wɛ́ ŋɡɔ: «Cícɑ píi ḿbɔ́ ŋɡɔ ɔ tɔ́.»

Filipɛ 3:8

Ɛ́ kɑ́ pɔ́ pɔ ndɑꞋ pɔ́Ꞌɔ pɔ́, nɛjí Yɛ́su Kɛlístɔ, Tsɑpʉɔ wɑɑ tsʉ́Ꞌnɛ ńdɛɛ nu tsʉʉ. Mbɑ kʉ̈ɔ́ lɑ́ tsʉ́Ꞌ ḿbɔ́ pɔ pɛ́. Mbɔ ŋ kɑ lʉꞋ yúu tsʉʉ mbíꞋ pɔ wɛ́. N tsʉ́Ꞌ ńdíŋɛ mîmɑ́ mɛyúu tsʉʉ ɛ́ pɔ́ pɔ kyɑŋɛ. Kɛlístɔ tsʉ́Ꞌnɛ yɑ́ɑ pii,

1 Kɔlɛ̂ŋtɛ 8:6

lɑ́ ɛ́ kɛ́ ḿbɔ́ mbɔ̌ pɛkŋɛ, tɑ́Ꞌ Sɛ́ wɛ́mɔ́Ꞌ pɔ́nɛ ɡú, ḿbɔ́ Tɑ̌ɑ ẅi kʉ̈ɔ́ lɑ́ fú pɔ mbɔ̌ wɛ́. Pɛkŋɛ pɛn ḿbɔ́ ɡú mbíꞋ pɔ wɛ́. Tɑ́Ꞌ Tsɑpʉɔ pɔ́nɛ ɡú, ḿbɔ́ Yɛ́su Kɛlístɔ, ẅi mbɑ kʉ̈ɔ́ lɑ́ ɡɔ́ ḿbɔ́ ɡú jʉ́ ɡɛnɛ. Pɛkŋɛ pɛn ŋ́ɡɔ ḿbɔ́ ɡú ńdúꞋnɛ pɔ wɛ́.

Jɑ̂k 2:19

Ɔ sɛ́ ḿbɛ́m ŋɡɔ Sɛ́, wɛ́mɔ́Ꞌ, ɔ́ɔŋ ɛ́ pɔŋ, mɛzẅikŋɛ kɛpɔŋ pɛn ḿbɔ́ ḿbɛ́m yɔ́p pɔ pɔ́Ꞌɔ, lɑ́ ḿbɛn ḿbɔ́ ŋ́ɡwɛt.

Lúkɑ́shi 10:28

Yɛ́su cú mbɔ̌ wɛ́ ŋɡɔ: «Ɔ pʉ̈ɔt sʉ́Ꞌnɛ, ɡɛ pɔ́Ꞌɔ, pʉʉ Sɛ́ lɑ́Ꞌnɛ ńtsʉ́Ꞌ ńnɑ́ŋ.»

Lúkɑ́shi 7:43

Simɔ̂ŋ tsɔ́Ꞌ ŋɡɔ: «Ŋ kwɑŋɛ ŋɡɔ ɑ ɡɛ ḿbɔ́ ŋu ẅi yɛ ŋkɑ́p kɑ zɑ́ɑnɛ.» Yɛ́su cú ŋɡɔ: «Ɔ sẅíi nu.»

Mɑtʉ̈ɔ 20:28

Ndʉ́ŋndʉŋ pɑ́Ꞌ Mɔ́ɔ-Ŋu ŋkɑɑ tɔ́ ndǔ tsɛ́tsɑ́Ꞌ, pɔ pɑ́Ꞌ pʉɔmɛsɔŋ ɡʉ ɛ́fɑꞋ mbɔ̌ wɛ́ pɔ́, ɑ kɑ tɔ́ pɔ nɛfɑꞋ mbɔ̌ pʉɔmɛsɔŋ, ɛ́fɑꞋ fɑꞋ tɛ ḿbɛn ŋ́ɡɑ́ tú yɛ́ nɛlɔk ńtsúꞋ pʉɔ tɛ ńzɑ́ɑ.»

Jɑ̂ŋ 11:2

Wɔ Mɑlíyɑ pɔ́ ẅi ɑ kɑ lɑ́Ꞌnɛ ńdɔk lɑmɛ́ndɑɑ, ńzɔ́Ꞌ Ndɛ tɛ ɛ́ kuꞋ, ɑ pɛn ńdɔk mɛnuk-tú mɛ́ ńtuk mɛku mɛ́ lɑ́. Mɔ́ɔmɑ́ wɛ Lɑzɑ̂ɑ vu ɡɔɔ pɑ́Ꞌɑ,

Jɑ̂ŋ 11:3

pɑŋɡɛ́ ɛ̂pɑ́ pɛ́pɑ́ túu ńcú mbɔ̌ Yɛ́su ŋɡɔ: «Ndɛ, súu nɛpɛ wu sɛ́ ŋ́ɡɔɔ tɛꞋ.»

Ɛ́fɛ̂zɛ 6:9

Pʉʉ pɛtɑ́t-puꞋ pʉʉ ɡẅɛɛ yʉ́ʉ pɛkwɑɑ pʉʉ nɛ́ tʉ́m sʉ́Ꞌnɛ. Kɔɔ pʉʉ vukŋɛ wɔ́p vukŋɛnɛ. Pʉʉ jí ŋɡɔ pʉʉ pɛ́ pɔ́p tɛmtɛ ŋ́ɡẅɛɛ pɔ tɑ́Ꞌ ŋu ẅí ɑ sɑ́Ꞌnɛ wʉ́ʉ pɛpɔ́p ɑ pɔ́ tʉ́nɛ́pú. A kɛ́ ḿbɔɔ ŋ́ɡẅɛɛ tɔŋ tsɛtsɛt pʉɔmɛsɔŋ pɔ́.