Jɑ̂ŋ 12:47 - Kɑɑ Fí

⁴⁷ Ŋu lɑɑ zúꞋ sẅiŋɛ yɑ́ɑ mbɔɔ ɡẅɛɛ, mbɔ mɔ kɛ́nɛ ŋɑk wɛ́ pɔ́. MbíꞋŋɡɔ mɔ ŋkɑɑ tɔ́ ndǔmbí nɛŋɑk pʉɔ pɔ́. Ŋ kɑ tɔ́ nɛɡɛ pʉɔ luk.»

Jɑ̂ŋ 12:47 Referans Kwoze

Jɑ̂ŋ 3:17

Mbɑ pɔ́Ꞌɔ, Sɛ́ ŋkɑɑ zɛɛ ńtúu Mɔ́ɔ nɛ ndǔmbí ŋɡɔ ɑ ɡʉ ŋ́ŋɑk pʉɔmɛsɔŋ pɔ́. A kɑ túu wɛ́ nɛpɔ́ yi ɑ ɡʉ ŋ́ɡʉ ŋ́ɡɛ pʉɔmɛsɔŋ luk.

Jɑ̂ŋ 12:48

Ŋu lɑɑ ḿmɛꞋ wɑ́ɑ, ńdʉꞋ sẅiŋɛ yɑ́ɑ, mbɔ ŋɡɑŋ ɡẅɛɛ ŋu ẅí ɑ ɡʉ ŋ́ŋɑk wɛ́. Sẅiŋɛ yí ŋ kɑ cúnɛ ɡʉnɛ ńdɑ́Ꞌ ŋ́ŋɑk wɛ́ ndẅiknzʉʉ lɛ́Ꞌ.

1 Jɑ̂ŋ 4:14

Pɛk kɑ lɔk mík mɛ́k ńjʉ́ɔ tɛ ḿbɔ́ ńcú pɑ́Ꞌɑ, ḿbɔ́ pɑjʉ́njʉ́ɔ nǔu pɑ́Ꞌ ɑ kɑ túunɛ Mɔ́ɔ nɛ, pɑ́Ꞌ ɑ ḿbɔ́ ŋu ẅí ɑ ŋ́ɡɛ pʉɔ-ndǔmbí luk.

Lúkɑ́shi 19:10

Mɔ́ɔ-ŋu kɑ zɛɛ ńtɔ́ pɔ nɛlɔ́ɔ pʉɔ pinɛ pɔ́p kɑ kúunɛ pɛ́, ŋ́ɡɛ pɔ́p luk.»

Jɑ̂ŋ 5:45

Kɔɔ pʉʉ kwɑŋɛ ŋɡɔ ŋ ɡʉnɛ ńdɑ́Ꞌ ńtʉ́ʉ mbi Tɑ̌ɑ, ńzɑ́p nu tú pʉʉ. Nzɑ́pnu tú pʉʉ ɡʉ ńdɑ́Ꞌ ḿbɔ́ pɔ Mɔ̌sɛ̂ɛ ẅí pʉʉ kwɑŋɛ yʉ́ʉ kʉ̈ɔ́ lɑ́ ńtík pɔ nǔu wɛ́.

Mɑtʉ̈ɔ 20:28

Ndʉ́ŋndʉŋ pɑ́Ꞌ Mɔ́ɔ-Ŋu ŋkɑɑ tɔ́ ndǔ tsɛ́tsɑ́Ꞌ, pɔ pɑ́Ꞌ pʉɔmɛsɔŋ ɡʉ ɛ́fɑꞋ mbɔ̌ wɛ́ pɔ́, ɑ kɑ tɔ́ pɔ nɛfɑꞋ mbɔ̌ pʉɔmɛsɔŋ, ɛ́fɑꞋ fɑꞋ tɛ ḿbɛn ŋ́ɡɑ́ tú yɛ́ nɛlɔk ńtsúꞋ pʉɔ tɛ ńzɑ́ɑ.»

2 Pyɛ̂ 3:15

Tɑ́Ꞌ yúu mi ɛ́ pɛn ḿbɔ́ ḿbíkŋɛ ŋɡɔ pʉʉ kẅíitɛ ɛ́ pɔ́ pɔ ŋɡɔ, Tsɑpʉɔ pɔ́tnɛ ńzẅíꞋlɛ, ɑ kɑ́ pɔ́ fɛ́Ꞌnɛ ńtɔ́ pɔ́, nɛɡɑ́ shʉ́ pɑ́Ꞌ ḿbɔ́ pʉɔ luk. Ɛ́ pɛn ḿbɔ́ pɔ yúu mi Pɔ̂l, mɔ́ɔmɑ́ wɛkŋɛ, ḿbɔ́ súu wɛkŋɛ kɑ cúnɛ tsɛt mɛŋwɑꞋnɛ mi ɑ kɑ ɡɑ́nɛ mbɔ̌ pʉʉ. A kɑ lɔk pɔ jínu nu yi Sɛ́ kɑ ɡɑ́nɛ mbɔ̌ wɛ́ lɑ ńdɔk ńcú.

Jɑ̂ŋ 8:26

Ŋ ɡẅɛɛ mɛnu mi ŋ ɡʉ ńcú mbɔ̌ pʉʉ tɛ ɛ́ zɑ́ɑ zɑ́ɑnɛ, mbɑ mi ŋ ɡʉ ŋ́ŋɑk wʉ́ʉ nǔu. Lɑ́ n cú mbɔ̌ pʉɔ ndǔmbí pɔ yúu mi ŋ kɑ zúꞋnɛ mbɔ̌ ŋu ẅí ɑ kɑ túunɛ wɑ́ɑ. A kɛ́ ńcú yɛ́ pɔ nu nɛ́nẅín.

Mɑtʉ̈ɔ 18:10

Pʉʉ lɑk tú yʉ́ʉ nɛɡwɑ́k wɛcɔ́ tɑ́Ꞌ nǔu ɡɛ́ɡɛ́ mbɔ́ŋkʉ̈ɔ́ pɔnɛ. Jínɛ ŋɡɔ, pɛcʉ̈ɔ́Ꞌ-Sɛ́ pínɛ pɔ́p líŋɛ́nɛ wɔ́p tʉ́ʉ mbi Sɛ́ túnɛpú ŋkɑ́ tsʉʉ. [

Lúkɑ́shi 9:56

Ŋ́ɡɛ pɔ́Ꞌɔ pɔ́p pɛ́pɔ́p tsʉꞋ ńdɔk pɔ wɛcɔ́ ndúŋ-lɑ́Ꞌ wɛ ndɛꞋ ńdɔk ŋ́ɡʉ.

Mɑtʉ̈ɔ 18:11

Mɔ́ɔ-Ŋu kɑ tɔ́ pɔ nɛlɔɔ pʉɔ pínɛ pɔ́p kɑ pɛ́nɛ ŋ́ɡɛ pɔ́p luk.]