Jɑ̂ŋ 12:42 - Kɑɑ Fí

⁴² Pɛ́ kɑ zɛɛ ḿbɔ́ ŋ́ɡwɑ́k Yɛ́su ɡwɑ́knɛ lɑ́, pɛcɔ́ nɛzɑ́ɑ pɛkɛ́m-Pɑyúdɑ zɑ́p tʉ́m nǔu wɛ́. Lɑ́ ŋ́ɡɛ pɔ ńdʉ̈ɔmɛ lʉɔmɛ́nɛ, ḿbɔ́k pɑfɑlísɑy nɛzuŋ wɔ́p ndɑ́-cúꞌlɛ.

Jɑ̂ŋ 12:42 Referans Kwoze

Jɑ̂ŋ 9:22

Tɑ́t wɛ pɔ́p mɑ́ wɛ, pɔ́ ńcú pɔ́Ꞌɔ, mbíꞋŋɡɔ pɔ́p kɑ pɔ́ ḿbɔ́k pɑsɑ́Ꞌlɑ́Ꞌ-pɑyúdɑ. Ɛ́ ɡɔ́ ḿbɔ́, mbɔ pɑyúdɑ kɑ zɑ́b ŋɡɔ ŋu lɑɑ ḿbɛ́m ŋɡɔ Yɛ́su Nzɑ́Ꞌŋkʉ ẅí Sɛ́ kɑ kɑꞋnɛ, pɛ́ fú ndɑ́-cúꞋlɛ ńzuŋ ŋɡɑŋ.

Jɑ̂ŋ 7:13

Lɑ́ ŋu kɛ́ ḿbɔɔ ńcú nu nǔu wɛ́ tɛ ŋɡi yɛ kɔ́Ꞌ tʉ́ pɔ́, ḿbɔ́k pɑsɑ́Ꞌlɑ́Ꞌ-pɑyúdɑ.

Mɑtʉ̈ɔ 10:32

Jínɛ ŋɡɔ ŋu lɑɑ ńcú mbi lɑ́Ꞌ ŋɡɔ: «ɑ ŋu wɑɑ.» Mbɔ ŋ ɡʉ ńdɑ́Ꞌ ńcú yɑ́ɑ mbi Tɑ̌ɑ mɔ ẅí ɑ tʉ́nɛ́pú ŋɡɔ: «Ŋu wɑ́ wɑɑ ŋu.»

1 Jɑ̂ŋ 4:15

Ŋu lɑɑ ḿbɛ́m ŋɡɔ Yɛ́su mɔ́ɔ-Sɛ́, mbɔ Sɛ́ ɡʉ ńdɑt mbʉʉ yɛ nǔu ŋɡɑŋ, ŋɡɑŋ pɛn ńdɑt yɛ nǔu Sɛ́.

1 Jɑ̂ŋ 4:2

Yúu mi pʉʉ ɡʉ ńdɔk ńjí Zẅikŋɛ yi ɛ́ fúnɛ mbɔ̌ Sɛ́ pʉ́ɔlɑɑ. Ŋu lɑɑ ḿbɛ́m ŋɡɔ Yɛ́su Kɛlístɔ kɑ shɔtnɛ ńtsʉ́Ꞌ kwɑꞋ ŋumɛsɔŋ, mbɔ ŋɡɑŋ ɡẅɛɛ Zẅikŋɛ yi ɛ́ fúnɛ mbɔ̌ Sɛ́.

Pʉɔ-Lɔ́mɑ 10:10

MbíꞋŋɡɔ ŋu zɑ́p tʉ́m yɛ́ nǔu Kɛlístɔ, Sɛ́ tsʉ́Ꞌ ńdíŋɛ ŋɡɑŋ ɑ pɔ́ pɔ ndʉ́ŋndʉŋ mbi yɛ́. Ŋu pɛn ńtʉ́ʉ tsɛtsɛt lɑ́Ꞌ ńtsɔ́Ꞌ ntsu wɛ́, sɑ́ɑnɛ sɑ́ɑnɛ́nɛ ńcú ŋɡɔ ɑ ŋu-Yɛ́su, mbɔ Sɛ́ ŋ́ɡɛ ɑ luk.

ŊwɑꞋnɛ-Gɑŋntúu Yɛ́su Kɛlístɔ 5:41

Pɔ́p ɡɔ́ ɛ́fú tsɛt cúꞋlɛ-pɑsɑ́Ꞌ lɑ́Ꞌ ńcẅɛt, ńnɛn ńtsɑ́ɑtɛ tsɑ́ɑtɛ́nɛ. MbíꞋŋɡɔ Sɛ́ jʉ́ɔ ŋɡɔ pɔ́p kuꞋ nɛjʉ́ɔ ŋɡʉ̈ɔ́Ꞌ ntɛ́ nu-lík-Yɛ́su.

Jɑ̂ŋ 19:38

Mɔnɛ mɛnu kɑ lɛɛ, Yɔsɛ̂p, ŋu-tʉ́sɔŋ-Alimɑtɛ́, ɑ ɡʉ ńjʉ́ɔ Pilɑ́tɔ, ḿbúꞋ mbɔ́ mbɔ̌ wɛ́ ŋɡɔ ɑ pɛ́m, ɑ kɔk pfú-Yɛ́su nǔu tʉ́ mbɑ́ŋtɛ pɑ́ŋtɛ́nɛ. Yɔsɛ́p ẅîwɑ́ kɑ pɔ́ wɛcɔ́ ŋɡɑŋku-Yɛ́su, lɑ́ ḿbɔ́ ɛ́sɔ́tɛ sɔ́tɛ́nɛ, ḿbɔ́ ḿbɔ́k Pɑyúdɑ. Pilɑ́tɔ pɛ́m, Yɔsɛ́p ɡʉ kɔk pfú Yɛ́su.

Jɑ̂ŋ 16:2

Pɛ́ ɡʉ ŋ́ɡɛ ɛ́fú tsɛt mɛndɑ́-cúꞋlɛ-Pɑyúdɑ ńzuŋ wʉ́ʉ. Ɛ́ pɔɔ pɔ́ pɔ ndɑꞋ pɔ́Ꞌɔ pɔ́. Ŋkɑ́ sɛ́ ŋ́kuꞋ pɑ́Ꞌ ŋu ɡʉ ŋ́ɡɛ ḿbɔ́ ńjẅí tɑ́Ꞌ ŋu tsɛtsɛt pʉʉ, ŋ́kwɑŋɛ ŋɡɔ ɑ nɔŋ pɔ pɔꞋ mbi Sɛ́.

Jɑ̂ŋ 12:11

Pɔ́p ḿbɔ́ ńdɔɔ nɛɡɛ pɔ́Ꞌɔ, mbíꞋŋɡɔ nɛzɑ́ɑ Pɑyúdɑ kɑ fú pɔ nǔu nu-Lɑ̂ɑzɑ̂ɑ, ńtsʉ́Ꞌ ŋ́kʉɔ wɔ́p kʉɔnɛ, ńzɑ́p tʉ́m pɔ nǔu Yɛ́su.

Jɑ̂ŋ 11:45

Nɛzɑ́ɑ pɑyúdɑ pí pɔ́p lɑ́Ꞌnɛ ńtɔ́ njɛ́Ꞌ pɛ́ Mɑlíyɑ, pínɛ pɔ́p jʉ́ɔnɛ yúu mi Yɛ́su ɡɛnɛ, zɑ́p tʉ́m yɔ́p nǔu Yɛ́su.

Jɑ̂ŋ 9:34

Pɔ́p tsɔ́Ꞌ mbɔ̌ wɛ́ ŋɡɔ: «pɛ́ kɑ pí wú tsɛt nu kɛpɔŋ, ɔ ɡʉ nɛzíꞋ wɛ́k nɛ́ yúu kîi!» Ŋ́ɡɔ́ɔ ɛ́fú ndɑ́-cúꞋlɛ ńzuŋ wɛ́ ŋ́ɡɑ́ píi.

Jɑ̂ŋ 3:2

A ɡɛ ńtɔ́ yɛcɔ́ nɛtúꞋ, ńjʉ́ɔ Yɛ́su, ńcú mbɔ̌ wɛ́ ŋɡɔ: «Cícɑ, pɛk jí ŋɡɔ Sɛ́ kɑ túunɛ wú ŋɡɔ ɔ ɡʉ ńzíꞋ pʉɔ nɛ́ yúu. MbíꞋŋɡɔ ɛ́ lɑɑ ḿbɔ́ ŋu pɔɔ ɡɛ mɛnu mɑ̌ɑmɑɑnɛ mi ɔ ɡɛnɛ lɑɑ kɛ́ pɔ́ yi Sɛ́ túunɛ wɛ́ pɔ́.»

Lúkɑ́shi 12:8

Lɑ́ m bɛn ɛ́sẅíi wʉ́ʉ yɔ nu; ŋu lɑɑ ḿbɛ́m ŋkɔ̂ɔnɛ mbi lɑ́Ꞌ ŋɡɔ ɑ wɑɑ ŋu, mbɔ mɔ́ɔ-ŋu ɡɛ ḿbɛ́m wɛ́ ɡúu mbi pɛcʉ̈ɔ́Ꞌ-Sɛ́

Lúkɑ́shi 6:22

Pʉʉ pɛpɔ́ttú, nǔu ŋkɑ́ yi pʉʉ cʉ́ɔ nzʉʉ mɔ́ɔ-ŋu, pɛ́ pɛn ḿbɔ́ ḿbɑɑ wʉʉ, ḿbɔ́ ŋ́kʉ́ʉnɛ wʉ́ʉ, ḿbɔ́ ńzɔɔtɛ wʉ́ʉ, ḿbɔ́ ḿbʉ́ʉpɛ lík yʉ́ʉ.

Lúkɑ́shi 23:13

Pɛ́ lɔk wɛ́ ŋ́kúu zúꞋu, Pilɑ́tu fúŋ pɑnɔ́ŋpɔꞋ pɛɡwɛ́, mbɑ pɑsɑ́Ꞌ lɑ́Ꞌ,

Jɑ̂ŋ 7:31

Nɛzɑ́ɑ pʉɔ tsɛt nɔɔ-lɑ́Ꞌ kɛ́ ḿbɔ́ ńzɑ́p tʉ́m nǔu wɛ́ zɑ́pnɛ, ḿbɔ́ ńcú ŋɡɔ, tɛ Nzɑ́Ꞌŋkʉ ẅi Sɛ́ kɑ kɑꞋnɛ ɡʉ ŋ́ɡɛ ńtɔ́ ḿbɛn ŋ́ɡɛ mɛcɔ́ mɛnu mɑ̌ɑmɑɑnɛ tɛ ɛ́ lɛɛ mi ŋu wɑ́ sɛ́ ŋ́ɡɛ lɑ́?