Jɑ̂ŋ 12:35 - Kɑɑ Fí

³⁵ Yɛ́su tsɔ́Ꞌ mbɔ̌ pɔ́p ŋɡɔ: «Kyɛꞌ kɛ́ ɡɛ ḿbɛn ḿbɔ́ tsɛtsɛt pʉʉ tɛ ntí sɑk pɔ́. Kyɛꞌ pɛ́t sɛ́, pʉʉ nɛn, ḿbɔ́k nzɛ́nzʉ́ʉ nɛkẅɛ́ɛtɛ wʉ́ʉ. Ɛ́ mbíꞋŋɡɔ ŋu sɛ́ ńnɛn tsɛt nzɛ́nzʉ́ʉ, ḿbɔɔ ńjí zʉꞋ yi ɑ ɡʉ nɛ́ zúꞋu pɔ́.

Jɑ̂ŋ 12:35 Referans Kwoze

Jɑ̂ŋ 12:46

Mɔ njʉ̈ɔ́ kyɛꞌ, ŋ kɑ tɔ́ ndǔmbí nɛpɔ́ yi ŋu lɑɑ ńzɑ́p tʉ́m nǔu mɔ, ɑ pɔɔ ɡɔ́ŋ tsɛt nzɛ́nzʉ́ʉ pɔ́.

Jɑ̂ŋ 16:16

Ɛ́ ńtsʉ́Ꞌ mɔ́zʉꞋ pʉʉ pɔɔ pɛn ńjʉ́ɔ wɑ́ɑ pɔ́, ɛ́ pɛn ŋ́kɛ́ ŋ́ɡɔ́ ńdɑ́ɑtɛ pʉʉ pɛn ńjʉ́ɔ wɑ́ɑ.

Ɛ́fɛ̂zɛ 5:8

Pʉʉ kɑ pɔ́ yɛcɔ́ ŋkɑ́ ḿbɔ́ pɔ tsɛt nzɛ́nzʉ́ʉ. Ɛ́ lɛɛ nǔu pɑ́Ꞌ pʉʉ lɑtnɛ mbʉʉ yʉʉ nǔu Tsɑpʉɔ, pʉʉ tsʉ́Ꞌ ḿbɔ́ ŋkɔ̂ɔnɛ ḿbɔ́ pɔ zʉꞋ fúknɛ. Pɔ́Ꞌɔ lɑ́, pʉʉ ɡɔ́ ŋ́ɡɛ mbɑ kʉ̈ɔ́ lɑ́ yʉ́ʉ, ŋ́ɡɛ pɑ́Ꞌ pʉɔ pi pɔ́p nǔu zʉꞋ fúknɛ.

Jɑ̂ŋ 8:12

Yɛ́su pɛn ńzɛ nɛzíꞋ yúu mbɔ̌ lɑ́Ꞌ, ńcú ŋɡɔ: «Kyɛꞌ yi ɛ́ kyɛꞋnɛ zʉꞋ ŋ́ɡɑ́ mbɔ̌ pʉɔmɛsɔŋ ndǔmbí ɑ pɔ́ mɔ. Ŋu lɑɑ ńcʉ́ɔ nzʉʉ mɔ, mbɔ ŋɡɑŋ kɛ́ lɑ́Ꞌ ńnɛn tsɛt nzɛ́nzʉ́ʉ pɔ́. Mbɔ ɑ ɡẅɛɛ kyɛꞌ yi ɛ́ kyɛꞋnɛ sɛ̂ndúŋ kwɑꞋ luk.»

Jɑ̂ŋ 11:10

Ŋu lɑɑ ŋ́kɛ́ ḿbɔ́ ńnɛn nɛtúꞋ, mbɔ ɑ ɡʉ kɔɔtɛ, mbíꞋŋɡɔ yúu mi ɛ́ ɡʉ ŋ́kyɛꞋ zʉꞋ ŋ́ɡɑ́ mbɔ̌ wɛ́ kɑ́ pɔ́ ɡú pɔ́.»

Jɑ̂ŋ 12:36

Kyɛꞌ lɑɑ ḿbɛ́t tsɛtsɛt pʉʉ, pʉʉ zɑ́p tʉ́m nǔu kyɛꞌ, ńdɔk ńtsʉ́Ꞌ pɔ́ɔ-kyɛꞋ. Yɛ́su cú yɔ nu tɛ ɛ́ kuꞋ, ɑ ɡʉ ńdʉ̈ɔmɛ nǔu zʉꞋ yi pɔ́p kɛ́ ɡɛ ńjʉ́ɔ wɛ́ pɔ́.»

Jɑ̂ŋ 7:33

Ɛ́ ɡɔ́ ḿbɔ́ Yɛ́su pɔ́ ńcú mbɔ̌ lɑ́Ꞌ ŋɡɔ ŋ ɡʉ ḿbɛn ńnɑ́Ꞌ ńnɑ́ŋ, lɑ ŋ ɡʉ ńtsɛ́t Tɑ̌ɑ ẅí ɑ kɑ túunɛ wɑ́ɑ.

2 Kɔlɛ̂ŋtɛ 3:14

Lɑ, ɛ́ kɑ zɛɛ ŋ́ɡɔ ḿbɔ́, mbɔ jínu yɔ́p kɑ jʉ́ɔꞋnɛ, ɛ́ kɑ jʉ́ɔꞋnɛ jɔ́Ꞌnɛ́nɛ tɛ ŋ́kúu lɔ́Ꞌnɛ, mbíꞋŋɡɔ pɔ́p ḿbɔ́ ɛ́fúŋ ŋwɑꞋnɛ-Ndɛn Kɑɑ, ŋkwɑ́ ɛ̂yɑ́ pɛ́t ḿbɔ́ pɔ ɡú, ɛ́ pɛ́t ḿbɔ́ pɔ ɡú, mbíꞋŋɡɔ ŋu lɑɑ ḿbɛ́t kɛ́ lɑt mbʉʉ nǔu Kɛlístɔ, wîwɑ́ ŋkʉ pɛ́t ḿbɔ́ pɔ ɡú.

Jɑ̂ŋ 11:9

Yɛ́su cú ŋɡɔ: «Tɑ́Ꞌ lɛ́Ꞌlɑ́Ꞌ kɑ́ ɡẅɛɛ nɛm ntsɔ̌ppɑ́ nɛ́ nɛɡɛ́m pɔ́ ɔɔ? Ŋu lɑɑ ńnɛn nɛnɛm, mbɔ ɑ kɛ́ kɔɔtɛ pɔ́, mbíꞋŋɡɔ kyɛꞌ njí sɛ́ ŋ́ɡɛ pɛ́ jʉ́ɔ zʉꞋ.

Ŋɡɑlɑ̂t 6:10

Pɔ́Ꞌɔ lɑ́, pɛkŋɛ lɑɑ ḿbɛ́t ŋ́ɡẅɛɛ shʉ́, pɛkŋɛ ɡɛ nu sʉ́Ꞌnɛ mbɔ̌ pʉɔ tsʉʉ, ńtsuŋ ŋ́ɡɛ pɔ mbɔ̌ pɔ́ɔpɛ́mɑ́ pi pɛkŋɛ pɛpɔ́p zɑ́pnɛ tʉ́m nǔu Kɛlístɔ.

Lúkɑ́shi 18:37

Pʉɔ tsɔ́Ꞌ mbɔ̌ wɛ́ ŋɡɔ: «A Yɛ́su mɔ́ɔ-Nɑ̌zɑlɛt ẅí ɑ lɛɛnɛ.»