Jɑ̂ŋ 11:44 - Kɑɑ Fí

⁴⁴ Mpfú cẅɛt. Mbɔ pɛ́ kɑ lɔk yúu-ndẅí ńzʉ́ʉ mɛku mɛ́ mbɑ mbɔ́ mɛ́, pɔ́p shʉ́ wɛ́. Yɛ́su cú mbɔ̌ pɔ́p ŋɡɔ: «Pʉʉ kíɛꞋ wɛ́, ŋ́kíɛꞋ wɛ́ ńnɑ́ ɑ ɡʉ.»

Jɑ̂ŋ 11:44 Referans Kwoze

Jɑ̂ŋ 5:25

Lɑ́ ɛ sẅíi wʉ́ʉ, kwɑꞋ nɛ́nẅín, ŋkɑ́ sɛ́ ŋ́kuꞋ, ɛ́ zɛɛ mɔ́ ńdɑ́Ꞌ ŋ́kuꞋ, pɑ́Ꞌ pɛpfúsɛ́ ɡʉ ńzúꞋ ŋɡi mɔ́ɔ-Sɛ́, pʉɔ pí pɔ́p zúꞋnɛ yîyɑ́ ŋɡi luk.

Jɑ̂ŋ 20:7

Ńjʉ́ɔ yúu ndẅí yi pɛ́ kɑ zɑ́pnɛ nǔu tú-Yɛ́su, ɛ́ pɔ́ yɛ́ kɑ́tɛ́nɛ, nɔɔ nǔu yɛ́ zʉꞋ.

Filipɛ 3:21

A ɡʉ ŋ́ɡɛ ńtɔ́ ɛ́shɔt yɔ mbɑp-mbʉʉ yi ɛ́ pɔ́t pɔ́tnɛ lɑɑ, ɛ́ tsʉ́Ꞌ pɑ́Ꞌ yɛ́ yi ɛ́ ɡẅɛɛnɛ nɛŋwɑ́ŋɛ. Ɛ́ pɔ́ pɔ́Ꞌɔ, ńdɔk mɛtʉʉ mi ɑ ɡẅɛɛnɛ nɛlɔk ŋ́ɡɛ mbɑ kʉ̈ɔ́ lɑ́ tsʉ́Ꞌ ńzúꞋ pɔ ntsu wɛ́.

Jɑ̂ŋ 10:30

Pɛk Tɑ̌ɑ mɔ pɔ́ pɔ tɑ́Ꞌ ŋu.

Jɑ̂ŋ 5:21

Pɑ́Ꞌ Tɑ́t wɛ ɡɛnɛ pʉɔ pí pɔ́p pfúnɛ zẅíimɛ pɔ́ ɡú lɑ́, ɛ́ ndʉ́ŋndʉŋ pɑ́Ꞌ Mɔ́ɔ pɛn ŋ́kuꞋ yɛ́ nɛɡɛ ŋu ẅí jʉ́ mɔ́ɔ kɔŋnɛ pɔ́ ɡú.

Lúkɑ́shi 7:15

A lɛɛ tɛ ńcú, ɑ pʉꞋ mbʉʉ yɛ ńnɑ́ŋ ńnɑ́ŋnɛ, ńzɛ nɛsẅíŋɛ, Yɛ́su ɡẅɛɛ wɛ́ ŋ́ɡɑ́ mbɔ̌ mɑ́ wɛ.

Mɛnu ɛ́ ńdɑ́Ꞌ ńcẅɛt 1:18

Mɔ pɔ́nɛ ŋu ẅí ɑ ntʉʉ. Ŋ kɑ pfú, lɑ́ mɔ ŋkɔ̂ɔnɛ ḿbɔ́ ɡú, ŋ́kɛ́ ńdɑ́Ꞌ ḿbɔ́ pɔ ɡú. Ŋ ɡẅɛɛ mɛtsɔ́Ꞌ mɑ́jɔ́Ꞌ, mi ɛ́ ɡɑ́nɛ wɑ́ɑ nɛ́ mɛtʉʉ nɛlɔk ńjʉ́ɔꞋ zʉꞋ yi pɛpfú zúꞋu, kɛ pɔ nɛlɔk ńtsɔ́Ꞌ ɛ́fú zúꞋu ńcẅɛɛtɛ pʉɔ ɔɔ.»

Jɑ̂ŋ 19:40

Pɔ́p yɔsɛ̂p tíi pfú-Yɛ́su, ḿbɔ́ ŋ́kɛmtɛ lɑmɛ́ndɑɑ nǔu, ńdɔk yúu ndẅí ńzʉ́ʉ, pɑ́Ꞌ Pɑyúdɑ m̄bɔ́ ŋ́ɡʉ lẅɛꞋ pfú-ŋu, ŋ́ɡɛ pɔ́Ꞌɔ.

Mɑ́lɛ́kúshi 5:43

Yɛ́su tɔꞋ wɔ́p ŋɡɔ pɔ́p pɑ́ɑ nɛɡɛ tɛ wɛcɔ́ ŋu ndɛꞋ jí yúu mi ɛ́ ɡɛnɛ, ḿbɛn ńcú ŋɡɔ pɛ́ ɡɑ́ yúu ɑ jʉ́.

Jɑ̂ŋ 20:5

Ńtʉɔ́ŋɛ tú yɛ́, ńjʉ́ɔ yúu ndẅí, ɛ́ pɔ́ tsɛt nɛshi, lɑ́ ŋ́kɛ́ mbɔɔ tsɛtú kúu.

Jɑ̂ŋ 11:39

Yɛ́su cú ŋɡɔ: «Pʉʉ kẅɛ́Ꞌlɛ ŋɡɔꞋ yɑ́.» Mɑ́ktɑ, fɛ́ pfú, ḿbʉ̈ɔt ŋɡɔ: «Ndɛ, ɑ ɡʉ ḿbɔ́ ŋkɔ̂ɔnɛ ńtsʉ́Ꞌ ńdɛm lɛmnɛ. MbíꞋŋɡɔ ɛ́ ŋkɔ̂ɔnɛ ḿbɔ́ lɛ́Ꞌ pɛ́nɛ́kwɑ pɑ́Ꞌ ɑ kɑ pfúnɛ.

Lúkɑ́shi 19:20

Wɛcɔ́ tɔ́ ńcú ŋɡɔ: «Mɛ́ntɑ́t, tɑ́Ꞌ pɑk-ŋkɑ́p yu yɑ́ pʉ́ɔ, ŋ kɑ lɔk yúu-ndẅí ŋ́kút ńdẅɛꞋ.

Jɑ̂ŋ 11:43

Ńcú pɔ́Ꞌɔ, ńdɔk ŋɡi tɛnnɛ ŋɡɔ: «Lɑzɑ̂ɑ, cẅɛt.»