Jɑ̂ŋ 11:27 - Kɑɑ Fí

²⁷ A cú ŋɡɔ: «Ɔ́ɔŋ mbɑ̌ɑ Tsɑpʉɔ. Mɔ, m bɛ́m ŋɡɔ ɔ Nzɑ́Ꞌŋkʉ ẅi Sɛ́ kɑ kɑꞋnɛ, ḿbɔ́ mɔ́ɔ-Sɛ́ ẅi pɛ́ kɑ pɔ́ ńzẅíꞋlɛ ŋɡɔ ɑ ńtɔ́ ndǔmbí.»

Jɑ̂ŋ 11:27 Referans Kwoze

Mɑtʉ̈ɔ 16:16

Símɔ Pyɛ̂ pʉ̈ɔt ŋɡɔ: «Ɔ Nzɑ́Ꞌŋkʉ, mɔ́ɔ-Sɛ́ ẅi ɑ ɡú.»

Jɑ̂ŋ 6:69

Pɛk kɑ lɑ́Ꞌmɔ́ ḿbɛ́m, ḿbɛn ḿbɔ́ ńjí ŋɡɔ ɔ kwɑꞋ ŋu ẅí ɑ fúnɛ nɛjɔ́ŋ Sɛ́.»

Jɑ̂ŋ 6:14

Lɑ́Ꞌ jʉ́ɔ nu mɑ̌ɑmɑɑnɛ yi Yɛ́su ɡɛnɛ, ńcú ŋɡɔ: «Ŋu wɔ kwɑꞋ ŋɡɛ́mndʉ̈ɔ́Ꞌ-Sɛ́ ẅi pɛ́ kɑ pɔ́ ńzẅíꞋlɛ ŋɡɔ ɑ tɔ́ ndǔmbí.»

1 Jɑ̂ŋ 5:1

Ŋu ẅí ɑ pɛ́mnɛ ŋɡɔ Yɛ́su Nzɑ́Ꞌŋkʉ, ɑ mɔ́ɔ-Sɛ́. Ŋu ẅí ɑ kɔŋnɛ Sɛ́ Tɑ́t, ɑ pɛn ŋ́kɔŋ mbɑ pɔ́ɔ-Sɛ́.

1 Jɑ̂ŋ 5:20

Pɛkŋɛ sɛ́ ńjí ŋɡɔ mɔ́ɔ-Sɛ́ kɑ tɔ́ ŋ́ɡɑ́ wɛkŋɛ nɛ́ jínu pɑ́Ꞌ pɛkŋɛ ɡʉ ńdɔk ńjí kwɑꞋ Sɛ́ wɛ nɛ́nẅín, pɛk kɑ lúꞋnɛ pɔ jʉ́ Yɛ́su Kɛlístɔ lɑ pɛkŋɛ pɛ Sɛ́ wɛ nɛ́nẅín tsʉ́Ꞌnɛ ńnɑ́ŋ, mbɔ pɛkŋɛ pɛ́pɔ́p kɑ ńtɛmtɛ mɔ́.

ŊwɑꞋnɛ-Gɑŋntúu Yɛ́su Kɛlístɔ 8:36

Pɔ́pmɛ́ kɑ pɛ́t ńnɛn nɛnnɛ, ńcẅɛt nǔu yɛcɔ́ zʉꞋ, ŋki pɔ́ zúꞋu. Ŋu-Ɛ́tíyɔ́pîi ɛ̂wɑ́ cú mbɔ̌ Filîp ŋɡɔ: «Ŋki pʉ́ɔlɑ́, ɛ́ lɑɑ ḿbɔ́ kʉ̈ɔ́ kíꞋ tɛ pɛ́ pɔɔ wɑ́ɑ ŋki nuꞋ?»

Jɑ̂ŋ 4:42

Ḿbɔ́ ńcú mbɔ̌ mɑŋɡɛ́ ɛ̂wɑ́ ŋɡɔ: «Pɛk kɑ́ pɛ́t ńzɑ́p tʉ́m nǔu Yɛ́su ntɛ́ pɔ sẅiŋɛ yú ndɑꞋ pɔ́, pɛk zɑ́p tʉ́m nǔu wɛ́ ŋkɔ̂ɔnɛ, mbíꞌŋɡɔ pɛk yɛ́k tsuŋ ńzúꞋ sẅiŋɛ yɛ́, lɑ ńjí ŋɡɔ ɑ ŋu ẅí ɑ ɡʉ ŋ́ɡɛ pʉɔmɛsɔŋ pínɛ pɔ́p ndǔmbí luk.»

Jɑ̂ŋ 1:49

Nɑtɑnɑyɛ̂l tsɔ́Ꞌ ŋɡɔ: «Lɑbi, ɔ mɔ́ɔ-Sɛ́, ɔ fɔɔ-pɑíslɑyɛ̂l.»

Lúkɑ́shi 2:11

Pɛ́ lɛ́ tʉ́sɔŋ-fɔɔ Ndɑvît lɔ́Ꞌnɛ, ḿbí ŋu ẅi ɑ ɡɛ ŋ́ɡɛ pʉʉ luk. A Kɛlístɔ, ḿbɔ́ Tsɑpʉɔ ẅi Sɛ́ kɑ kɑꞋnɛ.

Mɑtʉ̈ɔ 11:3

ɑ Nzɑ́Ꞌŋkʉ ẅí pɛ́ sɛ́ ńzẅíꞋlɛ wɛ́ lɑ́ kɛ pɔ́p ḿbɛn ńzẅíꞋlɛ pɔ wɛcɔ́ ŋu ndɛꞋ ɔɔ?

Mɑtʉ̈ɔ 16:20

Yɛ́su cú pɔ́Ꞌɔ, ŋ́ɡɔ́ɔ ŋ́kɛ́ ŋ́kwɛn ɡɑŋku pɛ́ ŋɡɔ, kɔɔ pɔ́p kẅíi tɛ ŋu ndɛꞋ jí ŋɡɔ ɑ Nzɑ́Ꞌŋkʉ.

ŊwɑꞋnɛ-Gɑŋntúu Yɛ́su Kɛlístɔ 8:37

[Filîp pʉ̈ɔt ŋɡɔ: «Ɔ lɑɑ ńzɑ́p tʉ́m yú nǔu Yɛ́su Kɛlístɔ, mbɔ yɛcɔ́ yúu kɛ́ kíꞋ wú pɔ́.» Ŋu-Ɛ́tíyɔ́pîi wɑ́ tsɔ́Ꞌ ŋɡɔ: «M bɛ́m ŋɡɔ Yɛ́su Kɛlístɔ mɔ́ɔ-Sɛ́.»]