Jɑ̂ŋ 11:19 - Kɑɑ Fí

¹⁹ nɛzɑ́ɑ pɑyúdɑ ɡɔ́ ḿbɔ́, mbɔ pɔ́p tɔ́ njɛ́Ꞌ-Mɑ́ktɑ pɔ́p Mɑlíyɑ, nɛzíi ŋki-mík mɔ́p, ntɛ́ mɔ́ɔmɑ́ wɔp ẅí ɑ kɑ pfúnɛ.

Jɑ̂ŋ 11:19 Referans Kwoze

Jɑ̂ŋ 11:31

Pɑyúdɑ pinɛ pɔ́p lɑ́Ꞌnɛ ḿbɔ́ ndɑ́ nɛzíi ŋki-mík Mɑlíyɑ, jʉ́ɔ pɑ́Ꞌ ɑ fúnɛ ndɑ́ ńcẅɛt nɛ́ tʉʉ, ńcʉ́ɔ yɔ́p nzʉʉ wɛ́, ḿbɔ́ ŋ́kwɑŋɛ ŋɡɔ ɑ ɡʉ tú-nɛshi ńnɑ́ŋ zúꞋu lɑ́ ńdɑɑ.

1 Tɛsɑlɔník 5:11

Pɔ́Ꞌɔ lɑ́, pʉʉ níꞋ mɛtʉʉ mʉ́ʉ pʉʉ nɛ́ pʉʉ, ŋu tɔ́ɔtɛ ŋu, ŋu tɔ́ɔtɛ ŋu, pɑ́Ꞌ pʉʉ sɛ́ ŋ́ɡɛ lɑ́.

1 Tɛsɑlɔník 4:18

Pɔ́Ꞌɔ lɑ́ pʉʉ nɑ́ŋ ńdɔk sẅiŋɛ yɔ, ɛ́shɔtnɛ ńtík mɛmbʉʉ mʉ́ʉ.

2 Kɔlɛ̂ŋtɛ 1:4

A tɔ́ɔtɛ wɛkŋɛ ŋɡɔŋ ŋkɑ́ tsʉʉ yi pɛkŋɛ tsɛt ŋɡʉ̈ɔ́Ꞌ nɛpɔ́ yi pɛkŋɛ ɡúu ɡʉ ŋ́kuꞋ nɛtɔ́ɔtɛ pɛcɔ́ pʉɔ pi pɔ́p tsɛt ŋɡʉ̈ɔ́Ꞌ, ńtsʉ́Ꞌ nɛtɔ́ɔtɛ wɔ́p ńtɔ́ɔtɛ nǔu ntɛ́ yi Sɛ́ kɑ tɔ́ɔtɛ́nɛ wɛkŋɛ.

Pʉɔ-Lɔ́mɑ 12:15

Pʉɔ lɑɑ ḿbɔ́ ńtsɑ́ɑtɛ pʉʉ pɛpɔ́p tɛmtɛ ńtsɑ́ɑtɛ, ḿbɔ́ ńdɑɑ pʉʉ pɛpɔ́p tɛmtɛ ńdɑɑ.

Lúkɑ́shi 10:39

Mɑ́ɑtɑ kɑ ɡẅɛɛ mɔ́ɔmɑ́ wɛ wɛ mɑŋɡɛ́, lík yɛ́ pɔ́ ŋɡɔ Mɑlíyɑ. Yɛ́su tɔ́ tɛ ńnɑ́ŋ sɛ́, Mɑlíyɑ tɔ́ ńnɑ́ŋ nɛjɔ́ŋ yɛ́, ḿbɔ́ ńzúꞋ sẅiŋɛ yɛ́.

Lúkɑ́shi 10:42

Lɑ́ tɑ́Ꞌ yúu ɡú, ḿbɔ́ yɛ́ tʉʉ ndɛn, Mɑlíyɑ kɑŋ yîyɑ́, ḿbɔ́ ŋu pɔɔ fú mbɔ̌ wɛ́ ńcẅɛɛtɛ pɔ́.»

Jɑ̂ŋ 1:19

Jɑ̂ŋ ɡɛ ńcú nu ntɛ́ Yɛ́su. Ɛ́ pɔ́ yɛcɔ́ ŋkɑ́, pɑsɑ́Ꞌlɑ́Ꞌ-pɑyúdɑ pínɛ pɔ́p Yɛlúsɑlɛm túu pɑnɔŋpɔꞋ pɔ́p pʉɔ nǔu njẅɛt-Lɛ́vi, ŋɡɔ pɔ́p ɡʉ ḿbíkŋɛ Jɑ̂ŋ ŋɡɔ: «A pɔ́ wɔ̌?»

Jɑ̂ŋ 11:1

Wɛcɔ́ ŋu ɡɛ ḿvu ɡɔɔ, lík yɛ́ pɔ́ ŋɡɔ Lɑzɑ̂ɑ. Pɔ́p pɔ́ɔpɛ́mɑ́ pɛ́ pɛ́ pɑŋɡɛ́ pɛ́pɑ́, Mɑ́ktɑ pɔ́p Mɑlíyɑ pɔ́ ńtswɛ́ tsɛt lɑ́Ꞌ-Mbɛtɑni.

Jɑ̂ŋ 11:8

Gɑŋku pɛ́ pʉ̈ɔt ŋɡɔ: «Cícɑ, ntí kɑ́ sɑk pɑ́Ꞌ pɑyúdɑ kɑ pɔ́ ńdɔɔ nɛlɔk mɛŋɡɔꞋ ńtɛ́m wú ńjẅí pɔ́. Ɔ ɡʉ ḿbɛn ḿbɛn zúꞋu ɔɔ?»

Jɑ̂ŋ 11:33

Yɛ́su jʉ́ɔ pɑ́Ꞌ ɑ sɛ́ ńdɑɑ, pɑyúdɑ pínɛ pɔ́p pɛ́ pɔ́p tɛmtɛnɛ ńtɔ́ pɛn ḿbɔ́ ńdɑɑ yɔ́p, ńjẅi, mbʉʉ yɛ kẅiꞋ citɛ.

Jɑ̂ŋ 11:36

Pɑyúdɑ cú ŋɡɔ, pʉʉ jʉ́ɔ pɑ́Ꞌ ɑ kɑ pɔ́ ŋ́kɔŋ wɛ́.

Jɑ̂ŋ 11:45

Nɛzɑ́ɑ pɑyúdɑ pí pɔ́p lɑ́Ꞌnɛ ńtɔ́ njɛ́Ꞌ pɛ́ Mɑlíyɑ, pínɛ pɔ́p jʉ́ɔnɛ yúu mi Yɛ́su ɡɛnɛ, zɑ́p tʉ́m yɔ́p nǔu Yɛ́su.