Jɑ̂ŋ 11:11 - Kɑɑ Fí

¹¹ Yɛ́su cú yɔ nu, ḿbɛn ŋɡɔ: Súu wɛkŋɛ Lɑzɑ̂ɑ sɛ ńdɛ́, lɑ́ ŋ ɡʉ ŋ́ɡʉ jʉɔmɛ wɛ́.

Jɑ̂ŋ 11:11 Referans Kwoze

Jɑ̂ŋ 11:13

Ŋ́ɡɔ́ ḿbɔ́ pɔ́Ꞌɔ, Yɛ́su pɔ́ ɛ́sẅíi wɔ́p ŋɡɔ Lɑzɑ̂ɑ pfú. Lɑ́ pɔ́p pɔ́ ŋ́kwɑŋɛ yɔ́p pɔ ŋɡɔ ɑ cú ŋɡɔ ɑ sɛ́ ńdɛ́ lɛ́nɛ.

1 Tɛsɑlɔník 5:10

A kɑ pfú nǔu tú yɛ́kŋɛ, nɛpɔ́ yi pɛkŋɛ lɑɑ ńzɛɛ ḿpfú mbɑ pfúnɛ, kɛ ḿbɛ́t pɔ ntʉʉ ɔɔ, mbɔ pɛkŋɛ pɛ́pɔ́p zɛɛnɛ ḿbɔ́.

1 Kɔlɛ̂ŋtɛ 15:51

Tsʉ́Ꞌnɛ ɛ sẅíi wʉ́ʉ nɛ́ yɛcɔ́ nu yi ɛ́ kɑ zɛɛnɛ ḿbɔ́ yi lʉɔmɛ́nɛ, pɛkŋɛ pɛtsʉʉ kɛ́ lɑ́Ꞌ ńtɛmtɛ ḿpfú pɔ́, lɑ́ pɛkŋɛ pɛtsʉʉ ɡʉ ńdɑ́Ꞌ ńtɛmtɛ ɡẅɛɛ yɛcɔ́ mbʉʉ yi fí,

ŊwɑꞋnɛ-Gɑŋntúu Yɛ́su Kɛlístɔ 7:60

A kɑ cú pɔ́Ꞌɔ, ḿvu sɛ́ nɛ́ mɛkẅíꞋlɛ mɛ́, ŋ́ɡíɛt nɛ́ tʉʉ ŋɡɔ: «Tsɑpʉɔ, kɔɔ sɑ́ŋ yúu mi pʉɔ pɔnɛ ɡɛnɛ» ńcú pɔ́Ꞌɔ, ḿpfú.

Mɑtʉ̈ɔ 27:52

mɛtú-mɛshi tsɔ́Ꞌnɛ ńtʉ́ʉ, pɛpfú pi pɔ́p kɑ zɑ́pnɛ tʉ́m yɔ́p nǔu Sɛ́ jʉɔmɛ tɛ ńzɑ́ɑ,

Ɛ́fɛ̂zɛ 5:14

Ɛ́ zɛɛ mbɔɔ pɔ́ pɔ ndɑꞋ pɔ́Ꞌɔ pɔ́, yúu piitɛ tɛ ńcẅɛt zʉꞋ fúknɛ, ŋ́kúpmɛ, ńtsʉ́Ꞌ ŋ́kyɛꞋ pɔ zʉꞋ. Ɛ́ pɔ́Ꞌɔ lɑ́ pɛ́ cú ŋɡɔ: Gu ẅí ɔ sɛ́ ńdɛ́, jʉɔmɛ, fú tsɛtsɛt pɛpfú ńdɔ sɛ́, Pɔ́Ꞌɔ, Kɛlístɔ níꞋ kyɛꞌ yɛ́ nǔu ɡu.

Mɑ́lɛ́kúshi 5:39

Yɛ́su kúu ndɑ́ ńcú mbɔ̌ pɔ́p ŋɡɔ: «Pʉʉ pɑ́klɛ zʉꞋ, ńdɑɑ ndɛn wɑ́ mɛlɑ́Ꞌ kʉ̈ɔ́? Mɔ́ɔ kɑ́ pfú, ɑ lɛ́ lɛ́nɛ.»

Mɑtʉ̈ɔ 9:24

Pʉʉ ɡʉtɛ, mɔ́ɔ mɑŋɡɛ́ kɑ́ pfú, ɑ lɛ́ lɛ́nɛ.» Lɑ́Ꞌ zúꞋ ŋ́ɡwɛ wɛ́ ɡwɛnɛ.

Jɑ̂k 2:23

Nu yi pɛ́ kɑ ŋwɑꞋnɛ́nɛ tsɛt ŋwɑꞋnɛ-Sɛ́ ntɛ́ wɛ́ fú pɔ́Ꞌɔ, ḿbuutɛ, pɛ́ kɑ ŋwɑꞋnɛ ŋɡɔ: «Ábɛlɛhɑ̂m kɑ zɑ́p tʉ́m yɛ́ nǔu Sɛ́, Sɛ́ fú nǔu, ńtsʉ́Ꞌ ńdíŋɛ wɛ́ ɑ pɔ́ mbi yɛ́, ḿbɔ́ pɔ ndʉ́ŋndʉŋ,» ɑ fúŋ wɛ́ ŋɡɔ súu nɛ.

1 Kɔlɛ̂ŋtɛ 15:34

Pʉʉ ɡẅɛɛ mbʉʉ yʉ́ʉ nǔu ntɛ́ yi ɛ́ ḿbɔŋ Sɛ́, kɔɔ pʉʉ pɛn ŋ́ɡɛ mɛnu kɛpɔŋ. N cú mbíꞋŋɡɔ mɔ sɛ́ ńjʉ́ɔ pɛcɔ́ pʉɔ pɔ́ tsɛtsɛt pʉʉ ḿbɔɔ Sɛ́ jí, n cú pɑ́Ꞌɑ ńtsɑ́ɑ ŋɡɔ sʉ́ʉ kɔ́ wʉ́ʉ.

1 Kɔlɛ̂ŋtɛ 15:18

Ɛ́ pɛn ńdɔk ḿbɔ́ ŋɡɔ, pʉɔ pi pɔ́p kɑ ɡɔ́ ḿpfú, tʉ́m yɔ́p zɑ́pmɛ nǔu Kɛlístɔ, pɔ́p kɑ pɛ́ mɔ́.

Jɑ̂ŋ 11:3

pɑŋɡɛ́ ɛ̂pɑ́ pɛ́pɑ́ túu ńcú mbɔ̌ Yɛ́su ŋɡɔ: «Ndɛ, súu nɛpɛ wu sɛ́ ŋ́ɡɔɔ tɛꞋ.»

Jɑ̂ŋ 3:29

Ŋu ẅí ɑ zɔ́Ꞌnɛ mɑŋɡɛ́ pɔ́nɛ ndúu-mɑŋɡɛ́. Súu-ndúu tʉ́ʉ nɛjɔ́ŋ ndúu, ɑ cú nu, ɑ zúꞋ ŋɡi yɛ, nu pɔŋ wɛ́ tɛꞋ. Mɔ sɛ́ ńtsɑ́ɑtɛ yɑ́ɑ pɔ pɔ́Ꞌɔ, ḿbɛn ńtsɑ́ɑtɛ tɛ ḿmik tʉ́m yɑ́ɑ.

Jɑ̂ŋ 11:10

Ŋu lɑɑ ŋ́kɛ́ ḿbɔ́ ńnɛn nɛtúꞋ, mbɔ ɑ ɡʉ kɔɔtɛ, mbíꞋŋɡɔ yúu mi ɛ́ ɡʉ ŋ́kyɛꞋ zʉꞋ ŋ́ɡɑ́ mbɔ̌ wɛ́ kɑ́ pɔ́ ɡú pɔ́.»

Jɑ̂ŋ 11:12

Gɑŋku pɛ́ ńcú mbɔ̌ wɛ́ ŋɡɔ: «Ndɛ, ɛ́ lɑɑ ḿbɔ́ yi ɑ lɛ́, mbɔ ɑ ɡʉ ɛ́fíitɛ.»