27 Mɛnjinjɔ mɑ́ɑ zúꞋ ŋɡi yɑɑ. N jí wɔ́p, pɔ́p cʉ́ɔ nzʉʉ mɔ.
M bɛn ŋ́ɡẅɛɛ mɛcɔ́ mɛnjinjɔ mí pɔ́p kɑ́ pɔ́ tsɛt ŋkɑ́Ꞌ wɔ pɔ́. Ɛ́ pɔ́ ḿbíkŋɛ ŋɡɔ ŋ ɡʉ ńdɔk wɔ́p ńtɔ́. Pɔ́p ɡúu ɡʉ ŋ́ɡɛ ńzúꞋ ŋɡi yɑɑ, ɛ́ lɛɛ pɔ́Ꞌɔ, kɑt-njinjɔ pɔ́ wɛ́mɔ́Ꞌ, mbyɛ́p pɔ́ wɛ́mɔ́Ꞌ.
Mbyɛ́p mbí wɛ sʉ́Ꞌnɛ ɑ mɔ, mɔ sɛ́ ńjí mɛnjinjɔ mɑ́ɑ, pɔ́p pɛn ḿbɔ́ ńjí wɑ́ɑ.
M bʉ́ɔ, mbɔ n tɔ́ ńtʉ́ʉ ḿbɔ́ ḿbúꞋtɛ ntsundɑ́, ḿbɔ́ yi ŋu lɑɑ ńzúꞋ ŋɡi yɑɑ, ńtsɔ́Ꞌ ntsundɑ́, mbɔ mɔ ŋ́kúu ndɑ́-ŋɡɑŋ, ńnɑ́ŋ sɛ́ pɛk ŋɡɑŋ tɛmtɛ nɛ́ tɑ́Ꞌ tʉ́m ŋ́kwɛ́t yúu.
Lɑ́ ḿbɔ́ yi ŋu lɑɑ ḿbɔ́ ŋ́kɔŋ Sɛ́, mbɔ ŋɡɑŋ ŋu ẅí Sɛ́ ńdɑ́Ꞌ mɔ́ ńjí wɛ́.
Ɛ́ yúu mi ɛ́ ɡɛnɛ Zẅikŋɛ Lɛ́ɛnɛ́nɛ cú ŋɡɔ: Pʉʉ lɑɑ ńzúꞋ ŋɡi-Sɛ́ lɔ́Ꞌnɛ
Lɑ́ ɛ sẅíi wʉ́ʉ, kwɑꞋ nɛ́nẅín, ŋkɑ́ sɛ́ ŋ́kuꞋ, ɛ́ zɛɛ mɔ́ ńdɑ́Ꞌ ŋ́kuꞋ, pɑ́Ꞌ pɛpfúsɛ́ ɡʉ ńzúꞋ ŋɡi mɔ́ɔ-Sɛ́, pʉɔ pí pɔ́p zúꞋnɛ yîyɑ́ ŋɡi luk.
Yɛ́su pɛn ńzɛ nɛzíꞋ yúu mbɔ̌ lɑ́Ꞌ, ńcú ŋɡɔ: «Kyɛꞌ yi ɛ́ kyɛꞋnɛ zʉꞋ ŋ́ɡɑ́ mbɔ̌ pʉɔmɛsɔŋ ndǔmbí ɑ pɔ́ mɔ. Ŋu lɑɑ ńcʉ́ɔ nzʉʉ mɔ, mbɔ ŋɡɑŋ kɛ́ lɑ́Ꞌ ńnɛn tsɛt nzɛ́nzʉ́ʉ pɔ́. Mbɔ ɑ ɡẅɛɛ kyɛꞌ yi ɛ́ kyɛꞋnɛ sɛ̂ndúŋ kwɑꞋ luk.»
Ɛ́ pɛn ŋ́ɡʉ nǔu ŋkɔ̂ɔnɛ pʉʉ sɛ́ ńjí Sɛ́ tɛ n dɑ́Ꞌ ńzɛɛ ḿbɔ́ ŋ́ɡʉ ńcú pɔ ŋɡɔ Sɛ́ sɛ́ ńjí wʉ́ʉ. Ɛ́ pɛn ŋ́ɡɛ pɑ́Ꞌɑ lɑ pʉʉ pɛn ḿbɛn nzʉʉ, tsɛt mîmɑ́ mɛyúu mi ɛ́ kɑ́ ɡẅɛɛ mɛtʉʉ pɔ́, ŋ́kɛ́ mbɔɔ yɛcɔ́ yúu ɡẅɛɛ? Pʉʉ kɔŋ nɛpɛn ḿbɛn nzʉʉ ḿbɛ́m pɛkwɑɑ mbɔ̌ pɔ́p kɛkʉ̈ɔ́?
Pʉɔ tsʉʉ pinɛ pɔ́p kɑ piitɛ́nɛ ńtɔ́, lɑ n tɔ́ yɑ́ɑ, pɔ́ pɔ pɛtsɔ́ŋ, ḿbɛn ḿbɔ́ pɛfút. Lɑ́ mɛnjinjɔ kɑ kɛ́ mbɔɔ ŋɡi yɔp zúꞋ.
Ŋu lɑɑ ḿbɔ́ ɛ́fɑꞋ mbɔ̌ mɔ, ɑ cʉ́ɔ nzʉʉ mɔ. ZʉꞋ yí ŋ ɡʉnɛ zúꞋu lɑ́, ŋɡɑŋfɑꞋ wɑɑ ɡʉ ḿbɔ́ yɛ́ zúꞋu. Ŋu lɑɑ ḿbɔ́ ɛ́fɑꞋ mbɔ̌ mɔ, mbɔ Tɑ̌ɑ mɔ ɡʉ ŋ́ɡɛ ŋ́ɡɑ́ mɛkuꞋ mɛ́.
Pʉʉ pɛn ŋ́kɛ́ ḿbɔɔ ḿbɔ́ ńzúꞋ sẅiŋɛ yɑ́ɑ pɔ́ mɛlɑ́Ꞌ kʉ̈ɔ́? MbíꞋŋɡɔ pʉ́ʉ kɑ́ kuꞋ nɛzẅíꞋlɛ sẅiŋɛ yɑ́ɑ pɔ́.»
Yɛ́su ɡɛ ńcú mbɔ̌ pʉɔ pɛ́tsʉʉ ŋɡɔ: «Ŋu lɑɑ ńtsɑ́ɑ nɛpɔ́ wɑɑ ŋu, ɑ mɛꞋ túmbʉʉ yɛ́, ńtíi yɛ́ tʉ́ mɛkʉ́Ꞌ ńdɔk ḿbɛ́m nɛpfú, lɑ́ ńcʉ́ɔ nzʉʉ mɔ.
A pɛ́t ńcú cúnɛ, yɛcɔ́ lɑ́ɑ, yi ɛ́ ŋwɑŋɛ ŋwɑŋɛ́nɛ ńcúŋ ŋ́kẅíipɛ wɔ́p, ŋɡi-ŋu fú tsɛtú ńcú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ, pʉʉ zúꞋ ntsu wɛ́.»
Tɛ mbɑ pɔ́Ꞌɔ, cʉ́ndɑ́ yi Sɛ́ kɑ nɔŋnɛ pɛ́t ńtɛn tɛnnɛ. Pɛ́ kɑ ŋwɑꞋnɛ ndǔ ŋɡɔ: «Tsɑpʉɔ sɛ́ ńjí pʉɔ pɛ́, ḿbɛn ŋ́ŋwɑꞋnɛ ŋɡɔ: Ŋu lɑɑ ŋɡɔ ɑ ŋu-Tsɑpʉɔ, ɑ kʉɔ nu kɛpɔŋ.»
Yɛ́su tsɔ́Ꞌ mbɔ̌ wɛ́ ŋɡɔ: «N dɑɑ ŋ́kɔŋ ŋɡɔ ɑ pɔ́ pɔ ɡú tɛ n dɑ́Ꞌ ḿbɛn nzʉʉ, mbɔ yú nu nǔu ḿbɔ́ kʉ̈ɔ́? Cʉ́ɔ yú pɔ nzʉʉ mɔ.»
Lɑ́, ɑ pɛn ńcú mbɔ̌ pʉʉ ŋɡɔ: «Ŋ kɑ́ pɔ́ ńjí pʉɔ pinɛ pʉʉ pɛ́t pɔ́. Pʉʉ fú ntsundɑ́ mɔ ŋ́ɡʉtɛ, pʉʉ ɡɑŋmɛzɛm!»
Ŋ́ɡɔ́ɔ ŋ́kɛ́ ɛ́fúŋ lɑ́Ꞌ mbɑ ɡɑŋku pɛ́, ńcú mbɔ̌ pɔ́p ŋɡɔ: «Ŋu lɑɑ ŋ́ɡʉ ḿbɔ́ wɑɑ ŋu, ɑ ɡwɑ́k túmbʉʉ yɛ́, ńtíi yɛ́ tʉ́ mbɑ́ŋtɛ pɑ́ŋtɛ́nɛ ńdɔk ḿbɛ́m nɛpfú, lɑ́ ńcʉ́ɔ nzʉʉ mɔ.»
Lɑ́ ɑ cú mbɔ̌ pɔ́p ŋɡɔ: «Lɑ́ ɛ sẅíi wʉ́ʉ, kwɑꞋ nɛ́nẅín, ŋ kɑ́ pɔ́ ńjí wʉ́ʉ pɔ́.»
Yɛ́su pɛn ńcú mbɔ̌ ɡɑŋku pɛ́ ŋɡɔ: Ŋu lɑɑ ŋ́ɡʉ ḿbɔ́ wɑ́ɑ ŋu, ɑ ɡwɑ́k túmbʉʉ yɛ́, ńtíi yɛ́ tʉ́ mbɑ́ŋtɛ pɑ́ŋtɛ́nɛ ńdɔk ḿbɛ́m nɛpfú, lɑ ńcʉ́ɔ nzʉʉ mɔ.
Ŋ ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Mɔ ŋkɑɑ mɔ zɛɛ ńjí wʉ́ʉ pɔ́, pʉʉ pɑfʉꞋ mɛnu kɛpɔŋ, pʉʉ fú nɛjɔ́ŋ mɔ ńtsʉ́ʉtɛ.»
pʉɔ pí pɔ́p pɑŋɡɛ́ ŋkɑɑ ɡɛ mɛnu ndǔmbí pɔ́, pɔ́p pɔ́ pɔ pʉɔ pi pɔ́p ŋkɑɑ mɑŋɡɛ́ jí. Mɔ́ɔ-Njinjɔ ɡʉ ɡɔ́ lɑ́, pɔ́p cʉ́ɔ pɔ nzʉʉ yɛ́. Pʉɔ pi pɛ́ kɑ ɡʉnɛ tsɛtsɛt pʉɔmɛsɔŋ ńtsuꞋ wɔ́p, pɔ́p ḿbɔ́ mbi Sɛ́ mbɑ mbi Mɔ́ɔ-Njinjɔ, ḿbɔ́ pɔ pɑ́Ꞌ ntú-yúu mi ɛ́ fúnɛ ŋkɑ́Ꞌ lɑ́,
Ɛ́ ɡʉ nǔu ŋu ẅí ɑ kɛ́ lɑ́Ꞌ ńzúꞋ ntsu ẅîwɑ́ Ŋɡɛ́mdʉ̈ɔ́Ꞌ-Sɛ́ pɔ́, pɛ́ fú tsɛtsɛt pʉɔ pi Sɛ́ kɑ tsɔ́Ꞌnɛ, ńcẅɛɛtɛ wɛ́, ńjẅí wɛ́.
Yɛ́su pɛn ńdíŋɛ wɛ́, nu yɛ́ pɔŋ wɛ́, ɑ cú mbɔ̌ wɛ́ ŋɡɔ: «Tɑ́Ꞌ yúu wɛ́mɔ́Ꞌ pɛ́t ńjɑ́k yi ɔ ɡʉ ŋ́ɡɛ. Gʉ, ɛ́fɛn yúu pú tsʉʉ, ŋ́ɡɑp ŋkɑ́p mbɔ̌ pɑkɛ́yúu, ńdɑ́Ꞌ ŋ́ɡẅɛɛ yúu tʉʉndɛn tʉ́nɛ́pú. Gʉ ŋ́ɡɛ pɔ́Ꞌɔ, ḿbɛn ńtɔ́ ńcʉ́ɔ nzʉʉ mɔ.»
