Biblia Todo Logo
Bib sou entènèt

- Piblisite -




Jɑ̂ŋ 10:11 - Kɑɑ Fí

11 Mbyɛ́p mbí wɛ sʉ́Ꞌnɛ pɔ́ pɔ mɔ. Mbyɛ́p mbí wɛ sʉ́Ꞌnɛ, ɡɑ́ tú yɛ́ ntɛ́ njinjɔ yɛ́.

Gade chapit la Kopi




Jɑ̂ŋ 10:11
25 Referans Kwoze  

«Wɛcɔ́ ŋu kɛ́ pɛn ŋ́ɡẅɛɛ ŋkɔŋɛ tɛ ɛ́ lɛɛ yi ŋu ẅí ɑ ɡɑ́nɛ yɛ luk nǔu tú-pʉɔ pí ɑ kɔŋnɛ wɔ́p pɔ́.»


MbíꞋŋɡɔ mɔ́ɔ-Njinjɔ ẅí ɑ tʉ́ʉnɛ tsɛtsɛt kɔꞋ-nɛfɔɔ ɡʉ ḿbɔ́ ŋɡɑŋpyɛ́p wɔ́p, ńdɔk wɔ́p ŋ́ɡʉ nǔu mɛtẅɛ́Ꞌ-ŋki, zʉꞋ yi ŋki ɡʉ ŋ́ɡɛ pɛ́ pɔ́ ɡú. Sɛ́ ɡʉ ńtuk ŋki-mík mɔ́p tsʉʉ.


Ŋkɔŋɛ kʉ̈ɔ́? Pɛkŋɛ ŋkɔ̂ɔnɛ, mbɔ pɛkŋɛ jí ŋɡɔ: Yɛ́su kɑ ɡɑ́ tú yɛ́ mbíꞋ wɛkŋɛ. Pɔ́Ꞌɔ lɑ́, ɛ́ sɛ́ ḿbíkŋɛ ŋɡɔ pɛkŋɛ ɡɑ́ tú yɛkŋɛ mbíꞋ pɔ́ɔpɛ́mɑ́ pɛkŋɛ.


Sɛ́ ẅí mbɔ́tnɛ fúnɛ mbɔ̌ wɛ́, ɑ kɑ ɡɛ Yɛ́su, Tsɑpʉɔ wɛkŋɛ fú lɑ́Ꞌ-pɛpfú ŋ́kɔ́Ꞌ. Jʉ́ Tsɑpʉɔ wɛkŋɛ kɑ lɔk pɑ́Ꞌ ɑ tswɛtnɛ mɛci mɛ́, Sɛ́ lɔk ŋ́ɡwɑt kɑɑ yi ɛ́ kɛ́ lɑ́Ꞌ ḿmɛ pɔ́, ńtsʉ́Ꞌ mbyɛ́p mbí wɛ ɡwɛ́, pɑ́Ꞌ ɑ ɡʉ ḿbyɛ́p njinjɔ yɛ́.


Pʉʉ lɑɑ ŋ́ɡɛ pɔ́Ꞌɔ, mbɔ ɛ́ ɡʉ ńdɑ́Ꞌ lɛ́Ꞌ yi mbyɛ́pmbí wɛ ɡwɛ́ ńtɔ́, ɑ tɔꞋ ŋɡúꞋ tú pʉʉ, yi ndɛn wɛ kɛ́ lɑ́Ꞌ ḿmɛ pɔ́.


KwɑꞋ jʉ́ kɑ ɡɑ́ tú yɛ́ ńdɔk ńzúu tú yɛkŋɛ, nɛlɔk ńtsúꞋ wɛkŋɛ nǔu mɛnu kɛpɔŋ mɛkŋɛ tsʉʉ. A kɑ niitɛ wɛkŋɛ, pɛkŋɛ tsʉ́Ꞌ pʉɔ pɛ́, ḿbɔ́ pʉɔ kɛ́ lɔ́Ꞌ, ńtsʉ́Ꞌ ńníꞋ tú ŋ́ɡɛ pɔ yúu mi ɛ́ pɔŋnɛ.


Ndʉ́ŋndʉŋ pɑ́Ꞌ Mɔ́ɔ-Ŋu ŋkɑɑ tɔ́ ndǔ tsɛ́tsɑ́Ꞌ, pɔ pɑ́Ꞌ pʉɔmɛsɔŋ ɡʉ ɛ́fɑꞋ mbɔ̌ wɛ́ pɔ́, ɑ kɑ tɔ́ pɔ nɛfɑꞋ mbɔ̌ pʉɔmɛsɔŋ, ɛ́fɑꞋ fɑꞋ tɛ ḿbɛn ŋ́ɡɑ́ tú yɛ́ nɛlɔk ńtsúꞋ pʉɔ tɛ ńzɑ́ɑ.»


Pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ńdɔk pɔ ŋkɔŋɛ ndʉ́ŋndʉŋ pɑ́Ꞌ Kɛlístɔ kɑ kɔŋnɛ wɛkŋɛ tɛ ŋ́ɡɑ́ tú yɛ́ ńdɔk ńnɔŋ pɔꞋ mbi Sɛ́ ntɛ́ wɛkŋɛ lɑ́. PɔꞋ ɛ̂wɑ́ ẅí jɑ́k yɛ́ pɔŋnɛ mbɔ̌ Sɛ́.


Mbyɛ́p mbí sʉ́Ꞌnɛ lɛɛ pɔ ntsuŋkɑ́Ꞌ.


Swiv nou:

Piblisite


Piblisite