Jɑ̂ŋ 1:5 - Kɑɑ Fí

⁵ Kyɛꞌ pɔ́ ŋ́kyɛꞋ nzɛ́nzʉ́ʉ, nzɛ́nzʉ́ʉ kɛ́ mbɔɔ kúpmɛ.

Jɑ̂ŋ 1:5 Referans Kwoze

1 Kɔlɛ̂ŋtɛ 2:14

Ŋumɛsɔŋ lɑɑ ḿbɛ́t ḿbɔ́ pɔ nǔu ntɛ́ yi pɛ́ kɑ pínɛ wɛ́ ɑ pɔ́, mbɔ ɛ́ lɑɑ ḿbɔ́ ɑ pɔɔ zúꞋ yúu mi ɛ́ fúnɛ mbɔ̌ zẅikŋɛ-Sɛ́ pɔ́. Ɛ́ mbɔ̌ yɛ́ ḿbɔ́ pɔ mɛnu-pɑ́lɛ. A kɛ́ kuꞋ nɛzúꞋ nu yi ɑ cúnɛ pɔ́. MbíꞋŋɡɔ Zẅikŋɛ Lɛ́ɛnɛ́nɛ ɡɛnɛ lɑ pɛ́ zúꞋ nu yi yîyɑ́ yúu lɔknɛ ńcú.

Jɑ̂ŋ 1:10

Jʉ́ sẅiŋɛ m̄bɔ́ ndǔmbí, lɑ́ pʉɔmɛsɔŋ kɛ́ mbɔɔ wɛ́ jí. Lɑ mbɔ Sɛ́ kɑ lɔk pɔ sẅiŋɛ ɛ̂yɑ́ lɑ ḿbuꞋ ŋɡɔŋ.

Pʉɔ-Lɔ́mɑ 1:28

Pɑ́Ꞌ pɔ́p kɑ lʉꞋnɛ nɛjí Sɛ́ lɑ́, Sɛ́ kɑ nɑ́ wɔ́p, jínu yɔ́p yi ɛ́ kɑ́ tʉ́ʉ, tsʉ́Ꞌnɛ ɛ́sɑ́Ꞌ wɔ́p pɔ́p tsʉ́Ꞌ ŋ́ɡɛ pɔ yúu mi pɔ́p lɑ́Ꞌ mbɔɔ ŋ́ɡʉ ŋ́ɡɛ pɔ́.

Mɑtʉ̈ɔ 5:15

Pɛ́ kɛ́ mbɔɔ pɛn ńdyɛt lɑ̂m, ńdɔk kɛ́kɔ́ɔ ŋ́kẅíipɛ pɔ́. Pɛ́ lyɛt lɑ̂m, ńtík pɔ ndǔ tɑ́pɛlɛ, ɛ́ kyɛꞌ pʉɔ tsʉʉ pi pɔ́p ndɑ́.

ŊwɑꞋnɛ-Gɑŋntúu Yɛ́su Kɛlístɔ 26:18

N túu wú pɔ́Ꞌɔ, ɔ ɡʉ níɛꞋ mík mɔ́p, ŋ́ɡɛ pɔ́p fú tsɛt nzɛ́nzʉ́ʉ ńcẅɛt, ŋ́kúu nǔu zʉꞋ yi ɛ́ sɛ́ fúk. Ɛ́ lɔk ḿbɔ́ ŋɡɔ ɔ ɡʉ ŋ́ɡɛ ŋ́ɡɛ pɔ́p fú nǔu mbɔ́-Sɑ́ttɑ ńcẅɛt, ḿbɛn nǔu mbɔ́-Sɛ́, ńzɑ́p tʉ́m yɔ́p nǔu mɔ, Sɛ́ likŋɛ mɛnu kɛpɔŋ mɔ́p ŋ́ɡɑ́ mbɔ̌ pɔ́p, ḿbɛn ŋ́ɡɑ́ yɔ́p zʉꞋ tsɛtsɛt pʉɔ pɛ́.»