49 Nɑtɑnɑyɛ̂l tsɔ́Ꞌ ŋɡɔ: «Lɑbi, ɔ mɔ́ɔ-Sɛ́, ɔ fɔɔ-pɑíslɑyɛ̂l.»
N jʉ́ɔ, lɑ́ mɔ sɛ́ ɛ́sɑ́Ꞌ ɛ́sẅíi pʉɔ ŋɡɔ jʉ́ pɔ́nɛ mɔ́ɔ-Sɛ́.
ḿbɔ́ ńcú ŋɡɔ: «Mbɔ́tnɛ pɔ́ mbɔ̌ Fɔɔ ẅí ɑ tɔ́nɛ nǔu lík-Tsɑpʉɔ. Sɛ́ tʉ́nɛ́pú ḿbɔ́ Ŋɡɑŋ-mbɔ́tnɛ, ɡúꞋlɛ pɔ́ mbɔ̌ wɛ́ ẅi ɑ tɛ tʉ́nɛ́pú.»
«A kɑ ɡɛ pɛcɔ́ pʉɔ luk, lɑ́ ɑ kɑ́ kuꞋ nɛcẅɛ́ɛ yɛ́ tú mbɔ̌ nɛvú pɔ́! A lɑɑ ḿbɔ́ fɔɔ-pɑíslɑyɛ̂l, ɑ ɛ́fú nǔu tʉ́ mbɑ́ŋtɛ pɑ́ŋtɛ́nɛ ŋkɔ̂ɔnɛ ḿpfúu pɛk jʉ́ɔ, ńzɑ́p tʉ́m yʉ́k nǔu wɛ́.
pʉʉ cú mbɔ̌ pʉɔ pí pɔ́p tsɛt tʉ́sɔŋ-Syɔ́ŋ ŋɡɔ: «Pɔ́p líŋɛ ńjʉ́ɔ pɑ́Ꞌ fɔɔ wɔp sɛ́ ńtɔ́ nɛ́ nɛjɔ́ŋ pɔ́p, ḿbɔ́ ŋɡɑŋ-mbɔ́tnɛ, ńnɑ́ŋ ndǔ njɑkɑ́ɑshi, ɑ pɔ́ mɔ́ɔ njɑkɑ́ɑshi.»
ḿbɔ́ ŋ́kɑ́t ḿbíkŋɛ ŋɡɔ: «Fɔɔ-pɑyúdɑ ẅí pɛ́ kɑ pínɛ lɑ́ pɔ́ ɡɔ́? Pɛk kɑ tʉ́ʉ lɑ́Ꞌ pɛk ɡúŋ-sɑ́Ꞌnɛm ńjʉ́ɔ sɑŋ wɛ, pɛk tɔ́ pɑ́Ꞌɑ nɛɡɑ́ mɛkuꞋ mɛ́.»
Yɛ́su shɔtnɛ, ńjʉ́ɔ pɑ́Ꞌ pɔ́p nzʉʉ yɛ́, ḿbíkŋɛ wɔ́p ŋɡɔ: «Pʉʉ lɔɔ kʉ̈ɔ́?» Pɔ́p pʉ̈ɔt mbɔ̌ wɛ́ ŋɡɔ: «Lɑbi (ńdɔk ŋɡɔ cícɑ), ɔ tswɛ́ ɡɔ́?»
Yɛ́su kúu mbi Ŋɡɔ́mnɑɑ Pilɑtɔ, ɑ píkŋɛ wɛ́ ŋɡɔ: «Ɔ fɔɔ-pɑyúdɑ ɔɔ?» Yɛ́su pʉ̈ɔt mbɔ̌ wɛ́ ŋɡɔ: «Ɔ cú pɔ́Ꞌɔ.»
Pʉɔ pínɛ pɔ́p tsɛt kɑnúꞋ pi mɛkẅíꞋlɛ mɔ́p mbi Yɛ́su ńcú ŋɡɔ: «Ɛ́ kwɑꞋ nɛ́nẅín, ɔ mɔ́ɔ-Sɛ́.»
Pilɑ́tɔ píkŋɛ wɛ́ ŋɡɔ: «Ɔ lɔk ḿbɔ́ fɔɔ pɔ́ ɔɔ?» Yɛ́su tsɔ́Ꞌ ŋɡɔ: «Gu cúnɛ pɔ́Ꞌɔ, mɔ fɔɔ. ZúꞋ yúu mi ɛ́ kɑ ɡɛnɛ pɛ́ pí wɑ́ɑ, ḿbɛn ńzúꞋ yúu mi ɛ́ kɑ ɡɛnɛ n tɔ́ ndǔmbí. Ŋ kɑ tɔ́ nɛcú yúu mi n jínɛ nǔu nu nɛ́nẅín. Ŋu pɔ́ nǔu nu nɛ́nẅín, ńzúꞋ ŋɡi yɑɑ.»
Wɛcɔ́ ŋu ŋkɑɑ Sɛ́ jʉ́ɔ, lɑ́ ndɑꞋ Mɔ́ɔ wɛ́mɔ́Ꞌ ẅi ɑ sɛ́ ḿbɔ́ nɛjɔ́ŋ Tɑ̌ɑ, kɑ ɡɛnɛ pɛ́ jí wɛ́.
Sɑ́ttɑ tɔ́ ŋ́kwɑꞋlɛ wɛ́, ńcú ŋɡɔ: «Pɑ́Ꞌ ɔ mɔ́ɔ-Sɛ́ lɑ́, ɡɔ́ɔ ŋ́kɛ́ ńcú mbɔ̌ mɛŋɡɔꞋ mɔ ŋɡɔ ɛ́ shɔtnɛ ńtsʉ́Ꞌ yúujʉ́ ɔ jʉ́.»
Pɔ́p kɔŋ ŋɡɔ pɛ́ tʉ́ʉ zɑ́n, ńcɛꞋlɛ wɔ́p nɛ́ mɛkuꞋ, pʉɔ pɛn ńnɑ́ŋ ɛ́fúŋ wɔ́p nɛ́ cícɑ.»
Lɑ́ ŋ́ɡʉ nǔu pʉʉ, kɔɔ pʉʉ ɡɛ ŋɡɔ pɛ́ fúŋ wʉ́ʉ ŋɡɔ cícɑ, mbíꞌŋɡɔ pʉʉ pɔ́ pɔ́ɔpɛ́mɑ́, ḿbɛn ŋ́ɡẅɛɛ pɔ tɑ́Ꞌ cícɑ wɛ́mɔ́Ꞌ.
Nzɑ́Ꞌŋkʉ wí Sɛ́ kɑ kɑꞋnɛ, fɔɔ-pɑíslɑyɛ̂l, fú nǔu tʉ́ mbɑ́ŋtɛ pɑ́ŋtɛ́nɛ ŋkɔ̂ɔnɛ ḿpfúu, pɛk jʉ́ɔ, ńzɑ́p tʉ́m yʉ́k nǔu wɛ́.» Pʉɔ pínɛ pɛ́ kɑ tɛmtɛ́nɛ wɔ́p pɛpɔ́p ŋ́kẅii nǔu mɛtʉ́ mbɑ́ŋtɛ pɑ́ŋtɛ́nɛ kɑ pɛn ḿbɔ́ ńzɔɔtɛ yɔ́p wɛ́ zɔɔtɛnɛ.
Cʉ̈ɔꞋ-Sɛ́ pʉ̈ɔt mbɔ̌ wɛ́ ŋɡɔ: «Zẅikŋɛ Lɛ́ɛnɛ́nɛ ɡʉ ńcúŋ ŋ́kúu nǔu wu, Sɛ́ ẅi ɑ piꞋnɛ mbɑ kʉ̈ɔ́ lɑ́ ńdɔk nɛ́ mɛtʉʉ mɛ́ ŋ́kẅíipɛ wú tɛ yɔ nu puutɛ. Ɛ́ lɛɛtɛ pɔ́Ꞌɔ, lɑ pɛ́ ɡɛ ɛ́fúŋ mɔ́ɔ ẅi ɔ ɡʉ ḿbí ŋɡɔ Ndɛ́ɛnɛ Lɛ́ɛnɛ́nɛ, ḿbɛn ɛ́fúŋ wɛ́ ŋɡɔ mɔ́ɔ-Sɛ́.
Yɛ́su pʉ̈ɔt mbɔ̌ wɛ́ ŋɡɔ: «Ɔ pɛ́m ŋkɔ̂ɔnɛ, mbíꞋŋɡɔ n cú ŋɡɔ n dɑ́Ꞌ ńjʉ́ɔ pɑ́Ꞌ ɔ nɑ́ŋnɛ nɛtsɛ́n ŋɡɛ̌m. Ɔ ɡʉ ḿbɛn ńjʉ́ɔ mɛnu mí ɛ́ ɡúꞋnɛ ńdɛɛ mîmɑ́.»
Ŋ́ɡɔ ńtɔ́ pɔ́Ꞌɔ, ɡɑŋku pɛ́ pɔ́ ńdẅɑklɛ wɛ́ ńcú ŋɡɔ: «Cícɑ, kwɛ́t mɔ́yúu lɑ́.»
