Jɑ̂ŋ 1:44 - Kɑɑ Fí

⁴⁴ Filîp ɛ̂wɑ́ kɑ pɔ́ ŋu-Mbɛtsɑyídɑ, tʉ́sɔŋ pɛ́ Ndɛlɛ́yɑ pɔ́p Pyɛ̂.

Jɑ̂ŋ 1:44 Referans Kwoze

Jɑ̂ŋ 12:21

Pɔ́p tɔ́ ńjʉ́ɔ Filîp, ŋu-Mbɛtsɑyídɑ nǔu pɑk-ŋɡɔŋ-Ŋɡɑlílíyɑ, ńcú mbɔ̌ yɛ́ ŋɡɔ: Ndɛ, pɛk sɛ́ ńtsɑ́ɑ nɛjʉ́ɔ Yɛ́su.

Mɑtʉ̈ɔ 11:21

A cú mbɔ̌ pɔ́p ŋɡɔ: «Ndɔɔ tú pʉʉ pʉɔ-Kɔlɑzîŋ, mbɑ tú pʉʉ pʉɔ-Mbɛtsɑyídɑ, mɛnu mɔ mí pɛ́ kɑ ɡɛnɛ tsɛtsɛt pʉʉ, ɛ́ m̄bɔ́ pɛ́Ꞌnɛ ḿbɔ́ pɔ tsɛt tʉ́sɔŋ Til pɔ́p Sidɔŋ, mbɔ pɔ́p kɑ lɑ́Ꞌmɔ́ ŋ́kúp mɑt, ḿmʉk, ɛ́sɑ mɛpɑɑ ḿmɑꞋ, ńzɔ́Ꞌ pfú ńdɔk ńdúŋ.

Lúkɑ́shi 10:13

Yɛ́su pɛn ŋɡɔ: «Ndɔ́ɔ tú pʉʉ pʉɔ-Kɔlɑzîŋ, mbɑ tú pʉʉ pʉɔ-Mbɑtsɑyídɑ. Mɛnu mɑɑmɑɑnɛ mi pɛ́ kɑ ɡɛnɛ lɑ́Ꞌ pʉʉ, ɛ́ kɑ pɔ́ pɛꞋnɛ ḿbɔ́ pɔ tsɛt tʉ́sɔŋ Tíi pɔ́p Sídɔŋ, mbɔ pɔ́p kɑ lɑ́Ꞌ mɔ́ ŋ́kúpmɛ mɑt, ḿmʉk, ɛ́sɑ mɛpɑɑ ḿmɑꞋ, ńzɔ́Ꞌ pfú, ńdɔk ńtsuŋ ḿmʉk.

Lúkɑ́shi 9:10

Gɑŋntúu-Yɛ́su ɡɛ ḿbɛn nzʉʉ, ḿbɛ́ɛtɛ pɑꞋ pɔ́p fɑꞋnɛ pɔ́Ꞌɔ, ɛ́sẅíi wɛ́. Yɛ́su zúꞋ, ḿbɛn ɛ́fɑk wɔ́p, pɔ́p pɛpɔ́p tɛ́ɛ nɔɔ, ŋ́ɡʉ nɛ́ shʉ́ tʉ́sɔŋ-Mbɛtsɑyídɑ.

Mɑ́lɛ́kúshi 8:22

Yɛ́su pɔ́p ɡɑŋku pɛ́ kɑ kúu Mbɛtsɑyídɑ, pɛ́ lɔk wɛcɔ́ fʉmík ńtɔ́, ḿbuꞋ mbɔ́ mbɔ̌ wɛ́ ŋɡɔ ɑ zɑ́p mbɔ́ mɛ́ nǔu wɛ́ ɑ fíitɛ.

Mɑ́lɛ́kúshi 6:45

Yɛ́su ɡɔ́ɔ ńcú mbɔ̌ ɡɑŋku pɛ́ ŋɡɔ pɔ́p kúu kɑnúꞋ, ḿbiitɛ ḿbɔ́ mbi, ńtúu nɛ́ yɛcɔ́ njʉ́n, nǔu ɡúŋ-Mbɛtsɑyídɑ, ɑ tsʉꞋ nzʉʉ ńdɛɛmɛ lɑ́Ꞌ pɔ́p ɡʉ.

Mɑ́lɛ́kúshi 3:18

Yɛ́su pɛn ńtsɔ́Ꞌ Ndɛlɛ́yɑ, pɔ́p Filîp, ŋ́ɡɛ Pɑtɛlɛmî nɛ́ Mɑtʉ̈ɔ, pɔ́p Tɔ́mɑ́shi, ŋ́ɡɛ Jɑ̂k mɔ́ɔ-Alfɛ̂, ŋ́ɡɛ Tɑdɛ́ɛ nɛ́ Símɔ nzɔŋlɑ́Ꞌ,

Mɑtʉ̈ɔ 10:3

ŋ́ɡɛ Filîp pɔ́p Pɑtɛlɛmî, ŋ́ɡɛ Tɔ́mɑ́shi pɔ́p Mɑtʉ̈ɔ, ẅi ɑ ḿbɔ́nɛ ńcẅɛ́ɛntsup Pɑlɔ́mɑ ŋ́ɡɛ Jɑ̂k mɔ́ɔ-Alfɛ̂ pɔ́p Tɑdɛ́ɛ,

ŊwɑꞋnɛ-Gɑŋntúu Yɛ́su Kɛlístɔ 1:13

Pɔ́p ŋ́kúu Yɛlúsɑlɛm, ŋ́kɔ́Ꞌ ndǔ ndɛ̂k wɛ tʉ́, ŋ́kúu tsɛt lûmndɑ́ ẅi pɔ́p kɑ pɔ́ ńcúꞋlɛ zúꞋu. Yɔ m̄bɔ́ Pyɛ̂, ŋ́ɡɛ Jɑ̂ŋ pɔ́p Jɑ̂k, ŋ́ɡɛ Ndɛlɛ́yɑ. Yɔ pɔ́ Filîp, ŋ́ɡɛ Tɔ́mɑ́shi, pɔ́p Pɑtɛlɛmî mbɑ Mɑtʉ̈ɔ. Yɔ pɔ́ Jɑ̂k mɔ́ɔ-Alfɛ̂, ŋ́ɡɛ Símɔ̂ŋ ẅi pɛ́ kɑ pɔ́ ɛ́fúŋ wɛ́ ŋɡɔ mɔ́ɔ-ŋɡɔŋ, pɔ́p Jẅidɛ mɔ́ɔ-Jɑ̂k.

Lúkɑ́shi 6:14

Yɔ ḿbɔ́ Simɔ̂ŋ ẅí Yɛ́su kɑ cẅi yɛcɔ́ lík yɛ́ ŋɡɔ Pyɛ̂, ŋ́ɡɛ Andɛlɛ́yɑ, mɔ́ɔmɑ́ wɛ, ŋ́ɡɛ Jɑ̂k, ŋ́ɡɛ Jɑ̂ŋ, ŋ́ɡɛ Filîp, ŋ́ɡɛ Bɑtɛlɛmîi,

Jɑ̂ŋ 1:43

Njí ɡɛ ŋ́kiɛ, Yɛ́su zɑ́p ŋɡɔ ɑ ɡʉ ŋ́ɡʉ tsɛt pɑk-ŋɡɔŋ-Ŋɡɑlilɛɛ, ḿbɔ́ ŋ́ɡʉ, ḿbuutɛ Filîp, ńcú mbɔ̌ wɛ́ ŋɡɔ cʉ́ɔ nzʉʉ mɔ.

Jɑ̂ŋ 1:45

Filîp ɡʉ ńjʉ́ɔ Nɑtɑnɑyɛ̂l, ńcú mbɔ̌ wɛ́ ŋɡɔ: «Pɛk jʉ́ɔ ŋu ẅí pɛ́ kɑ ŋwɑꞋnɛ́nɛ nu nǔu wɛ́ tsɛt ŋwɑꞋnɛ-nɛpʉ́ʉ-Mɔ̌sɛ̂ɛ, mbɑ tsɛt mɛŋwɑꞋnɛ-pɛŋɡɛ́mndʉ̈ɔ́Ꞌ-Sɛ́ lɑ́. Pɛk jʉ́ɔ wɛ́, ɑ pɔ́ Yɛ́su, mɔ́ɔ-Yɔsɛ̂p, mɔ́ɔ-Nɑ̌zɑlɛt.»

Jɑ̂ŋ 1:46

Nɑtɑnɑyɛ̂l cú mbɔ̌ wɛ́ ŋɡɔ: «Tɛ pɛ́ kɑ zɛɛ mɔ ńjʉ́ɔ yúu sʉ́Ꞌnɛ fú Nɑ̌ɑzɑlɛt?» Filîp tsɔ́Ꞌ mbɔ̌ wɛ́ ŋɡɔ: «Tɔ́, ɔ ɡʉ ńjʉ́ɔ.»

Jɑ̂ŋ 1:48

Nɑtɑnɑyɛ̂l píkŋɛ Yɛ́su ŋɡɔ: «Ɔ jí wɑ́ɑ ɡɔ́?» Yɛ́su pʉ̈ɔt mbɔ̌ wɛ́ ŋɡɔ: «Filîp lɑ́Ꞌ ŋ́ɡɔ ɛ́fúŋ wú pɑ́Ꞌɑ m bɔ́ ńjʉ́ɔ wú jʉ́ɔnɛ. Ɔ lɑ́Ꞌ ńnɑ́ŋ nɛtsɛ́n-tʉ́-ŋɡɛ̌m.»

Jɑ̂ŋ 6:5

Yɛ́su nɑ́ŋ tɛ ḿbʉꞋ tú yɛ́ ńjʉ́ɔ mɑ́mɑ́ nɔɔ-lɑ́Ꞌ pɔ́ ńtɔ́ nɛ́ nɛjɔ́ŋ yɛ́, ɑ cú mbɔ̌ Filîp ŋɡɔ: «Pɛkŋɛ ɡʉ ŋ́ɡʉ ɡɔ́ ńzúu mbɛlɛ̂ɛt lɑ ńdɔk ńzẅík wɔ́p?»

Jɑ̂ŋ 6:7

Filîp pʉ̈ɔt ŋɡɔ: «Pɛ́ lɑɑ ńzúu mbɛlɛ̂ɛt pɔ yɛ́ mɛndɛ́níɛ ŋkʉ yɛ́pɑ́, ŋu wɔp kwɛ́t mbɔ ɛ́ ŋ́kúu nǔu lʉ́m yɛ́?»

Jɑ̂ŋ 12:22

Filîp ɡʉ ɛ́sẅíi Ndɛlɛ́yɑ, pɔ́pmɛ́ pɛ́pɑ́ ɡʉ ńcú mbɔ̌ Yɛ́su.