Jɑ̂ŋ 1:38 - Kɑɑ Fí

³⁸ Yɛ́su shɔtnɛ, ńjʉ́ɔ pɑ́Ꞌ pɔ́p nzʉʉ yɛ́, ḿbíkŋɛ wɔ́p ŋɡɔ: «Pʉʉ lɔɔ kʉ̈ɔ́?» Pɔ́p pʉ̈ɔt mbɔ̌ wɛ́ ŋɡɔ: «Lɑbi (ńdɔk ŋɡɔ cícɑ), ɔ tswɛ́ ɡɔ́?»

Jɑ̂ŋ 1:38 Referans Kwoze

Jɑ̂ŋ 18:7

Yɛ́su pɛn ḿbíkŋɛ wɔ́p ŋɡɔ: «Pʉʉ lɔɔ wɔ̌?» Pɔ́p cú ŋɡɔ: «Yɛ́su wɛ Nɑ̌ɑzɑlɛt.»

Jɑ̂ŋ 3:2

A ɡɛ ńtɔ́ yɛcɔ́ nɛtúꞋ, ńjʉ́ɔ Yɛ́su, ńcú mbɔ̌ wɛ́ ŋɡɔ: «Cícɑ, pɛk jí ŋɡɔ Sɛ́ kɑ túunɛ wú ŋɡɔ ɔ ɡʉ ńzíꞋ pʉɔ nɛ́ yúu. MbíꞋŋɡɔ ɛ́ lɑɑ ḿbɔ́ ŋu pɔɔ ɡɛ mɛnu mɑ̌ɑmɑɑnɛ mi ɔ ɡɛnɛ lɑɑ kɛ́ pɔ́ yi Sɛ́ túunɛ wɛ́ pɔ́.»

Jɑ̂ŋ 1:49

Nɑtɑnɑyɛ̂l tsɔ́Ꞌ ŋɡɔ: «Lɑbi, ɔ mɔ́ɔ-Sɛ́, ɔ fɔɔ-pɑíslɑyɛ̂l.»

Jɑ̂ŋ 18:4

Yɛ́su jí nu yí ɛ́ sɛ́ ńtɔ́ nǔu wɛ́, ńtɔ́ mbi pɔ́p ńcú ŋɡɔ: «Pʉʉ lɔɔ wɔ̌?»

Jɑ̂ŋ 6:25

Ŋ́ɡʉ tɛ ŋ́kúu nǔu yɛcɔ́ njʉ́n, ńjʉ́ɔ wɛ́, ńcú mbɔ̌ wɛ́ ŋɡɔ: «Cícɑ, ɔ tɔ́ tɛ ŋ́kúu zɑꞋnɛ ŋkɑ́ kʉ̈ɔ́.»

Jɑ̂ŋ 3:26

Gɑŋku-Jɑ̂ŋ ɡʉ ńjʉ́ɔ Jɑ̂ŋ, ńcú mbɔ̌ wɛ́ ŋɡɔ Cícɑ, ɔ sɛ́ ŋ́kẅíitɛ ŋu wɑ́ ẅi pʉʉnɛ kɑ pɔ́ nǔu yɛcɔ́ njʉ́n-ŋki-Juudɛŋ lɑ́? Ŋu wɑ́ ẅi ɔ kɑ cúnɛ nu yí ɔ jínɛ nǔu wɛ́ lɑ́? A sɛ́ ńnuꞋ yɛ́ pʉɔ ŋki ŋkɔ̂ɔnɛ, tɛ lɑ́Ꞌ mɛnɔɔ mɛnɔɔ pɔ́ ŋ́ɡʉ ńjʉ́ɔ pɔ wɛ́.

ŊwɑꞋnɛ-Gɑŋntúu Yɛ́su Kɛlístɔ 10:29

Ɛ́ yúu mi ɛ́ ɡɛnɛ, ŋ ɡɔ́ɔ ńdɔ sɛ́ kɛ́ zɔŋ, pɑ́Ꞌ pʉʉ túunɛ ɛ́fúŋ wɑ́ɑ. Ŋkɔ̂ɔnɛ lɑ́, pʉʉ ɡɛ n jí yúu mi pʉʉ fúŋnɛ wɑ́ɑ zɑꞋnɛ ntɛ́ yɛ́tɛ́.»

Jɑ̂ŋ 12:21

Pɔ́p tɔ́ ńjʉ́ɔ Filîp, ŋu-Mbɛtsɑyídɑ nǔu pɑk-ŋɡɔŋ-Ŋɡɑlílíyɑ, ńcú mbɔ̌ yɛ́ ŋɡɔ: Ndɛ, pɛk sɛ́ ńtsɑ́ɑ nɛjʉ́ɔ Yɛ́su.

Lúkɑ́shi 19:5

Yɛ́su ɡʉ tɛ ŋ́kúu zúꞋu, ḿbʉꞋ tú yɛ́ ńdíŋɛ wɛ́, ńcú ŋɡɔ: «Fɛ́Ꞌnɛ ḿpfúu mbɑ́ɑ Sɑkíyɔ, ɛ́ pɔ́ŋ ŋɡɔ, n dɛ́ pɔ ndɑ́ ɡu lɔ́Ꞌnɛ.»

ŊwɑꞋnɛ-Gɑŋntúu Yɛ́su Kɛlístɔ 10:21

Pyɛ̂ ńcúŋ ŋ́kẅɛ́ɛtɛ pʉɔ ɛ̂pɑ́, ńcú mbɔ̌ pɔ́p ŋɡɔ: «Pʉʉ sɛ́ ńdɔɔ ŋu! A mɔ. Pʉʉ tɔ́ mɛlɑ́Ꞌ kʉ̈ɔ́?»

Lúkɑ́shi 22:61

Yɛ́su shɔtnɛ ńdíŋɛ Pyɛ̂, mík mɔ́pnɛ puutɛ. Pyɛ̂ ɡɔ́ɔ ŋ́kẅíitɛ nu yi Tsɑpʉɔ lɑ́Ꞌnɛ ńcú mbɔ̌ wɛ́ ŋɡɔ: «Mɔ̂ŋkʉ̈ɔ́Ꞌ ɡʉ ŋ́ɡɛ ŋ́ɡɔ ńtɔ́ŋ lɔ́Ꞌnɛ, mbɔ ɔ muŋɛ wɑ́ɑ ŋkɑ́ yɛ́tɑ́t.»

Lúkɑ́shi 15:20

«Ŋ́kwɑŋɛ pɔ́Ꞌɔ, ńcʉ́ɔ sɛ̂ndúŋ, ḿbɔ́ ḿbɛn nɛ́ njɛ́Ꞌ pɔ́p. Tɑ́t wɛ tʉ́ʉ ńjʉ́ɔ wɛ́, tɛ ɑ pɛ́t pɔ ŋɡɑ sɛsɑ, mɛjʉ́ŋ mɛ́ kɔ́ wɛ́, ɑ nɑ́ɑtɛ wɛ́, ɛ́sɛntɛ wɛ́, ŋɡɔ: Yɔ kwɑꞋ ɡu lɑɑ?»

Lúkɑ́shi 14:25

Yɛ́su pɔ́ yɛcɔ́ lɛ́Ꞌ, ńcʉ́ɔ sɛ̂ndúŋ ḿbɔ́ ńnɛn, pʉɔ tɛ ńzɑ́ɑ pɔ́ nzʉʉ yɛ́. A shɔtnɛ ńcú mbɔ̌ pɔ́p ŋɡɔ:

Lúkɑ́shi 10:39

Mɑ́ɑtɑ kɑ ɡẅɛɛ mɔ́ɔmɑ́ wɛ wɛ mɑŋɡɛ́, lík yɛ́ pɔ́ ŋɡɔ Mɑlíyɑ. Yɛ́su tɔ́ tɛ ńnɑ́ŋ sɛ́, Mɑlíyɑ tɔ́ ńnɑ́ŋ nɛjɔ́ŋ yɛ́, ḿbɔ́ ńzúꞋ sẅiŋɛ yɛ́.

Lúkɑ́shi 8:38

ḿbɔ́ ŋ́ɡʉ, ŋu ẅí mɛzẅikŋɛ kɛpɔŋ lɑ́Ꞌnɛ ńcẅɛt nǔu wɛ́ lɑ́, púꞋ mbɔ́ mbɔ̌ wɛ́ ŋɡɔ pɔ́pmɛ́ ŋ́ɡʉ. Lɑ́ Yɛ́su lʉꞋ ńcú mbɔ̌ wɛ́ ŋɡɔ:

Jɑ̂ŋ 1:37

Gɑŋku-Jɑ̂ŋ pɛ́pɑ́ zúꞋ yɔ sẅiŋɛ, ńcʉ́ɔ nzʉʉ Yɛ́su.

Jɑ̂ŋ 1:39

Yɛ́su cú ŋɡɔ: «Pʉʉ tɔ́, pʉʉ ɡʉ ńjʉ́ɔ.» Pɔ́p ɡɔ́ɔ ŋ́kɛ́ ŋ́ɡʉ ńjʉ́ɔ zʉꞋ yí ɑ tswɛ́nɛ zúꞋu. Ɛ́ ɡɔ́ ḿbɔ́, ḿbɔ́ nǔu nɛm yɛ́nɛ́kwɑ mbɔ́tnjí, pɔ́p pɛ́pɔ́p nɑ́ŋ tɛ yîyɑ́ lɛ́Ꞌlɑ́Ꞌ mɛ.

Jɑ̂ŋ 4:31

Ŋ́ɡɔ ńtɔ́ pɔ́Ꞌɔ, ɡɑŋku pɛ́ pɔ́ ńdẅɑklɛ wɛ́ ńcú ŋɡɔ: «Cícɑ, kwɛ́t mɔ́yúu lɑ́.»