Jɑ̂ŋ 1:3 - Kɑɑ Fí

³ Kʉ̈ɔ́ lɑ́ ɡɔ́ ḿbɔ́ ɡú, ńdɛɛ pɔ nǔu wɛ́. Yɛcɔ́ yúu pɔɔ pɔ́ ɡú kɛ́ pɔ́ yi ɛ́ lɛɛ pɔ nǔu wɛ́ pɔ́.

Jɑ̂ŋ 1:3 Referans Kwoze

1 Kɔlɛ̂ŋtɛ 8:6

lɑ́ ɛ́ kɛ́ ḿbɔ́ mbɔ̌ pɛkŋɛ, tɑ́Ꞌ Sɛ́ wɛ́mɔ́Ꞌ pɔ́nɛ ɡú, ḿbɔ́ Tɑ̌ɑ ẅi kʉ̈ɔ́ lɑ́ fú pɔ mbɔ̌ wɛ́. Pɛkŋɛ pɛn ḿbɔ́ ɡú mbíꞋ pɔ wɛ́. Tɑ́Ꞌ Tsɑpʉɔ pɔ́nɛ ɡú, ḿbɔ́ Yɛ́su Kɛlístɔ, ẅi mbɑ kʉ̈ɔ́ lɑ́ ɡɔ́ ḿbɔ́ ɡú jʉ́ ɡɛnɛ. Pɛkŋɛ pɛn ŋ́ɡɔ ḿbɔ́ ɡú ńdúꞋnɛ pɔ wɛ́.

Mɛnu ɛ́ ńdɑ́Ꞌ ńcẅɛt 4:11

Ɔ ŋu ẅí ɔ kuꞋnɛ mbɑ̌ɑ Tsɑpʉɔ wɛk, ḿbɔ́ Sɛ́ yɛk, Ɔ kuꞋ pɑ́Ꞌ ɛ́ lɑɑ ḿbɔ́ pɛ́ ɡɑ́ nɛɡúꞋ mbɔ̌ ɡu, ŋ́ɡɑ́ mɛkuꞋ mbɔ̌ ɡu, pɑ́Ꞌ ɛ́ lɑɑ ḿbɔ́ ɡu ɡẅɛɛnɛ mɛtʉʉ. Ɛ́ mbíꞋŋɡɔ ɔ kɑ ɡɛ kʉ̈ɔ́ lɑ́ ɛ́ pɔ́ ɡú, ɡu kɑ kɔŋnɛ lɑ mîmɑ́ mɛyúu cẅɛt ndǔmbí, ɡu pɛnnɛ ḿbɔ́ ŋ́kɔŋ lɑ ɛ́ pɔ́ ɡú.

Jɑ̂ŋ 1:10

Jʉ́ sẅiŋɛ m̄bɔ́ ndǔmbí, lɑ́ pʉɔmɛsɔŋ kɛ́ mbɔɔ wɛ́ jí. Lɑ mbɔ Sɛ́ kɑ lɔk pɔ sẅiŋɛ ɛ̂yɑ́ lɑ ḿbuꞋ ŋɡɔŋ.

Ɛ́fɛ̂zɛ 3:9

Mbɑ pɑ́Ꞌ ŋ ɡʉ ńnyɛt mɑ́ntɑ́ɑ, pɛ́ jí pɑ́Ꞌ Sɛ́ ɡʉ ŋ́ɡɛ yúu mi ɑ kɑ lɑ́Ꞌnɛ ńzɑ́p, mbɔ ɛ́ kɑ zɛɛ ḿbɔ́ pɔ ntsɛm lɑ́, ɡʉ ḿbuutɛ pɔ́Ꞌɔ. Jʉ́ Sɛ́ ẅi ɑ kɑ niitɛ́nɛ mbɑ kʉ̈ɔ́ lɑ́, ɑ kɑ lʉɔ yîyɑ́ nu tɛ ŋ́kúu ŋkɔ̂ɔnɛ,

Jɑ̂ŋ 1:2

Pɔ́p Sɛ́ ḿbɔ́nɛ tɛ ɛ́fú pɔ nzɛnɛ.

Ɛ́bɛlʉʉ 11:3

Pɛkŋɛ fú pɔ nǔu pɑ́Ꞌ pɛkŋɛ zɑ́pnɛ tʉ́m nǔu Sɛ́ lɑ ńzúꞋ ŋɡɔ Sɛ́ kɑ lɔk sẅiŋɛ yɛ́ ńniitɛ ndǔmbí, ɛ́fú nǔu ńjí ŋɡɔ yúu mi pɛkŋɛ jʉ́ɔnɛ nɛ́ mík, fú nǔu yúu mi pɛ́ kɑ́ pɔ́ jʉ́ɔ nɛ́ mík pɔ́.

1 Jɑ̂ŋ 5:1

Ŋu ẅí ɑ pɛ́mnɛ ŋɡɔ Yɛ́su Nzɑ́Ꞌŋkʉ, ɑ mɔ́ɔ-Sɛ́. Ŋu ẅí ɑ kɔŋnɛ Sɛ́ Tɑ́t, ɑ pɛn ŋ́kɔŋ mbɑ pɔ́ɔ-Sɛ́.

Mɛnu ɛ́ ńdɑ́Ꞌ ńcẅɛt 3:14

Ɔ ŋwɑꞌnɛ mɛnu mɔnɛ, ńtúu ŋ́ɡɑ́ mbɔ̌ Cʉ̈ɔꞋ-Sɛ́ ẅi ɑ líŋɛ́nɛ cúꞋlɛ-pʉɔ-Kɛlístɔ yi ɛ́ tʉ́sɔŋ-Lɑɔdisɛ́. Ŋwɑꞌnɛ ŋɡɔ: Ŋu ẅí lík yɛ́ ŋɡɔ ɛ́ pɔ́ꞌɔ, ɑ pɔ́ jʉ́njʉ́ɔ wɛ kɛ́ kúpmɛ sẅiŋɛ, ẅi ɑ cúnɛ nu yí ɛ́ nɛ́nẅín, ẅi jʉ́ nzɛnɛ nǔu kʉ̈ɔ́ lɑ́ yi Sɛ́ kɑ niitɛ́nɛ, ɑ sɛ́ ńcú ŋɡɔ: