Jɑ̂ŋ 1:15 - Kɑɑ Fí

¹⁵ Jɑ̂ŋ ɡɛ ńcú yúu mi ɑ jínɛ nǔu ŋu ɛ̂wɑ́, ńdɔk ŋɡi tɛnnɛ ŋɡɔ: «Yɑ́ ŋu ẅí ŋ kɑ pɔ́ ɛ́sẅíi wʉ́ʉ lɑ́, pɑ́Ꞌ ŋ kɑ pɔ́ ńcú ŋɡɔ: Ŋu nzʉʉ mɔ ḿbɔ́ ńtɔ́, ɑ lɛɛ wɑ́ɑ, mbíꞋŋɡɔ pɛ́ kɑ ɡɔ́ ḿbí wɑ́ɑ, ɑ pɔ́ pɔ ɡú.»

Jɑ̂ŋ 1:15 Referans Kwoze

Mɑtʉ̈ɔ 3:11

Mɔ, ŋ ɡẅɛɛ yɑ́ɑ pɔ ndɑꞋ nɛnuꞋ wʉ́ʉ tsɛt ŋki, nɛlɔk ńnyɛt ŋɡɔ pʉʉ kúpmɛ mɑt. Lɑ́ ŋu ẅí ɑ nzʉʉ mɔ ḿbɔ́ ńtɔ́, ɡʉ ńtɔ́ yɛ́ ńníꞋ pʉɔ mbɔ̌ Zẅikŋɛ Lɛ́ɛnɛ́nɛ, ńníꞋ pʉɔ tsɛt múk. A tsɑ wɑ́ɑ, tɛ ŋ kɑ́ kuꞋ nɛsɔt mɛtɑp mɛ́ pɔ́.

Kɔlɔsíyɛ̂ŋ 1:17

Ndǔmbí kɑ pɛ́t pɔ kɛ́ pɔ́ ɡú, Kɛlístɔ pɔ́ pɔ ɡú, kʉ̈ɔ́ lɑ́ pɛn ńdɛɛtɛ pɔ nǔu wɛ́ lɑ ḿbɔ́ ɡú.

Jɑ̂ŋ 17:5

Ɛ́ nǔu ŋkɔ̂ɔnɛ mbɑ̌ɑ Tɑ̌ɑ mɔ, m bɔ́ ńdɔ́ɔ ŋɡɔ ɔ pɛn ŋ́ɡɑ́ wɑɑ nɛɡúꞋ ẅi ŋ kɑ ɡẅɛɛnɛ nɛjɔ́ŋ ɡu, ɛ́ nɛɡúꞋ ẅi ŋ kɑ ɡẅɛɛnɛ nɛjɔ́ŋ ɡu, tɛ yɔ njí pɛ́t kɛ́ pɔ́ ɡú.

Lúkɑ́shi 3:16

Lɑ́ ɑ pʉ̈ɔt mbɔ́ pɔ́p pɛ́tsʉʉ ŋɡɔ: «Mɔ, ŋ ɡẅɛɛ yɑ́ɑ pɔ ndɑꞋ nɛnuꞋ wʉ́ʉ ŋki. Lɑ́ kwɑꞋ ŋu ɡwɛ́ sɛ́ ńtɔ́; ɑ lɛɛ wɑ́ɑ tɛꞋ, ŋ kɑ́ kuꞋ nɛkyɛ́Ꞌ mɛŋkʉ-mɛtɑp mɛ́ pɔ́. A ɡʉ ńtɔ́ ńníꞋ pʉɔ tsɛt mbɔ́-Zẅikŋɛ Lɛ́ɛnɛ́nɛ, ḿbɛn ńníꞋ pʉɔ tsɛt múk.»

Jɑ̂ŋ 8:58

Yɛ́su tsɔ́Ꞌ mbɔ̌ pɔ́p ŋɡɔ: Tsʉ́Ꞌnɛ ɛ sẅíi wʉʉ, kwɑꞋ nɛ́nẅín, Ábɛlɛhɑ̂m kɑ ɡɔ́ ḿbɔ́ ɡú, mbɔ kɑ pɔ́ mɔ́ ɡú.

Mɛnu ɛ́ ńdɑ́Ꞌ ńcẅɛt 2:8

Ŋ ŋwɑꞌnɛ mɛnu mɔnɛ, ńtúu ŋ́ɡɑ́ mbɔ̌ Cʉ̈ɔꞋ-Sɛ́ ẅi ɑ líŋɛ́nɛ cúꞋlɛ-pʉɔ-Kɛlístɔ yi ɛ́ tʉ́sɔŋ-Smilnɛ. Ŋwɑꞌnɛ ŋɡɔ: Ŋu ẅí ɑ nduŋmbi, ḿbɔ́ ndẅiknzʉʉ, ŋu ẅí ɑ kɑ pfúnɛ ḿbɛn fú lɑ́Ꞌ-pɛpfú, ɑ sɛ́ ńcú ŋɡɔ:

Ɛ́bɛlʉʉ 13:8

Yɛ́su Kɛlístɔ ŋ́kɑɑ kɑ́ kúpmɛ, ɑ kɑ́ kúpmɛ, ɑ kɛ́ lɑ́Ꞌ lɛ́Ꞌ ŋ́kúpmɛ pɔ́.

Jɑ̂ŋ 1:27

Yɛ́ nu ɡʉ ḿbɑ́ɑtɛ yɑ́ɑ, n zɛ ḿbɔɔ kuꞋ nɛŋɔ́Ꞌnɛ sɛ́ ŋ́kíɛꞋ ŋkʉ-mɛtɑp mɛ́ pɔ́.

Mɑ́lɛ́kúshi 1:7

A kɑ pɔ́ ɛ́sɑ́Ꞌ mbɔ̌ lɑ́Ꞌ ńcú ŋɡɔ: «Wɛcɔ́ ŋu nzʉʉ mɔ ḿbɔ́ ńtɔ́, ɑ tsɑ wɑ́ɑ, ŋ kɑ́ kuꞋ mbɑ nɛŋɔ́Ꞌnɛ sɛ́, ŋ́kíɛꞋ mɛŋkʉ-mɛtɑp mɛ́ pɔ́.

Mɛnu ɛ́ ńdɑ́Ꞌ ńcẅɛt 1:11

ḿbɔ́ ńcú ŋɡɔ: «CúꞋlɛ kʉ̈ɔ́ lɑ́ yi ɔ sɛ́ ńjʉ́ɔ, ŋ́ŋwɑꞋnɛ tsɛt nɛpúꞋ-ŋwɑꞋnɛ, ńtúu ŋ́ɡɑ́ mbɔ̌ mɛcúꞋlɛ-pʉɔ-Kɛlístɔ mi ɛ́ sɑɑmbɑ́, ḿbɔ́ tsɛt mɛtʉ́sɔŋ mɔnɛ: Ɛ́fɛ̂zɛ, Sɛmilnɛ, Pɛlŋɡɑmɛ, Tyɑtîi, Sɑldɛs, Filɑdɛlfîi, Lɑɔdisɛ́.»