Jɑ̂ŋ 1:14 - Kɑɑ Fí

¹⁴ Sẅiŋɛ kɑ tsʉ́Ꞌ ŋumɛsɔŋ, ńtɔ́ ńtswɛ́ tsɛtsɛt pɛkŋɛ, pɛkŋɛ jʉ́ɔ nɛɡúꞋ wɛ, ɛ́ pɔ́ nɛɡúꞋ Mɔ́ɔ wɛ́mɔ́Ꞌ ẅi ɑ fúnɛ mbɔ̌ Tɑ̌ɑ, ŋ́ɡẅɛɛ pɔŋ tʉ́m, ńnyɛt pɔ nu nɛ́nẅín.

Jɑ̂ŋ 1:14 Referans Kwoze

1 Jɑ̂ŋ 4:9

Nu yi Sɛ́ kɑ lɔknɛ ńnyɛt wɛkŋɛ ŋɡɔ ɑ kɔŋ wɛkŋɛ pʉɔlɑɑ: A kɑ túu ndɑꞋ Mɔ́ɔ nɛ wɛ́mɔ́Ꞌ ndǔmbí ŋɡɔ pɛkŋɛ lɛɛ nzʉʉ wɛ́ ḿbɔ́ ɡú.

1 Timɔtɛ́ɛ 3:16

Ɛ́ sẅíi nu ŋɡɔ nu nɛ́nẅín yi Sɛ́ kɑ ɡɛnɛ pɛkŋɛ jí, ɛ́ pɛn nyɛt wɛkŋɛ pɑ́Ꞌ ḿbɔ́ pɛkŋɛ nɛn nǔu sɛ̂ndúŋ-Sɛ́, ɛ́ ɡúꞋ tɛꞋ. Ɛ́ ŋɡɔ: Jʉ́ ẅí ɑ kɑ shɔtnɛ ńtsʉ́Ꞌ ŋumɛsɔŋ, Zẅikŋɛ Lɛ́ɛnɛ́nɛ kɑ nyɛt ŋɡɔ ɑ kɛ́ lɔ́Ꞌ. Pɛcʉ̈ɔ́Ꞌ-Sɛ́ kɑ jʉ́ɔ wɛ́. Pʉɔ kɑ ɛ́sɑ́Ꞌ nu yɛ́ tsɛtsɛt pʉɔ pi pɔ́p kɑ́ pɔ́ pɑyúdɑ pɔ́, pɛ́ zɑ́p tʉ́m nǔu wɛ́ zʉꞋ tsʉʉ ndǔmbí. Sɛ́ kɑ sɑꞋ wɛ́, ńdɔk ŋ́ɡʉ nɛ tʉ́nɛ́pú zʉꞋ-nɛɡúꞋ.

Jɑ̂ŋ 1:1

Píimbí kɑ ɡɔ́ ńzɛ, sẅiŋɛ pɔ́ pɔ ɡú, yîyɑ́ sẅiŋɛ pɔ́p Sɛ́ m̄bɔ́nɛ ɡú. Ɛ́ pɛn ḿbɔ́ pɔ Sɛ́.

Ŋɡɑlɑ̂t 4:4

Lɑ́ ŋkɑ́ yi Sɛ́ kɑ zɑ́pnɛ kɑ pɔ́ tɛ ŋ́kuꞋ, ɑ túu Mɔ́ɔ nɛ. A ɡɔ́ ńtɔ́ mɑŋɡɛ́ pí wɛ́. A pɔ́ ńnɑ́ŋ nǔu pɑ́Ꞌ nɛpʉ́ʉ Mɔ̌sɛ̂ɛ píkŋɛ́nɛ.

Ɛ́bɛlʉʉ 1:3

Pɛ́ fú pɔ nǔu mɔ́ɔ wɔ lɑ ńjʉ́ɔ pɑ́Ꞌ nɛɡúꞋ Sɛ́ kɛ́ ndẅiklɛ pɔ́Ꞌɔ. Ɛ́ lɑɑ ḿbɔ́ yi Sɛ́ ŋɡɔ́ku ɔɔ, mbɔ mɔ́ɔ nɛ pɛn ḿbɔ́ yɛ́ pɔ kwɑꞋ pɔ́Ꞌɔ. A jʉ́ ẅi ɑ lɔk pɔ mɛtʉʉ mi ɛ́ nǔu sẅiŋɛ yɛ́, ńtɔ́ɔtɛ mbɑ kʉ̈ɔ́lɑ́ yi ɛ́ ndǔmbí tsʉʉ. A kɑ pɔ́ tɛ ŋ́ɡɛ yúu mi Sɛ́ sɛ́ ɛ́fú nǔu ńdikŋɛ mɛnu kɛpɔŋ pʉɔmɛsɔŋ tɛ ɛ́ ḿmɛ, ŋ́ɡʉ nɛ́ tʉ́nɛ́pú, ńnɑ́ŋ nǔu ɡúŋ-pɔ́-Sɛ́ yi tʉʉ, jʉ́ Sɛ́ ẅí ɑ sɑ́Ꞌnɛ mbɑ kʉ̈ɔ́lɑ́.

Jɑ̂ŋ 6:51

KwɑꞋ mɔ, mɔ yúujʉ́ yi ɛ́ kuꞋnɛ nɛɡɛ pɛ́ pɔ́ ɡú, ɛ́ yi ɛ́ fúnɛ tʉ́nɛ́pú ńcúŋ. Ŋu lɑɑ ńjʉ́ yîyɑ́ yúujʉ́, mbɔ ɑ ɡʉ ńdɑ́Ꞌ ḿbɔ́ pɔ ɡú mɛŋɡuꞋ mɛŋɡuꞋ. Yúujʉ́ yi ŋ ɡʉ ŋ́ɡɑ́, ɛ́ mbɑp-mbʉʉ yɑɑ. Ŋ ɡʉ ŋ́ɡɑ́ lɑ́ ɛ́ lɛɛ pɔ́Ꞌɔ, pʉɔmɛsɔŋ ndǔmbí pɔ́ ɡú.»

Kɔlɔsíyɛ̂ŋ 1:19

Ɛ́ nɛ́nẅín, mbɔ Sɛ́ kɑ kɔŋnɛ ŋɡɔ kɔɔ yɛcɔ́ yúu mi ɛ́ nǔu wɛ́ jɑ́k nǔu Mɔ́ɔ nɛ,

1 Kɔlɛ̂ŋtɛ 15:47

Sɛ́ kɑ tsʉ́Ꞌ nɛpɔ́ɔ nduŋmbi ŋumɛsɔŋ, ńdɔk tsɛ́tsɑ́Ꞌ ḿbɔ́ɔ wɛ́. Ẅîwɑ́ ŋu lɔk pɔ́Ꞌɔ, ɛ́fú ndǔ tsɛ́tsɑ́Ꞌ, lɑ́ ŋu mbɑ́ɑtɛ yɛ́pɑ́ fú pɔ tʉ́nɛ́pú.

Pʉɔ-Lɔ́mɑ 8:3

Nɛpʉ́ʉ-Mɔ̌sɛ̂ɛ ŋ́kɑɑ kuꞋ nɛɡɛ yîyɑ́ yúu pɔ́, mbíꞋŋɡɔ ŋumɛsɔŋ kɑ lɔk pɑ́Ꞌ ɑ zɑŋɛ zɑŋɛ́nɛ ńtɑɑtɛ. Lɑ́ Sɛ́ kɑ kɛ́ ŋ́ɡɛ yîyɑ́ yúu, ńtsʉ́Ꞌ nɛɡɛ, ńtúu kwɑꞋ Mɔ́ɔ nɛ ɑ shɔtnɛ ńtsʉ́Ꞌ ŋumɛsɔŋ, ḿbɔ́ ŋumɛsɔŋ ẅi ɑ ŋɡɑŋmɛfɑɑnɛ nǔu pɑ́Ꞌ ɑ ɡʉ ńcẅɛɛtɛ wɛ́ tsɛt nu kɛpɔŋ. Sɛ́ kɑ lɔk pɔ́Ꞌɔ, ńjẅí mɛtʉʉ-nu kɛpɔŋ yi ɛ́ sɑ́Ꞌnɛ pʉɔmɛsɔŋ.

1 Jɑ̂ŋ 4:14

Pɛk kɑ lɔk mík mɛ́k ńjʉ́ɔ tɛ ḿbɔ́ ńcú pɑ́Ꞌɑ, ḿbɔ́ pɑjʉ́njʉ́ɔ nǔu pɑ́Ꞌ ɑ kɑ túunɛ Mɔ́ɔ nɛ, pɑ́Ꞌ ɑ ḿbɔ́ ŋu ẅí ɑ ŋ́ɡɛ pʉɔ-ndǔmbí luk.

Kɔlɔsíyɛ̂ŋ 2:9

MbíꞋŋɡɔ kʉ̈ɔ́ lɑ́ yi ɛ́ nǔu Sɛ́ ɔɔ, pɛ́ jʉ́ɔ nǔu Kɛlístɔ.

2 Jɑ̂ŋ 1:7

Pɑcɔtnu sɑt mɔ́ ndǔmbí tɛ ńzɑ́ɑ. Pɔ́p kɑ́ pɔ́ ḿbɛ́m ŋɡɔ Yɛ́su Kɛlístɔ kɑ tsuŋ ɛ́shɔtnɛ ńtsʉ́Ꞌ ŋumɛsɔŋ pɔ́, pɔ́p kwɑꞋ ɡɑŋcɔtnu, ḿbɔ́ pɛɡɑŋmbuu-Kɛlístɔ.

Mɛnu ɛ́ ńdɑ́Ꞌ ńcẅɛt 21:3

N zúꞋ yɛcɔ́ ŋɡi tɛnnɛ fú zʉꞋ-kɔꞋ-nɛfɔɔ ḿbɔ́ ńcú ŋɡɔ: «Ɛ́ ŋkɔ̂ɔnɛ, mbɔ zʉꞋ yí Sɛ́ nɑ́ŋnɛ zúꞋu, ɛ́ pɔ́ tsɛtsɛt pʉɔmɛsɔŋ. Pɔ́p pɛpɔ́p ɡʉnɛ ńtsʉ́Ꞌ ńnɑ́ŋ, pɔ́p pɔ́ mbɔ̌ wɛ́, ɑ pɔ́ Sɛ́ wɔp.

Ɛ́bɛlʉʉ 5:5

Ɛ́ kɑ ɡʉ nǔu Kɛlístɔ ḿbɛn ḿbɔ́ pɔ pɔ́Ꞌɔ. Jʉ́ ŋkɑɑnɛ nɑ́ŋ tɛ ńcú ŋɡɔ ɑ ɡẅɛɛ nɛɡúꞋ wɛ NɔŋpɔꞋ wɛ ɡwɛ́ pɔ́. A kɑ ɡɔ́ ńtsʉ́Ꞌ pɔ́Ꞌɔ ɛ́ fú pɔ mbɔ̌ Sɛ́ wi ɑ kɑ cúnɛ mbɔ̌ wɛ́ ŋɡɔ: «Ɔ Mɔ́ɔ wɑ́ɑ, tɛ ɛ́fú lɔ́Ꞌnɛ m bɔ́ tɑ́t wu.»

Ɛ́bɛlʉʉ 10:5

Ɛ́ yúu mi ɛ́ kɑ ɡɛnɛ Kɛlístɔ ɡɔ́ ńtɔ́ ndǔmbí, ńcú mbɔ̌ Sɛ́ ŋɡɔ: Ɔ ŋ́kɑɑ kɛ́ ŋ́kɔŋ yúu-pɔꞋ pɔ́, ŋ́kɛ́ mbɔɔ mɛnɑɑ mi pɛ́ jẅínɛ ńdɔk ŋ́ɡúꞋlɛ wú kɔŋ. Lɑ́ ŋ́kɛ́ ŋ́ɡɑ́ mbʉʉ mbɔ̌ mɔ.

Jɑ̂ŋ 11:40

Yɛ́su tsɔ́Ꞌ mbɔ̌ wɛ́ ŋɡɔ: N dɑ́Ꞌ mbɔɔ cú mbɔ̌ ɡu ŋɡɔ ɔ lɑɑ ńzɑ́p tʉ́m nǔu mɔ, mbɔ ɔ ɡʉ ńjʉ́ɔ nɛɡúꞋ-Sɛ́ pɔ́ ɔɔ?»

Jɑ̂ŋ 3:16

MbíꞋŋɡɔ ntɛ́ yi Sɛ́ kɑ lɔknɛ ŋ́kɔŋ píimbí pɔ́Ꞌɔ kɑ pɔ́ tɛ ɑ ɡɑ́ Mɔ́ɔ nɛ wɛ́mɔ́Ꞌ, nɛpɔ́ yi wɛ́t ŋu lɑ́ ẅi ɑ zɑ́pnɛ tʉ́m yɛ́ nǔu Mɔ́ɔ nɛ ɛ̂wɑ́, kɛ́ lɑ́Ꞌ ńtíi ndɔɔ kɛ́mɛ pɔ́, ɑ ɡʉ ńdɑ́Ꞌ ŋ́ɡẅɛɛ pɔ luk kɛ́mɛ.

Jɑ̂ŋ 2:11

Yɔ pɑ́Ꞌ Yɛ́su kɑ zɛnɛ nɛɡɛ mɛnu mɑ̌ɑmɑɑnɛ. Ɛ́ kɑ pɔ́ Kɑ́nɑ, tsɛt pɑk-ŋɡɔŋ-Ŋɡɑlilɛɛ, Yɛ́su lɔk pɔ́Ꞌɔ, ńdɛꞋlɛ nɛɡúꞋ wɛ. Gɑŋku pɛ́ zɑ́p tʉ́m nǔu wɛ́.

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Ɛ́bɛlʉʉ 1:5

Sɛ́ ŋkɑɑ mɔ́ zɛɛ ńcú mbɔ̌ wɛcɔ́ cʉ̈ɔ́Ꞌ wɛ ŋɡɔ: «Ɔ mɔ́ɔ wɑ́ɑ tɛ fú lɔ́Ꞌnɛ m bɔ́ Tɑ́t wu pɔ́.» A ŋ́kɑɑmɔ́ zɛɛ ńcú mbɑ nǔu wɛcɔ́ ŋɡɔ: «Mɔ, ŋ ɡʉ ŋ́ɡɛ ḿbɔ́ mbɔ̌ wɛ́ ḿbɔ́ tɑ́t wɛ ɑ pɔ́ mbɔ̌ mɔ ḿbɔ́ mɔ́ɔ wɑ́ɑ pɔ́.»

Jɑ̂ŋ 14:9

Yɛ́su cú mbɔ̌ wɛ́ ŋɡɔ: «Filîp, pɛkŋɛ nɑ́ŋ ndɛn wɔ, ɔ pɛ́t pɔ kɛ́ jí wɑ́ɑ kíi? Ŋu ẅí ɑ jʉ́ɔnɛ wɑ́ɑ lɑ́, ɑ jʉ́ɔ Tɑ̌ɑ mɔ. Ɔ ɡɛ pɑ́Ꞌ lɑ́ ŋɡɔ nyɛt wɛ́k nɛ́ Tɑ́t wu ɛ̂wɑ́?

Lúkɑ́shi 9:32

Ɛ́ ɡɔ ḿbɔ́, mbɔ Pyɛ̂ pɔ́p pɛcɔ́ pʉɔ lɛ́ mɔ́ tɛꞋ, pɔ́p ɡɔ ḿvukŋɛ, ńjʉ́ɔ nɛŋwɑ́ŋɛ-Yɛ́su pɔ́ ŋ́kyɛꞋ zʉꞋ, Yɛ́su pɔ́p pʉɔ pɑ́ pɛ́pɑ́ tʉ́ʉ zúꞋu.

Jɑ̂ŋ 17:22

NɛɡúꞋ ẅi ɔ kɑ ɡɑ́nɛ mbɔ̌ mɔ lɑ́, ɛ́ ẅîwɑ́ ẅi ŋ kɑ ɡɑ́nɛ mbɔ̌ pɔ́p, pɔ́p ɡʉ tɛmtɛ ḿbɔ́ tɑ́Ꞌ pɑ́Ꞌ pûu tɛmtɛnɛ lɑ́.

Jɑ̂ŋ 3:18

Ŋu lɑɑ ńzɑ́p tʉ́m yɛ́ nǔu wɛ́, mbɔ pɛ́ ŋ́ɡʉ ŋ́ɡɛ ŋ́ŋɑk wɛ́ pɔ́. Ŋu ẅí ɑ kɛ́ mbɔɔ zɑ́p tʉ́m yɛ́ nǔu wɛ́ pɔ́ jí ŋɡɔ pɛ́ ŋɑk mɔ́ wɛ́, mbíꞋŋɡɔ ɑ kɑ́ zɑ́p tʉ́m yɛ́ nǔu mɔ́ɔ-Sɛ́ wɛ́mɔ́Ꞌ pɔ́.

Lúkɑ́shi 2:11

Pɛ́ lɛ́ tʉ́sɔŋ-fɔɔ Ndɑvît lɔ́Ꞌnɛ, ḿbí ŋu ẅi ɑ ɡɛ ŋ́ɡɛ pʉʉ luk. A Kɛlístɔ, ḿbɔ́ Tsɑpʉɔ ẅi Sɛ́ kɑ kɑꞋnɛ.

Ɛ́bɛlʉʉ 2:11

Yɛ́su ẅí ɑ zɛɛnɛ ŋ́ɡɛ pʉɔ kuꞋ pʉɔ-Sɛ́ mbɑ pʉɔ pi ɑ ɡɛ mɔ́ pɔ́p kuꞋ, pɔ́p pɛpɔ́p tɛmtɛ ḿbɔ́ pɔ pʉɔ tɑ́Ꞌ ŋu. Ɛ́ yúu mi ɛ́ ɡɛnɛ sʉ́ʉ pɔɔ kɔ́ wɛ́ nɛfúŋ wɔ́p ŋɡɔ pɔ́ɔpɛ́mɑ́ pɛ́ pɔ́.

2 Kɔlɛ̂ŋtɛ 12:9

ḿbúꞋ mbɔ́ mbɔ̌ wɛ́ pɔ́Ꞌɔ, ɑ tsɔ́Ꞌ ŋɡɔ, mɔ sɛ́ ńdíŋɛ wú, ńcẅɛ́lɛ wú, yú kuꞋ pɔ́Ꞌɔ, mbíꞋŋɡɔ ɔ pɔ́ tɛ ḿbɔ́ ḿbɔ́t pɔ́tnɛ lɑ ńdɔk ŋ́ɡɑ́ shʉ́ pɑ́Ꞌ mɑ́ɑ mɛtʉʉ ɡʉ tsuŋ ɛ́fɑꞋ. Ɛ́ yɛ́tɛ́ lɑ́ ŋ kɔŋ nɛpiitɛ ńdɔk pɑ́Ꞌ ḿbɔ́t pɔ́tnɛ ŋ́kɑꞋmɛ. Pɔ́Ꞌɔ, ńjí ŋɡɔ mɛtʉʉ-Kɛlístɔ ɡʉ ńtɔ́ ḿbɔ́ nǔu mɔ.

Mɑtʉ̈ɔ 1:16

Yɑkɔ̂p pí Yɔsɛ̂p, Yɔsɛ̂p pɔ́ ndúu Mɑlíyɑ, Mɑlíyɑ pɔ́ mɑ́ pɛ́ Yɛ́su ẅí pɛ́ fúŋnɛ ŋɡɔ Nzɑ́Ꞌŋkʉ.

Kɔlɔsíyɛ̂ŋ 2:3

FuꞋ-jínu tsʉʉ, mbɑ yi kwɑŋɛ nu tsʉʉ tɛmtɛ ńcúꞋlɛ ńdʉɔmɛ pɔ nǔu Kɛlístɔ.

Ɛ́fɛ̂zɛ 3:8

Tɛ mbɑ pɑ́Ꞌ mɔ tsɛtsɛt pʉɔ-Sɛ́ pɛtsʉʉ ḿbɔ́ pɔ ndẅiknzʉʉ, ɑ kɑ kɛ́ ḿbɛ́m pɛ́mnɛ ŋɡɔ mɔ ɡʉnɛ ńcẅi Ŋkʉʉ Sʉ́Ꞌnɛ mbɔ̌ pʉɔ pi pɔ́p kɑ́ pɔ́ pɑyúdɑ pɔ́, ńdɛꞋlɛ pii kɛ́mɛ yi ɛ́ nǔu nu-Kɛlístɔ.

Pʉɔ-Lɔ́mɑ 9:5

Pɛ́ mɑ̂ɑŋɡɑpnjẅɛt pɔ́p kɑ cẅɛt nǔu njẅɛt-Ábɛlɛhɑ̂m. Kɛlístɔ ẅi ɑ Sɛ́, kɑ cẅɛt yɛ́ nǔu yîyɑ́ njẅɛt, ŋkɑ́ yi pɛ́ kɑ pínɛ wɛ́ ɑ pɔ́ ŋumɛsɔŋ. A lɛɛ mbɑ kʉ̈ɔ́ lɑ́. Mbɔ́tnɛ pɔ́ nǔu wɛ́ mɛŋɡuꞋ mɛŋɡuꞋ. Ɛ́ pɔ́Ꞌɔ.

Lúkɑ́shi 2:7

A pí mɔ́ɔ nɛtú wɛ, ɑ pɔ́ mɔ́ɔ mbɛ́ɛnɛ. A lɔk yúu-ndẅí ŋ́kɑ́tɛ wɛ́, ńníꞋ tsɛt ŋkɔp-yúujʉ́-mɛyúumɛku, mbɔ pɔ́p lɑ́Ꞌ ńjɑ́k yɔ́p zʉꞋ nɛlɛ́ tsɛt ndɑ́-pɛɡʉʉ.

ŊwɑꞋnɛ-Gɑŋntúu Yɛ́su Kɛlístɔ 13:33

A kɑ kɛ́ ŋ́ɡɛ yîyɑ́ nu puutɛ tú pɛkŋɛ pí pɛkŋɛ mbɔ́ŋkʉ̈ɔ́ pɔ́p. A kɑ ɡɛ Yɛ́su zẅíimɛ nǔu nɛvú pɑ́Ꞌ pɛ́ kɑ ŋwɑꞋnɛnɛ tsɛt ŊwɑꞋnɛ-Mɛzɔpŋki, ɛ́ nǔu mbɑ́ɑtɛ pɑk pɛ́pɑ́ ŋɡɔ: «Ɔ Mɔ́ɔ wɑɑ, tɛ fú lɔ́Ꞌnɛ n tsʉ́Ꞌ tɑ́t wu.»

Jɑ̂ŋ 8:32

Mbɔ pʉʉ ɡʉ ńjí nu nɛ́nẅín, nu nɛ́nẅín ńtsúꞋ wʉ́ʉ.»

Jɑ̂ŋ 17:24

Tɑ̌ɑ mɔ, ɔ kɑ ɡɑ́ wɔ́p mbɔ̌ mɔ. M bɛn ḿbɔ́ ŋ́kɔŋ ŋɡɔ pɔ́p pɔ́ zʉꞋ yí ŋ ɡʉnɛ nɛ́ zúꞋu, ńjʉ́ɔ wɑɑ nɛɡúꞋ, nɛɡúꞋ ẅi ɔ kɑ ɡɑ́nɛ mbɔ̌ mɔ, mbíꞋŋɡɔ ɔ kɑ kɔŋ wɑ́ɑ tɛ ńzɛɛ ḿbɛ́t pɔ kɛ́ niitɛ mbí.

Jɑ̂ŋ 18:37

Pilɑ́tɔ píkŋɛ wɛ́ ŋɡɔ: «Ɔ lɔk ḿbɔ́ fɔɔ pɔ́ ɔɔ?» Yɛ́su tsɔ́Ꞌ ŋɡɔ: «Gu cúnɛ pɔ́Ꞌɔ, mɔ fɔɔ. ZúꞋ yúu mi ɛ́ kɑ ɡɛnɛ pɛ́ pí wɑ́ɑ, ḿbɛn ńzúꞋ yúu mi ɛ́ kɑ ɡɛnɛ n tɔ́ ndǔmbí. Ŋ kɑ tɔ́ nɛcú yúu mi n jínɛ nǔu nu nɛ́nẅín. Ŋu pɔ́ nǔu nu nɛ́nẅín, ńzúꞋ ŋɡi yɑɑ.»

Mɛnu ɛ́ ńdɑ́Ꞌ ńcẅɛt 19:13

A mɑꞋ yɛcɔ́ ndẅí-fɑ́k, mbɔ pɛ́ kɑ nuꞋ tsɛt mɛci. Pɛ́ fúŋ wɛ́ ŋɡɔ sẅiŋɛ-sɛ́.