Jɑ̂ŋ 1:12 - Kɑɑ Fí

¹² Lɑ́, pʉɔ tsʉʉ pí pɔ́p ńzɑ́pnɛ tʉ́m nǔu wɛ́, ɑ lɔk wɔ́p ŋ́ɡɛ pʉɔ-Sɛ́.

Jɑ̂ŋ 1:12 Referans Kwoze

Ŋɡɑlɑ̂t 3:26

Pʉʉ pɛtsʉʉ zɛɛ ńdɔk pɑ́Ꞌ pʉʉ zɑ́pnɛ tʉ́m nǔu Yɛ́su Kɛlístɔ ḿbɔ́ pʉɔ-Sɛ́.

Pʉɔ-Lɔ́mɑ 8:14

MbíꞋŋɡɔ pʉɔ pi Zẅikŋɛ-Sɛ́ tsiinɛ́nɛ wɔ́p pɔ́ɔ-Sɛ́.

1 Jɑ̂ŋ 3:1

Pʉʉ jʉ́ɔ pɑ́Ꞌ Tɑ́t wɛkŋɛ kɔŋnɛ wɛkŋɛ kɔŋnɛ tɛ ɛ́fúŋ wɛkŋɛ ŋɡɔ pɔ́ɔ pɛ́, ɛ́ sẅíi nu pɛkŋɛ pɛ́tɛ́. Lɑ́ pʉɔ-ndǔmbí pɔɔ wɛkŋɛ jí, mbíꞋŋɡɔ pɔ́p ŋ́kɑɑ kɛ́ ńjí ŋu ẅi Sɛ́ jʉ́ pɔ́.

Ŋɡɑlɑ̂t 4:6

Ɛ́ nɛ́nẅín pʉʉ tsuŋ ḿbɔ́ kwɑꞋ pɔ́ɔ-Sɛ́. Lii pɑ́Ꞌ Sɛ́ kɑ níꞋnɛ Zẅikŋɛ-Mɔ́ɔ nɛ tsɛt mɛtʉ́m mɛkŋɛ, Zẅikŋɛ yi ɛ́ ɡɛnɛ pɛkŋɛ fúŋ Sɛ́ ŋɡɔ Ábɑ. Ńdɔk ńcú ŋɡɔ Tɑ̌ɑ.

Jɑ̂ŋ 3:18

Ŋu lɑɑ ńzɑ́p tʉ́m yɛ́ nǔu wɛ́, mbɔ pɛ́ ŋ́ɡʉ ŋ́ɡɛ ŋ́ŋɑk wɛ́ pɔ́. Ŋu ẅí ɑ kɛ́ mbɔɔ zɑ́p tʉ́m yɛ́ nǔu wɛ́ pɔ́ jí ŋɡɔ pɛ́ ŋɑk mɔ́ wɛ́, mbíꞋŋɡɔ ɑ kɑ́ zɑ́p tʉ́m yɛ́ nǔu mɔ́ɔ-Sɛ́ wɛ́mɔ́Ꞌ pɔ́.

Kɔlɔsíyɛ̂ŋ 2:6

Pɑ́Ꞌ pʉʉ kɑ pɛ́m mɔ́ ŋɡɔ Yɛ́su Kɛlístɔ Tsɑpʉɔ wʉ́ʉ lɑ́, ɛ́ sɛ́ ḿbíkŋɛ ŋɡɔ wʉ́ʉ nɛnɑ́ŋ pɔ́ pɑ́Ꞌ ɑ sɛ́ ŋ́kɔŋ.

Mɑtʉ̈ɔ 10:40

Ŋu kúkŋɛ wʉ́ʉ, mbɔ ɑ kúkŋɛ pɔ wɑ́ɑ, ŋu pɛn ŋ́kúkŋɛ wɑ́ɑ, mbɔ ɑ kúkŋɛ pɔ ŋu ẅí ɑ kɑ túunɛ wɑ́ɑ.

Jɑ̂ŋ 20:31

Lɑ́ pɛ́ kɑ kɛ́ ŋ́ŋwɑꞋnɛ mɔnɛ pɑ́Ꞌnɛ nɛpɔ́ yi pʉʉ ɡʉ ḿbɛ́m ŋɡɔ Yɛ́su Nzɑ́Ꞌŋkʉ ẅi Sɛ́ kɑ kɑꞋnɛ, ḿbɔ́ Mɔ́ɔ Sɛ́, ḿbɔ́ yi pʉʉ lɑɑ ḿbɛ́m, ɑ ɡɛ pʉʉ ŋ́ɡẅɛɛ luk kɛ́mɛ.

2 Pyɛ̂ 1:4

Ɛ́ kɑ fú pɔ́Ꞌɔ, ɑ ɡɑ́ mɛyúu tʉʉndɛn mbɔ̌ pɛkŋɛ, ɛ́ pɔ́ mi ɛ́ ńcẅɛ́lɛ́ wɛkŋɛ tɛꞋ, ḿbɔ́ yi ɑ kɑ kɑꞋnɛ, ŋ́ɡɑ́ pɔ́Ꞌɔ, nɛpɔ́ yi pɛkŋɛ ɡʉ ńdɛɛtɛ nǔu mîmɑ́ mɛyúu, ŋ́kuꞋ nɛkʉɔ mɛnu-ntsɛ́llɛ́ mi ɛ́ tsɛt yɔ mbí, ɛ́fú nǔu yúu mi mbʉʉ yɛkŋɛ tsʉ́ʉnɛ́nɛ wɛkŋɛ nɛɡɛ, kʉɔ pɔ́Ꞌɔ, ńtsʉ́Ꞌ ŋ́ɡẅɛɛ pɔ tsẅɛ́ wɛ jʉ́ Sɛ́.

Mɑtʉ̈ɔ 12:21

Mɛŋɡɔŋ tsʉʉ ndǔ mbí tsʉ́Ꞌ ńdɔk pɔ wɛ́ ńnɑ́ŋ.»

1 Jɑ̂ŋ 3:23

Nɛpʉ́ʉ nɛ́ ɛ̂nɑ́, ɛ́ pɔ ŋɡɔ: Pɛkŋɛ zɑ́p tʉ́m nǔu Mɔ́ɔ nɛ Kɛlístɔ, ḿbɛn ŋ́ɡẅɛɛ ŋkɔŋɛ tsɛtsɛt pɛkŋɛ, ɛ́ nɛpʉ́ʉ ni Yɛ́su kɑ zɑ́pnɛ ŋɡɔ pɛkŋɛ nɛn nǔu.

ŊwɑꞋnɛ-Gɑŋntúu Yɛ́su Kɛlístɔ 3:16

Ɛ́ nǔu ŋkɔ̂ɔnɛ, pʉʉ sɛ́ ńjʉ́ɔ ŋɡɑŋ-kẅíꞋlɛ wɔ, ḿbɛn ḿbɔ́ ńjí wɛ́. Ɛ́ lɛɛ pɔ nǔu wɛk nɛzɑ́p tʉ́m nǔu Yɛ́su ɛ̂wɑ́ lɑ lík yɛ́ ɡɑ́ mɛtʉʉ mbɔ̌ wɛ́, ɑ lɔk ńdɔ sɛ́ ńtʉ́ʉ mbi pʉʉ. Ɛ́ lɛɛ pɔ nǔu nɛzɑ́p tʉ́m nǔu Yɛ́su lɑ ɑ fíitɛ pɑ́Ꞌ pʉʉ sɛ́ ńjʉ́ɔ lɑɑ.

Jɑ̂ŋ 11:52

Ɛ́ pɔɔ pɔ́ pɔ ndɑꞋ nǔu tú-pɑyúdɑ zɛ́nɛ pɔ́p pɔ́, ɛ́ pɛn ḿbɔ́ nɛlɔk ńtɛmtɛ pʉɔ-Sɛ́ pi pɔ́p zʉꞋ tsʉʉ, pɔ́p tsʉ́Ꞌ tɑ́Ꞌ ku.

Jɑ̂ŋ 1:7

A tɔ́ ḿbɔ́ jʉ́njʉ́ɔ, nɛsẅíi yúu mi ɑ jínɛ ntɛ́ kyɛꞌ ɛ̂yɑ́, nɛpɔ́ yi mbɑ wɔ̌ lɑ́ ɡʉ ńzúꞋ sẅiŋɛ-Jɑ̂ŋ, ńzɑ́p tʉ́m yɛ́ nǔu kyɛꞌ ɛ̂yɑ́.

Mɑtʉ̈ɔ 18:5

Ŋu lɑɑ ńdɔk lík yɑ́ɑ ŋ́kúkŋɛ mɔ́yúu mɔ́ɔ pɑ́Ꞌ wɔ lɑɑ, mbɔ ŋɡɑŋ kúkŋɛ pɔ wɑ́ɑ.»

Jɑ̂ŋ 2:23

Yɛ́su pɛ́t ḿbɔ́ pɔ Yɛlúsɑlɛm, pɛ́ pɔ́ ńjʉ́ ndínɑ-pɑ́skɑ-pɑyúdɑ, lɑ́Ꞌ jʉ́ɔ mɛnu mɑ̌ɑmɑɑnɛ mi ɑ ɡɛnɛ, pʉɔ tɛ ńzɑ́ɑ zɑ́p tʉ́m nǔu wɛ́.

Jɑ̂ŋ 1:11

Ɛ́ kɑ tɔ́ kwɑꞋ ŋɡɔŋ pɔ́p, pʉɔ-ŋɡɔŋ wɔ́p pɔɔ wɛ́ kúkŋɛ.

Pʉɔ-Lɔ́mɑ 8:16

KwɑꞋ jʉ́ Zẅikŋɛ ɛ̂yɑ́ pɔ́ ŋ́ɡɛ pɛkŋɛ tsuŋ ńjí tsɛt tʉ́m pɛkŋɛ ŋɡɔ pɛkŋɛ pɔ́ɔ-Sɛ́.

Pʉɔ-Lɔ́mɑ 8:19

Kʉ̈ɔ́ lɑ́ yi Sɛ́ kɑ niitɛ́nɛ zɛɛ ḿbɔ́ ńzẅíꞋlɛ tɛꞋ nɛjʉ́ɔ ŋkɑ́ yi Sɛ́ ɡʉ ŋ́ɡɛ pɛ́ jʉ́ɔ nɛɡúꞋ pʉɔ-pɛ́.

1 Jɑ̂ŋ 3:2

Pɛsúu pɑ́ɑ pɛ́ tʉʉndɛn, pɛkŋɛ ŋkɔ̂ɔnɛ pɑ́Ꞌɑ ḿbɔ́ pʉɔ-Sɛ́, lɑ́ ntɛ́ yi pɛkŋɛ ɡʉ ŋ́ɡɛ ḿbɔ́ pɔ́Ꞌɔ, ɛ́ pɛ́t ḿbɔ́ yi lʉɔmɛ́nɛ. Pɛkŋɛ kɛ́ ḿbɔ́ ńjí ŋɡɔ Kɛlístɔ ɡʉ ŋ́ɡɛ ḿbɔ́ tɛ ńcẅɛt, pɛkŋɛ jʉ́ɔ wɛ́ pɑ́Ꞌ ɑ zúꞋu ḿbɔ́, ḿbɔ́ yi ɑ ŋɡɔ́ku ɔɔ, pɛkŋɛ pɔ́ yɛkŋɛ pɔ pɔ́Ꞌɔ.

1 Jɑ̂ŋ 3:10

Pʉʉ jʉ́ɔ yúu mi pɛ́ fúnɛ nǔu ńdɔk ńjí pʉɔ-Sɛ́, ḿbɛn ńjí pɛ́ Sɑ́ttɑ. Ŋu lɑɑ ŋ́kɛ́ ŋ́ɡɛ yúu mi ɛ́ ndʉ́ŋndʉŋ mbi Sɛ́, ŋ́kɛ́ mbɔɔ kɔŋ mɔ́ɔmɑ́ wɛ pɔ́, mbɔ ŋɡɑŋ kɑ́ pɔ́ mɔ́ɔ-Sɛ́ pɔ́.