Jɑ̂k 5:6 - Kɑɑ Fí

⁶ Pʉʉ kɑ zɑ́p mɛnu tú-pɑkɛfɑɑnɛ, ńjẅítɛ wɔ́p, pɔ́p kɛ́ mbɔɔ nyɛt yɛcɔ́ tʉʉ mbi pʉʉ pɔ́.

Jɑ̂k 5:6 Referans Kwoze

Jɑ̂k 4:2

Pʉʉ tsɑ́ɑ yúu tɛꞋ lɑ́ ŋ́kɛ́ mbɔɔ kuꞋ nɛɡẅɛɛ pɔ́, ŋ́ɡɔ́ɔ ŋ́kɛ́ ńtsʉ́Ꞌ ńtʉ́ʉ pɔ nɛjẅí ŋu. Pʉʉ jʉ́ɔ yúu ńtík tʉ́m yʉ́ʉ nǔu, lɑ́ wɛcɔ́ nɛɡẅɛɛ pɔɔ ɡú pɔ́. Pʉʉ ɡɑɑbɛ tsɛtsɛt ḿbɔ́ mɛntsu mɛntsu, ńtɑ́k mɛlɑ́Ꞌ. Pʉʉ kɑ́ pɔ́ ŋ́ɡẅɛɛ yúu mi pʉʉ sɛ́ ŋ́kɔŋ pɔ́, mbíꞋŋɡɔ pʉʉ kɑ́ lɔ́ɔ mbɔ̌ Sɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 8:32

Ɛ́ ɡɔ́ ḿbɔ́, mbɔ zʉꞋ-ŋwɑꞋnɛ yí ɑ ḿbɔ́ ɛ́fúŋ ɛ́ yi ɛ́ cúnɛ ŋɡɔ: «Pɛ́ kɑ pɔ́ ńdɔk wɛ́ ŋ́ɡʉ, ɑ pɔɔ kẅɑ́k, ńnɛn yɛ́ pɔ pɑ́Ꞌ njinjɔ ẅi pɛ́ lɔknɛ wɛ́ ŋ́ɡʉ nɛɡwɑt, ńnɑꞋ pɔ pɑ́Ꞌ mɔ́ɔ-njinjɔ ẅi pɛ́ sɛ́ ŋ́kɔ́ɔ mɛnuk mɛ́.

Mɑtʉ̈ɔ 5:39

Lɑ́ n cú yɑ́ɑ mbɔ̌ pʉʉ ŋɡɔ: «Kɔɔ pʉʉ tsɔ́Ꞌ pɛn-nu-ŋu ẅí ɑ ɡɛnɛ nu kɛpɔŋ nǔu pʉʉ ŋ́ɡɑ́ yɛcɔ́. Ŋu lɑɑ ńtswɑ́ɑ pɔ́ nɛtúutɛ ŋu, ɑ shɔt yɛcɔ́ ɡúŋ ɑ mɛkŋɛ ńtswɑ́ɑ.

Ɛ́bɛlʉʉ 10:38

Wɑɑ ŋu ẅi n jʉ́ɔnɛ ŋɡɔ ɑ ndʉ́ŋndʉŋ mbi mɔ, ɡʉ ŋ́ɡɛ ńduk, ɛ́fú nǔu pɑ́Ꞌ ɑ zɑ́pnɛ tʉ́m nǔu mɔ. Lɑ́ ŋ́kɛ́ ḿbɔ́ yi ɑ lɑɑ ḿbɛn nzʉʉ, nu yɛ́ pɔɔ pɛn ḿbɔŋ wɑ́ɑ pɔ́.

ŊwɑꞋnɛ-Gɑŋntúu Yɛ́su Kɛlístɔ 22:14

A pɛn ńcú ŋɡɔ: Sɛ́ pɛmɑ́ŋɡɑpnjẅɛt pɛkŋɛ ɡɔ́ɔ ńzɑ́Ꞌ njí ńtsɔ́Ꞌ wú, nɛ́ lɔk wú ŋ́ɡɛ ŋu ẅi ɑ ɡʉ ńjí yúu mi ɑ kɑ ńzɑ́pnɛ nɛɡɛ, mbɑ nɛɡɛ ɔ jʉ́ɔ ŋu ẅi ɑ ndʉ́ŋndʉŋ zɛ́nɛjʉ́, mbɑ nɛzúꞋ ŋɡi-ẅîwɑ́ ŋu.

Jɑ̂k 2:6

Lɑ́ ŋ́ɡʉ nǔu pʉʉ, mbɔ pʉʉ kɑ cɔŋ ndɛn-pɛpúŋ. Lɑ́ pɛɡɑŋyúu kɑ́ pɔ́nɛ ɛ́fíɛt wʉ́ʉ pɔ́ ɔɔ? Pɔ́p kɑ́ pɔ́nɛ ńdɔk wʉ́ʉ ńnɛn mɛndɑ́tsɑ́ŋ pɔ́ ɔɔ?

ŊwɑꞋnɛ-Gɑŋntúu Yɛ́su Kɛlístɔ 7:52

Sẅíinɛ wɑ́ɑ nɛ lík-Ŋɡɛ́mndʉ̈ɔ́Ꞌ-Sɛ́ ẅi pɛtɑ̌ɑ ŋkɑɑ wɛ́ kʉʉnɛ. Pɔ́p kɑ jẅítɛ pʉɔ pi pɔ́p kɑ zɑ́Ꞌnɛ njí ḿbɔ́ ḿbʉ́ ŋɡɔ ŋu ẅí ɑ ndʉ́ŋndʉŋ zɛ́nɛjʉ́ ɡʉnɛ ŋ́ɡɛ ńtɔ́. Ŋu ndʉ́ŋndʉŋ ɛ̂wɑ́ ɑ Yɛ́su, ɑ kɑ kɛ́ mɔ́ ńtɔ́, pʉʉ wɔ jẅí wɛ́.

Mɑtʉ̈ɔ 27:20

Pɛtɑ́tndɑ́-pɑnɔŋpɔꞋ pɔ́p pɛkɛ́m-lɑ́Ꞌ pɔ́ ńtsʉ́ʉnɛ lɑ́Ꞌ ŋɡɔ pɔ́p píkŋɛ ŋɡɔ Pilɑtɔ tsɔ́Ꞌ pɔ Pɑnɛpɑ́ɑshi ŋ́ɡɛ pɛ́ jẅí Yɛ́su.

Mɑtʉ̈ɔ 21:38

Lɑ́ pʉɔ pɑ́ jʉ́ɔ mɔ́ɔ-ndʉ́m wɑ́, ńcú tsɛtsɛt pɔ́p ŋɡɔ: «Njʉ́ndɑ́ wɛ pʉɔlɑ́ ɑ tɔ́nɛ lɑɑ. Pʉʉ tɔ́ pɛkŋɛ jẅí wɛ́ ńjʉ́ ŋkɑ́Ꞌ,»

1 Pyɛ̂ 4:18

Pɛ́ kɑ ŋwɑꞋnɛ tsɛt ŋwɑꞋnɛ-Sɛ́ ŋɡɔ: «Ɛ́ lɑɑ ḿbɔ́ yi pʉɔ pi pɔ́p ɡɛnɛ yúu mi ɛ́ ndʉ́ŋndʉŋ mbi Sɛ́, nɛɡɔ́ ńduk tɛn tɛꞋ, mbɔ ɛ́ ɡʉ ńtɔ́ ḿbɔ́ nǔu pʉɔ pi pɔ́p kɑ́ pɔ́ ŋ́ɡɛ yúu mi Sɛ́ sɛ́ ŋ́kɔŋ pɔ́, pʉɔ kɛpɔŋ, ḿbɔ́ ŋɡɔ́ku?»