Jɑ̂k 5:3 - Kɑɑ Fí

³ Gwɛ́tkɑ́ɑ ɡẅɛɛ tʉ́n-ɡɔ̂l yʉ́ʉ mbɑ ŋkɑ́p yʉʉ. Pɛ́ ɡʉ ŋ́ɡɛ ɛ́fú pɔ nǔu ńjʉ́ɔ ŋɡɔ pʉʉ vu ntsɑŋ, mbɑp-mbʉʉ yʉʉ mɛ pɑ́Ꞌ ŋkɑ́ yi pɛ́ tɔɔ wʉ́ʉ múk lɑ́. Pʉʉ kɑ cúꞋlɛ́nɛ yúu mi ɛ́ cɔ́k ŋkɑ́p nǔu mɔ mɛlɛ́Ꞌlɑ́Ꞌ mi ɛ́ ndẅiknzʉʉ.

Jɑ̂k 5:3 Referans Kwoze

Pʉɔ-Lɔ́mɑ 2:5

Ɔ sɛ́ ńdʉꞋ nɛzúꞋ nu, ɔ kɑ́ pɔ́ ŋ́kɔŋ nɛkúpmɛ mɑt wu pɔ́, ɔ lɔk pɔ́Ꞌɔ, ɛ́fúŋ mɑ́mɑ́ ŋɡʉ̈ɔ́Ꞌ yi Sɛ́ ɡʉ ŋ́ɡɛ ńníꞋ tú ɡu, nǔu lɛ́Ꞌ yi ɑ ɡʉ ńdɑ́Ꞌ ḿbɔ́ ńníꞋ ŋɡʉ̈ɔ́Ꞌ tú-pʉɔ. Ɛ́ ɡʉ ńdɑ́Ꞌ ḿbɔ́ lɛ́Ꞌ ɛ̂yɑ́ pɛ́ jʉ́ɔ pɑ́Ꞌ Sɛ́ ŋɑknɛ mɛnu mi ɛ́ sɛ́ ḿbíkŋɛ.

Mɛnu ɛ́ ńdɑ́Ꞌ ńcẅɛt 21:8

Lɑ́ ŋ́kɛ́ ŋ́ɡʉ nǔu pɛntsɔ̌ɔ, mbɑ nǔu pɑpɛ́m ḿbɛn ńdʉꞋ, mbɑ nǔu pɑɡɛ mɛnu ndǔmbí, mbɑ nǔu pɑjẅítɛ pʉɔ, mbɑ nǔu pɑɡɛ mɛnu-ɡɑp, mbɑ nǔu pɑɡẅɛɛ mɛkɑŋ, mbɑ nǔu pɑɡúꞋlɛ yúu ŋɡɔ ɛ́ mɛsɛ́, ŋ́ɡɛ ɡɑŋcɔtnu tsʉʉ, mbɔ yɔ́p yúu mi pɛ́ ɡʉ ŋ́ɡɛ ńdɔk ńtsɔ́Ꞌ fɑꞋ yɔ́p ɛ́ pɑ́Ꞌ pɛ́ ɡʉ ŋ́ɡɛ ḿmɑꞋ wɔ́p tsɛt nɛpʉ́-múk mɛɡʉ̈ɔꞋlɛ, ɛ́ lɔk ḿbɔ́ nɛpfú ŋkɑ́ yɛ́pɑ́.»

Mɛnu ɛ́ ńdɑ́Ꞌ ńcẅɛt 20:15

Wɔ̌ lɑ́ ẅi pɛ́ ŋkɑɑ jʉ́ɔ lík yɛ́ tsɛt ŋwɑꞋnɛ yí mɛlík-pʉɔ pí pɔ́p ɡẅɛɛnɛ luk kɛ́mɛ tsɛtú pɔ́, pɛ́ mɑꞋ wɛ́ tsɛt nɛpʉ́-múk.

2 Pyɛ̂ 3:3

Pʉʉ zɛɛ ḿbiitɛ ńjí ŋɡɔ, ɛ́ ŋ́ɡɛ ḿbɔ́ nǔu ndẅiknzʉʉ mɛlɛ́Ꞌlɑ́Ꞌ, pɛcɔ́ pʉɔ cẅɛt, ŋ́ɡɛ yɔ́p pɔ yúu mi mɛtʉʉ mɔ́p sɛ́ ńtsʉ́ʉnɛ wɔ́p ŋɡɔ pɔ́p ɡɛ. Pɔ́p ŋ́ɡɛ ŋ́ɡwɛ wʉ́ʉ,

2 Timɔtɛ́ɛ 2:17

Sẅiŋɛ-pʉɔ ɛ̂pɑ́ pɔ́ pɔ pɑ́Ꞌ fʉ́ŋ yi ɛ́ níꞋnɛ mbɛt, ḿbɔ́ ŋ́kẅiꞋ ŋ́ɡɑ́Ꞌ lɑ́. Himɛnɛ̂ pɔ́p Filɛtɛ pɔ́ lii-pʉɔ ɛ̂pɑ́.

Mɛnu ɛ́ ńdɑ́Ꞌ ńcẅɛt 17:16

Mɛndɔ́ŋ nɛɡɛ́m mi ɔ lɑ́Ꞌnɛ ńjʉ́ɔ mbɑ nɑɑ lɑ́, pɔ́p ɡʉ ŋ́ɡɛ ḿbɑɑ ŋɡɑŋɡɑ́ɑ mɑŋɡɛ́ ɛ̂wɑ́, mbuu ńcẅɛ́ɛ yúu pɛ́ tɛ ɑ tʉ́ʉ kɛ́ zẅík ndẅí, ŋ́kwɛ́t kup yɛ́, ńtɔɔ pfuꞋ múk.

ŊwɑꞋnɛ-Gɑŋntúu Yɛ́su Kɛlístɔ 2:17

A kɑ cú ŋɡɔ Sɛ́ cú ŋɡɔ: «Ndẅiknzʉʉ lɛ́Ꞌ ɡʉ ńdɑ́Ꞌ ḿbɔ́ ŋ́kuꞋ, n níꞋ Zẅikŋɛ yɑ́ɑ nǔu ŋumɛsɔŋ tsʉʉ; mbɔ́ŋkʉ̈ɔ́ pʉ́ʉ pɛ́ mbɛ́ɛnɛ mbɑ pɛ́ pɑŋɡɛ́ ɡʉ ńdɑ́Ꞌ ńtsʉ́Ꞌ pɑcẅiŋkʉʉ pɑ́ɑ. Mɔ ŋ́ɡɛ ŋ́ŋíɛꞋ mík-ŋɡwɑsuu yʉ́ʉ pɔ́p jʉ́ɔ mɛyúu mɑ́ɑ tsɛt njʉɔ, pɛlwɛn pʉɔ pinɛ pɔ́p tsɛtsɛt pʉʉ jʉ́ɔ mɛnu mɑ́ɑ tsɛt njʉɔ.»