Jɑ̂k 5:16 - Kɑɑ Fí

¹⁶ Pɔ́Ꞌɔ lɑ́, ŋu pɛ́m mɛfɑɑnɛ mɛ́ mbɔ̌ mɔ́ɔmɑ́ wɛ, mɔ́ɔmɑ́ wɛ pɛ́m mɛ́ mbɔ̌ wɛ́. Ŋu wʉʉ púꞋ mbɔ́ mbɔ̌ Sɛ́ nǔu tú-mɔ́ɔmɑ́ wɛ. Ɛ́ lɛɛ pɔ́Ꞌɔ, pʉʉ fíitɛ. CɛꞋlɛ-ŋu ẅí ɑ ndʉ́ŋndʉŋ mbi Sɛ́, nɛn tɛꞋ.

Jɑ̂k 5:16 Referans Kwoze

Mɑtʉ̈ɔ 21:22

Pʉʉ lɑɑ ńzɑ́p tʉ́m nǔu Sɛ́, ḿbúꞋ mbɔ́ mbɔ̌ wɛ́ ńdɔ́ɔ mbɑ kʉ̈ɔ́ lɑ́, mbɔ ɑ ɡʉ ŋ́ɡɑ́.

Jɑ̂ŋ 9:31

Pɛkŋɛ pɛtsʉʉ jí ŋɡɔ Sɛ́ kɑ́ pɔ́ ńzúꞋ ŋɡi-ŋu kɛpɔŋ pɔ́, lɑ́ ḿbɔ́ yi ŋu lɑɑ ŋ́ɡɛ mɛkuꞋ-Sɛ́, ḿbɛn ḿbɔ́ ŋ́ɡɛ yúu mi Sɛ́ sɛ́ ŋ́kɔŋ, mbɔ Sɛ́ ɡʉ ńzúꞋ ŋɡi yɛ.

1 Pyɛ̂ 2:24

KwɑꞋ jʉ́ Kɛlístɔ kɑ tíi mɛnu kɛpɔŋ mɛkŋɛ ńníꞋ sɔŋ-mbʉʉ yɛ́, ɛ́ ŋkɑ́ yi pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ. A kɑ ɡɛ pɔ́Ꞌɔ, nɛpɔ́ yi pɛkŋɛ ɡʉ ńtsʉ́Ꞌ pɔ mbɔ̌ nu kɛpɔŋ, ḿbɔ́ pɔ pɛpfú, ŋ́kuꞋ nɛɡɛ yúu mi ɛ́ ndʉ́ŋndʉŋ mbi Sɛ́. Pʉʉ kɑ lúꞋnɛ pɔ mɛfʉ́ŋ mɛ́ lɑ ɛ́fíitɛ.

1 Jɑ̂ŋ 3:22

ńdɔ́ɔ pɔ kʉ̈ɔ́ mbɔ̌ wɛ́ lɑ́, ɑ ɡɑ́ mbíꞋŋɡɔ pɛkŋɛ sɛ́ ńnɛn nǔu nɛpʉ́ʉ nɛ́, ḿbɛn ŋ́ɡɛ yúu mi ɑ sɛ́ ŋ́kɔŋ.

ŊwɑꞋnɛ-Gɑŋntúu Yɛ́su Kɛlístɔ 19:18

Nɛzɑ́ɑ pʉɔ pɛ́m nu-Yɛ́su, ḿbɛn ḿbɔ́ ńtɔ́ ńtʉ́ʉ tsɛtsɛt pʉɔ ḿbɛ́m sɑ́ɑnɛ sɑ́ɑnɛ́nɛ ŋɡɔ yúu mi pɔ́p kɑ ɡɛnɛ, ŋkɑɑ pɔŋ.

1 Tɛsɑlɔník 5:17

Pʉʉ pɔ́ ḿbúꞋ mbɔ́ mbɔ̌ Sɛ́ ŋkɑ́ tsʉʉ,

Ɛ́bɛlʉʉ 12:13

Pʉʉ nɛn nǔu sɛ̂ndúŋ ẅí ɛ́ tʉ́ʉ ndʉ́ŋndʉŋ, nɛpɔ́ yi nɛlʉ̈ɔꞋ-ku-ŋu yí ɛ́ sɛ́ ŋ́ŋíꞋnɛ kɛ́ mɛkŋɛ mbʉ̈ɔ́Ꞌnɛ pɔ́, tɛ ńtsʉ́Ꞌ pɔ́Ꞌɔ, ɛ́ fíitɛ fíitɛ́nɛ.

1 Tɛsɑlɔník 5:25

Pɔ́ɔpɛ́mɑ́, pʉʉ púꞋ mbɔ́ mbɔ̌ Sɛ́ mbɑ nǔu yɛ́k tú.

Mɑtʉ̈ɔ 3:6

ńtʉ́ʉ mbi pʉɔtsʉʉ, ḿbɛ́m mɛnu kɛpɔŋ mɔ́p, ɑ nuꞋ wɔ́p tsɛt ŋki-Juudɛŋ.

Ɛ́bɛlʉʉ 13:18

Pʉʉ kɛ́ ḿbɔ́ ḿbúꞋ mbɔ́ mbɔ̌ Sɛ́, ḿbúꞋ mbɔ́ nǔu tú yɛ́k. Pɛk tsuŋ ḿbɔ́ ńzúꞋ ŋɡɔ mbʉʉ yɛk kɑ́ pɔ́ ńtswɑ́ɑ wɛ́k nǔu yɛcɔ́ nu pɔ́, mbíꞋŋɡɔ pɛk sɛ́ ńtsɑ́ɑ nɛpɔ́ yi kʉ̈ɔ́ lɑɑnɛ ńtʉ́ʉ sɛ́, pɛk ɡɛ pɔ yúu mi ɛ́ sɛ́ ḿbíkŋɛ.

Ɛ́bɛlʉʉ 11:7

Ɛ́ kɑ fú pɔ nǔu pɑ́Ꞌ Nɔwɛ zɑ́pnɛ tʉ́m yɛ́ nǔu Sɛ́, ɑ pɔɔ lɔk yúu mi Sɛ́ zɑ́Ꞌ njí nyɛt wɛ́, ńdɔk ḿmɑꞋ kwɑŋɛ pɔ́. Ɛ́ pɛn ḿbɔ́ yúu mi pɛ́ kɑ pɛ́t kɛ́ jʉ́ɔ. Ɛ́ yɛ́tɛ́ Nɔwɛ kɔ́ɔ mɑ́mɑ́ kɑnúꞋ, nɛlɔk ŋ́ɡɛ ŋɡɔ njẅɛt yɛ́ kúu tsɛtú ńduk, ńdɔk pɔ́Ꞌɔ, ńnyɛt ŋɡɔ ntsɑŋ tú pɛcɔ́ pʉɔ, lɑ́ mbɔ ɛ́ ɡʉ nǔu wɛ́, ɛ́ fú nǔu pɑ́Ꞌ ɑ zɑ́pnɛ tʉ́m yɛ́ nǔu Sɛ́, Sɛ́ tsʉ́Ꞌ ńdíŋɛ wɛ́ ɑ pɔ́ ŋu ẅí ɑ ndʉ́ŋndʉŋ mbi wɛ́.

Pʉɔ-Lɔ́mɑ 5:19

Ndʉ́ŋndʉŋ pɑ́Ꞌ tɑ́Ꞌ ŋumɛsɔŋ kɑ lʉꞋnɛ nɛzúꞋ ntsu-Sɛ́, nɔɔ-lɑ́Ꞌ fú nǔu ńtsʉ́Ꞌ ɡɑŋmɛfɑɑnɛ lɑ́, tɑ́Ꞌ ŋu wɛ́mɔ́Ꞌ kɑ zúꞋ ntsu-Sɛ́, ɛ́fú nǔu nɔɔ-mɛlɑ́Ꞌ mɛlɑ́Ꞌ tsʉ́Ꞌ pʉɔ pi Sɛ́ líŋɛ́nɛ wɔ́p pɔ́p pɔ́ ndʉ́ŋndʉŋ mbi yɛ́.

Pʉɔ-Lɔ́mɑ 3:10

Ɛ́ lɔk ḿbuutɛ nǔu pɑ́Ꞌ pɛ́ kɑ ŋwɑꞋnɛ tsɛt ŋwɑꞋnɛ-Sɛ́ ŋɡɔ: «Wɛcɔ́ ŋumɛsɔŋ ẅí ɑ ndʉ́ŋndʉŋ kɑ́ pɔ́ ɡú pɔ́. Kɑ́ɑ tɑ́Ꞌ wɛmɔ́Ꞌ.

Ɛ́bɛlʉʉ 11:4

Ɛ́ kɑ fú pɔ nǔu pɑ́Ꞌ Ábɛɛ kɑ zɑ́pnɛ tʉ́m yɛ́ nǔu Sɛ́, lɑ ńnɔŋ wɛ́ pɔꞋ, ɛ́ pɔŋ mbɔ̌ Sɛ́ ńdɛɛ wɛ Kɑyin. A kɑ fú pɔ nǔu, Sɛ́ líŋɛ wɛ́ tɛ ńcú ŋɡɔ, ɑ ndʉ́ŋndʉŋ mbi yɛ́, mbɔ ɑ kɑ tsʉ́Ꞌ nɛnyɛt, ḿbɛ́m yúu mi Ábɛɛ lɔknɛ ńtɔ́ mbi yɛ́. Ɛ́ kɑ fú pɔ nǔu pɑ́Ꞌ Ábɛɛ kɑ zɑ́pnɛ tʉ́m yɛ́ nǔu Sɛ́, ɛ́ pɛ́t lɔ́Ꞌnɛ ńcú nu mbɔ̌ pɛkŋɛ cúnɛ, lɑ́ mbɔ ɑ kɑ pfú mɔ́.

ŊwɑꞋnɛ-Gɑŋntúu Yɛ́su Kɛlístɔ 10:38

Pʉʉ pɛn ḿbɔ́ ńjí ŋɡɔ Sɛ́ kɑ ɡɑ́ mɛtʉʉ-Zẅikŋɛ Lɛ́ɛnɛ́nɛ mbɔ̌ Yɛ́su mɔ́ɔ-Nɑ̌zɑlɛt ńdɔk pɔ́Ꞌɔ, ńcɔꞋ wɛ́ ḿbɛn ḿbɔ́ ńtʉ̈ɔ́Ꞌlɛ wɛ́. A ɡʉ zʉꞋ tsʉʉ, ḿbɔ́ ŋ́ɡɛ mɛnu sʉ́Ꞌnɛ, ḿbɔ́ ńcẅɛ́ɛ pʉɔ tsʉʉ pí pɔ́p ḿbɔ́nɛ ɡɑŋtsɑ́ŋ nǔu mbɔ́-Sɑ́ttɑ mbíꞋŋɡɔ Sɛ́ kɑ pɔ́ nɛ́ jʉ́.

1 Tɛsɑlɔník 5:23

Pɛk sɛ́ ńdɔ́ɔ ŋɡɔ Sɛ́ nɛ́ tú yɛ́, ẅi ɑ Sɛ́-mbɔ́tnɛ, ɑ ɡɛ pʉʉ pɔ́ pʉɔ pɛ́ tɛ ńdẅiklɛ, ŋɡɔ ɑ pyɛ́p zẅikŋɛ yʉ́ʉ, ḿbyɛ́p tʉ́m yʉ́ʉ, ḿbyɛ́p mbʉʉ yʉʉ, ɛ́ ɡɛ ḿbɔ́ lɛ́Ꞌ yi Tsɑpʉɔ wɛkŋɛ Yɛ́su Kɛlístɔ ɡʉ ŋ́ɡɛ ńtɔ́, pʉʉ pɔ́ kɛ́ sɑ̌ɑ lɔ́Ꞌ nǔu pʉʉ.

Kɔlɔsíyɛ̂ŋ 1:9

Mɔnɛ mɛnu mi ɛ́ ɡɛnɛ lɑ pɛk ŋ́kɑɑ mɔ́ lɑ́Ꞌ ńcɛꞋlɛ Sɛ́ nǔu tú yʉ́ʉ tɛ ɛ́fú lɛ́Ꞌ yi pɛ́ kɑ sẅíinɛ wɛ́k nɛ́ ntɛ́ yi pʉʉ lɔknɛ ŋ́kúꞋlɛ nu-Sɛ́ pɔ́Ꞌɔ pɔ́. Pɛk sɛ́ ńdɔ́ɔ mbɔ̌ Sɛ́ ŋɡɔ ɑ ɡɛ pʉʉ tsuŋ ńjí yúu mi ɑ kɔŋnɛ, ńdɛɛ nǔu jínu mbɑ nɛsɑ́ŋ nu yi Zẅikŋɛ Lɛ́ɛnɛ́nɛ ɡɑ́nɛ mbɔ̌ pʉʉ.

Lúkɑ́shi 9:6

Yɛ́su cú pɔ́Ꞌɔ pɔ́p ɡɔ́ɔ ŋ́kɛ́ ŋ́ɡʉ, ŋ́kɑ́t mɛlɑ́Ꞌ mɛlɑ́Ꞌ, ńnɛn ɛ́sɑ́Ꞌ Ŋkʉʉ sʉ́Ꞌnɛ ẅi ɛ́ fúnɛ mbɔ̌ Sɛ́, ḿbɛn ḿbɔ́ ŋ́ɡɛ ɡɑŋɡɔɔ fíitɛ.

Mɑ́lɛ́kúshi 1:5

Pʉɔ tsʉʉ fú tsɛt pɑk-ŋɡɔŋ-Judɛ̂ ḿbɔ́ ńtɔ́, tɛ mbɑ pʉɔ tsʉʉ Yɛlúsɑlɛm tɔ́ nɛjʉ́ɔ Jɑ̂ŋ ɛ̂wɑ́ ńjʉ́ɔ wɛ́ pɔ́Ꞌɔ, ḿbɛ́m mɛnu kɛpɔŋ mɔ́p, ɑ nuꞋ wɔ́p tsɛt ŋki-Juudɛŋ.

ŊwɑꞋnɛ-Gɑŋntúu Yɛ́su Kɛlístɔ 8:24

Símɔ̂ŋ tsɔ́Ꞌ ŋɡɔ: «KwɑꞋ pʉʉ cɛꞋlɛ́nɛ Tsɑpʉɔ nǔu tú yɑ́ɑ. Ɛ́ lɛɛ pɔ́Ꞌɔ, nu yí pʉʉ cúnɛ pɔɔ ɡɛ yúu nǔu mɔ pɔ́.»