Jɑ̂k 5:11 - Kɑɑ Fí

¹¹ Pʉʉ jʉ́ɔ pɑ́Ꞌ pɛkŋɛ fúŋnɛ pʉɔ pí pɔ́p kɑ sʉknɛ ŋɡɔ pɛpɔ́ttú. Pʉʉ kɑ zúꞋ pɑ́Ꞌ pɛ́ kɑ lɛ́Ꞌlɛ́nɛ ntɛ́ yi Jɔp kɑ lɔknɛ ɛ́sʉk pɔ́Ꞌɔ. Pʉʉ pɛn ńjí yúu mi ɛ́ kɑ tsʉ́Ꞌ nɛmɛkŋɛ Tsɑpʉɔ ɡɛ nǔu wɛ́, mbíꞋŋɡɔ Tsɑpʉɔ ɡẅɛɛ pɔŋtʉ́m tɛꞋ, ńtsɑ́ɑ mɛjʉ́ŋ pɔ pɔ́Ꞌɔ.

Jɑ̂k 5:11 Referans Kwoze

Jɑ̂k 1:12

Pɔ́ttú, ŋu ẅí ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛ́nɛ, mbíꞋ pɑ́Ꞌ ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛnɛ lɑ́, Sɛ́ ɡʉ ńtɔꞋ ŋɡúꞋ tú yɛ́. Ɛ́ lɔk ḿbɔ́ luk kɛ́ mɛ yí ɑ kɑ kɑꞋnɛ mbɔ̌ mbɑ wɔ̌ lɑ́ ẅi ɑ ŋ́kɔŋnɛ yɛ́ Sɛ́.

Mɑtʉ̈ɔ 10:22

Pʉɔ tsʉʉ ɡʉ ńdɑ́Ꞌ ḿbɑɑ wʉ́ʉ mɛlɑ́Ꞌ wɑ́ɑ, lɑ́ ŋu ẅí ɑ sʉknɛ kɛ́ kɑ́ɑ ɡʉ ŋ́ɡɛ ńduk.

2 Pyɛ̂ 2:9

Pɛ́ fú nǔu mɔnɛ mɛnu ńjʉ́ɔ ŋɡɔ Tsɑpʉɔ kɔŋ nɛfú tsɛt ŋɡʉ̈ɔ́Ꞌ ńcẅɛɛtɛ pʉɔ pi pɔ́p jínɛ pɔ ndɑꞋ wɛ́, ɛ́ tsʉ́Ꞌ pʉɔ kɛpɔŋ ɑ nyɛt wɔ́p ŋɡɔ pɔ́p ńzẅíꞋlɛ ŋɡʉ̈ɔ́Ꞌ lɛ́Ꞌ nɛŋɑk mɛtsɑŋ.

1 Pyɛ̂ 1:13

Pɔ́Ꞌɔ, jínu yʉ́ʉ tʉ́ʉ pɔ nǔu nɛɡɛ yúu nǔu ntɛ́ yɛ́ pʉɔ-Sɛ́, kɔɔ pʉʉ pɛ́ jínu, pʉʉ nɑ́ŋ ḿbɔ́ ńniitɛ ńzẅíꞋlɛ fuꞋ yi Sɛ́ ŋ́ɡɛ ŋ́ɡɑ́ mbɔ̌ pʉʉ, nǔu ŋkɑ́ yi Yɛ́su Kɛlístɔ ɡʉ ŋ́ɡɛ ńtɔ́.

Lúkɑ́shi 6:36

«Pʉʉ tsɑ́ɑ mɛjʉ́ŋ pʉɔ pɑ́Ꞌ tɑ̌ɑ wʉʉ sɛ́ ńtsɑ́ɑ mɛjʉ́ŋ pʉɔ tsʉʉ!»

Ɛ́bɛlʉʉ 10:39

Lɑ́ ɛ́ kɛ́ ŋ́ɡʉ nǔu pɛkŋɛ, mbɔ pɛkŋɛ kɑ́ pɔ́ ntɛ́ pʉɔ pi pɔ́p pɛnnɛ nzʉʉ, ŋ́kúu pɛ́ pɔ́. Pɛkŋɛ pɑzɑ́p tʉ́m nǔu Sɛ́, ɑ lɛɛtɛ pɔ́Ꞌɔ, ŋ́ɡɛ pɛkŋɛ luk.

Ɛ́bɛlʉʉ 3:14

Pɛkŋɛ pɛ́ Kɛlístɔ zɛɛ ńtsʉ́Ꞌ ńtɛmtɛ ḿbɔ́ pɔ nǔu tɑ́Ꞌ nu, lɑ́ ɛ́ sɛ́ ḿbíkŋɛ tɑ́Ꞌ yúu wɛ́mɔ́Ꞌ, ɛ́ pɔ́ nɛkúꞋlɛ yúu mi pɛ́ kɑ sẅíinɛ wɛkŋɛ lɑ́ pɛkŋɛ zɑ́p tʉ́m nǔu Sɛ́, ŋ́kúꞋlɛ kúꞋlɛ́nɛ tɛ ńdɑ́Ꞌ ŋ́kúu nǔu ndẅiknzʉʉ lɛ́Ꞌ.

Ɛ́fɛ̂zɛ 2:4

Lɑ́ Sɛ́ tsɑ́ɑ mɛjʉ́ŋ-pʉɔmɛsɔŋ tɛꞋ. A kɑ pɛn ńdɛɛ pɔ nǔu ntɛ́ yi ɑ kɑ lɔknɛ ŋ́kɔŋ wɛkŋɛ,

Ɛ́bɛlʉʉ 3:6

Lɑ́ ɛ́ ɡʉ nǔu Kɛlístɔ, ɑ jí yɛ́ pɔ ndɑꞋ yúu mi Sɛ́ kɑ cúnɛ ŋɡɔ ɛ́ ŋ́ɡɛ mbɔ́ ɡú, ḿbɔ́ mɔ́ɔ-ndɑ́, ẅí pɛ́ kɑ tíknɛ wɛ́ pɑ́Ꞌ ɑ ɡʉ ɛ́sɑ́Ꞌ pʉɔ-Sɛ́. Pʉɔ-Sɛ́ lɔk ḿbɔ́ pɔ wɛkŋɛ, pɑ́Ꞌ pɛkŋɛ lɑɑ ŋ́kúꞋlɛ yúu mi pɛkŋɛ kɑ pɛ́mnɛ tɛ pɛkŋɛ pɔɔ ḿmʉꞋlɛ, ḿbɛn ńnɑ́ŋ ḿbɔ́ ńdɔk pɔ kɑꞋmɛ ńzẅíꞋlɛ yúu mi Sɛ́ kɑ kɑꞋnɛ mbɔ̌ pɛkŋɛ.

Ɛ́fɛ̂zɛ 1:6

A kɑ lɔk wɛkŋɛ ŋ́ɡɛ pʉɔ pɛ́ nɛpɔ́ yi pɛkŋɛ ɡʉ ŋ́ɡúꞋlɛ wɛ́ nǔu mɑ́mɑ́ nu kɛ́ fʉꞋ yi ɑ kɑ ɡɛnɛ. Ɛ́ kɑ lɛɛ nǔu pɑ́Ꞌ ɑ kɑ tɛmtɛ́nɛ wɛkŋɛ pɛ́ Mɔ́ɔ nɛ ẅi ɑ kɔŋnɛ wɛ́ tɛꞋ, ŋ́ɡɑ́ fuꞋ fɛ̌ɛ yɛkŋɛ, pɔ́Ꞌɔ ɛ́ pɔ́ kwɑꞋ mɑ́mɑ́ nu tɛꞋ.

Pʉɔ-Lɔ́mɑ 2:4

Ɔ sɛ́ ŋ́ɡɛ pɔ́Ꞌɔ, ńtsʉ́Ꞌ ńdɔk ŋ́ɡwɑ́k Sɛ́ ɡwɑ́knɛ, ḿbɔ́ ńcú ŋɡɔ ɑ ɡẅɛɛ pɔŋtʉ́m, ɑ kɑ́ ɡɔ́ɔ fɛ́Ꞌnɛ cɔ́k pɔ́, ɑ ɡẅɛɛ kɔkmbʉʉ. Pɔ́Ꞌɔ, ɔ kɑ́ pɔ́ ńjí ŋɡɔ ɑ ɡẅɛɛ pɔŋtʉ́m nzʉʉ ɡu pɔ́Ꞌɔ, pɔ nɛlɔk ŋ́ɡɛ ɔ kúpmɛ mɑt pɔ́ ɔɔ?

Lúkɑ́shi 1:50

«A lɔ ŋ́ɡɛ nu sʉ́Ꞌnɛ nǔu pʉɔ pi pɔ́p ɡɛ́mtɛnɛ wɛ́, ḿbɛn ŋ́ɡɛ nǔu pɔ́ɔ pɔ́p nǔu mɛzuŋ mɛzuŋ

Jɑ̂k 1:2

Pɔ́ɔpɛ́mɑ́ pɑ́ɑ, ŋɡʉ̈ɔ́Ꞌ mɛntɛ́ mɛntɛ́ lɑɑ ḿbɔ́ ŋ́kúu wʉ́ʉ, pʉʉ lɔk pɔ kwɑꞋ tsɑ́ɑtɛ ńcẅɛ́ɛ.

1 Pyɛ̂ 3:14

Pʉʉ kɛ́ ńdɑꞋ lɛ́Ꞌ ŋ́ɡɔ ńjʉ́ɔ ŋɡʉ̈ɔ́Ꞌ, ɛ́ pɔ́ mbíꞋŋɡɔ pʉʉ sɛ́ ŋ́ɡɛ yúu mi ɛ́ ndʉ́ŋndʉŋ mbi Sɛ́, mbɔ pʉʉ pɛpɔ́ttú. Kɔɔ pʉʉ mɑɑ tɛ ḿbɔ́k pʉɔmɛsɔŋ. Kɔɔ tʉ́m-ŋu wʉʉ mɑɑ tɛ ḿvukŋɛ.

Lúkɑ́shi 11:10

Jínɛ ŋɡɔ ŋu lɑɑ ńdɔ́ɔ yúu, mbɔ pɛ́ ɡɛ ŋ́ɡɑ́ mbɔ̌ wɛ́, ńdɔɔ, mbɔ ɑ ɡɛ ńjʉ́ɔ, ḿbɛn ḿbúꞋtɛ ntsundɑ́, mbɔ pɛ́ ɡɛ tsɔ́Ꞌ ŋ́ɡɑ́ mbɔ̌ wɛ́.