Jɑ̂k 4:3 - Kɑɑ Fí

³ Pʉʉ zɛɛ ńdɔ́ɔ, Sɛ́ pɔɔ ɡɑ́, mbɔ ɛ́ mbíꞋŋɡɔ pʉʉ kɑ́ jí nɛlɔ́ɔ pɔ́. Pʉʉ zɛɛ ńdɔ́ɔ pɔ nɛlɔk ŋ́ɡʉ ŋ́ɡɛ yúu mi ɛ́ sɛ́ ḿbɔŋ pɔ wʉ́ʉ.

Jɑ̂k 4:3 Referans Kwoze

1 Jɑ̂ŋ 5:14

Yúu mi ɛ́ ɡɛnɛ pɛkŋɛ tʉ́ʉ mbi Sɛ́ tʉ́m yɛkŋɛ pɔɔ ɡwɛt, ɛ́ pɔ́ pɔ ŋɡɔ: Pɛkŋɛ sɛ́ ńjí ŋɡɔ, pɛkŋɛ lɑɑ ńdɔ́ɔ yúu mbɔ̌ wɛ́, ɛ́ pɔ́ yi ɑ sɛ́ ŋ́kɔŋ, mbɔ ɑ ɡʉ zúꞋ.

1 Jɑ̂ŋ 3:22

ńdɔ́ɔ pɔ kʉ̈ɔ́ mbɔ̌ wɛ́ lɑ́, ɑ ɡɑ́ mbíꞋŋɡɔ pɛkŋɛ sɛ́ ńnɛn nǔu nɛpʉ́ʉ nɛ́, ḿbɛn ŋ́ɡɛ yúu mi ɑ sɛ́ ŋ́kɔŋ.

Jɑ̂k 4:1

Mɛntsu mɛntsu pɑ́Ꞌɑ ɛ́fú ɡɔ́ tsɛtsɛt pʉʉ? Mɛlɑ́Ꞌ ɛ́fú ɡɔ́ tsɛtsɛt pʉʉ? Ŋ kwɑŋɛ ŋɡɔ ɛ́ fú nǔu yʉʉ ntɛ́ nɛtsɑ́ɑ yúu mi ɛ́ tsɛt tʉ́m yʉ́ʉ tsʉ́ʉnɛ́nɛ wʉ́ʉ.

Lúkɑ́shi 15:13

Ɛ́ ɡɔ ńdɛɛ mɛcɔ́ mɛlɛ́Ꞌ, mɔ́ɔ ɛ̂wɑ́ fɛn pɛ́ yúu, ńdɔk ŋkɑ́p ŋ́ɡʉ nɛ́ túu; ńtɔ́ zúꞋu, ḿbʉ́ʉpɛ ŋkɑ́p ɛ̂yɑ́,

Mɑ́lɛ́kúshi 10:38

Yɛ́su tsɔ́Ꞌ mbɔ̌ pɔ́p ŋɡɔ: «Pʉʉ kɑ́ jí yúu mi pʉʉ lɔ́ɔnɛ pɔ́. Pʉʉ kuꞋ nɛnɔ́ ntúꞋ-ŋɡʉ̈ɔ́Ꞌ yi ŋ ɡʉnɛ nɛnɔ́? Kɛ pʉʉ kuꞋ pɔ nɛpɛ́m ŋɡɔ pɛ́ nuꞋ wʉ́ʉ tsɛt ŋɡʉ̈ɔ́Ꞌ yi pɛ́ ɡʉnɛ tsɛtú nɛnuꞋ wɑ́ɑ?»

Mɑtʉ̈ɔ 20:22

Yɛ́su tsɔ́Ꞌ ŋɡɔ: «Pʉʉ kɑ́ jí yúu mi pʉʉ lɔ́ɔnɛ pɔ́. Pʉʉ kuꞋ nɛnɔ́ ntúꞋ-ŋɡʉ̈ɔ́Ꞌ yi ŋ ɡʉ nɛnɔ́?» Pɔ́p pʉ̈ɔt ŋɡɔ: «Pɛk kuꞋ nɛnɔ́.»

Lúkɑ́shi 15:30

Mɔ́ɔ nu ẅi pɔ́p pɛkwɑlɑ kwɛ́tnɛ ŋkɑ́p yu, ɑ lɛɛ tɛ ńtɔ́, ɔ ɡɔ́ɔ ńjẅí mɔ́ɔ-fɔŋ ẅi ɑ ɡúꞋ tɛꞋ ntɛ́ wɛ́?»

Lúkɑ́shi 11:10

Jínɛ ŋɡɔ ŋu lɑɑ ńdɔ́ɔ yúu, mbɔ pɛ́ ɡɛ ŋ́ɡɑ́ mbɔ̌ wɛ́, ńdɔɔ, mbɔ ɑ ɡɛ ńjʉ́ɔ, ḿbɛn ḿbúꞋtɛ ntsundɑ́, mbɔ pɛ́ ɡɛ tsɔ́Ꞌ ŋ́ɡɑ́ mbɔ̌ wɛ́.