Jɑ̂k 3:9 - Kɑɑ Fí

⁹ Pɛkŋɛ lɔk pɔ lʉ́m ńdɔk ŋ́ɡúꞋlɛ Tsɑpʉɔ Tɑ̌ɑ wɛkŋɛ, ḿbɛn ńdɔk pɔ yɛ́tɛ́ ńníꞋ ndɔɔ tú-pʉɔmɛsɔŋ pínɛ Sɛ́ kɑ pɔ́ɔnɛ ŋ́ɡɛ pɔ́p fí wɛ́.

Jɑ̂k 3:9 Referans Kwoze

ŊwɑꞋnɛ-Gɑŋntúu Yɛ́su Kɛlístɔ 2:26

Ɛ́ yɛ́tɛ́ lɑ́ tʉ́m yɑ́ɑ nɑ́ŋ ńtsɑ́ɑtɛ, ŋɡi tsɑ́ɑtɛ zɛɛ ńcẅɛt ntsu mɔ. N dɑɑ ńzɛɛ ḿpfú pfúnɛ, mbɔ pfú yɑ́ɑ ɡʉ ńnɔɔ ḿbɔ́ ḿbyɛ́p wú Sɛ́ pyɛ́pnɛ,

1 Kɔlɛ̂ŋtɛ 11:7

Ɛ́ ɡʉ nǔu ŋu mbɛ́ɛnɛ, ɑ pɔɔ ɡẅɛɛ nɛɡɔ́ ńcɛꞋlɛ Sɛ́, ḿbɔɔ tú yɛ́ pɔ́, mbíꞋŋɡɔ ɑ fí Sɛ́. Pɛ́ líŋɛ wɛ́ ńjʉ́ɔ nɛɡúꞋ-Sɛ́. Lɑ́ ŋ́ɡʉ nǔu mɑŋɡɛ́, mbɔ pɛ́ líŋɛ wɛ́ ńjʉ́ɔ pɔ nɛɡúꞋ-ŋu mbɛ́ɛnɛ,

Pʉɔ-Lɔ́mɑ 3:14

Ntsu wɔ́p zɔɔ pʉɔ zɔɔnɛ, ńníꞋ pɔ ndɔɔ.

Mɑtʉ̈ɔ 26:74

A ɡɔ́ɔ ŋ́kɛ́ ńzɛ nɛɡɔ́: «Sɛ́ jẅí wɑ́ɑ, zɑŋ yɑ́ɑ, ŋ kɑ́ pɔ́ ńjí ŋu ɛ̂wɑ́ pɔ́.» Ŋ́ɡɔ́ ńcú pɔ́Ꞌɔ, mɔ̂ŋkʉ̈ɔ́Ꞌ pɔ́ ńtɔ́ŋ.

Mɑtʉ̈ɔ 5:44

Lɑ́, n cú yɑ́ɑ mbɔ̌ pʉʉ ŋɡɔ: «Pʉʉ kɔŋ ɡɑŋmbuu pʉ́ʉ. [Pʉʉ cɛꞋlɛ Sɛ́ nǔu tú-pʉɔ pinɛ pɔ́p zɑ́Ꞌnɛ ku yʉ́ʉ.]

Ɛ́fɛ̂zɛ 1:3

Pɛkŋɛ sɛ́ ŋ́ɡúꞋlɛ Sɛ́ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ. A kɑ ɡɛ nu sʉ́Ꞌnɛ nǔu pɛkŋɛ, ŋ́ɡɑ́ yúu sʉ́Ꞌnɛ tsʉʉ yi ɛ́ fúnɛ tɛ tʉ́nɛpú mbɔ̌ pɛkŋɛ, ŋ́ɡɑ́ pɔ́Ꞌɔ, ńdɛɛ nǔu pɑ́Ꞌ ɑ kɑ lɑ́Ꞌnɛ tɛmtɛ wɛkŋɛ pɛ́ Kɛlístɔ,

1 Pyɛ̂ 1:3

Pɛkŋɛ ɡɛ́mtɛ Sɛ́ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ. A kɑ tsɑ́ɑ mɛjʉ́ŋ mɛkŋɛ, ŋ́ɡɛ pɛ́ pí wɛkŋɛ nɛpí wɛ fí, ńdɛɛ nǔu Yɛ́su Kɛlístɔ ẅí ɑ kɑ zẅíimɛnɛ nǔu nɛvú. Ɛ́ lɛɛ pɔ́Ꞌɔ, pɛkŋɛ ńnɑ́ŋ ŋkɑ́ tsʉʉ, ḿbɔ́ ńzẅíꞋlɛ kwɑꞋ luk,

Jɑ̂k 1:27

Nɛɡɛ ŋɡɔ nu-Sɛ́ pɔ́ kɛ́ lɔ́Ꞌ, ɛ́ píkŋɛ ŋɡɔ ŋu líŋɛ pɔ́ɔ pɛcí mbɑ pɛpfúk tsɛt ŋɡʉ̈ɔ́Ꞌ yɔp, ḿbɔ́ ŋu ẅí ɑ pɑ́ɑ mbʉʉ yɛ, ḿbɔ́k ntsɛ́llɛ́ nɛpʉ́ʉpɛ wɛ́.

Jɑ̂k 3:10

Mbɔ́tnɛ mbɑ ndɔɔ cẅɛt pɔ tsɛt tɑ́Ꞌ ntsu wɛ́mɔ́Ꞌ. Pɔ́ɔpɛ́mɑ́ pɑ́ɑ, ɛ́ kɑ́ pɔ́ ḿbɔŋ ŋɡɔ ɛ́ pɔ́ pɔ́Ꞌɔ pɔ́.