Jɑ̂k 2:7 - Kɑɑ Fí

⁷ Pɔ́p kɑ́ nɛ́ sẅiŋɛ kɛpɔŋ nǔu Yɛ́su Kɛlístɔ ẅi Sɛ́ kɑ ɡɑ́nɛ lík yɛ́ mbɔ̌ pʉʉ pɔ́ ɔɔ?

Jɑ̂k 2:7 Referans Kwoze

1 Timɔtɛ́ɛ 1:13

Tɛ mbɑ pɑ́Ꞌ ɛ́ kɑ pɔ́ yɛcɔ́ ŋkɑ́, ɛ sẅiŋɛ nǔu wɛ́ kɛpɔŋ, ńtsɔ́Ꞌ ku-pʉɔ pɛ́ kɛpɔŋ, ńzɔɔtɛ Sɛ́. A kɑ tsɑ́ɑ mɛjʉ́ŋ mɑ́ɑ, mbíꞋŋɡɔ ŋ kɑ pɔ́ ŋ́ɡɛ kɛ́ jí yúu mi ŋ ɡɛnɛ, mbɔ mɔ ŋ́kɑɑ zɑ́p tʉ́m nǔu wɛ́ pɔ́.

ŊwɑꞋnɛ-Gɑŋntúu Yɛ́su Kɛlístɔ 11:26

ŋ́kúu zúꞋu, ńjʉ́ɔ wɛ́, ńdɔk wɛ́ ḿbɛn nɛ́ Antíyɔshɛ. Pɔ́p pɛ́pɑ́ ŋ́ɡɛ pɑpɛ́m Yɛ́su tɛmtɛ ńnɑ́ŋ Antíyɔshɛ nǔu tɑ́Ꞌ ŋɡuꞋlɑ́Ꞌ. Pɔ́p pɔ́ ńzíꞋ pʉɔ tɛ ńzɑ́ɑ nɛ́ yúu. Pɛ́ kɑ zɛ pɔ Antíyɔshɛ ɛ̂wɑ́ nɛfúŋ pɑpɛ́m Yɛ́su ŋɡɔ: «Pʉɔ-Kɛlístɔ.»

Mɛnu ɛ́ ńdɑ́Ꞌ ńcẅɛt 19:16

Mbɔ pɛ́ ŋwɑꞋnɛ yɛcɔ́ lík nǔu ndẅí-fɑ́k yɛ́, mbɑ nǔu ntɑ́ɑ wɛ́, ɛ́ pɔ́ ŋɡɔ: «Fɔɔ ńtsɑ pɛfɔɔ, mbɑ ŋɡɔ Tsɑpʉɔ pɛtsɑpʉɔ.»

Mɛnu ɛ́ ńdɑ́Ꞌ ńcẅɛt 19:13

A mɑꞋ yɛcɔ́ ndẅí-fɑ́k, mbɔ pɛ́ kɑ nuꞋ tsɛt mɛci. Pɛ́ fúŋ wɛ́ ŋɡɔ sẅiŋɛ-sɛ́.

Ɛ́fɛ̂zɛ 3:15

ẅí mɛtsɛ́nndɑ́ mi ɛ́ tʉ́nɛ́pú mbɑ mi ɛ́ ndǔ tsɛ́tsɑ́Ꞌ tsʉʉ, ɛ́ ɡɔ́ ḿbɔ́ ɡú ńdúꞋnɛ pɔ wɛ́,

ŊwɑꞋnɛ-Gɑŋntúu Yɛ́su Kɛlístɔ 26:11

Ŋ kɑ pɔ́ ńdɛɛ tsɛt mɛndɑ́-cúꞋlɛ-pɑyúdɑ, ńnyɛt pʉɔ pɛ́ nɛ́ ŋɡʉ̈ɔ́Ꞌ. Ŋ kɑ pɔ́ ńtsʉ́ʉnɛ wɔ́p ŋɡɔ pɔ́p ńzɔɔtɛ lík-Yɛ́su. Ŋ kɑ puu ḿbɑɑ wɔ́p pɑɑnɛ tɛ ŋ́ɡʉ mbɑ tsɛt mɛtʉ́sɔŋ-lɑ́Ꞌ ndɛꞋ, ńdɔɔ wɔ́p, ńnyɛt wɔ́p nɛ́ ŋɡʉ̈ɔ́Ꞌ.»

ŊwɑꞋnɛ-Gɑŋntúu Yɛ́su Kɛlístɔ 4:12

«Pʉɔ kɛ́ ŋ́ɡẅɛɛ nɛlɛɛ pɔ nǔu Yɛ́su lɑ́ ńduk, mbíꞌŋɡɔ wɛcɔ́ ŋu ndɛꞋ kɑ́ pɔ́ ndǔ yɔ mbí ḿbɔ́ ẅi Sɛ́ kɑ ńzɑ́pnɛ wɛ́ nɛpɔ́ yi pɛkŋɛ ɡʉ ńdɛɛ nǔu wɛ́ ńduk pɔ́.»

Mɑtʉ̈ɔ 12:24

Lɑ́ pʉɔ-fɑlísɑy zúꞋ pɔ́Ꞌɔ, ńcú ŋɡɔ: «Bɛlzɛbûl, tɑ́tndɑ́-mɛzẅikŋɛ kɛpɔŋ ɡɛnɛ lɑ Yɛ́su kuꞋ nɛzuŋ mɛzẅikŋɛ kɛpɔŋ.»

Mɑtʉ̈ɔ 1:23

«Pɛ́ ɡʉ ńdɑ́Ꞌ ŋ́ɡɔ́ ńjʉ́ɔ, mɔ́ɔŋɡɔɔ pɛ́t kɛ́ jí ŋu mbɛ́ɛnɛ ḿbɔ́ shǔutɛ, ḿbí mɔ́ɔ mbɛ́ɛnɛ, pɛ́ cẅi lík yɛ́ ŋɡɔ Ɛmɑ́nwɛ̂l, ɛ́ lɔk ńcú ŋɡɔ Sɛ́ tsɛtsɛt pɛkŋɛ.»

Mɑtʉ̈ɔ 27:63

ńcú mbɔ̌ wɛ́ ŋɡɔ: «Zɑɑmɛtɑ́ɑ, pɛk sɛ́ ŋ́kẅíitɛ yɛcɔ́ nu.» Ŋɡɑŋcɔtnu wɑ́ kɑ pɛ́t ntʉʉ, ńcú ŋɡɔ: «Ŋ ɡʉ ńdɑ́Ꞌ ńzẅíimɛ nǔu nɛvú nǔu mbɑ́ɑtɛ lɛ́Ꞌ pɛtɑ́t.»

ŊwɑꞋnɛ-Gɑŋntúu Yɛ́su Kɛlístɔ 15:17

Pʉɔ pí pɔ́p kɑ́ pɔ́ pɑyúdɑ pɔ jʉ́ɔ pɔ́Ꞌɔ, ńdɔɔ Tsɑpʉɔ. Ɔ́ɔŋ, n cú túu nɛ́ túu yi mɔ ŋ́ɡɛ ɛ́fúŋ wɔ́p ŋɡɔ pɔ́p tsʉ́Ꞌ pʉɔ pɑ́ɑ. Mɔ Tsɑpʉɔ Sɛ́ cúnɛ pɔ́Ꞌɔ. A lɔk pɑ́Ꞌɑ ŋ́ɡɛ mɛnu mí ɑ kɑ zɑ́pnɛ.

1 Pyɛ̂ 4:16

Lɑ́ ḿbɔ́ yi ŋu lɑɑ ŋ́ɡɔ́ ńjʉ́ɔ ŋɡʉ̈ɔ́Ꞌ, ɛ́ pɔ́ ŋɡɔ ɑ ŋu-Kɛlístɔ, kɔɔ ŋɡɑŋ kɔ́ sʉ́ʉ. Tɛ ńtsʉ́Ꞌ pɔ́Ꞌɔ, ɑ ɡúꞋlɛ pɔ Sɛ́ mbíꞋ lík-Kɛlístɔ yi ɑ ɡẅɛɛnɛ.