Jɑ̂k 2:23 - Kɑɑ Fí

²³ Nu yi pɛ́ kɑ ŋwɑꞋnɛ́nɛ tsɛt ŋwɑꞋnɛ-Sɛ́ ntɛ́ wɛ́ fú pɔ́Ꞌɔ, ḿbuutɛ, pɛ́ kɑ ŋwɑꞋnɛ ŋɡɔ: «Ábɛlɛhɑ̂m kɑ zɑ́p tʉ́m yɛ́ nǔu Sɛ́, Sɛ́ fú nǔu, ńtsʉ́Ꞌ ńdíŋɛ wɛ́ ɑ pɔ́ mbi yɛ́, ḿbɔ́ pɔ ndʉ́ŋndʉŋ,» ɑ fúŋ wɛ́ ŋɡɔ súu nɛ.

Jɑ̂k 2:23 Referans Kwoze

Ŋɡɑlɑ̂t 3:6

ŊwɑꞋnɛ-Sɛ́ zɛɛ ńcú ŋɡɔ Ábɛlɛhɑ̂m kɑ lɔk yɛ́ pɔ nɛzɑ́p tʉ́m nǔu Sɛ́, lɑ Sɛ́ fú nǔu pɑ́Ꞌ ɑ zɑ́pnɛ tʉ́m yɛ́ nǔu wɛ́ pɔ́Ꞌɔ, ḿbɛ́m wɛ́ pɑ́Ꞌ ŋu ẅí ɑ mbi yɛ́ ḿbɔ́ ndʉ́ŋndʉŋ.

Pʉɔ-Lɔ́mɑ 11:2

Sɛ́ kɑ́ mɛꞋ pʉɔ pɛ́ pi ɑ kɑ zɑ́Ꞌnɛ njí ńtsɔ́Ꞌ wɔ́p pɔ́. Ɛ́ ɡʉ ŋ́ɡɛ pɑ́Ꞌ lɑ pʉʉ pɔ́ ńjí zʉꞋ-ŋwɑꞋnɛ-Sɛ́ yi ɛ́ zúꞋu Ɛlîi pɔ́ ɛ́sẅíi Sɛ́ nɛ́ yúu mi pɑíslɑyɛ̂l ɡɛnɛ,

Ŋɡɑlɑ̂t 3:22

Lɑ́ ŋwɑꞋnɛ-Sɛ́ nyɛt ŋɡɔ mbɑ wɛ́tɛ́ ŋu lɑ́ pɔ́ pɔ ŋkwɑɑ mbɔ̌ nu kɛpɔŋ. Ɛ́ pɔ́Ꞌɔ lɑ yúu mi Sɛ́ kɑ kɑꞋnɛ puutɛ nǔu pʉɔ pi pɔ́p lɛɛnɛ nǔu Yɛ́su Kɛlístɔ ńzɑ́p tʉ́m yɔ́p nǔu wɛ́.

Pʉɔ-Lɔ́mɑ 9:17

Ɛ́ tsɛt ŋwɑꞋnɛ-Sɛ́, mbɔ pɛ́ kɑ zɛɛ ŋ́ŋwɑꞋnɛ ŋɡɔ: Sɛ́ cú mbɔ̌ fɔɔ Fɑlɑhɔŋ ŋɡɔ: Ŋ kɑ lɔk wú ŋ́ɡɛ fɔɔ nɛpɔ́ yi ŋ ɡʉ ńnyɛt wú nɛ́ yúu, pʉɔ fú nǔu ńjʉ́ɔ pɑ́Ꞌ n tɛnnɛ pɔ́Ꞌɔ, lɑ́ pɛ́ ɡɔ́ɔ ńjí lík yɑ́ɑ zʉꞋ tsʉʉ ndǔ tsɛ́tsɑ́Ꞌ.

Lúkɑ́shi 4:21

A ɡɔ́ɔ ŋ́kɛ́ ńzɛ nɛkyɛ́Ꞌtɛ, ńcú ŋɡɔ: «Mɛnu mi pʉʉ fú zɑꞋnɛ nɛzúꞋ tsɛt ŋwɑꞋnɛ-Sɛ́ lɑɑnɛ, ɛ́ puutɛ lɔ́Ꞌnɛ.»

Mɑ́lɛ́kúshi 15:27

Pɔ́p kɑ pɛn ŋ́kẅii pɛcɔ́ pɛtsɔ́ŋ pɛ́pɑ́ nǔu mɛtʉ́ mbɑ́ŋtɛ pɑ́ŋtɛ́nɛ. Tɑ́Ꞌ pɔ́ nǔu ɡúŋ-pɔ́-Yɛ́su yi tʉʉ, wɛcɔ́ pɔ́ nǔu ɡúŋ-pɔ́ ŋkẅɛpmɛ.

Mɑ́lɛ́kúshi 12:10

Ɛ́ lɑɑ mbɔɔ kʉ̈ɔ́ pɔ́, mbɔ pʉʉ kɑ fúŋ mɔ́ zʉꞋ-ŋwɑꞋnɛ-Sɛ́ yi ɛ́ cúnɛ ŋɡɔ: «ŊɡɔꞋ yí pɑpɔ́ɔndɑ́ kɑ mɛꞋnɛ kɑ tsʉ́Ꞌnɛ ŋɡɔꞋ yí ɛ́ piꞋnɛ ndɑ́.»

1 Pyɛ̂ 2:6

Pɛ́ kɑ ŋwɑꞋnɛ tsɛt ŋwɑꞋnɛ-Sɛ́ ŋɡɔ: Pʉʉ jʉ́ɔ, n tíi ŋɡɔꞋ-nɛlẅí-ndɑ́, ńnɔŋ tʉ́sɔŋ-Siɔŋ, ɛ́ pɔ́ ŋɡɔꞋ ŋ́ɡẅɛɛ shʉ́ ḿbɛn ḿbɔ́ tʉʉndɛn ḿbɔ́ yi ŋu lɑɑ ńzɑ́p tʉ́m nǔu wɛ́, sʉ́ʉ pɔɔ lɑ́Ꞌ ŋ́kɔ́ ŋɡɑŋ pɔ́.

2 Timɔtɛ́ɛ 3:16

Mbɑ kʉ̈ɔ́ lɑ́ pɛ́ ŋwɑꞋnɛ́nɛ tsɛt ŋwɑꞋnɛ-Sɛ́, ɛ́ fú pɔ ntsu-Sɛ́. Ŋ́kuꞋ nɛlɔk ńzíꞋ nu nɛ́nẅín mbɔ̌ pʉɔ, ŋ́kuꞋ nɛlɔk ńdʉꞋ nu yi ɛ́ kɑ́ pɔ́ nu pɔ́, ŋ́kuꞋ nɛlɔk ńcẅɛ́lɛ pʉɔ nɛcẅɛt tsɛt lɔ́Ꞌ yɔ́p, ḿbɛn ŋ́kuꞋ nɛlɔk ńtík pʉɔ pɑ́Ꞌ ḿbɔ́ pɔ́p ɡɛ yúu mi ɛ́ ndʉ́ŋndʉŋ mbi Sɛ́.

ŊwɑꞋnɛ-Gɑŋntúu Yɛ́su Kɛlístɔ 1:16

«Pɔ́ɔpɛ́mɑ́, ɛ́ ḿbɔ́ ḿbíkŋɛ ŋɡɔ yúu minɛ Zẅikŋɛ Lɛ́ɛnɛ́nɛ kɑ lɔknɛ ntsu-fɔɔ Ndɑvît ḿbʉ́, pɛ́ ŋwɑꞋnɛ tsɛt ŋwɑꞋnɛ-Sɛ́ puutɛ. Ɛ́ nu yí ɑ kɑ zɑ́Ꞌnɛ njí ńcú ntɛ́ Jẅidɑ ẅí jʉ́ kɛ́nɛ ńcẅɛt ńnyɛt ndúŋ lɑ pɛ́ ɡẅɛɛ Yɛ́su.»

Jɑ̂k 2:24

Pʉʉ lɔk ńjʉ́ɔ ŋɡɔ ɛ́ lɛɛ pɔ nǔu mɛfɑꞋ mi ŋu sɛ́ ɛ́fɑꞋ, lɑ Sɛ́ cú ŋɡɔ ŋɡɑŋ ndʉ́ŋndʉŋ mbi yɛ́, lɑ́ ɛ́ pɔɔ pɔ́ pɔ ndɑꞋ pɑ́Ꞌ ŋɡɑŋ zɑ́pnɛ tʉ́m yɛ́ nǔu Sɛ́ pɔ́.