Jɑ̂k 2:19 - Kɑɑ Fí

¹⁹ Ɔ sɛ́ ḿbɛ́m ŋɡɔ Sɛ́, wɛ́mɔ́Ꞌ, ɔ́ɔŋ ɛ́ pɔŋ, mɛzẅikŋɛ kɛpɔŋ pɛn ḿbɔ́ ḿbɛ́m yɔ́p pɔ pɔ́Ꞌɔ, lɑ́ ḿbɛn ḿbɔ́ ŋ́ɡwɛt.

Jɑ̂k 2:19 Referans Kwoze

Lúkɑ́shi 4:34

«Yɛ́su mɔ́ɔ-Nɑ̌zɑlɛt, pɛkŋɛ ɡẅɛɛ kʉ̈ɔ́? Ɔ kɑ fɑ́ɑ ńtɔ́ pɔ nɛpík wɛ́k? Mɔ sɛ́ ńjí, ɔ fú mbɔ̌ Sɛ́, ḿbɔ́ mɔ́ɔ nɛ.»

Mɑ́lɛ́kúshi 1:24

«Yɛ́su mɔ́ɔ-Nɑ̌zɑlɛt, pɛkŋɛ ɡẅɛɛ kʉ̈ɔ́? Ɔ kɑ fɑ́ɑ ńtɔ́ pɔ nɛpík wɛ́k? Mɔ sɛ́ ńjí wú. Ɔ fú nɛjɔ́ŋ Sɛ́.»

Mɑtʉ̈ɔ 8:29

Pɔ́p kíi ńcú mbɔ̌ Yɛ́su ŋɡɔ: «Ɔ lɔɔ nɛɡɛ ŋɡɔ́ku nǔu pɛk, mɔ́ɔ-Sɛ́? Ɔ kɑ tɔ́ zɑꞋnɛ pɔ nɛzɑ́Ꞌ njí ńníꞋ wɛ́k tsɛt ŋɡʉ̈ɔ́Ꞌ kɛkʉ̈ɔ́?»

ŊwɑꞋnɛ-Gɑŋntúu Yɛ́su Kɛlístɔ 16:17

A cʉ́ɔ nzʉʉ pɛk Pɔ̂l, ńnɛn ńcú nɛ́ tʉʉ ŋɡɔ: «Pʉɔ pɔnɛ ɡɑŋfɑꞋ mbɔ̌ Sɛ́ ẅi ɑ piꞋnɛ mbɑ kʉ̈ɔ́ lɑ́! Pɔ́p sɛ́ ɛ́sẅíi wʉ́ʉ pɑ́Ꞌ ɛ́ lɑɑ ḿbɔ́ pʉʉ nɛn pɔ́Ꞌɔ lɑ ńduk.»

Ŋɡɑlɑ̂t 3:20

Pɛ́ ɡɔ́ ŋ́kẅíi nɛnkɛ́m nǔu nu, ɛ́ lɔk ḿbɔ́ nu yi pɛɡɑŋ kɑ́ ɡẅɛɛ shʉ́ pɑ́Ꞌ nu ɡʉ ńcẅɛt ntsu-ŋu ŋ́kúu ntsu wɛcɔ́ pɔ́. Lɑ́ ɛ́ kɛ́ ŋ́ɡʉ nǔu nu yi Sɛ́ kɑ kɑꞋnɛ lɑ́, mbɔ kwɑꞋ jʉ́ kɑ tʉ́ʉnɛ ńcú.

ŊwɑꞋnɛ-Gɑŋntúu Yɛ́su Kɛlístɔ 19:15

Lɑ́, zẅikŋɛ kɛpɔŋ tsɔ́Ꞌ mbɔ̌ pɔ́p ŋɡɔ: «Mɔ sɛ́ ńjí Yɛ́su, ḿbɛn ḿbɔ́ ńjí ŋu ẅi Pɔ̂l jʉ́, ŋ́ɡʉ nǔu pʉʉ, pʉʉ zɛɛ ḿbɔ́ pɛ́ wɔ̌?»

Mɑ́lɛ́kúshi 5:7

ńdɔk ŋɡi tɛnnɛ ŋ́ɡíɛt ŋɡɔ: «Yɛ́su mɔ́ɔ-Sɛ́ ẅi ɑ piꞋnɛ mbɑ kʉ̈ɔ́ lɑ́, ɔ cẅɛ́ɛ kʉ̈ɔ́ mbɔ̌ mɔ? Sɛ́sẅíi, n dɔk lík-Sɛ́ ḿbuꞋ mbɔ́ mbɔ̌ wu ŋɡɔ, ɔ pɑ́ɑ nɛníꞋ wɑ́ɑ tsɛt ŋɡʉ̈ɔ́Ꞌ?»

1 Timɔtɛ́ɛ 2:5

Sɛ́ zɛɛ ḿbɔ́ pɔ wɛ́mɔ́Ꞌ. Nɛnkɛ́m pɔ́ pɔ wɛ́mɔ́Ꞌ tsɛtsɛt Sɛ́ pɔ́p pʉɔmɛsɔŋ. A Yɛ́su Kɛlístɔ, ḿbɔ́ yɛ́ ŋumɛsɔŋ.

Mɑ́lɛ́kúshi 12:29

Yɛ́su pʉ̈ɔt ŋɡɔ: «Nɛpʉ́ʉ ni ɛ́ piꞋnɛ mɛcɔ́, pʉ́ɔ: Pɑíslɑyɛ̂l, pʉʉ zúꞋ, Tsɑpʉɔ Sɛ́ wɛkŋɛ, jʉ́ zɛ́nɛjʉ́ pɔ́nɛ Tsɑpʉɔ.»

1 Kɔlɛ̂ŋtɛ 8:6

lɑ́ ɛ́ kɛ́ ḿbɔ́ mbɔ̌ pɛkŋɛ, tɑ́Ꞌ Sɛ́ wɛ́mɔ́Ꞌ pɔ́nɛ ɡú, ḿbɔ́ Tɑ̌ɑ ẅi kʉ̈ɔ́ lɑ́ fú pɔ mbɔ̌ wɛ́. Pɛkŋɛ pɛn ḿbɔ́ ɡú mbíꞋ pɔ wɛ́. Tɑ́Ꞌ Tsɑpʉɔ pɔ́nɛ ɡú, ḿbɔ́ Yɛ́su Kɛlístɔ, ẅi mbɑ kʉ̈ɔ́ lɑ́ ɡɔ́ ḿbɔ́ ɡú jʉ́ ɡɛnɛ. Pɛkŋɛ pɛn ŋ́ɡɔ ḿbɔ́ ɡú ńdúꞋnɛ pɔ wɛ́.

Pʉɔ-Lɔ́mɑ 3:30

MbíꞋŋɡɔ Sɛ́ pɔ́ pɔ wɛ́mɔ́Ꞌ. A líŋɛ pɑyúdɑ pi pɔ́p zɑ́pnɛ tʉ́m nǔu Yɛ́su, pɔ́p tsʉ́Ꞌ ḿbɔ́ mbi yɛ́ ḿbɔ́ pɔ ndʉ́ŋndʉŋ, jʉ́ pɛnnɛ ńdíŋɛ pʉɔ pinɛ pɔ́p kɑ́ pɔ́ pɑyúdɑ pɔ́, lɑ́ mbɔ pɔ́p zɑ́p tʉ́m nǔu Yɛ́su, pɔ́p tsʉ́Ꞌ ḿbɔ́ mbi yɛ́ ḿbɔ́ pɔ ndʉ́ŋndʉŋ.

Jɑ̂ŋ 17:3

Luk kɛ́ mɛ ɛ̂yɑ́, ɛ́ pɔ́ pɑ́Ꞌ pɔ́p ɡʉ ńjí wú, ɡu ẅí ɔ kwɑꞋ ndɑꞋ Sɛ́ wɛ nɛ́nẅín zɛ́nɛ ɡu, ḿbɛn ńjí ŋu ẅí ɔ kɑ túunɛ wɛ́, ɑ pɔ́ Yɛ́su Kɛlístɔ.

Jẅidɛ 1:6

Pʉʉ kẅíitɛ pɛcʉ̈ɔ́Ꞌ-Sɛ́ pi pɔ́p ŋkɑɑ kɔŋ nɛnɑ́ŋ zʉꞋ yi Sɛ́ kɑ tíknɛ wɔ́p zúꞋu pɔ́, ńnɑ́ zʉꞋ yi pɔ́p kɑ pɔ́nɛ. Pɔ́Ꞌɔ lɑ́ Sɛ́ cʉŋɛ nɛ́ mɛcɛ̂n tɛ ndɑꞋ zʉꞋ yi nzɛ́nzʉ́ʉ zúꞋu, pɔ́p zúꞋu ḿbɔ́ ńzẅíꞋlɛ lɛ́Ꞌ ɡwɛ́ yi ɑ ɡʉ ńdɑ́Ꞌ ńzɑ́Ꞌ mɛtsɑŋ.

Jɑ̂k 2:8

Ɛ́ tsʉ́Ꞌ yi pʉʉ ɡɛ pɔ́Ꞌɔ, mbɔ pʉʉ ńnɛn nǔu pɑ́Ꞌ nɛpʉ́ʉ nɛ ɡwɛ́ nǔu nu-nɛfɔɔ-Sɛ́ cúnɛ tsɛt ŋwɑꞋnɛ-Sɛ́, ɛ́ cú ŋɡɔ: «Kɔŋ mɔ́ɔmɑ́ wu ŋumɛsɔŋ pɑ́Ꞌ ɔ kɔŋ túmbʉʉ yú. Pʉʉ lɔk pɔ́Ꞌɔ, ŋ́ɡɛ sʉ́Ꞌnɛ.»

1 Kɔlɛ̂ŋtɛ 8:4

Ɛ́ kɛ́ ŋ́ɡʉ nǔu nu pfuꞋ-mbɑp yi pɛ́ ɡɑ́nɛ nǔu yúu mi pɛ́ ɡúꞋlɛ́nɛ ŋɡɔ ɛ́ mɛsɛ́, mbɔ pɛkŋɛ sɛ́ ńjí ŋɡɔ yɛcɔ́ yúu mi ɛ́ lɑɑ ḿbɔ́ pɛ́ ɡúꞋlɛ ŋɡɔ ɛ́ yɛcɔ́ sɛ́ kɑ́ pɔ́ ndǔmbí pɔ́. Pɛkŋɛ sɛ́ ńjí ŋɡɔ Sɛ́ pɔ́ pɔ wɛ́mɔ́Ꞌ.

Mɛnu ɛ́ ńdɑ́Ꞌ ńcẅɛt 20:10

Sɑ́ttɑ ẅí ɑ kɑ pɔ́ ɛ́fúklɛ wɔ́p lɑ́, pɛ́ tsʉ́ʉ wɛ́ ḿmɑꞋ tsɛt ɡʉ́ɔ múk ntʉʉ, nɛjɔ́ŋ ŋkʉꞋnɛ nɑɑ mbɑ nɛjɔ́ŋ ŋɡɛ́mndʉ̈ɔ́Ꞌ-Sɛ́ wɛ cɔtnu. Pɔ́p lɑ́Ꞌ ńtswɛ́ zúꞋu, ńjʉ́ɔ ŋɡʉ̈ɔ́Ꞌ ntɛ́ nɛ́ ntɛ́, nɛnɛm pɔ́p nɛtúꞋ, nǔu mɛŋɡuꞋ mɛŋɡuꞋ.

Jẅidɛ 1:4

N cú mbíꞋŋɡɔ pɛcɔ́ pʉɔ kɛpɔŋ sɔ́ ŋ́kúu tsɛtsɛt pʉʉ. Pɔ́p sɛ́ ɛ́shɔt shʉ́ lɔk ńzúꞋ nu yi pɔŋtʉ́m-Sɛ́ wɛkŋɛ lɔknɛ cú, ɛ́shɔt pɔ́Ꞌɔ, ńnɛn pɑ́Ꞌ pɔ́p kɔŋnɛ. Pɔ́p ɡɛ pɔ́Ꞌɔ ńdɔk ḿmuŋɛ Yɛ́su Kɛlístɔ ẅi ɑ ndɑꞋ Ndɛ wɛkŋɛ, ḿbɔ́ ndɑꞋ Tsɑpʉɔ wɛkŋɛ. Ntí ɡú pɑ́Ꞌ pɛ́ kɑ ŋwɑꞋnɛ́nɛ ntɛ́ ŋɡʉ̈ɔ́Ꞌ yi pɑtʉ́ʉ tú mbɔ̌ Sɛ́ lɔ ńjʉ́ɔ tsɛt ŋwɑꞋnɛ-Sɛ́, pîpɑ́ pʉɔ ńdɑ́Ꞌ ńjʉ́ɔ ɡúu.

Mɑ́lɛ́kúshi 7:9

Pʉʉ jí nɛmɛꞋ nɛpʉ́ʉ-Sɛ́, ńtsuŋ ŋ́ɡẅɛɛ pɔ nɔŋ-lɑ́Ꞌ wʉʉ sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 24:25

Pɔ̂l tɔ́ tɛ ńzɛ nɛkyɛ́Ꞌtɛ ntɛ́ yi ŋu lɑɑ ńdɔk ńnɑ́ŋ, mbɔ ŋɡɑŋ ɡʉ ḿbɔ́ ŋu ẅi ɑ ɡɛnɛ yúu mi ɛ́ ndʉ́ŋndʉŋ mík-Sɛ́, ḿbɔ́ ŋ́kyɛ́Ꞌtɛ mbɑ pɑ́Ꞌ ɛ́ lɑɑ ḿbɔ́ ŋu ɡẅɛɛ mbʉʉ yɛ pɔ́Ꞌɔ, ḿbɔ́ ŋ́kyɛ́Ꞌtɛ ɛ́sẅíi wɛ́ ŋɡɔ Sɛ́ ɡʉ ŋ́ɡɛ ŋ́ŋɑk pʉɔ tsʉʉ. Ŋɡɔ́mnɑɑ Fɛlɛshi zúꞋ pɔ́Ꞌɔ, ńtsʉ́Ꞌ ńcʉ̈ɔꞋ cʉɔꞋnɛ, ńcú mbɔ̌ Pɔ̂l ŋɡɔ: Ɛ́ nǔu ŋkɔ̂ɔnɛ, fú nɛjɔ́ŋ mɔ ŋ́ɡʉ. Ŋkɑ́ ɡʉ ḿbɛn ŋ́kuꞋ, lɑ́ m bɛn ńcú pɛ́ fúŋ wú ḿbɔ́ mɔ.