Jɑ̂k 1:14 - Kɑɑ Fí

¹⁴ Yɛ́ ntɛ́ nɛtsɑ́ɑ yúu tsʉ́ʉnɛ́nɛ wɛ́, ɑ vu nǔu ɡwɑk.

Jɑ̂k 1:14 Referans Kwoze

Ɛ́fɛ̂zɛ 4:22

mbɔ ɛ́ sɛ́ ḿbíkŋɛ ŋɡɔ pʉʉ cẅɛt nǔu ndwɛn mɑt ẅí pɛ́ kɑ lɔknɛ ḿbí wʉ́ʉ, ndʉ́ŋndʉŋ pɑ́Ꞌ ŋu ɛ́sɔt ndwɛn ndẅí nǔu wɛ́ ḿmɛꞋ lɑ́. Ẅîwɑ́ mɑt ɛ́ ẅí ɑ ḿbɔ́ ńdɛɛ nǔu mɛyúu kɛpɔŋ mi ɑ ḿbɔ́ ńtsɑ́ɑ, ŋ́kẅiꞋ ḿbʉ́k pʉ́knɛ. Mîmɑ́ mɛyúu kɛpɔŋ pɔ́ mi ɛ́ ɛ́fúklɛ́nɛ ŋu fúklɛ́nɛ.

Mɑtʉ̈ɔ 15:18

Lɑ́, yúu mi ɛ́ fúnɛ ntsu-ŋu ńcẅɛt, ɛ́ fú tsɛt tʉ́m yɛ́, yɛ́tɛ́ níꞋnɛ lɔ́Ꞌ nǔu ŋɡɑŋ.

Ɛ́bɛlʉʉ 3:13

Lɑ́, pʉʉ pɔ́ ńníꞋ mɛtʉʉ-mɛmbʉʉ mʉ́ʉ pʉʉ nɛ́ pʉʉ, pɔ́Ꞌɔ ńjí ŋɡɔ nu kɛpɔŋ kɛ́ ɡɛ ɛ́fúklɛ wɛcɔ́ ŋu wʉ́ʉ, tɛ tʉ́m yɛ́ tɛn, ɑ pɔɔ pɛn ńzúꞋ ŋɡi-Sɛ́ pɔ́ pɔ́. Pʉʉ ɡɛ pɔ́Ꞌɔ, lɛ́Ꞌ tsʉʉ, mbíꞋŋɡɔ yɔ lɛ́Ꞌ yi pɛ́ tsɛt ŋwɑꞋnɛ-Sɛ́ ɛ́fúŋ ŋɡɔ ɛ́ lɔ́Ꞌnɛ. Yɔ pɔ́nɛ lɛ́Ꞌ yi ḿbɔ́ pɛ́ zúꞋ ŋɡi-Sɛ́.

Pʉɔ-Lɔ́mɑ 7:13

Tɛ ɛ́ pɔ́Ꞌɔ pɑ́Ꞌnɛ ńdɔk ńcú ŋɡɔ yúu mi ɛ́ pɔŋnɛ tɔ́ nǔu mɔ ńtsʉ́Ꞌ pɔ nɛvú kíi? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Nu kɛpɔŋ kɑ ɡɛnɛ m pfú, nu kɛpɔŋ kɑ tsuŋ ńnyɛt ŋɡɔ ɛ́ kɑ́ pɔŋ. Ɛ́ kɑ lɛɛtɛ nǔu yúu mi ɛ́ pɔŋnɛ ńdɔk ŋ́ɡɛ m pfú, ńdɔk pɔ́Ꞌɔ, ńdɛɛ nǔu yúu mi Sɛ́ kɑ cúnɛ ŋɡɔ pɛ́ ɡɛ, ńcẅɛt kwɑꞋ mɑ́mɑ́ nu kɛpɔŋ.

Mɑtʉ̈ɔ 5:28

Lɑ́ n cú yɑ́ɑ mbɔ̌ pʉʉ ŋɡɔ: «Ŋu lɑɑ ńdíŋɛ mɑŋɡɛ́ ńtsɑ́ɑ ɑ jí ŋɡɔ ɛ́ tsɛt tʉ́m jʉ́ ŋu mbɛ́ɛnɛ, mbɔ ɑ ńdɑ́Ꞌmɔ́ ŋ́ɡɛ ɡɑ́ɑ.

Pʉɔ-Lɔ́mɑ 7:11

Ŋ kɑ zúꞋ nînɑ́ nɛpʉ́ʉ, nu kɛpɔŋ yi ɛ́ nǔu mɔ jʉ́ɔ shʉ́ ńdɔk nɛpʉ́ʉ ɛ̂nɑ́ ńdẅɑklɛ wɑ́ɑ, ŋ ɡɛ nu kɛpɔŋ, nu kɛpɔŋ lɛɛ nǔu ńjẅí wɑ́ɑ.

Mɑtʉ̈ɔ 15:20

Jʉ́ɔ yúu mi ɛ́ níꞋnɛ lɔ́Ꞌ nǔu ŋu, lɑ́ ḿbɔ́ yi ŋu lɑɑ ńjʉ́ yúu kɛ́ suk mbɔ́ pɑ́Ꞌ mɑt-lɑ́Ꞌ wɛkŋɛ sɛ́ ḿbíkŋɛ, ɛ́ pɔɔ níꞋ lɔ́Ꞌ nǔu wɛ́ pɔ́.

Mɑtʉ̈ɔ 4:1

Ɛ́ ɡɛ pɔ́Ꞌɔ Zẅikŋɛ-Sɛ́ fú zúꞋu, ńdɔk Yɛ́su ŋ́ɡʉ kɔ̂ŋtɛt, pɑ́Ꞌ Sɑ́ttɑ ɡʉ ŋ́kwɑꞋnɛ wɛ́.

Jɑ̂k 1:13

ŊkwɑꞋnɛ lɑɑ ŋ́kɛ́ ńtɔ́ nǔu ŋɡɑŋ, kɔɔ ɑ cú ŋɡɔ ŋkwɑꞋnɛ yɔ fú mbɔ̌ Sɛ́, mbíꞋŋɡɔ ɛ́ lɑɑ ḿbɔ́ Sɛ́ pɔɔ ɡẅɛɛ kwɑŋɛ nɛɡɛ nu kɛpɔŋ pɔ́, kwɑꞋ jʉ́ kɛ́ mbɔɔ tsʉ́ʉnɛ ŋu ŋɡɔ ɑ ɡɛ nu kɛpɔŋ pɔ́.

Jɑ̂k 1:15

Nɛtsɑ́ɑ yúu ɛ̂yɑ́ pɔ́ tɛ ŋ́ɡɑ́Ꞌ, ńcẅɛt nu kɛpɔŋ, nu kɛpɔŋ ɡɑ́Ꞌ ńtsʉ́Ꞌ nɛvú.