Ɛ́bɛlʉʉ 9:7 - Kɑɑ Fí

⁷ Lɑ́ ŋ́ɡʉ nǔu lûm wɛ tsɛtú, nɔŋpɔꞋ wɛ ɡwɛ́ zɛ́nɛ jʉ́ kúunɛ zúꞋu tɑ́Ꞌ ŋkɑ́ nǔu ŋɡuꞋlɑ́Ꞌ, ŋ́kɛ́ ḿbɔɔ ŋ́kúu zúꞋu kɛ́ ɡẅɛɛ mɛci mi ɑ lɔknɛ ńtɔ́ mbi Sɛ́ nɛnyɛt ntɛ́ mɛnu kɛpɔŋ mɛ́ ɡúu, mbɑ mɛ́ pɛcɔ́ pʉɔ pɔ́.

Ɛ́bɛlʉʉ 9:7 Referans Kwoze

Ɛ́bɛlʉʉ 7:27

A kɑ́ pɔ́ pɑ́Ꞌ pɛcɔ́ pɑnɔŋpɔꞋ pɛɡwɛ́ pi pɔ́p kɑ ɡẅɛɛnɛ nɛnɔŋ pɔꞋ lɛ́Ꞌ tsʉʉ pɔ́. Pɔ́p kɑ pɔ́ ḿbiitɛ ńnɔŋ pɔꞋ nǔu mɔ́p mɛnu kɛpɔŋ, lɑ ḿbɛn ńnɔŋ pɔꞋ nǔu mɛnu kɛpɔŋ pɛcɔ́ pʉɔ. A kɑ nɔŋ wɛ́ pɔꞋ pɔ tɑ́Ꞌ ŋkɑ́, ɛ́ pɔ́ pɑ́Ꞌ ɑ kɑ ɡɑ́nɛ túmbʉʉ yɛ́ nǔu tʉ́ mbɑ́ŋtɛ pɑ́ŋtɛ́nɛ, ɛ́ kuꞋ pɔ́Ꞌɔ.

Ɛ́bɛlʉʉ 10:3

Pɛ́ lɑɑ ńtsuŋ ńdíŋɛ sʉ́Ꞌnɛ, mbɔ yîyɑ́ ntɛ́ nɛnɔŋ pɔꞋ kɑ pɔ́ ŋ́ɡʉ ḿbɔ́ ŋɡuꞋ tsʉʉ ŋ́kẅíitɛ pʉɔmɛsɔŋ ŋɡɔ pɔ́p pʉɔ kɛpɔŋ.

Ɛ́fɛ̂zɛ 4:18

Mɛkwɑŋɛ mɔ́p pɔ́ pɔ mɛ́ tsɛt nzɛ́nzʉ́ʉ. Pɔ́p ɡʉ nǔu nɛnɑ́ŋ wɛ fí ẅi Sɛ́ sɛ́ ŋ́ɡɑ́, ḿbɔ́ pɔ pɛɡʉʉ, mbíꞋŋɡɔ pɔ́p kɑ́ jí sɛ̂ndúŋ-Sɛ́ pɔ́. Mbɔ tʉ́m yɔ́p kɑ sʉk mɔ́.

Ɛ́bɛlʉʉ 6:19

Nɛpɔ́ ẅi pɛkŋɛ sɛ́ ńzẅíꞋlɛ yúu pɔ mbɔ̌ Sɛ́ ɡɛ tʉ́m yɛkŋɛ pɔ́tnɛ ńnɑ́ŋ kɛ́ ɡwɛt. Pɛkŋɛ sɛ́ ńtsuŋ ńjí ŋɡɔ pɛkŋɛ ɡʉ ńdɑ́Ꞌ ɛ́sɔ́ nɛshẅɛ́lɛ́, ŋ́kúu zʉꞋ yi Sɛ́ zúꞋu.

Ɛ́bɛlʉʉ 9:3

Lûm wɛ tsɛtú ẅi ɑ nzʉʉ yúu ndẅí ɛ̂yɑ́ pɔ́ kwɑꞋ zʉꞋ-Sɛ́.