Ɛ́bɛlʉʉ 9:24 - Kɑɑ Fí

²⁴ Kɛlístɔ kɑ zɛɛ ḿbɔɔ kúu tsɛt zʉꞋ yi pɛ́ nɔŋnɛ pɔꞋ zúꞋu, ɛ́ pɔ́ yi pʉɔmɛsɔŋ kɑ lɔknɛ mbɔ́ mɔ́p ńniitɛ ńdɔk ɛ́fʉꞋ kwɑꞋ yîyɑ́ yi ɛ́ tʉ́nɛ́pú pɔ́. A kɑ kúu pɔ kwɑꞋ tʉ́nɛ́pú, lɑ́ ɑ ŋkɔ̂ɔnɛ ńdɔk yɛkŋɛ nu ḿbɔ́ nɛjɔ́ŋ Sɛ́.

Ɛ́bɛlʉʉ 9:24 Referans Kwoze

Ɛ́bɛlʉʉ 12:2

Pɛkŋɛ pɔ́ ńtík mík pɔ nǔu Yɛ́su ẅi ɑ kɑ zíꞋnɛ wɛkŋɛ nɛzɑ́p tʉ́m nǔu Sɛ́, jʉ́ pɔ́nɛ ŋu ẅi ɑ ɡʉ ńdɑ́Ꞌ ńníꞋ wɛkŋɛ nǔu mbɔ́ Sɛ́ pɔ tɑ́Ꞌ ŋkɑ́. A kɑ nɑ́ tsɑ́ɑtɛ yi ɛ́ kɑ pɔ́nɛ yɛ́, pɛ́ kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ ɑ sʉk sʉknɛ, ɑ pɔɔ lɔk sʉ́ʉ ẅi ɛ́ nǔu nɛpfú pɔ́Ꞌɔ ɛ́fúŋ yɛcɔ́ nu pɔ́. A ŋkɔ̂ɔnɛ ńnɑ́ŋ mbʉʉ kɔꞋ-nɛfɔɔ-Sɛ́, nǔu ɡúŋ pɔ́ yɛ́ yi tʉʉ.

Ɛ́bɛlʉʉ 9:23

Ɛ́ lɑɑ ḿbɔ́ yi ɛ́ kɑ pɔ́ ḿbíkŋɛ ŋɡɔ pɛ́ lɔk ntɛ́ yi pɛ́ lɛ́Ꞌlɛ́nɛ lɑ́, ńcẅɛɛtɛ lɔ́Ꞌ nǔu yúu mi pɛ́ kẅíinɛ, ɛ́ pɔ́ mi pɛ́ kɑ pɔ́ ńdɔk fʉꞋnɛ mi ɛ́ tʉ́nɛ́pú fʉꞋnɛ́nɛ, mbɔ ɛ́ ɡʉ nǔu kwɑꞋ mîmɑ́ mɛyúu mi ɛ́ tʉ́nɛ́pú, ɛ́ píkŋɛ ŋɡɔ pɛ́ nɔŋ pɔꞋ ẅí ɛ́ pɔŋnɛ ńdɛɛ ẅîwɑ́.

Ɛ́bɛlʉʉ 8:2

A sɛ́ ɛ́fɑꞋ fɑꞋ-NɔŋpɔꞋ wɛ ɡwɛ́ kwɑꞋ zʉꞋ yi Sɛ́ zúꞋu, tsɛt kwɑꞋ ntɑp-Sɛ́. Ẅîwɑ́ ntɑp pɔ́ ẅi Tsɑpʉɔ kɑ lɔknɛ kwɑꞋ mbɔ mɛ́ ńnʉk tɛ ŋumɛsɔŋ pɔɔnɛ nʉk.

Jɑ̂ŋ 16:28

Ŋ kɑ fú mbɔ̌ Tɑ̌ɑ mɔ, ńtɔ́ ndǔmbí, m bɛn ḿbɔ́ ŋkɔ̂ɔnɛ ḿbɔ́ ɛ́fú ndǔmbí ŋ́ɡʉ nɛtsɛ́t wɛ́.

Kɔlɔsíyɛ̂ŋ 3:2

Pʉʉ nɑ́ɑtɛ pɔ yúu mi ɛ́ tʉ́nɛ́pú, kɔɔ pʉʉ nɑ́ɑtɛ yi ɛ́ ndǔ tsɛ́tsɑ́Ꞌ.

Pʉɔ-Lɔ́mɑ 8:33

Mbɔ wɔ̌ fɛn pʉɔ pi Sɛ́ kɑ zɑ́Ꞌnɛ yɔ́p ntsɑŋ? Ŋɡɑŋ kɑ pɔ́ ɡú pɔ́, mbíꞋŋɡɔ Sɛ́ kɑ lɔknɛ wɔ́p ŋ́ɡɛ pʉɔ pi ɑ tsʉ́Ꞌ ńdíŋɛ wɔ́p pɔ́p pɔ́ pɔ ndʉ́ŋndʉŋ mbi yɛ́,

ŊwɑꞋnɛ-Gɑŋntúu Yɛ́su Kɛlístɔ 3:21

Ɛ́ nǔu ŋkɔ̂ɔnɛ Yɛ́su kɛ́ ŋ́ɡẅɛɛ pɔ nɛnɑ́ŋ tʉ́nɛ́pú. Tɛ ńdɑ́Ꞌ ŋ́kúu lɛ́Ꞌ yi Sɛ́ ɡʉ ńdɑ́Ꞌ ŋ́ɡɛ kʉ̈ɔ́ lɑ́ shɔtnɛ ńtsʉ́Ꞌ ḿbɔ́ pɔ yi fí. Pɑ́Ꞌ ɑ kɑ lɑ́Ꞌnɛ ńdɔk ntsu kwɑꞋ pɑcẅiŋkʉʉ pɛ́ pi ɑ kɑ tsɔ́Ꞌnɛ ńcú tɛ ntí sɑk.

Lúkɑ́shi 24:51

A pɔ́ ńníꞋ mbɔ́tnɛ nǔu pɔ́p pɔ́Ꞌɔ, ḿbɔ́ ŋ́kɔ́Ꞌ ŋ́ɡʉ nɛ́ tʉ́nɛ́pú.

Mɑ́lɛ́kúshi 16:19

Tsɑpʉɔ Yɛ́su kɑ cú mbɔ̌ pɔ́p tɛ ḿbɔ́tnɛ ńnɑ́ŋ, Sɛ́ ŋɑ́Ꞌ wɛ́ ńdɔk ŋ́kɔ́Ꞌ nɛ́ tʉ́nɛ́pú. A nɑ́ŋ nǔu ɡúŋ-pɔ́ yɛ́ yi tʉʉ.

Mɑ́lɛ́kúshi 14:58

A ɡʉ ńdɑ́Ꞌ ŋ́kɛm zʉꞋ-nɔŋpɔꞋ yí pʉɔmɛsɔŋ kɑ lɔknɛ mbɔ́ mɔ́p ŋ́kút, ńdɔk lɛ́Ꞌ pɛtɑ́t ŋ́kút wɛ ndɛꞋ, tɛ ɛ́ pɔɔ pɛn ḿbɔ́ yi pʉɔmɛsɔŋ lɔknɛ mbɔ́ mɔ́p ŋ́kút pɔ́.»

Mɛnu ɛ́ ńdɑ́Ꞌ ńcẅɛt 8:3

Wɛcɔ́ Cʉ̈ɔꞋ-Sɛ́ tɔ́ ńtʉ́ʉ mbʉʉ zʉꞋ yi pɛ́ tɔɔnɛ yúu jɑ́k zúꞋu, ŋ́ɡẅɛɛ yúu mi pɛ́ níꞋnɛ yúu jɑ́k tsɛtú ńtɔɔ. Ɛ́ pɔ́, mbɔ pɛ́ kɑ lɔk tʉ́n-ŋɡɔ̂l ńniitɛ. Pɛ́ ɡɑ́ lɑmɛ́ndɑɑ mbɔ̌ wɛ́ tɛ ɛ́ zɑ́ɑ zɑ́ɑnɛ pɑ́Ꞌ, ɑ ɡʉ tɛmtɛ mɛcɛꞋlɛ-pʉɔ-Sɛ́ nǔu, ńtɔɔ zʉꞋ yi pɛ́ nɔŋnɛ pɔꞋ zúꞋu, ŋ́ɡɑ́ mbɔ̌ Sɛ́. Yîyɑ́ zʉꞋ pɔ́, mbɔ pɛ́ kɑ lɔk tʉ́n-ŋɡɔ̂l ńniitɛ. Ɛ́ pɔ́ mbi kɔꞋ-nɛfɔɔ.

1 Pyɛ̂ 3:22

A kɑ kɔ́Ꞌ nɛ́ tʉ́nɛ́pú, ńnɑ́ŋ nǔu ɡúŋ pɔ́-Sɛ́ yi tʉʉ. A ŋkɔ̂ɔnɛ ḿbɔ́ ɛ́sɑ́Ꞌ pɛcʉ̈ɔ́Ꞌ-Sɛ́ tsʉʉ, ḿbɔ́ ɛ́sɑ́Ꞌ kʉ̈ɔ́ lɑ́ yi ɛ́ sɑ́Ꞌnɛ mbí, ɛ́sɑ́Ꞌ mɛtʉʉ tsʉʉ mi ɛ́ tʉ́.

Ɛ́bɛlʉʉ 9:9

Ɛ́ mbɔ̌ pɛkŋɛ nǔu ŋkɔ̂ɔnɛ ḿbɔ́ lii yi pɛ́ lɔknɛ nyɛt wɛkŋɛ nɛ nu. Yîyɑ́ nu pɔ́ ŋɡɔ: Yúu mi pɛ́ ɡɑ́nɛ mbɔ̌ Sɛ́ pɔ́p pɔꞋ ẅi pɛ́ nɔŋnɛ mbi yɛ́, ḿbɔ́ ɛ́ pɔɔ ɡɛ tɛ tʉ́m-ŋu ẅí ɑ ɡúꞋlɛ́nɛ Sɛ́ nǔu yîyɑ́ ntɛ́, kɛ́ ḿbɛ́t ḿbɔ́ ŋ́ŋɑk wɛ́ ŋɑknɛ pɔ́.

Ɛ́bɛlʉʉ 8:5

FɑꞋ yi pîpɑ́ pɑnɔŋpɔꞋ fɑꞋnɛ, ɛ́ lɔk ḿbɔ́ pɔ fʉꞋ, ńdɔk ḿbɔ́ pɔ jʉ́jʉ́ŋ nǔu kwɑꞋ nu yi ɛ́ tʉ́nɛ́pú. Ɛ́ lɔk pɔ́Ꞌɔ, ḿbɔ́ pɑ́Ꞌ Sɛ́ kɑ nyɛtnɛ Mɔ̌sɛ̂ɛ pɑ́Ꞌ ɑ ɡʉ ŋ́ɡɛ ŋkɑ́ yi ɑ kɑ pɔ́ ŋ́ɡʉ nʉk ntɑp-Sɛ́, Sɛ́ kɑ cú mbɔ̌ wɛ́ ŋɡɔ: «Lʉŋtɛ pɔ nǔu yi ŋ kɑ nyɛtnɛ wú ndǔ nɛŋkɔ́Ꞌ lɑ́».

Ɛ́bɛlʉʉ 6:20

MbíꞋŋɡɔ Yɛ́su kɑ piitɛ ŋ́kúu zúꞋu mbíꞋ wɛkŋɛ. A pɛn ḿbɔ́ zúꞋu ŋkɔ̂ɔnɛ, ḿbɔ́ NɔŋpɔꞋ wɛkŋɛ wɛ ɡwɛ́, nǔu mɛŋɡuꞋ mɛŋɡuꞋ, nǔu ntɛ́ yɛ́ Mɛlkisɛdɛk.

Ɛ́bɛlʉʉ 1:3

Pɛ́ fú pɔ nǔu mɔ́ɔ wɔ lɑ ńjʉ́ɔ pɑ́Ꞌ nɛɡúꞋ Sɛ́ kɛ́ ndẅiklɛ pɔ́Ꞌɔ. Ɛ́ lɑɑ ḿbɔ́ yi Sɛ́ ŋɡɔ́ku ɔɔ, mbɔ mɔ́ɔ nɛ pɛn ḿbɔ́ yɛ́ pɔ kwɑꞋ pɔ́Ꞌɔ. A jʉ́ ẅi ɑ lɔk pɔ mɛtʉʉ mi ɛ́ nǔu sẅiŋɛ yɛ́, ńtɔ́ɔtɛ mbɑ kʉ̈ɔ́lɑ́ yi ɛ́ ndǔmbí tsʉʉ. A kɑ pɔ́ tɛ ŋ́ɡɛ yúu mi Sɛ́ sɛ́ ɛ́fú nǔu ńdikŋɛ mɛnu kɛpɔŋ pʉɔmɛsɔŋ tɛ ɛ́ ḿmɛ, ŋ́ɡʉ nɛ́ tʉ́nɛ́pú, ńnɑ́ŋ nǔu ɡúŋ-pɔ́-Sɛ́ yi tʉʉ, jʉ́ Sɛ́ ẅí ɑ sɑ́Ꞌnɛ mbɑ kʉ̈ɔ́lɑ́.

Jɑ̂ŋ 6:62

Lɑ́ pʉʉ lɑɑ ŋ́ɡɔ ńjʉ́ɔ Mɔ́ɔ-Ŋu pɛn ŋ́kɔ́Ꞌ ŋ́ɡʉ nɛ́ zʉꞋ yí ɑ kɑ zɛɛnɛ ḿbɔ́ zúꞋu, pʉʉ ɡɛ pɔ ŋɡɔ́ku?

Mɑtʉ̈ɔ 18:10

Pʉʉ lɑk tú yʉ́ʉ nɛɡwɑ́k wɛcɔ́ tɑ́Ꞌ nǔu ɡɛ́ɡɛ́ mbɔ́ŋkʉ̈ɔ́ pɔnɛ. Jínɛ ŋɡɔ, pɛcʉ̈ɔ́Ꞌ-Sɛ́ pínɛ pɔ́p líŋɛ́nɛ wɔ́p tʉ́ʉ mbi Sɛ́ túnɛpú ŋkɑ́ tsʉʉ. [

2 Kɔlɛ̂ŋtɛ 5:1

Pɛk zɛɛ ḿbɔ́ ńjí ŋɡɔ ntɑp wɔ ẅi pɛkŋɛ tsɛtú, ɛ́ pɔ́ mbʉʉ yɛkŋɛ lɑɑnɛ, ɛ́ lɑɑ ńzɛɛ ḿbɔ́ yɛcɔ́ lɛ́Ꞌ ŋ́kɛmɛ kɛmɛ́nɛ, mbɔ pɛkŋɛ ɡẅɛɛ ndɑ́ tʉ́nɛ́pú, ɛ́ pɔ́ yi ɛ́ ɡʉ ńdɑ́Ꞌ ḿbɔ́ pɔ ɡú. Pʉɔmɛ́sɔŋ ŋkɑɑnɛ pɔ́ɔ, Sɛ́ kɑ pɔ́ɔnɛ.

Ɛ́bɛlʉʉ 4:14

Pɑ́Ꞌ pɛkŋɛ ɡẅɛɛnɛ tɑ́Ꞌ NɔŋpɔꞋ wɛ ɡwɛ́ ẅí ɑ kwɑꞋ ẅîwɑ́ lɑ́, ẅi ɑ kɑ ɡʉnɛ tɛ ŋ́kúu nɛjɔ́ŋ Sɛ́ ntɛ́ wɛkŋɛ lɑ́, ɑ pɔ́ Yɛ́su, ḿbɔ́ mɔ́ɔ-Sɛ́ lɑ́, pɛkŋɛ kúꞋlɛ nu yi pɛ́ kɑ sẅíinɛ wɛkŋɛ, pɛkŋɛ zɑ́p tʉ́m nǔu, ḿbɛn ḿbɔ́ ɛ́sẅíi yîyɑ́ nu mbɔ̌ pɛcɔ́ pʉɔ.

Ɛ́bɛlʉʉ 9:1

Nduŋmbi kɑɑ kɑ ɡẅɛɛ yɛ́ ntɛ́ mɛndɛndɑ́k yi pɛ́ kɑ pɔ́ ńnɛn nǔu lɑ ńnɔŋ pɔꞋ. Pɛ́ kɑ pɛn ŋ́ɡẅɛɛ zʉꞋ yi pɛ́ nɔŋnɛ pɔꞋ-Sɛ́ zúꞋu, ɛ́ pɔ́ pɔ ndǔ tsɛ́tsɑ́Ꞌ.