Ɛ́bɛlʉʉ 9:19 - Kɑɑ Fí

¹⁹ Mɔ̌sɛ̂ɛ kɑ fúŋnɛ mbʉ́ʉ mi Sɛ́ kɑ cúnɛ ɑ ŋwɑꞋnɛ tsɛt ŋwɑꞋnɛ-nɛpʉ́ʉ, ɛ́fúŋ mbi lɑ́Ꞌ tsʉʉ tɛ mîmɑ́ mbʉ́ʉ ḿmɛ, ɑ tíi mɛci pɔ́ɔ-fɔŋ, ńtɛmtɛ nǔu mɛ́ pʉ̈ɔp, ńníꞋ ŋki nǔu, ḿbɛ́ɛ tsɑ́ŋ nɛɡíi ni pɛ́ fúŋnɛ ŋɡɔ nɛsɔt, ŋ́kɑ́tɛ mɛnuk-njinjɔ mi ɛ́ pɑŋ pɑŋnɛ nǔu tú, ńcʉ̈ɔꞋ nǔu, ńzɑt nǔu kwɑꞋ ŋwɑꞋnɛ, ḿbɛn ńzɑt nǔu pʉɔtsʉʉ, ḿbɔ́ ńzɑt ḿbɔ́ ńcú ŋɡɔ:

Ɛ́bɛlʉʉ 9:19 Referans Kwoze

Ɛ́bɛlʉʉ 9:12

Kɛlístɔ kɑ kúu kwɑꞋ tsɛt zʉꞋ yi Sɛ́ zúꞋu. A kɑ kúu pɔ tɑ́Ꞌ ŋkɑ́ ɛ́ kuꞋ. A kɑ ɡɔ́ ŋ́kúu, mbɔɔ ɡẅɛɛ mɛci pʉ̈ɔp, kɛ mɛ́ pɔ́ɔ-fɔŋ nɛnyɛt mbɔ̌ Sɛ́ pɔ́. A kɑ lɔk pɔ kwɑꞋ mɛci mɛ́ ŋ́kúu. Yɔ pɑ́Ꞌ ɑ kɑ cẅɛɛtɛ́nɛ wɛkŋɛ ndɑ́tsɑ́ŋ pɔ́Ꞌɔ, tɑꞋ ŋkɑ́.

Ɛ́bɛlʉʉ 10:4

MbíꞋŋɡɔ yɛcɔ́ luk yí ḿbɔ́ mɛci pɛlúu-pɛfɔŋ mbɑ mɛ́ pɛkɛkɔm fú nǔu ŋumɛsɔŋ ńjɛ́p mɛnu kɛpɔŋ mɛ́ ɡú pɔ́.

1 Pyɛ̂ 1:2

Sɛ́ Tɑ́t kɑ tsɔ́Ꞌ wʉ́ʉ, ɛ́ pɔ́ pɑ́Ꞌ ɑ kɑ lɑ́Ꞌnɛ ńzɑ́Ꞌ njí ńzɑ́p, ḿbɛn ńdɛɛ nǔu Zẅikŋɛ yɛ́ ŋ́ɡɛ pʉʉ tsʉ́Ꞌ pʉɔ pɛ́, nɛpɔ́ yi pʉʉ ɡʉ ńzúꞋ ntsu-Yɛ́su Kɛlístɔ, ɑ lɔk mɛci mɛ́ ɛ́suk wʉ́ʉ. Sɛ́ pɔ́ mbɔ̌ pʉʉ, ŋ́ɡɑ́ mɔ́fíitɛ mbɔ̌ pʉʉ tɛ ɛ́ zɑ́ɑ zɑ́ɑnɛ.

Jɑ̂ŋ 19:5

Yɛ́su ɡɔ́ ńcẅɛt, ńtɔꞋ cɔꞋ-mɛnzɔ́ŋ, ḿmɑꞋ pɑŋ ndẅí. Pilɑ́tɔ cú mbɔ̌ pɛkɛ́m-Pɑyúdɑ ŋɡɔ: Ŋu wɑ́ pʉ́ɔlɑ́.

Jɑ̂ŋ 19:2

Pɑlʉ̈ɔ́Ꞌntsɔ lɔk mɛnzɔ́ŋ ḿbɑ́Ꞌ cɔꞋ-nɛfɔɔ, ɛ́sɔ tú-Yɛ́su, ḿbɛ́ɛ pɛpɑŋ ndẅí ḿmɑꞋ nǔu wɛ́.

Mɑ́lɛ́kúshi 15:20

Pɔ́p zɔɔtɛ wɛ́ tɛ ŋ́kɑɑ, ɛ́fú nǔu wɛ́ ɛ́sɔt ndẅí-nɛfɔɔ, ḿmɑꞋ kwɑꞋ mɛ́ mɛndẅí nǔu wɛ́, ńdɔk wɛ́ ɛ́fú zúꞋu ńcẅɛt ŋ́ɡʉ. Nɛɡʉ ŋ́kẅii wɛ́ nǔu tʉ́ mbɑ́ŋtɛ pɑ́ŋtɛ́nɛ.

Mɑ́lɛ́kúshi 15:17

Pɔ́p mɑꞋ ndẅí-nɛfɔɔ nǔu Yɛ́su, ḿbɛn ńdɔk mɛnzɔ́ŋ ḿbɑ́Ꞌ cɔꞋ, ɛ́sɔ tú yɛ́ ŋɡɔ ɑ fɔɔ,

Mɑtʉ̈ɔ 27:28

ńtɛmtɛ ɛ́sɔt mɛndẅí mɛ́, ńtsʉ́Ꞌ ḿmɑꞋ pɔ ndẅí-nɛfɔɔ nǔu wɛ́,

Ɛ́bɛlʉʉ 12:24

Pʉʉ kɑ kẅɛ́Ꞌlɛ mbʉʉ yʉʉ ńtɔ́ nɛ́ nɛjɔ́ŋ Yɛ́su ẅí ɑ kɑ tswɛt mɛci mɛ́ nɛlɔk ɛ́suk lɔ́Ꞌ nǔu pɛkŋɛ, ɑ nɛnkɛ́m nǔu kɑɑ yi ɛ́ yi fí, mɛci mɛ́ ɡẅɛɛ nu yi ɛ́ cú mbɔ̌ pɛkŋɛ, ɛ́ cúnɛ ńdɛɛ nu yi mɛci Ábɛɛ cúnɛ.

Ɛ́bɛlʉʉ 1:1

Ɛ́ kɑ pɔ́ yɛcɔ́ ŋkɑ́, Sɛ́ cú nu mbɔ̌ pɛmɑ̂ɑŋɡɑpnjẅɛt pɛkŋɛ, nǔu mɛku tɛ ńzɑ́ɑ, mbɑ nǔu mɛntɛ́ tɛ ńzɑ́ɑ. Pɔ́Ꞌɔ, ńdɛɛ nǔu pɑcẅiŋkʉʉ pɛ́.

Ɛ́bɛlʉʉ 9:13

Ɛ́ kɑ pɔ́ yɛcɔ́ ŋkɑ́, pɛ́ tswɛt mɛci pʉ̈ɔp, kɛ mɛ́ pɛlúu-pɛfɔŋ ɔɔ, kɛ pfú yi ɛ́ fúnɛ nǔu mɔ́ɔ-fɔŋ ẅí pɛ́ tɔɔnɛ ɔɔ, ńtsẅɛtɛ mîmɑ́ mɛyúu nǔu pʉɔ pi ntsɛ́llɛ́ nu kɛpɔŋ nǔu pɔ́p, ɛ́ ɡɛ lɔ́Ꞌ mɛ nǔu mbʉʉ yɔp tɛ pɔ́p kuꞋ nɛpɛn ŋ́ɡúꞋlɛ Sɛ́.

Ɛ́bɛlʉʉ 9:18

Ɛ́ yúu yi ɛ́ kɑ ɡɛnɛ pɛ́ pɔɔ ńnɔŋ mbɑ nduŋmbi kɑɑ kɛ́ tswɛt mɛci pɔ́.

Ɛ́bɛlʉʉ 10:22

Pɔ́Ꞌɔ lɑ́, pɛkŋɛ pɔ́ kẅɛ́Ꞌlɛ mbʉʉ nɛ́ nɛjɔ́ŋ Sɛ́, ŋ́ɡẅɛɛ tʉ́m ẅi ɛ́ nɛ́nẅín, ḿbɛn ńzɑ́p tʉ́m nǔu Sɛ́ kwɑꞋ sʉ́Ꞌnɛ, mbíꞋŋɡɔ Yɛ́su kɑ lɔk mɛci mɛ́ ɛ́suk tʉ́m yɛkŋɛ tɛ ɛ́ pɔɔ ḿbɛn ḿbɔ́ ŋ́ŋɑk wɛkŋɛ pɔ́, ɑ kɑ lɔk ŋki ẅi ɛ́ sɛ́ ńdɛ́ɛnɛ ɛ́suk mbʉʉ yɛkŋɛ.