Ɛ́bɛlʉʉ 7:9 - Kɑɑ Fí

⁹ Ɛ́ lɑɑ ḿbɔ́ pɛkŋɛ cú ŋɡɔ pʉɔ-Lɛ́vi pi pɔ́p cẅɛ́ɛnɛ tɑ́Ꞌ nji, nǔu nji nɛɡɛ́m, kɑ ɡɑ́ yɔ́p tɑ́Ꞌ nji nǔu nji nɛɡɛ́m mbɔ̌ Mɛlkisɛdɛk, pɔ́Ꞌɔ ńdɛɛ nǔu Ábɛlɛhɑ̂m.

Ɛ́bɛlʉʉ 7:9 Referans Kwoze

Pʉɔ-Lɔ́mɑ 5:12

Nu kɛpɔŋ kɑ ɡɔ́ kúu ndǔmbí, ńdɛɛ pɔ nǔu tɑ́Ꞌ ŋumɛsɔŋ wɛ́mɔ́Ꞌ, ẅi ɑ kɑ fɑɑnɛ́nɛ nu, lík yɛ́ pɔ́ ŋɡɔ Ádɑm. Nu kɛpɔŋ kɑ lɔk nɛvú ńtɔ́. Nɛvú kúu nǔu njẅɛt-ŋumɛsɔŋ tsʉʉ, mbíꞋŋɡɔ pʉɔ pɛtsʉʉ kɑ pɔ́ pɔ́Ꞌɔ, ńdɔk ɛ́fɑɑnɛ nu.

Ɛ́bɛlʉʉ 7:4

Pʉʉ jʉ́ɔ pɑ́Ꞌ Mɛlkisɛdɛk lɔknɛ ḿbɔ́ mɑ́mɑ́ ŋu pɔ́Ꞌɔ, jʉ́ ẅí Ábɛlɛhɑ̂m, mɑ̂ɑŋɡɑpnjẅɛt-Pɑíslɑyɛ̂l, kɑ lɔknɛ yúu ɛ́fú ntsɔ, ŋ́ɡɑp nji nɛɡɛ́m, ŋ́ɡɑ́ tɑ́Ꞌ nji mbɔ̌ wɛ́.

Mɑtʉ̈ɔ 7:8

Jínɛ ŋɡɔ ŋu lɑɑ ńdɔ́ɔ yúu, mbɔ pɛ́ ɡʉ ŋ́ɡɑ́ mbɔ̌ wɛ́, ńdɔɔ, mbɔ ɑ ɡʉ ńjʉ́ɔ, ḿbɛn ḿbúꞋtɛ ntsundɑ́, mbɔ pɛ́ ɡʉ ńtsɔ́Ꞌ ŋ́ɡɑ́ mbɔ̌ wɛ́.

Ɛ́bɛlʉʉ 7:8

PɑnɔŋpɔꞋ pi pɔ́p lɔknɛ ḿbɔ́ njẅɛt-Lɛ́vi, pi pɔ́p cẅɛ́ɛnɛ tɑ́Ꞌ nji nǔu yúu nji nɛɡɛ́m, pɔ́p pʉɔ pi pɔ́p nɑ́ŋnɛ ḿpfútɛ. Lɑ́ ŋ́ɡʉ nǔu Mɛlkisɛdɛk ẅí ɑ kɑ cẅɛ́ɛnɛ tɑ́Ꞌ nji nǔu nji nɛɡɛ́m, ɑ ŋu ẅí ɑ ḿbɔ́ pɔ ɡú, pɑ́Ꞌ ŋwɑꞋnɛ-Sɛ́ sɛ́ ɛ́sẅíi wɛkŋɛ pɔ́Ꞌɔ.

Ɛ́bɛlʉʉ 7:10

MbíꞋŋɡɔ ɛ́ kɑ pɔ́ lɛ́Ꞌ yi Mɛlkisɛdɛk kɑ ɡʉnɛ ńzɑ́Ꞌ Ábɛlɛhɑ̂m, Lɛ́vi pɔ́ yɛ́ sɛ́, ńdɛɛ nǔu pɑ́Ꞌ ɑ kɑ pɔ́nɛ nɛpɛm-Ábɛlɛhɑ̂m, ŋɡɑpnjẅɛt wɔp.