Ɛ́bɛlʉʉ 3:7 - Kɑɑ Fí

⁷ Ɛ́ yúu mi ɛ́ ɡɛnɛ Zẅikŋɛ Lɛ́ɛnɛ́nɛ cú ŋɡɔ: Pʉʉ lɑɑ ńzúꞋ ŋɡi-Sɛ́ lɔ́Ꞌnɛ

Ɛ́bɛlʉʉ 3:7 Referans Kwoze

Ɛ́bɛlʉʉ 3:15

Pɑ́Ꞌ ŋwɑꞋnɛ-Sɛ́ cúnɛ ŋɡɔ: Pʉʉ lɑɑ ńzúꞋ ŋɡi-Sɛ́ lɔ́Ꞌnɛ, kɔɔ pʉʉ zʉʉnɛ mɛtúutɛ mʉ́ʉ pɑ́Ꞌ pʉʉ kɑ zʉʉnɛ́nɛ nǔu lɛ́Ꞌ yi pʉʉ kɑ pɔ́ ńtʉʉ tú mbɔ̌ wɛ́ lɑ́.

Mɛnu ɛ́ ńdɑ́Ꞌ ńcẅɛt 3:20

M bʉ́ɔ, mbɔ n tɔ́ ńtʉ́ʉ ḿbɔ́ ḿbúꞋtɛ ntsundɑ́, ḿbɔ́ yi ŋu lɑɑ ńzúꞋ ŋɡi yɑɑ, ńtsɔ́Ꞌ ntsundɑ́, mbɔ mɔ ŋ́kúu ndɑ́-ŋɡɑŋ, ńnɑ́ŋ sɛ́ pɛk ŋɡɑŋ tɛmtɛ nɛ́ tɑ́Ꞌ tʉ́m ŋ́kwɛ́t yúu.

Ɛ́bɛlʉʉ 4:7

Ɛ́ lɛɛ pɔ́Ꞌɔ, Sɛ́ pɛn ńzɑ́p yɛcɔ́ lɛ́Ꞌ yi fí ɛ́ pɔ́ ŋɡɔ: Ɛ́ pɔ́ pɔ lɔ́Ꞌnɛ. Mbɔ yîyɑ́ nu kɑ lɛɛ mɔ́, ɑ kɑ lɔk ntsu-fɔɔ Ndɑvît ńcú yúu mi pɛkŋɛ ńdɑ́Ꞌmɔ́ ńcú ŋɡɔ: Pʉʉ lɑɑ ńzúꞋ ŋɡi-Sɛ́ lɔ́Ꞌnɛ kɔɔ pʉʉ zʉʉnɛ mɛtúutɛ mʉ́ʉ.

Jɑ̂ŋ 10:27

Mɛnjinjɔ mɑ́ɑ zúꞋ ŋɡi yɑɑ. N jí wɔ́p, pɔ́p cʉ́ɔ nzʉʉ mɔ.

Ɛ́bɛlʉʉ 3:13

Lɑ́, pʉʉ pɔ́ ńníꞋ mɛtʉʉ-mɛmbʉʉ mʉ́ʉ pʉʉ nɛ́ pʉʉ, pɔ́Ꞌɔ ńjí ŋɡɔ nu kɛpɔŋ kɛ́ ɡɛ ɛ́fúklɛ wɛcɔ́ ŋu wʉ́ʉ, tɛ tʉ́m yɛ́ tɛn, ɑ pɔɔ pɛn ńzúꞋ ŋɡi-Sɛ́ pɔ́ pɔ́. Pʉʉ ɡɛ pɔ́Ꞌɔ, lɛ́Ꞌ tsʉʉ, mbíꞋŋɡɔ yɔ lɛ́Ꞌ yi pɛ́ tsɛt ŋwɑꞋnɛ-Sɛ́ ɛ́fúŋ ŋɡɔ ɛ́ lɔ́Ꞌnɛ. Yɔ pɔ́nɛ lɛ́Ꞌ yi ḿbɔ́ pɛ́ zúꞋ ŋɡi-Sɛ́.

Mɑtʉ̈ɔ 17:5

A pɛ́t ńcú cúnɛ, yɛcɔ́ lɑ́ɑ, yi ɛ́ ŋwɑŋɛ ŋwɑŋɛ́nɛ ńcúŋ ŋ́kẅíipɛ wɔ́p, ŋɡi-ŋu fú tsɛtú ńcú ŋɡɔ: «Yɔ Mɔ́ɔ wɑɑ, ŋ kɔŋ wɛ́ tɛꞋ, ɑ yɑ́ɑ tsɑ́ɑtɛ, pʉʉ zúꞋ ntsu wɛ́.»

Jɑ̂ŋ 10:3

Ŋu ẅí ɑ pyɛ́pnɛ ntsuŋkɑ́Ꞌ, ɑ tsɔ́Ꞌ ntsuŋkɑ́Ꞌ, mɛnjinjɔzúꞋ ŋɡi-mbyɛ́p mbí. A lɔk mɛlík mɔ́p ɛ́fúŋ wɔ́p, ńdɔk wɔ́p ńcẅɛt.

Jɑ̂ŋ 5:25

Lɑ́ ɛ sẅíi wʉ́ʉ, kwɑꞋ nɛ́nẅín, ŋkɑ́ sɛ́ ŋ́kuꞋ, ɛ́ zɛɛ mɔ́ ńdɑ́Ꞌ ŋ́kuꞋ, pɑ́Ꞌ pɛpfúsɛ́ ɡʉ ńzúꞋ ŋɡi mɔ́ɔ-Sɛ́, pʉɔ pí pɔ́p zúꞋnɛ yîyɑ́ ŋɡi luk.

Jɑ̂ŋ 10:16

M bɛn ŋ́ɡẅɛɛ mɛcɔ́ mɛnjinjɔ mí pɔ́p kɑ́ pɔ́ tsɛt ŋkɑ́Ꞌ wɔ pɔ́. Ɛ́ pɔ́ ḿbíkŋɛ ŋɡɔ ŋ ɡʉ ńdɔk wɔ́p ńtɔ́. Pɔ́p ɡúu ɡʉ ŋ́ɡɛ ńzúꞋ ŋɡi yɑɑ, ɛ́ lɛɛ pɔ́Ꞌɔ, kɑt-njinjɔ pɔ́ wɛ́mɔ́Ꞌ, mbyɛ́p pɔ́ wɛ́mɔ́Ꞌ.

2 Pyɛ̂ 1:21

mbíꞋŋɡɔ mbɑ kʉ̈ɔ́ lɑ́ yi pɑcẅiŋkʉʉ-Sɛ́ kɑ cúnɛ, pɔ́p kɑ pɔ́ ŋ́ɡɔ ńcú, ɛ́ pɔɔ ɛ́fú nǔu jínu-ŋumɛsɔŋ pɔ́. Pɔ́p kɑ ɡɔ́ ḿbɔ́ ńcú nu yi Sɛ́ sɛ́ ŋ́kɔŋ ŋɡɔ ḿbɔ́ ńcú, Zẅikŋɛ Lɛ́ɛnɛ́nɛ tsʉ́ʉnɛ́nɛ wɔ́p lɑ pɔ́p cú.

Ɛ́bɛlʉʉ 9:8

Zẅikŋɛ Lɛ́ɛnɛ́nɛ kɑ pɔ́ ńdɔk pɔ́Ꞌɔ, nyɛt ŋɡɔ wɔ nduŋmbi ntɑp lɑɑ ŋ́kɛ́ ńdɑ́Ꞌ ḿbɛ́t ḿbɔ́ pɔ ɡú, mbɔ sɛ̂ndúŋ nɛtɔ́k tɛ ŋ́kúu nǔu kwɑꞋ zʉꞋ yi Sɛ́ zúꞋu, kɛ́ tsɔ́Ꞌnɛ pɔ́.

Mɑtʉ̈ɔ 22:43

Yɛ́su píkŋɛ ŋɡɔ: «Ɛ́ pɛn ŋ́ɡɛ pɑ́Ꞌɑ, mbɔ Zẅikŋɛ Lɛ́ɛnɛ́nɛ kɑ jʉ́ fɔɔ Ndɑvît ɑ fúŋ Nzɑ́Ꞌŋkʉ ŋɡɔ Ndɛ,»

ŊwɑꞋnɛ-Gɑŋntúu Yɛ́su Kɛlístɔ 28:25

Pɔ́p tsʉ́Ꞌ nɛɡʉ, mbɔɔ pɛn ɛ́sẅíŋɛ ńzúꞋnɛ pɔ́. Pɔ̂l tsʉ́Ꞌ ńcú mbɔ̌ pɔ́p pɔ ŋɡɔ: «Zẅikŋɛ-Sɛ́ kɑ pɔ́ ńcú sẅíinu. A kɑ lɔk ntsu-Ŋɡɛ́mdʉ̈ɔ́Ꞌ-Sɛ́ Ɛsɑ̌yɑ ńcú mbɔ̌ pɛtɑ́t pʉʉ ŋɡɔ:

Mɑ́lɛ́kúshi 12:36

Mɔ sɛ́ ńjí ŋɡɔ: Zẅikŋɛ-Sɛ́ kɑ tsʉ́ʉnɛ fɔɔ Ndɑvît, kwɑꞋ jʉ́ nɛ́ túmbʉʉ yɛ́ cú ŋɡɔ: «Tsɑpʉɔ Sɛ́ cú mbɔ̌ wɑɑ Tsɑpʉɔ ŋɡɔ: Tɔ́ ńnɑ́ŋ nǔu ɡúŋ-pɔ́ yɑ́ɑ yi tʉʉ, tɛ ńdɑ́Ꞌ ŋ́kúu ŋkɑ́ yi mɔ fɛn ɡɑŋmbuu pú mbɔ̌ wu, tɛ ɔ tík mɛku mú tú pɔ́p.»

ŊwɑꞋnɛ-Gɑŋntúu Yɛ́su Kɛlístɔ 1:16

«Pɔ́ɔpɛ́mɑ́, ɛ́ ḿbɔ́ ḿbíkŋɛ ŋɡɔ yúu minɛ Zẅikŋɛ Lɛ́ɛnɛ́nɛ kɑ lɔknɛ ntsu-fɔɔ Ndɑvît ḿbʉ́, pɛ́ ŋwɑꞋnɛ tsɛt ŋwɑꞋnɛ-Sɛ́ puutɛ. Ɛ́ nu yí ɑ kɑ zɑ́Ꞌnɛ njí ńcú ntɛ́ Jẅidɑ ẅí jʉ́ kɛ́nɛ ńcẅɛt ńnyɛt ndúŋ lɑ pɛ́ ɡẅɛɛ Yɛ́su.»

ŊwɑꞋnɛ-Gɑŋntúu Yɛ́su Kɛlístɔ 8:29

Zẅikŋɛ-Sɛ́ cú mbɔ̌ Filîp ŋɡɔ: «Nɑ́ɑnɛ kɑ́lɛ́k ẅí.»

Ɛ́bɛlʉʉ 10:15

Yúu mi Zẅikŋɛ Lɛ́ɛnɛ́nɛ pɛn ḿbɔ́ ɛ́sẅíi wɛkŋɛ ŋɡɔ ɛ́ nu nɛ́nẅín. Ɛ́ piitɛ ńcú ŋɡɔ: