Ɛ́bɛlʉʉ 12:14 - Kɑɑ Fí

¹⁴ Pʉʉ lɔɔ pɑ́Ꞌ pʉʉ pɛ́ pʉɔ tsʉʉ ɡʉ ńnɑ́ŋ nɛ́ mbɔ́tnɛ. Pʉʉ lɔɔ mbɑ pɑ́Ꞌ pʉʉ ɡʉ ŋ́ɡɛ yúu mi Sɛ́ kɛ́ jʉ́ɔ lɔ́Ꞌ nǔu pɔ́. MbíꞋŋɡɔ ŋu lɑɑ ŋ́ɡɛ yúu mi Sɛ́ ɡʉ jʉ́ɔ lɔ́Ꞌ nǔu, mbɔ ŋɡɑŋ ńdɑ́Ꞌ ńjʉ́ɔ Tsɑpʉɔ pɔ́.

Ɛ́bɛlʉʉ 12:14 Referans Kwoze

2 Kɔlɛ̂ŋtɛ 7:1

Pɔ́ɔpɛ́mɑ́ pɑ́ɑ pɛ́ tʉʉndɛn, pɑ́Ꞌ Sɛ́ kɑ kɑꞋnɛ mɔnɛ mɛnu mbɔ̌ pɛkŋɛ lɑ́, ɛ́ sɛ́ ḿbíkŋɛ ŋɡɔ kwɑꞋ pɛkŋɛ nɛ́ tú yɛkŋɛ kʉ̈ɔ́ mɛnu mi ɛ́ kɑ́ pɔŋ Sɛ́ pɔ́, mi pɛ́ ɡɛ ɡɛnɛ, tɛ mbɑ mi pɛ́ kwɑŋɛ kwɑŋɛ́nɛ, ŋ́kẅiꞋ ńdɔk nɛpɔ́ kɛ́ lɔ́Ꞌ ŋ́ɡʉ nɛ́ mbi tɛ ńdẅiklɛ, ŋ́ɡɔ ŋ́ɡɛ, ḿbɔ́ ḿbɔ́k Sɛ́.

1 Tɛsɑlɔník 4:7

Sɛ́ kɑ zɛɛ mbɔɔ fúŋ wɛkŋɛ ŋɡɔ pɛkŋɛ ɡɛ mɛnu mi ɛ́ ɡẅɛɛnɛ ntsɛ́llɛ́ pɔ́, ɑ kɑ fúŋ wɛkŋɛ ŋɡɔ pɛkŋɛ ɡẅɛɛ pɔ mɑt ẅí ɛ́ wɛ pʉɔ pɛ́.

1 Pyɛ̂ 3:11

Ɛ́ pɔŋ ŋɡɔ ɑ lʉ́ɔꞋ nu kɛpɔŋ, ŋ́ɡɛ pɔ nu sʉ́Ꞌnɛ, ńdɔɔ mbɔ́tnɛ, ńcʉŋɛ nzʉʉ yɛ́.

Pʉɔ-Lɔ́mɑ 12:18

Mbɑ yɛ́tɛ́ nu lɑ́ lɑɑ ḿbɔ́ sɛ́, tɛ shʉ́ pɔ́ mbɔ̌ ɡu, ɔ ɡɛ pɔ pɑ́Ꞌ pʉʉ pɛ́ pʉɔ tsʉʉ ɡʉ ńnɑ́ŋ nɛ́ mbɔ́tnɛ.

Pʉɔ-Lɔ́mɑ 14:19

Pɔ́Ꞌɔ lɑ́, pɛkŋɛ lɔɔ yúu mi ɛ́ ɡʉ ŋ́ɡɛ pɛkŋɛ nɑ́ŋ nɛ́ mɔ́fíitɛ, ḿbɛn ŋ́kẅiꞋ ńtɔ́ɔtɛ mɛmbʉʉ mɛkŋɛ nǔu nɛzɑ́p tʉ́m nǔu Sɛ́.

1 Tɛsɑlɔník 3:13

ḿbɛn ŋ́ɡɛ tʉ́m yʉ́ʉ kɛ́ ḿbɔ́ ńzɑpmɛ pɔ nǔu wɛ́. Lɑ ɛ́ lɑ́Ꞌ lɛ́Ꞌ yi Tsɑpʉɔ wɛkŋɛ Yɛ́su pɔ́p pʉɔ pi ɑ kɑ tsɔ́Ꞌnɛ tɔ́nɛ, pʉʉ tʉ́ʉ mbi Tɑ̌ɑ wɛkŋɛ Sɛ́, ḿbɔ́ ndɛ́ɛnɛ lɛ́ɛnɛ́nɛ, yɛcɔ́ lɔ́Ꞌ yʉ́ʉ pɔɔ pɔ́ ɡú pɔ́.

Pʉɔ-Lɔ́mɑ 6:22

Lɑ́ pɑ́Ꞌ ɛ́ kɛ́ ḿbɛn ḿbɔ́ ŋkɔ̂ɔnɛ, mbɔ Sɛ́ kíɛꞋ ŋkʉ-nu kɛpɔŋ nǔu pʉʉ, pʉʉ tsʉ́Ꞌ pɛkwɑɑ pɛ́ lɑ́, pii yi ɛ́ sɛ́ ńcẅɛt ɛ́ pɑ́Ꞌ Sɛ́ sɛ́ ńcẅɛ́lɛ wʉ́ʉ pʉʉ pɔ́ ŋ́ɡẅɛɛ tsẅɛ́-pʉɔ pɛ́, ɛ́ ɡʉ ŋ́ɡɛ ńtsʉ́Ꞌ nɛmɛkŋɛ pʉʉ ɡẅɛɛ luk kɛ́mɛ,

3 Jɑ̂ŋ 1:11

Súu wɑɑ wɛ tʉʉndɛn, pɑ́ɑ nɛpɛ́ɛ fʉꞋ-nu kɛpɔŋ, pɛ́ɛ pɔ fʉꞋ-nu sʉ́Ꞌnɛ. Ŋu ẅí ɑ ɡɛnɛ nu sʉ́Ꞌnɛ ɑ mɔ́ɔ-Sɛ́, ŋu ẅí ɑ ɡɛnɛ nu kɛpɔŋ ɑ kɑ́ jí Sɛ́ pɔ́,

Ɛ́fɛ̂zɛ 5:5

Pʉʉ jí ŋɡɔ, ŋu mbɛ́ɛnɛ ẅí ɑ fúŋnɛ pɑŋɡɛ́, kɛ mɑŋɡɛ́ ẅí ɑ lɔɔnɛ mbɛ́ɛnɛ ɔɔ, mbɑ ŋu ẅí ɑ ɡɛnɛ mɛnu-ndǔmbí, tɛ mbɑ ŋu ẅí ɑ zɑ́pnɛ tʉ́m yɛ́ nǔu yúu-pʉɔ, wɛcɔ́ wɔp kɛ́ ḿbɔɔ ŋ́ɡẅɛɛ yɛ́ zʉꞋ tsɛt nu-nɛfɔɔ-Kɛlístɔ pɔ́p Sɛ́ pɔ́. Nɛzɑ́p tʉ́m nǔu yúu-pʉɔ, ɛ́ pɔ́ pɔ yɛcɔ́ ntɛ́ nɛɡúꞋlɛ yúu ńdɔk ńcú ŋɡɔ ɛ́ Sɛ́.

Ɛ́bɛlʉʉ 12:10

Pɛtɑ́t pɛkŋɛ pɛ́ ndǔ tsɛ́tsɑ́Ꞌ kɑ pɔ́ ńzɛɛ ŋ́kɑkŋɛ wɛkŋɛ nǔu yɔp ntɛ́, ɛ́ kɑ kɛ́ ḿbɔ́ pɔ nǔu mɔ́ɔ mɔ́ŋkɑ́. Lɑ́ ŋ́ɡʉ nǔu Sɛ́, mbɔ ɑ kɑkŋɛ wɛkŋɛ, ńdɔk ŋ́ɡɛ pɔ kwɑꞋ nu sʉ́Ꞌnɛ nǔu pɛkŋɛ, nɛpɔ́ yi pɛkŋɛ ɡʉ ḿbɔ́ kɛ́ lɔ́Ꞌ pɑ́Ꞌ jʉ́.

1 Timɔtɛ́ɛ 6:11

Ɛ́ kɛ́ ŋ́ɡʉ nǔu ɡu ẅí ɔ ŋu-Sɛ́, pɔ́ ŋ́kʉɔ mîmɑ́ mɛnu kɛpɔŋ, ḿbɔ́ ɛ́sɑ́Ꞌ tʉʉ ŋ́ɡɛ pɔ mɛnu mi ɛ́ tʉ́ʉnɛ ndʉ́ŋndʉŋ, ḿbɛn ḿbɔ́ yúu mi ɛ́ pɔŋnɛ Sɛ́, ḿbɔ́ ńzɑ́p tʉ́m yú pɔ nǔu wɛ́, ḿbɔ́ ŋ́kɔŋ ŋumɛsɔŋ, ḿbɔ́ ńtɛntɛ tɛntɛnɛ nzʉʉ Sɛ́, ńtʉ́ʉ nǔu yɛ́tɛ́ nu ɔɔ, ḿbɔ́tnɛ pɔ́tnɛ́nɛ.

1 Pyɛ̂ 3:13

Pʉʉ lɑɑ ńníꞋ tú ŋ́ɡɛ pɔ nu sʉ́Ꞌnɛ, mbɔ wɔ̌ ɡʉ ŋ́ɡɛ nu kɛpɔŋ nǔu pʉʉ?

Mɑ́lɛ́kúshi 9:50

Ŋɡwɑ́ŋ sɛ́ ḿbɔ́ yúu sʉ́Ꞌnɛ lɑ́, ɛ́ lɑɑ ḿbɔ́ tɛ ḿbɔɔ ḿbɛ́t ńdʉʉ pɔ́ pɛ́ pɛn ńdɔk kʉ̈ɔ́ ŋ́ɡɛ lɑ́ ɛ́ pɛn ńdʉʉ? Ɛ́ pɔŋ ŋɡɔ kwɑꞋ ŋɡwɑ́ŋ sʉ́Ꞌnɛ pɔ́ lɔ́ŋ pʉʉ, pɔ́Ꞌɔ, mbɔ́tnɛ pɔ́ tsɛtsɛt pʉʉ.

2 Pyɛ̂ 3:11

Pɑ́Ꞌ yúu ɛ̂pɑ́ ɡʉ ŋ́ɡɛ ḿmɛ lɑɑ, ɛ́ lɔk ɛ́sẅíi wʉ́ʉ nɛ́ ntɛ́ yi ɛ́ pɔ́ŋnɛ ŋɡɔ pʉʉ nɑ́ŋ pɔ́Ꞌɔ. Ɛ́ sɛ́ ḿbíkŋɛ ŋɡɔ pʉʉ nɑ́ŋ pɔ nǔu ntɛ́ yi Sɛ́ sɛ́ ŋ́kɔŋ, ńjí pɔ ndɑꞋ wɛ́,

1 Kɔlɛ̂ŋtɛ 1:10

Pɔ́ɔpɛ́mɑ́, n dɔk lík-Tsɑpʉɔ wɛkŋɛ Yɛ́su Kɛlístɔ ńcú mbɔ̌ pʉʉ ŋɡɔ: «Pʉʉ ɡẅɛɛ tɑ́Ꞌ ntsu, ŋɡɔ kɔɔ fɑkŋɛ pɔ́ tsɛtsɛt pʉʉ, ŋɡɔ pʉʉ ɡẅɛɛ tɑ́Ꞌ ntɛ́ nɛsɑ́ŋ nu, ŋ́ɡẅɛɛ tɑ́Ꞌ kwɑŋɛ.

Lúkɑ́shi 1:75

Pɔ́p tsʉ́Ꞌ pʉɔ pɛ́, ŋ́ɡɛ pɔ wɛ nɛkɔŋ nǔu mɛŋɡɔŋ mɛlɛ́Ꞌ lɑ́Ꞌ mɔ́p ndǔ tsɛ́tsɑ́Ꞌ.»

2 Timɔtɛ́ɛ 2:22

Kʉɔ mɛyúu kɛpɔŋ mi ŋɡwɑsuu tsɑ́ɑnɛ nɛɡɛ. Pʉʉ pɛ pʉɔ pi pɔ́p fúŋnɛ Tsɑpʉɔ nɛ́ tʉ́m lɛ́ɛnɛ́nɛ lɔɔ nu yi ɛ́ tʉ́ʉnɛ ndʉ́ŋndʉŋ, ńzɑ́p tʉ́m nǔu Sɛ́, ŋ́kɔŋ pʉɔmɛsɔŋ, ńnɑ́ŋ nɛ́ mbɔ́tnɛ.

1 Tɛsɑlɔník 5:15

Pʉʉ pɑ́ɑ nɛlɔk nu kɛpɔŋ ḿbɑꞋ nu kɛpɔŋ. Pʉʉ ɡɛ pɔ nu sʉ́Ꞌnɛ tsɛtsɛt pʉʉ kɛ́ tɔŋ.

2 Pyɛ̂ 3:18

Pʉʉ lɔk pɔ pɑ́Ꞌ pʉʉ sɛ́ ńjí Yɛ́su Kɛlístɔ, Tsɑpʉɔ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk, ńdɔk ŋ́ɡʉ nɛ́ mbi, ńjí ŋɡɔ ɑ ɡʉ kẅiꞋ ŋ́ɡɑ́ fuꞋ yʉ́ʉ, ɛ́ pɔ́ mbɔ̌ pʉʉ. NɛɡúꞋ pɔ́ mbɔ̌ wɛ́ tɛ ɛ́fú ŋkɔ̂ɔnɛ, ɛ́ ńdɑ́Ꞌ ḿbɔ́ pɔ pɔ́Ꞌɔ! Ɛ́ pɔ́Ꞌɔ.

Filipɛ 3:12

Ḿbɔ́ m bɔɔ cú ŋɡɔ ŋ ɡʉ mɔ́ tɛ ŋ́kúu pɔ́. Ḿbɔ́ m bɔɔ cú ŋɡɔ mɔ ndʉ́ŋndʉŋ pɔ́. M bɛ́t sɛ̂ndúŋ, ŋ́kʉɔ ndʉ́ɔlɛ́, ńtsɑ́ɑ nɛjʉ́ ndʉ́ɔlɛ́ ɛ̂yɑ́, mbíꞋŋɡɔ Yɛ́su Kɛlístɔ kɑ kɛ́mɔ́ ńtík pɔ́ nǔu mɔ.

2 Kɔlɛ̂ŋtɛ 6:17

Ɛ́ yúu mi ɛ́ ɡɛ jʉ́ Tsɑpʉɔ cú ŋɡɔ: Pʉʉ fú tsɛtsɛt pɔ́p ńcẅɛt, ɛ́fɑk yʉʉ mbʉʉ, Kɔɔ pʉʉ ɡẅɛɛ yúu mi lɔ́Ꞌ nǔu, Mɔ, m bɛn ŋ́kɛ́ ŋ́kúkŋɛ wʉ́ʉ.

1 Kɔlɛ̂ŋtɛ 13:12

Ɛ́ ŋkɔ̂ɔnɛ pɛkŋɛ sɛ́ ńjʉ́ɔ yúu ɛ́ tɑtɛ tɑtɛnɛ pɑꞋ ŋkɑ́ yi pɛkŋɛ jʉ́ɔ tsɛt ndɛn jʉ́ɔshʉ́ lɑ́. Ɛ́ ɡʉ ńdɑ́Ꞌ yɛcɔ́ ŋkɑ́ pɛkŋɛ ńtsuŋ ńjʉ́ɔ, ɛ́ pɔ́ mbi pɛkŋɛ. Nǔu ŋkɔ̂ɔnɛ ŋ kɑ́ jí yúu tsʉʉ pɔ́, lɑ́ ŋ ɡʉ ńdɑ́Ꞌ yɛcɔ́ ŋkɑ́ ńjí yúu nǔu ntɛ́ yi Sɛ́ sɛ́ ńjí wɑ́ɑ ŋkɔ̂ɔnɛ.

Ŋɡɑlɑ̂t 3:21

Pɑ́Ꞌ ɛ́ pɑ́Ꞌnɛ lɑɑ ɛ́ lɔk ḿbɔ́ ŋɡɔ nɛpʉ́ʉ-Sɛ́ kɑ pík yúu mi ɑ kɑ kɑꞋnɛ kíi? Ŋɡɑ́ŋ ɛ́ kɑ́ pɔ́ pɔ́Ꞌɔ pɔ́. Ɛ́ kɑ pɔ́ pɛ́Ꞌnɛ ḿbɔ́ nu nǔu nɛcɔ́ nɛpʉ́ʉ ni mbɔ ɛ́ ɡɛ pʉɔmɛsɔŋ pɔ́ ɡú, mbɔ ɛ́ lɑɑ ḿbɔ́ ŋu lɔk pɑ́Ꞌ ɑ ɡẅɛɛnɛ nɛpʉ́ʉ, ŋ́kuꞋ ŋu ẅí ɑ mbi Sɛ́ ḿbɔ́ ndʉ́ŋndʉŋ.

Ɛ́bɛlʉʉ 9:28

ɛ́ ndʉ́ŋndʉŋ pɑ́Ꞌ ɑ kɑ ɡɛ Kɛlístɔ lɔk túmbʉʉ yɛ́, ńnɔŋ pɔꞋ pɔ tɑ́Ꞌ ŋkɑ́, nɛlɔk ńjɛ́p mɛnu kɛpɔŋ pʉɔ tɛ ńzɑ́ɑ. A ɡʉ ŋ́ɡɛ ḿbɛn ńcẅɛt nǔu mbɑ́ɑtɛ yɛ́pɑ́. A pɔɔ pɛn ńtɔ́ ŋkɑ́ yîyɑ́ nɛjɛ́p mɛnu kɛpɔŋ-pʉɔmɛsɔŋ pɔ́. A tɔ́ pɔ́Ꞌɔ, nɛɡɛ pʉɔ pi pɔ́p sɛ́ ńzẅíꞋlɛ wɛ́ luk.