Ɛ́bɛlʉʉ 11:35 - Kɑɑ Fí

³⁵ Ɛ́ kɑ fú pɔ nǔu pɑ́Ꞌ pɛcɔ́ pɑŋɡɛ́ kɑ zɑ́pnɛ tʉ́m yɔ́p nǔu Sɛ́, pʉɔ pɔ́p pi pɔ́p kɑ pfúnɛ, zẅímɛ tɛ pɔ́p pɛpɔ́p pɛn ńnɑ́ŋ. Lɑ́ ɛ́ ɡʉ nǔu pɛcɔ́ pʉɔ, pɛ́ ɡɛ pɔ ŋɡɔ́ku nǔu pɔ́p ɔɔ, pɔ́p pɔɔ ńnɑ́ nɛzɑ́p tʉ́m nǔu Sɛ́ pɔ́, ńjí ŋɡɔ pɛ́ ŋ́ɡɛ ńnɑ́. Ɛ́ kɑ pɔ́ mbɔ̌ pɔ́p, mbii pɔ́ pɑ́Ꞌ pɔ́p ɡʉ ḿpfú, ńjí ŋɡɔ Sɛ́ ɡʉ ŋ́ɡɛ zẅíimɛ wɔ́p,

Ɛ́bɛlʉʉ 11:35 Referans Kwoze

Filipɛ 3:11

nɛpɔ́ yi, ɛ́ lɑɑ ḿbɔɔ pɔ́ pɔ kʉ̈ɔ́ pɔ́, Sɛ́ lɑ́Ꞌ ŋ́ɡɛ n zẅíimɛ yɑ́ɑ nǔu nɛvú pɑ́Ꞌ Kɛlístɔ.

ŊwɑꞋnɛ-Gɑŋntúu Yɛ́su Kɛlístɔ 9:41

Pyɛ̂ ɡẅɛɛ pɔ́ yɛ́, ŋ́ɡɛ ɑ lɔ sɛ́. A ɛ́fúŋ pɑpɛ́m Yɛ́su pɔ́p pɛpfúk, ńnyɛt Tɑpítɑ mbɔ̌ pɔ́p, ɑ pɔ́ sʉ́Ꞌnɛ.

ŊwɑꞋnɛ-Gɑŋntúu Yɛ́su Kɛlístɔ 24:15

Ɛ́ lɛɛ pɔ́Ꞌɔ, yɛcɔ́ yúu pɔ́ ɡú yi mɔ sɛ́ ńzẅíꞋlɛ. Tɛ mbɑ pʉɔ pi pɔ́p fɛnnɛ wɑ́ɑ lɑ́ pɛn ḿbɔ́ ńzẅíꞋlɛ yɔ́p pɔ yɛ́tɛ́. Ɛ́ pɔ́ ŋɡɔ Sɛ́ ɡʉ ńdɑ́Ꞌ ńzẅíimɛ pʉɔ pi pɔ́p kɑ ɡɛnɛ nu ndʉ́ŋndʉŋ, tɛ mbɑ pʉɔ pi pɔ́p ŋ́kɑɑ ɡɛ pɔ́Ꞌɔ pɔ́ tsʉʉ.

1 Kɔlɛ̂ŋtɛ 15:54

Ɛ́ ɡʉ ńdɑ́Ꞌ ḿbɔ́ tɛ yɔ mbʉʉ yi ɛ́ pfúnɛ ńdʉ̈ɔ́ lɑɑ, shɔtnɛ ńtsʉ́Ꞌ yi ɛ́ kɛ́ pɛn ḿpfú pɔ́, ŋ́kɛ́ ḿbɔɔ pɛn ńdʉ̈ɔ́ pɔ́, sẅiŋɛ yi pɛ́ kɑ ŋwɑꞋnɛnɛ tsɛt ŋwɑꞋnɛ-Sɛ́ lɔk ḿbuutɛ. Pɛ́ kɑ ŋwɑꞋnɛ ŋɡɔ, nɛvú kɑ́ pɛn ḿbɔ́ ɡú pɔ́, pɛ́ mɑꞋ wɛ́ tɛ ńjʉ́ wɛ́.

ŊwɑꞋnɛ-Gɑŋntúu Yɛ́su Kɛlístɔ 23:6

Pɔ̂l pɔ́ ńjí ŋɡɔ ɛ́ tsɛtsɛt pʉɔ pinɛ pɔ́p sɛ́ ŋ́ŋɑk ntsɑŋ yɛ́, pɛcɔ́ pʉɔ pɔ́ pɑsɑdukɑy, pɛcɔ́ pɔ́ pɑfɑlísɑy, ŋ́ɡɔ́ɔ ŋ́kɛ́ ńtʉ́ʉ mbi pɔ́p ńdɔk ŋɡi tɛnnɛ ńcú ŋɡɔ: «Pɔ́ɔpɛ́mɑ́ pɑ́ɑ, mɔ ŋu-fɑlísɑy. Mbɑ tɑ̌ɑ mɔ kɑ pɔ́ ŋu-fɑlísɑy. Mɔ sɛ́ ḿbyɛ́p lɛ́Ꞌ yi pɛpfú ɡʉ ńdɑ́Ꞌ zẅíimɛ nǔu nɛvú. Pɛ́ zɑꞋnɛ ŋ́ŋɑk wɑ́ɑ pɑ́Ꞌɑ ntɛ́ pɔ yîyɑ́ nu.»

ŊwɑꞋnɛ-Gɑŋntúu Yɛ́su Kɛlístɔ 22:29

Pʉɔ pi pɔ́p lɑ́Ꞌnɛ ńtʉ́ʉ nɛtswɑ́ɑ Pɔ̂l, nɛlɔk ŋ́ɡɛ ɑ cú nu, fú nɛjɔ́ŋ wɛ́ ŋ́kʉɔ. Tɑ́tndɑ́-pɛtɑ́tndɑ́-ntsɔ jí ŋɡɔ ɑ lɑ́Ꞌ ɛ́fɑɑnɛ nɛɡɛ pɛ́ kút mɔ́ɔ-lɑ́Ꞌ-Lɔ́mɑ nɛ́ mɛcɛ̂n, tʉ́ʉ ńtsʉ́Ꞌ ḿbɔ́k pɔ́knɛ.

ŊwɑꞋnɛ-Gɑŋntúu Yɛ́su Kɛlístɔ 4:19

Lɑ́ Pyɛ̂ pɔ́p Jɑ̂ŋ tsɔ́Ꞌ mbɔ̌ pɔ́p ŋɡɔ: «Yúu mi Sɛ́ sɛ́ ŋ́kɔŋ pɔ́ ŋɡɔ pɛ́ zúꞋ pɔ ntsu wʉ́ʉ kɛ wɛ́? Pʉʉ jʉ́ɔ yʉ́ʉ ŋɡɔ kʉ̈ɔ́?

Jɑ̂ŋ 5:29

ŋ́ɡɔ́ɔ ŋ́kɛ́ ɛ́fú tsɛt mɛshi ńcẅɛt. Pʉɔ pínɛ pɔ́p kɑ pɔ́ ŋ́ɡɛ nu sʉ́Ꞌnɛ zẅíimɛ nǔu nɛvú ńcẅɛ́ɛ kwɑꞋ luk, lɑ́ pʉɔ pínɛ pɔ́p kɑ pɔ́ ŋ́ɡɛ nu kɛpɔŋ zẅíimɛ ḿvu ntsɑŋ.»

Lúkɑ́shi 14:14

Ɔ lɑɑ ŋ́ɡɛ pɔ́Ꞌɔ, mbɔ ɔ pɔ́ttú, mbíꞋŋɡɔ ɛ́ lɑɑ ḿbɔ́ pɔ́p pɔɔ tsɔ́Ꞌ sʉ́Ꞌ wú pɔ́, pɔ́Ꞌɔ, Sɛ́ lɑ́Ꞌ ńtsɔ́Ꞌ fɑꞋ yú, ŋkɑ́ yi pʉɔ pɛ́ ɡɛ ńdɑ́Ꞌ zẅíimɛ nǔu nɛvú.»

Mɑ́lɛ́kúshi 12:25

Pʉʉ jí ŋɡɔ pɛ́ ɡʉ ńdɑ́Ꞌ ńzẅíimɛ nǔu nɛvú, mbɛ́ɛnɛ mbɑ pɑŋɡɛ́ pɔɔ pɛn ńzɔ́Ꞌ pɔ́. Pɔ́p tsʉꞋ ḿbɔ́ pɔ pɑꞋ pɛcʉ̈ɔ́Ꞌ-Sɛ́ pi pɔ́p tʉ́nɛ́pú.

Mɑtʉ̈ɔ 22:30

Pʉʉ zɛɛ ńjí ŋɡɔ: «Ŋkɑ́ yi pɛpfú ɡʉ ŋ́ɡɛ ńzẅíimɛ lɑ́, mbɛ́ɛnɛ nɛ́ pɑŋɡɛ́ pɔɔ pɛn ńzɔ́Ꞌ pɔ́. Pɔ́p ɡʉ ŋ́ɡɛ ńtsʉ́Ꞌ ńnɑ́ŋ yɔ́p pɔ pɑ́Ꞌ pɛcʉ̈ɔ́Ꞌ-Sɛ́ tʉ́nɛ́pú lɑ́,»

Lúkɑ́shi 20:36

Ńzɛ ŋ́ɡɔ ḿbɔ́ pɔ́p pɔ́ɔ ŋ́ɡʉ ḿbɛn ŋ́ɡɛ ḿpfú pɔ́. Pɔ́p tsʉ́Ꞌ ḿbɔ́ pɔ pɑꞋ pɛcʉ̈ɔ́Ꞌ-Sɛ́ lɑ́, ńtsʉ́Ꞌ pɔ́-Sɛ́, mbíꞌŋɡɔ Sɛ́ cẅɛ́ɛ wɔ́p mbɔ̌ nɛvú.