Ɛ́bɛlʉʉ 11:19 - Kɑɑ Fí

¹⁹ Lɑ́ Ábɛlɛhɑ̂m tʉ́ʉ nɛlɔk wɛ́ ńnɔŋ pɔꞋ, mbíꞋŋɡɔ ɑ kɑ pɔ́ ńjí tsɛt tʉ́m yɛ́ ŋɡɔ, Sɛ́ kuꞋ mbɑ nɛzẅíimɛ ŋu ẅí ɑ pfúnɛ. Ɛ́ yúu mi ɛ́ kɑ ɡɛnɛ Sɛ́ pɛn mɔ́ɔ nɛ mbɔ̌ wɛ́, tɛ ɛ́ tsʉ́Ꞌ ḿbɔ́ pɔ pɑ́Ꞌ ŋkɑ́ yi mɔ́ɔ zẅíimɛ nǔu nɛvú lɑ́, ńdɔk pɔ́Ꞌɔ, ńzɑ́Ꞌ njí ńnyɛt fʉꞋ nu.

Ɛ́bɛlʉʉ 11:19 Referans Kwoze

Mɑtʉ̈ɔ 9:28

A ɡʉ tɛ ŋ́kúu ndɑ́, pɛfʉmík pɑ́ tɔ́ ŋ́kẅɛ́ɛtɛ wɛ́, ɑ píkŋɛ wɔ́p ŋɡɔ: «Pʉʉ kwɑŋɛ ŋɡɔ ɛ́ lɑɑ ḿbɔ́ ŋ ɡɛ yúu mi pʉʉ píkŋɛnɛ lɑɑ?» Pɔ́p ɡɔ: «Ɔ́ɔŋ mbɑ̌ɑ Tsɑpʉɔ ɔ kuꞋ nɛɡɛ.»

Ɛ́fɛ̂zɛ 3:20

Jʉ́ Sɛ́, kuꞋ nɛɡɛ mbɑ kʉ̈ɔ́ lɑ́ nǔu pɛkŋɛ, ŋ́ɡɛ tɛ ńtsuŋ ńdɛɛ pɑ́Ꞌ pɛkŋɛ sɛ́ ńdɔ́ɔ, mbɑ pɑ́Ꞌ pɛkŋɛ sɛ́ ŋ́kwɑŋɛ. A ɡɔ́ ŋ́ɡɛ ńdɔk pɔ mɛtʉʉ mɛ́ mi ɛ́ fɑꞋnɛ tsɛt mɛtʉ́m mɛkŋɛ.

Ɛ́bɛlʉʉ 9:24

Kɛlístɔ kɑ zɛɛ ḿbɔɔ kúu tsɛt zʉꞋ yi pɛ́ nɔŋnɛ pɔꞋ zúꞋu, ɛ́ pɔ́ yi pʉɔmɛsɔŋ kɑ lɔknɛ mbɔ́ mɔ́p ńniitɛ ńdɔk ɛ́fʉꞋ kwɑꞋ yîyɑ́ yi ɛ́ tʉ́nɛ́pú pɔ́. A kɑ kúu pɔ kwɑꞋ tʉ́nɛ́pú, lɑ́ ɑ ŋkɔ̂ɔnɛ ńdɔk yɛkŋɛ nu ḿbɔ́ nɛjɔ́ŋ Sɛ́.

Pʉɔ-Lɔ́mɑ 5:14

Tɛ mbɑ pɔ́Ꞌɔ, ɛ́fú nǔu ŋkɑ́-Adɑm ŋ́ɡʉ ŋ́kúu nǔu ŋkɑ́-Mɔ̌sɛ̂ɛ, nɛvú ɡẅɛɛ pʉɔmɛsɔŋ ŋ́ɡẅɛɛ mbɑ pi pɔ́p ŋkɑɑ ɡɛ nu kɛpɔŋ pɑ́Ꞌ Ádɑm ẅí ɑ kɑ fɑɑnɛ́nɛ nɛpʉ́ʉ ni Sɛ́ kɑ ɡɑ́nɛ mbɔ̌ wɛ́ pɔ́. Nu-Ádɑm fí yɛ́ ŋu ẅí ɑ kɑ pɔ́ ŋ́ɡʉ lɑ ńdɑ́Ꞌ ńtɔ́.

Mɑtʉ̈ɔ 12:36

Ɛ sẅíi wʉ́ʉ: «Ɛ́ ɡʉ ńdɑ́Ꞌ lɛ́Ꞌ yi Sɛ́ ńzɑ́Ꞌ mɛtsɑŋ-pʉɔmɛsɔŋ, ẅîwɑ́ ŋu ɡẅɛɛ nɛpɛ́ɛtɛ mɛɡɛɡʉʉ sẅiŋɛ mí ɛ́ kɑ cẅɛtnɛ ntsu wɛ́.

Ɛ́bɛlʉʉ 9:9

Ɛ́ mbɔ̌ pɛkŋɛ nǔu ŋkɔ̂ɔnɛ ḿbɔ́ lii yi pɛ́ lɔknɛ nyɛt wɛkŋɛ nɛ nu. Yîyɑ́ nu pɔ́ ŋɡɔ: Yúu mi pɛ́ ɡɑ́nɛ mbɔ̌ Sɛ́ pɔ́p pɔꞋ ẅi pɛ́ nɔŋnɛ mbi yɛ́, ḿbɔ́ ɛ́ pɔɔ ɡɛ tɛ tʉ́m-ŋu ẅí ɑ ɡúꞋlɛ́nɛ Sɛ́ nǔu yîyɑ́ ntɛ́, kɛ́ ḿbɛ́t ḿbɔ́ ŋ́ŋɑk wɛ́ ŋɑknɛ pɔ́.