Ɛ́bɛlʉʉ 10:35 - Kɑɑ Fí

³⁵ Pɔ́Ꞌɔ lɑ́, Kɔɔ pʉʉ kɑ́ɑ nɛzɑ́p tʉ́m nǔu Sɛ́, mbíꞋŋɡɔ mɑ́mɑ́ tsɔ́ꞋfɑꞋ nǔu.

Ɛ́bɛlʉʉ 10:35 Referans Kwoze

1 Kɔlɛ̂ŋtɛ 15:58

Pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ ɛ́ pɔ́Ꞌɔ lɑ́, pʉʉ tɛntɛ tɛntɛnɛ, kɔɔ ŋu cʉɔꞌ, pʉʉ kẅiꞋ ɛ́fɑꞋ mɛfɑꞋ-Tsɑpʉɔ ńdɔk ŋ́ɡʉ pɔ nɛ́ mbi, ŋ́ɡɔ ɛ́fɑꞋ ḿbɔ́ ńjí ŋɡɔ fɑꞋ yi pʉʉ fɑꞋnɛ, mbíꞋ ŋɡɔ pʉʉ pʉɔ-Tsɑpʉɔ lɑ́, kɛ́ ɡɛ ńdɛɛ níinɛ pɔ́.

Ɛ́bɛlʉʉ 3:6

Lɑ́ ɛ́ ɡʉ nǔu Kɛlístɔ, ɑ jí yɛ́ pɔ ndɑꞋ yúu mi Sɛ́ kɑ cúnɛ ŋɡɔ ɛ́ ŋ́ɡɛ mbɔ́ ɡú, ḿbɔ́ mɔ́ɔ-ndɑ́, ẅí pɛ́ kɑ tíknɛ wɛ́ pɑ́Ꞌ ɑ ɡʉ ɛ́sɑ́Ꞌ pʉɔ-Sɛ́. Pʉɔ-Sɛ́ lɔk ḿbɔ́ pɔ wɛkŋɛ, pɑ́Ꞌ pɛkŋɛ lɑɑ ŋ́kúꞋlɛ yúu mi pɛkŋɛ kɑ pɛ́mnɛ tɛ pɛkŋɛ pɔɔ ḿmʉꞋlɛ, ḿbɛn ńnɑ́ŋ ḿbɔ́ ńdɔk pɔ kɑꞋmɛ ńzẅíꞋlɛ yúu mi Sɛ́ kɑ kɑꞋnɛ mbɔ̌ pɛkŋɛ.

Lúkɑ́shi 14:14

Ɔ lɑɑ ŋ́ɡɛ pɔ́Ꞌɔ, mbɔ ɔ pɔ́ttú, mbíꞋŋɡɔ ɛ́ lɑɑ ḿbɔ́ pɔ́p pɔɔ tsɔ́Ꞌ sʉ́Ꞌ wú pɔ́, pɔ́Ꞌɔ, Sɛ́ lɑ́Ꞌ ńtsɔ́Ꞌ fɑꞋ yú, ŋkɑ́ yi pʉɔ pɛ́ ɡɛ ńdɑ́Ꞌ zẅíimɛ nǔu nɛvú.»

Ɛ́bɛlʉʉ 11:26

A kɑ pɔ́ ńjʉ́ɔ ŋɡɔ pɛ́ lɑɑ ŋ́ɡwɑ́k wɛ́ pɑ́Ꞌ pɛ́ kɑ ɡɛnɛ ŋ́ɡwɑ́k Nzɑ́Ꞌŋkʉ, mbɔ ɛ́ ɡʉ ḿbɔ́ mbɔ̌ wɛ́ ḿbɔŋ ńdɛɛ fuꞋ yi ɛ́ Ɛ́ɡíptɔ, mbíꞋŋɡɔ mík mɛ́ kɑ tʉ́ʉ pɔ nǔu tsɔ́Ꞌ fɑꞋ yi ɑ ɡʉ ńdɑ́Ꞌ ŋ́ɡẅɛɛ.

Mɑtʉ̈ɔ 5:12

Pʉʉ tsɑ́ɑtɛ ńzɔp ńnʉŋ, mbíꞋŋɡɔ Sɛ́ niitɛ mɑ́mɑ́ tsɔ́ꞋfɑꞋ ḿbɔ́ ńdɔk ńzẅíꞋlɛ wʉ́ʉ tʉ́ nɛpú. Pʉʉ zɛɛ ńjí ŋɡɔ ɛ́ pɛn ḿbɔ́ pɔ ndʉ́ŋndʉŋ pɑ́Ꞌ, pɛ́ kɑ zɑ́Ꞌnɛ ku-pɛŋɡɛ́mndʉ̈ɔ́Ꞌ-Sɛ́ pinɛ pɔ́p kɑ piitɛnɛ ńtɔ́ lɑ́ pʉʉ tɔ́.

Ɛ́bɛlʉʉ 4:14

Pɑ́Ꞌ pɛkŋɛ ɡẅɛɛnɛ tɑ́Ꞌ NɔŋpɔꞋ wɛ ɡwɛ́ ẅí ɑ kwɑꞋ ẅîwɑ́ lɑ́, ẅi ɑ kɑ ɡʉnɛ tɛ ŋ́kúu nɛjɔ́ŋ Sɛ́ ntɛ́ wɛkŋɛ lɑ́, ɑ pɔ́ Yɛ́su, ḿbɔ́ mɔ́ɔ-Sɛ́ lɑ́, pɛkŋɛ kúꞋlɛ nu yi pɛ́ kɑ sẅíinɛ wɛkŋɛ, pɛkŋɛ zɑ́p tʉ́m nǔu, ḿbɛn ḿbɔ́ ɛ́sẅíi yîyɑ́ nu mbɔ̌ pɛcɔ́ pʉɔ.

Ɛ́bɛlʉʉ 3:14

Pɛkŋɛ pɛ́ Kɛlístɔ zɛɛ ńtsʉ́Ꞌ ńtɛmtɛ ḿbɔ́ pɔ nǔu tɑ́Ꞌ nu, lɑ́ ɛ́ sɛ́ ḿbíkŋɛ tɑ́Ꞌ yúu wɛ́mɔ́Ꞌ, ɛ́ pɔ́ nɛkúꞋlɛ yúu mi pɛ́ kɑ sẅíinɛ wɛkŋɛ lɑ́ pɛkŋɛ zɑ́p tʉ́m nǔu Sɛ́, ŋ́kúꞋlɛ kúꞋlɛ́nɛ tɛ ńdɑ́Ꞌ ŋ́kúu nǔu ndẅiknzʉʉ lɛ́Ꞌ.

Mɑtʉ̈ɔ 10:32

Jínɛ ŋɡɔ ŋu lɑɑ ńcú mbi lɑ́Ꞌ ŋɡɔ: «ɑ ŋu wɑɑ.» Mbɔ ŋ ɡʉ ńdɑ́Ꞌ ńcú yɑ́ɑ mbi Tɑ̌ɑ mɔ ẅí ɑ tʉ́nɛ́pú ŋɡɔ: «Ŋu wɑ́ wɑɑ ŋu.»

Mɑtʉ̈ɔ 10:42

Mɔ ɛ́sẅíi wʉ́ʉ, kwɑꞋ nɛ́nẅín, ŋu ɡɑ́ pɔ ndɑꞋ ntúꞋ-ŋki ẅí ɛ́ sɛ́ ŋ́ɡẅɛɛ mbɔ̌ mɔ́yúu mɔ́ɔ, ńdɔk pɑ́Ꞌ ẅîwɑ́ mɔ́ɔ ŋɡɑŋku wɑɑ ŋ́ɡɑ́, mbɔ yɛ́ tsɔ́ꞋfɑꞋ ŋ́ɡʉ ńdɑ́Ꞌ ḿbɛ́ pɔ́.

Ɛ́bɛlʉʉ 2:2

pɛkŋɛ sɛ́ ńjí ŋɡɔ, nu yi cʉ̈ɔ́Ꞌ-Sɛ́ kɑ lɔknɛ ńtɔ́ ŋkɑ́mbi, ɛ́ ŋkɑɑ mɔ́ncɛꞋ nu pɔ́. Mbɑ wɔ̌ lɑ́ ẅi ɑ kɑ pɔ́ ɛ́fɑɑnɛ yîyɑ́ nu, ńtʉʉ tú nǔu, Sɛ́ kɑ pɔ́ ńníꞋ ŋɡʉ̈ɔ́Ꞌ nǔu wɛ́ pɔ pɑ́Ꞌ ɛ́ sɛ́ ḿbíkŋɛ.

Ɛ́fɛ̂zɛ 3:12

Pɑ́Ꞌ pɛkŋɛ lɑtnɛ mbʉʉ, ḿbɛn ḿbɔ́ ńzɑ́p tʉ́m nǔu jʉ́ Kɛlístɔ lɑ́, pɛkŋɛ ɡẅɛɛ pɑ́Ꞌ mbɔ pɛkŋɛ ɡʉ nɛjɔ́ŋ Sɛ́ tɛ yɛcɔ́ yúu pɔɔ wɛkŋɛ tɔꞋ, pɛkŋɛ kɛ́ ḿbɔɔ pɔ́k.

Ɛ́bɛlʉʉ 10:19

Pɔ́ɔpɛ́mɑ́ pɑ́ɑ, pɑ́Ꞌ ɛ́ pɔ́Ꞌɔ lɑ́, pɛkŋɛ ŋkɔ̂ɔnɛ, ńtsuŋ ḿbɔ́ ńjí sʉ́Ꞌnɛ ŋɡɔ yɛcɔ́ yúu kɑ́ pɔ́ ńtɔꞋ wɛkŋɛ nɛlɛɛ ŋ́kúu nǔu kwɑꞋ zʉꞋ-Sɛ́ pɔ́, pɔ́Ꞌɔ, ńdɛɛtɛ nǔu pɑ́Ꞌ Yɛ́su kɑ tswɛtnɛ mɛci mɛ́.

2 Jɑ̂ŋ 1:8

Pʉʉ lɑk tú yʉ́ʉ ḿbɔ́k pɑ́Ꞌ mbɔ pii yi pʉʉ kɑ jʉ́nɛ nǔu fɑꞋ yɛ́k lɛɛ níinɛ. Pʉʉ sɑ́Ꞌ pɔ tʉʉ, ŋ́ɡɛ ńcẅɛ́ɛ tsɔ́ꞋfɑꞋ yʉ́ʉ pɔ tsʉʉ.